ئەڭ ئاخىرقى پەيت ( تەرجىمە ئەسەر ) [ئۇلانما كۆچۈرۈش]

ئەڭ ئاخىرقى پەيت
جۇ خەيلىياڭ
ئابلەھەت باھايىدىن تەرجىمىسى
يىگىت بىلەن قىز تاغقا سەيلە قىلىغىلى چىققىنىدا  ، تۇيۇقسىز قاتتىق يامغۇر يېغىپ كەتتى ، ئۇلار بىر خىلۋەت ئۆڭكۈرگە كىرىپ پاناھلىنىپ، يامغۇرنىڭ توختىشىنى كۈتتى . ئۆڭكۈردە خېلى ئۇزاق تۇرغان  بولسىمۇ ، يامغۇر  توختايدىغاندەك قىلمايتتى ، يامغۇر شامال بىلەن بىرلىشىپ ،پۈتكۈل تاغنى تەۋرىتىۋاتقاندەك تۇيغۇ بېرەتتى ، يىگىت ئەندىشە قىلغان ھالدا قىزغا : << يامغۇر توختايدىغاندەك قىلمايدۇ، شۇنداقتىمۇ قايتىۋېرەيلىمۇ ؟ >> دېدى.
ئۇلار كېچىككەن ئىدى . ئۇلارنىڭ كۆز ئالدى بارا – بارا  قاراڭغۇلىشىپ، ئاخىرى ئۆڭكۈر ئاغزى كۆرۈنمەي قالدى  . قاتتىق يامغۇر تاغ كۆچكۈنى پەيدا قىلغاچقا ، ئۈستىدىن قورام تاشلار چۈشۈپ ئۆڭكۈر ئاغزىنى ئەتمەكتە ئىدى . بىردەمدىلا قاراڭغۇ چۈشتى ، قىز قورقىنىدىن يىگىتنى چىڭ قۇچاقلىۋالدى .
يىگىت قىزنى قورقماسلىققا ئۈندەيتتى.
ئۇلار ئۆڭكۈر ئاغزىدىكى قورام  تاشنى ئېلىۋېتىش ئۈچۈن خېلى ھەپىلەشتى ، لېكىن ئۈنۈمى بولمىدى . قورام  تاشلار توپلىنىپ ، بىر مۇستەھكەم تاش تام ھاسىل قىلماقتا ئىدى . ئۆڭكۈرنىڭ باشقا تەرەپلىرىدە چىقىش ئېغىزى يوق ئىدى . ھېلىمۇ ياخشى ، بىر كىچىك يوچۇقتىن  ئۆڭكۈرنىڭ سىرتىنى كۆرگىلى بولدى .سىرتتا ئۆڭكۈر تېمىنى سۇ يالاپ ئېقىۋاتاتتى ، بۇنى كۆرۈپ يىكىت ئۈمۈدلەندى – دە ،قىزغا :<< ھازىر بىزدە ھاۋا، سۇ يېتەرلىك ،يەنە ئۆڭكۈر سىرتىدىن بىر ئاۋاز ئاڭلىنىۋاتىدۇ ، قورقماڭ>>دېدى .
ئۇلار بىردەم بىردەم يەرگە  چىڭ چاپلىشىپ ، ئاشۇ تار يۇچۇقتىن  يۇقىرى ئاۋازدا قۇتقۇزۇشنى تەلەپ قىلاتتى . ئادەتتىكى بۇ تاغقا دورا كولايدىغانلاردىن  باشقا  ئادەم كۆپ كەلمەيتتى . . ئۇلار توپتوغرا بىر كۈن ۋارقىرىغان بولسىمۇ  ، ئاۋازىنى ھېچكىم ئاڭلىمىدى .
ئەتىسى ئۇلار داۋاملىق قۇتقۇزۇشنى تەلەپ قىلىپ ۋارقىرىغان بولسىمۇ ، يەنىلا ئۈنۈمى بولمىدى  .
ئۇنىڭ ئەتىسىمۇ  شۇنداق بولدى .ئۇلار ئىنتايىن ھالسىزلانغان ئىدى .قىز يىگىتنىڭ قۇچۇقىدا ياتاتتى،قىزنىڭ گەپ قىلغۇدەك  ماجالى قالمىغان ھەم ئۇزاققىچە بەرداشلىق بېرەلمەيدىغاندەكلا قىلاتتى  ، ئەمىلىيەتتە يىگىتمۇ ئۇنىڭغا ئوخشاشلا ئىدى . يىگىت ئاۋالقىدەكلا قۇتقۇزۇشنى تەلەپ قىلاتتى، ئۇنىڭ ئاۋازى تار  كىچىك يۇچۇقتىن چىقىپ تېزلىكتە تاغ ئورمانلىرىغا تارقىلىپ، ئىز دېرەكسىز يوقىلاتتى. ئۇنىڭ كانىيى يىرتىلىپ ،جاۋغىيىدىن قان چىقىۋاتاتتى .
تۆتىنچى كۈنى يىگىت يەنە توپتوغرا بىر كۈن ۋارقىرىدى . .قىز ھۇشسىز  ياتاتتى ، يىگىتنىڭ بۇغۇزىدىن ھېچقانداق سادا چىقمىدى . ئۇ قىزنىڭ يېنىدا ياتاتتى ، ئۇنىڭ ئەمدىلىكتە  ئۆمىلەشكىمۇ قۇربى يەتمەيدىغاندەك قىلاتتى . ئۇنىڭ كۆزى ئاشۇ ئۆڭكۈر يۇچۇقىغا  تىكىلگەن ئىدى، ئۇ ئۆڭكۈر سىرتىدىكى قۇياش نۇرى ۋە ئوت - چۆپلەرنى كۆردى – دە . ي ھاياتلىق ئۈمىدى تۇغۇلغاندەك بولدى، بىراق ئۇنىڭ  ماغدۇر قالمىغان  ئىدى .  بۇ ۋاقىتتا يىگىتكە  ئۆڭكۈر سىرتىدىن  ئاۋاز ئاڭلاندى .
  ئەسلىدە كەنت ئاھالىسىدىن بىرنەچچەيلەن ئۇلارنى ئىزدەپ كەلگەن ئىدى . ئۇلار يىگىت بىلەن قىزنىڭ ئىككى كېچە -  كۈندۈز كەنتكە قايتمىغانلىقىدىن خەۋەر  تېپىپ  ،  ئۇلار  بىرەر پىشكەللىككە يولۇققان بولۇشى مۇمكىن دەپ پەرەز قىلىپ ،ئىزدەپ كېلىشكەن ئىدى . بىراق كەنت ئاھالىلىرى ئۇلارنىڭ تاغقا چىققان -  چىقمىغانلىقىنى بىلمەيتتى .يىگىت بىلەن قىز يولغا چىقىشتىن بۇرۇن ، ھېچكىمگە ئېيتىپ قويمىغان ئىدى . كەنت ئاھالىلىرى تۇيغۇسى بويىچە  بۇ يەرگە ئۇلارنى ئىزدەپ كەلگەن ئىدى .ئۇلار ئۆڭكۈر سىرتىدا تۇرۇپ ، يىگىت بىلەن قىزنى چاقىردى .لېكىن  ئۆڭكۈر يۇچۇقىنى كۆرمىدى .
  يىگىت ئۈمۈدلىنىپ ، ئىنتايىن خۇشال بولدى . .ئۇ قىزنى يىنىك سىلكىپ ئويغاتتى .لېكىن قىزنىڭ ماجالى قالمىغاچقا ، يېنىدىكى ئۇششاق تاشلارنى ئۆڭكۈر تېمىغا ئېتىپ ،سىرتتىن  ئاۋاز كېلىشىنى كۈتەتتى .
يىگىت بىلەن قىز كەنت ئاھالىلىرىنىڭ ئۆڭكۈر سىرتىدا ئىكەنلىكىنى بىلەتتى . ئۇلار يەنە كەنت ئاھالىلىرىنىڭ مەسلىھەتلىشىپ  يەنە باشقا جايلارنى ئىزدەپ باقماقچى بولۇشىۋاتقانلىقىنى ئاڭلىدى .مۇبادا  ئۇلار بۈ يەردىن كېتىپ قالسا ، قىز بىلەن يىگىتنىڭ ئۆلۈمدىن باشقا يولى قالمايتتى . يىگىت ئەڭ ئاخىرقى كۈچىنى ئىشقا سېلىپ ، يېنىدىكى خەنجىرى بىلەن ئىككىلەنمەيلا بوينىنى كەستى . يىگىتنىڭ بويۇن تومۇرىدىن ئېتىلىپ چىققان ئىسسىق قان تار يوچۇقنى بويلاپ ، ئۆڭكۈر سىرتىغا چىقتى .
كەنت ئاھالىلىرى تۇيۇقسىز  يۇچۇقتىن  چىقىۋاتقان قاننى كۆرۈپ بىر ھازا ھاڭ تاڭ بولۇپ  تۇرۇپ قېلىشتى .ئارقىدىن  دەرھال ھەرىكەتكە كېلىپ ، يوچۇق ئەتراپىدىكى قۇرام تاشلارنى ئېلىشقا باشلىدى . ئاخىرى قىز قۇتقۇزۇۋېلىندى ، لېكىن  يىگىت ئۆلۈپ كەتتى . ئەڭ ئاخىرقى پەيتتە، يىگىت ئۆزىنىڭ ئەڭ ئاخىرقى كۈچىنى ئىشقا سېلىپ ، ئۆز قولى بىلەن ئۆز ھاياتىنى ئاخىرلاشتۇردى . يىگىت جىمجىتلا كېتىپ قالدى . قىز ئاخىرقى دەقىقىلەردە ، يىگىتنىڭ پەس ئاۋازدا ئۈزۈپ – ئۈزۈپ ئېيتقان << سىزنى ياخشى كۆرۈمەن >> دېگەن سۆزىنى ئاڭلىغاندەك بولدى .
‹‹小小说选刊›› ‹‹كىچىك مىكرو ھېكايىلەر ›› ژورنىلىنىڭ 2010 – يىل 24 – سانىنىڭ 28- 29 – بەتلىرىدىن تەرجىمە قىلىندى .
2012- يىل 1- ئاينىڭ 30 – كۈنى << تۇرپان گېزىتى >> دە ئېلان قىلىنغان .

بۇ يازمىنى ئاخىرىدا   ئا.باھايدىن تەھرىرلىگەن. ۋاقتى  2012-9-15 21:28  

مەن تىلماچنىڭ تېخىمۇ نادىر ئەسەرلەرنى تاللاپ بىزگە سۇنىشىنى ئۈمىد قىلىمەن.  تەرجىمە ئەسەرلىرىنىڭ تېخىمۇ پاساھەتلىك بۇلىشىغا تىلەكداشمەن.

مانا تەرجىمەڭ بىر ئوبدان چىقىپتىغۇ ، نىمىگگ ئايايسەن ، يەنىمۇ نەدىر ھېكايىلەرنى تەرجىمە قىلىشىڭنى ئۈمۈت قىلىمەن ..............

ئۇستازلارنىڭ ئىلھاملاندۇرغىنىغا رەھمەت !تەكلىپ پىكىرلىرىڭلارنى ئايىماي  بېرىپ تۇرۇشىڭلارنى  ئۈمۈت قىلىمەن.

               سۇنۇپ تۇرسىڭىز بولىدىكەنغۇ، نادىر ئەسەرلەرنى داۋاملىق سۇنغاچ تۇراسىز. قولۇڭىزغا دەرت كەلمىسۇن!