ئازاپلىق ھىجران [ئۇلانما كۆچۈرۈش]

خىيالىمدا مەۋھۇم بىر دۇنيا
ياشاپ كەلدۇق ئىككىمىز پەقەت.
تويۇشمايتى بېقىشىپ كۆزلەر
گۈللەردىنمۇ قىلغاندەك ھەسەت.

شوخ تەبەسسۇم ئۆچمىگەن چېھىر
قوڭغۇراقتەك كۈلكە ساداسى.
يېرىپ ئۆتەر بۇلۇتلار ئارا
تاڭ قالدۇرۇپ ھەتتا سامانى.

بېزەك چاچار ھەر تاڭ سەھەردە
سۆيگۈمىزنىڭ چېچەك بوستانى.
چىگىلمىگەن ئۈزۈلمەس رىشتە
ياساپ ئۆتكەن سۆيگۈ قىيانى.

جۈر بولغانتى كۈلكەمگە ئالەم
ئەمدى يىغلاپ قالدىم مەن تەنھا.
يالغۇز ئەمەس ھەمراھ ھىجران
قالدۇردۇڭسەن يۈرەككە يارا.

ئۆتمەكتىمەن ئالداپ ئۆزۈمنى
يۈرۈگۈمدىن سېغىنىپ تۇرۇپ.
ئۇنتۇپ كەتتىم دەيمەن ئۆزۈمچە
ئەتراپىڭنى ئايلىنىپ يۈرۈپ.

يۈرۈگۈممۇ ئۆزۈمنىڭ تۇرۇپ
ئاسىيلىق قىپ سېغىنار سېنى.
كۆزلۈرۈممۇ سەنسىز مۇڭلۇنۇپ
مىڭ ئۆلتۈرۈپ بىر بېرىپ مېنى.

غورۇرۇم دەر ئۆزۈمگە نەچچە
ئاشىقمۇ ئۇ سېنى يىغلاتقان؟
كۆڭۈل دەيدۇ:-قارا بۇ يەرگە
ئۇ مېنىڭدە سۆيگۈ بىخلاتقان.

يىغلاتساڭمۇ يۈرەكلىرىمنى
كۆرۈنمىدى كۆزۈمگە دۇنيا.
بىر سېنىلا ئىزلىگەن كۆزۈم
باقالمىدى تىكىلىپ قىيا.

ۋۇجۇدۇمنى چىرمىغان خىيال
سېغىنىشتىن باشلىنار يەنە.
يۈت بىۋاپا كۆزۈمدىن يىراق
ئەمدى قىلما كۆڭلۈمنى پەتە.


ئاشىق مەشۇق بابىدا زادى
كىم ۋىسالنى قوغلىشىپ يەتكەن.
بەخىت تىلەر  ئاجىز يىگانەڭ
ئۇنىڭ بەختى سەن بىلەن كەتكەن.

مەنبە :سەنەمجان
2012-4-6





بۇ يازمىنى ئاخىرىدا   سەنەمجان تەھرىرلىگەن. ۋاقتى  2012-4-6 12:46  

سىزگە ئۇتۇقلار يار بولسۇن.شېئىرىڭىزنى ياقتۇرۇپ قالدىم.

تىلى ئاددى ئەمما چوڭقۇر مەنىگە تۇيۇنغان بۇ شېئىردىن ھەقىقى سۆيگۈنىڭ ماھىتىنى بىلگەندەك بولدۇم. سەنەمجاننىڭ غېرىپ ئۈچۈن چەككەن ھىجران ئازابىغا بەك ياخشى باھا بىرىپسىز. مۇشۇنىڭدەك ساپ تۇيغۇغا تۇيۇنغان شېئىرلىرىڭىز ئۈزۈلۈپ قالمىغاي! بۇ يازمىنى ئاخىرىدا   تاشيولچى تەھرىرلىگەن. ۋاقتى  2012-4-6 23:06  

مەزمۇنى ھەقىقەتەن بەك ياخشى چىقىپتۇ، مۇشۇنداق سەرخىل يازمىلىرىڭىز ئۈزۈلۈپ قالمىغاي

پىكىر بەرگىنىڭزگە رەھمەت،مەنمۇ شېئىرنى يوللاپ بولۇپ قارىسام بۇ تەرپى مېنىمۇ بىئارام قىلغانتى.ئەمما يوللاپ بوپتىكەنمەن،تۈزۈتەلمىدىم .مەن تېخى نوتا ھەر قايسىڭلارنىڭ قىممەتلىك پىكىرلەرنى بېرىپ ياۋا شاخلىرىمنى پۇتاپ بەرسەڭلار دىگەن ئۆمۈدتىمەن.