«قىزىلسۇ گېزىتى» ئەدەبىيات گۈلزارى ئوقۇتقۇچىلار بايرىمىغا بېغىشلانغان سانى [ئۇلانما كۆچۈرۈش]

  «قىزىلسۇ گېزىتى» ئەدەبىيات گۈلزارى (12-سىنتەبىر) ئوقۇتقۇچىلار بايرىمىغا بېغىشلانغان سانىغا بېرىلگەن ئەسەرلەر

1. ئابدۇقەييۇم قاسىم پالتۇ  (سانائىل ھەرپىيە)               مائارىپچىلارغا مەدھىيە
2. تۇرغۇن پەيزۇللا يۇلغۇن                                            مۇئەللىم
3. يالقۇن قارى                                                            ئۇستاز مەن
4. كامىلجان ناسىر دىلداش                                          سالام ئۇستاز
5. يالقۇن ئۆمەر                                                          ئۇستاز قەسىدىسى
6. ئەمەتجان زۇنۇن ئارتۇچ                                         مۇئەللىم
7. رۇستەم قاراسۇ                                                          چۈنكى سەن ئەلنى دەپ ياشىغان سەردار
8. تېلىۋالدى ھەسەن                                                  ئۇستازغا بېغىشلانغان بىر پارچە ھۆسنخەت

  ئەمدى، دۆلەت بايرىمىغا بەت ئىشلەيمىز. ھەممىمىز بىرلىكتە ياخشى بىر بەت چىقارساق، رەھمەت قەلەمكەش دوستلارغا ۋە ئوقۇرمەنلەرنىڭ قوللىغىنىغا!

«ئوقۇتقۇچىلار بايرىمى» كەلسە، ئوقۇتقۇچىلارغا ئاتالغان مەدىھىيىلەر بىلەن تۇشۇپ كەتسە، ئۆكتەبىردە دۆلەت بايرىمىغا ئاتالغان شېئىرلار بىلەن تۇشۇپ كەتسە، نويابىردا قارغا مەدىھىيە بىلەن لىق تولسا، دىكابىردا يېڭى يىلنىڭ شەپىسى كەلدى دىگەن شېئىرلار بىلەن بۇ گېزىتنىڭ ئەدەبىي بېتى تولۇپ كەتسە، «قىزىلسۇ گېزىتى»   ئەدەبىيات گۈلزارىنىڭ خاسلىقى قانداق نامايەن بولىدۇ؟ مەن گېزىت تەھرىراتىدىكىلەر خاسلىقىنى گەۋدىلەندۈرۈشكە ئەھمىيەت بەرسە دىگەن ئويدىمەن. مىنىڭچە ھەر قايسى بايراملارغا ئاتالغان شېئىرلارنىڭ ئەڭ نوچىسىدىن بىر-ئىككىنى بەرسە كۇپايە. پۈتۈن بىر ئەدەبىي بەت ساپلا شۇ بايرامغا ئاتالغان شېئىرلار بىلەن تولۇپ كەتسە، «ھەسەلنىمۇ كۈندە يىسە ئەمەن تېتىپ قالىدۇ» دىگەندەك بولۇپ قالامدىكىن دەيمىنا؟!

ئەسىرى ئېلان قىلىنغانلارغا مۇبارەك بولسۇن!

ئاسان ئەمەستە !

مېنىڭچە يەرلىك گېزىتلەر  ئەدەبىي بەت چىقىرىشتا ‹ ئىشچىلار ۋاقىت گېزىتى › نى ئۈلگە قىلسا بولامدىكىن ، دەيمەن .

تۇرپان گېزىتىمۇ ياخشى چىقىرىۋاتىدۇ،ئەدەبىي بېتىنى. بۇ يازمىنى ئاخىرىدا   مۇھەممەدجان تەھرىرلىگەن. ۋاقتى  2012-9-12 11:09  

قىزىلسۇ گىزىتىنىڭ ئاپتۇرلارغا رايۇن چەكلىمىسى قۇيىۋالماي كەڭ سورورۇن ھازىرلاپ بەرگىنى ئادەمنى تۇلىمۇ سۈيۈندۈرىدۇ.لىكىن ھەبىبۇللا مىجىتنىڭ ئىنكاسى تۇلىمۇ ئۇرۇنلۇق بوپتۇ.پەسىل قۇشىدەك ۋاقىت ئۆزگىرىشىگە بېقىپ چۇرۇقلاپ يۇرمەي ساغلام بىر ئەدىبى مۇھىت شەكىللەندۇرسە تېىخمۇ ياخشى بۇلاتتى.

پىكرىڭىزنى قوللىمايمەن. بىر گىزىتنىڭ ئەدەبىي بىتى سىز دىگەندەك بولدىغان بولسا ئەدەبىي ئەسەرلەرنىلا باسسا بولىدۇ.

مېنىڭچە ، بىر گېزىتتە ئەدەبىي بەت چىقىرىش ئۇنچىۋالا ئاسان ئىش ئەمەس . ئەدەبىي بەت چىقىرىشتا نۇرغۇن ئۆتكەللەرنى بېسىشقا توغرا كېلىدۇ .

     بۇ  ژۇرنالمۇ؟ بايرام پۇرسىتى كەلسە ھەرخىل ئەسەرلەرنى تىزىپ قويىدىغان، مەزمۇنىنى ئويلاشمايدىغان. ئەدەبىي بېتىمىز بايرامغىلا چىقىۋاتامدۇ؟ ئۇنداق ئەمەس، باشقا سانلارنى كۆرۈپ بېقىپ گەپ قىلايلى، گېزىت ئەدەبىي بېتىنى لايىھەلەشتە تەھرىر ئاساسىي رول ئوينايدۇ. مەنچە، گېزىت بېتى چەكلىك بولغاندىكىدىن، بايرامغا توغرا كەلگەن سانلاردا ئومۇمەن شۇ تېمىنى ئەكىس ئەتتۈرىشى كېرەك. ئەدەبىي بەت يالغۇز ئەدەبىي ئەسەر بىلەنلا چەكلىنىپ قالمايدۇ، يەنە ئۆزىمىز ئىشلىگەن تېما بېزىكى، ھەرخىل رەسىملەر، بەدىئىي سۈرەتتىن تەكلىپ تاپىدۇ. ئەگەر، كىچىككىنە بەتتە ئۇمۇمىي تېمىنى چۆرىدەپ ئىشلەپ كېلىپ،  توككىدە باشقا بىر تېمىدىكى شېئىرنى كىرگۈزۈپ قويسا، بۇ «ئالتۇن ئۈزۈككە ياقۇت كۆز» بولامدۇ؟
   گېزىتىمىز پارتىيە گېزىتى. شۇنداق بولغانىكەن، رەھبەرلەرنىڭ كۈتكىنى بولىدۇ. بۇ دائىرىدە بىزنىڭ ئويلىغىنىمىز، قىلماقچى بولغىنىمىزمۇ چەكلىمىگە ئۇچرايدۇ. شۇڭا، مەندەك بىر ياش بالىغا، ئۆز ئەركىم بويىچە پۈتۈنلەي ئەدەبىياتلاشتۇرۇش، ئۆز خاھىشىم بويىچە قىلىشىم مۇمكىن ئەمەس. كەچۈرۈڭلار،
   

ئوتلۇق، ئابدۇخالىق قاتارلىق تورداشلار ياخشى پىكىر بايان قىلىپتۇ.

بەلەن گەپ قىلىپسىز، ئەكىلىڭە قولىڭىزنى

ھۆرمەتلىك ئارتۇچى، مەن گەرچە بۇ ساھەنىڭ ئادىمى بولمىساممۇ ، بىر گېزىتتە ئەدەبىي بەت چىقىرىشنىڭ ئۇنچىۋالا ئاسان ئىش ئەمەسلىكىنى ئانچە-مۇنچە بىلىمەن. سىلەرگە قويۇلدىغان تەلەپمۇ يۇقىرى ۋە كۆپ. سىلەرنىڭمۇ دەردىڭلار ۋە باش ئاغرىقىڭلار يىتىپ ئاچقۇچە. لىكىن ئىمكانىيەت دەيدىغان بىر گەپمۇ بار. «شىنجاڭ گېزىتى»نىڭ  «ئەدەبىيات گۈلزارى»دىكى ئابدۇشۈكۈر قاۋۇلنىڭ ئېلىپ بارغان بەزى ئىسلاھاتلىرىغا قاراپ باقايلى. نۇرۇزلۇق بەتتە 20، 30شائىرنىڭ نۇرۇزلۇق شېئىرلىرىدىن بىر كۇبلىتتىن بەردى. باھار مەۋسۈمى كەلگەندىمۇ شۇنچە كۆپ شائىرنىڭ شېئىرلىرىدىن ئىككى مىسرادىن بەردى. ئەگەر ئابدۇشۈكۈر قاۋۇل ئەپەندىم ئاشۇ بېغىشلىما شېئىرلارنىڭ ھەممىسىنى بېرىشنى ئويلاشقان بولسا، «ئەدەبىيات گۈلزارى»نىڭ بىر ئايلىق سانىمۇ يەتمەس بولغىيدى؟! مەن سىلەرنىڭ گېزىتىڭلارنىڭ ئەدەبىي بېتىنى جانلاندۇرۇش جەھەتتىكى تىرىشقانلىقىڭلارغا قايىلمەن. سىلەر ئاددىيسى رايۇن قامالىنى بۇزۇپ تاشلاپ ئەسەر قۇبۇل قىلىۋاتىسىلەر. بۇمۇ مۇئەييەنلەشتۈرۈشكە تىگىشلىك تەرەپ. لىكىن باھار كەلسە باھارنىڭلا ناخشىسىنى ئېيتىش كېرەك دەيدىغان گەپ يوق. باھاردا ئېتىزىمغا نىمە تېرىسام بۇلار دەپ ئويلاۋاتقان دېھقاننىڭ ئويى گېزىت يۈزىدىن ئورۇن ئالسا ئارتۇقلىق قىلمايدۇ.  ئوقۇتقۇچىلار بايرىمىغا ئاتالغان بەتكە بوغچىسىنىڭ ئېغىرلىقىدىن ئاران چامداپ كىتىۋاتقان سەبىينىڭ ئوبرازى سىغدىلىپ كىرسە بولىۋېرىدۇ. بۇ پەقەت ئىمكانىيەتتىن قانداق پايدىلىنىش مەسلىسى. ئاتۇشتەك يەردە بىر گېزىتنىڭ ئەدەبىي بېتىنى جانلاندۇرۇش ھەرگىزمۇ تەسكە توختىمايدۇ. ئاتۇشتا مۇھەممەتجان سەيدۇللا، مۇتىللا قىرانى، ئابدۇشۈكۈر....قاتارلىق قەلەم قۇۋۋىتى كۈچلۈك قەلەمكەشلەر يۇلتۇزلاردەك چاقناپ تۇرۇپتۇ. پەقەت شۇلارنى قوزغىتىش، ئۇلارنىڭ رولىدىن ئۈنۈملۈك پايدىلىنىش مەسلىسى، سىلەرنىڭ سەل تەشەببۇسكار بولۇشۇڭلارنى تەلەپ قىلىدۇ شۇ.
ھۆرمەتلىك ئارتۇچى، مەن پەقەت ئۈزۈم ئويلىغان بەزى پىكىرلەرنى ئوتتۇرغا قويۇپ ئۆتتۈم خالاس. بۇ يەردە قانداقتۇر قەستەن قۇسۇر تېپىش دەيدىغان نەرسە مەۋجۈت ئەمەس. ئانچە-مۇنچە پىكىرلەرنىڭ بولۇپ تۇرغىنى ياخشى ئىشقۇ؟  

ئەجرىڭىزدىن سۇيۇندۇم ئىنىم.يول ئەگرى-توقاي ،ئىستىقبال پارلاق،يەنىمو تىرىشىڭ!

ئەسىرى ئېلان قىلىنغان دوستۇم يالقۇن قارىنى تەبرىكلەيمەن