قىران: ھالىڭغا يەتكەيمەن ئاق بويلۇق قوزام [ئۇلانما كۆچۈرۈش]

ھالىڭغا يەتكەيمەن ئاق بويلۇق قوزام

تەلمۈرۈپ كۈتتۈڭ مېنى، كۈتتۈم دىدار،
كۆزلىرىڭ قان، سەۋدالىقىم بوزلىدى.
چەكلەنگەن سىزىقنى ئويدۇردى شەيتان،
سېنى بېلىق، مېنى تاش تورمۇزلىدى.

چاڭقىدى تىنىقىم، باغرىممۇ چاك-چاك،
بەلكىم، نەمخۇش يايلاقلىرىڭ مۇزلىدى.
ئاق توشقانلار پارنىك  ئىچرە خىرامان،
يامان يولۋاس تاقىر تاغدا گوزلىدى.

مەختۇمنىڭ* قېنىنى ئىچكەن مەلئۇندەك،
دەھشەتلىك پاچاقلار قىسسىمۇ مېنى،
بارغايمەن يۇلتۇزدەك،چولپاندەك،كۈندەك،
دىلى سۇنۇق، تېنى ئالتۇن، دەپ سېنى!

سەندىن ئۆزگە كىمنى سۆيەي، يۆلەي مەن،
ۋەسلىڭنى دەپ بولدۇم تەلۋە ۋە يارام.
تاغلار توزۇپ، قارا تۇپراق ئاققىچە...
ھالىڭغا يەتكەيمەن ئاق بويلۇق قوزام!

ئىپپەت بىباھادۇر

ﮬﯜﺳﻪﻧﺠﺎﻥ ﺭﻭﺯﻯ ﻗﯩﺮﺍن

ﺳﻪﻥ ﻣﻪﻳﻠﻰ ﺧﺎﻧﯩﺶ ﺑﻮﻝ ﯞﻩ ﻳﺎﻛﻰ ﮔﯜﺯﻩﻝ،
ﻣﻪﻥ ﺋﯜﭼﯜﻥ ﺑﻪﺭﯨﺒﯩﺮ ﭼﯩﺮﺍﻳﯩﯔ، ﺗﻪﺧﺘﯩﯔ.
ﺳﻪﻥ ﻣﻪﻳﻠﻰ زەردار ﺑﻮﻝ ﯞﻩ ﻳﺎﻛﻰ ﺳﺎﺋﯩﻞ،
ﻣﻪﻥ ﺋﯜﭼﯜﻥ ﺑﻪﺭﯨﺒﯩﺮ ﺑﺎﻳﻠﯩﻘﯩﯔ، ﻧﻪﺭﻗﯩﯔ.

ﺳﻪﻥ ﺋﯜﭼﯜﻥ ﺑﯩﺮ ﺟﯧﻨﯩﻢ ﻣﯩﯔ ﺟﺎﻧﺪﻩﻙ ﭘﯩﺪﺍ،
ﺑﻮﻻﻱ ﻣﻪﻥ ﭼﯩﻨﺘﯚﻣﯜﺭ، ﺑﻮﻟﺴﯘﻥ ﺳﺎﻗﻠﯩﻘﯩﯔ.
ﻣﻪﻥ ﺋﯜﭼﯜﻥ ﺳﻮﻗﺘﯘﺭﻣﺎ ﺋﺎﻟﻤﺎﺳﺘﯩﻦ ﺋﯜﺯﯛﻙ،
ﻣﻪﻥ ﺋﯜﭼﯜﻥ بىباھا ﺋﯩﭙﭙﻪﺕ-ﭘﺎﻛﻠﯩﻘﯩﯔ!...