ھازىرقى زامان بىرازىلىيە ئەدەبىياتىنىڭ پەخرى - پاۋلو كوئېلو [ئۇلانما كۆچۈرۈش]

ھازىرقى زامان بىرازىلىيە ئەدەبىياتىنىڭ پەخرى - پاۋلو  كوئېلو
    پاۋلو  كوئېلو  بۈگۈنكى دەۋر جاھان ئەدەبىياتىنىڭ ئەڭ مەشھۇر يازغۇچىلىرىدىن بىرى. ئۇ 1947 – يىلى 24 – ئاۋغۇست برازىلىيەنىڭ رىئودې ژانېرودا  تۇغۇلغان، پورتگال تىلىدا يېزىقچىلىق قىلىدۇ. ئۇنىڭ 1987 – يىلى نەشر قىلىنغان «تاۋاپ قىلىش» ناملىق رومانى بىرازىلىيەدە شىددەت بىلەن ئۇدا 117 قېتىم بېسىلغان. 1988 – يىلى نەشر قىلىنغان «ئۆسمۈر پادىچىنىڭ ئاجايىپ سەپىرى» مۇ بىرازىلىيەدە 154 قېتىم بېسىلغان. ئۇ 1996 – يىلى فىرانسىيە ھۆكۈمىتىنىڭ ئەدەبىيات – سەنئەت ئالاھىدە ئوردېنىغا، 1998 – يىلى  بىرازىلىيەنىڭ رىئو بىرانكو (Rio Branco) ئوردېنىغا، 1999 – يىلى فىرانسىيەنىڭ ئالىي شەرەپ ئوردېنىغا، 1999 – يىلى دۇنيا ئىقتىساد ئالىي مۇنبىرى مۇكاپاتىغا، 2004 – يىلى ئەنگلىيەنىڭ نېرسېن مۇكاپاتىغا، 2004 – يىلى ئۇكرائىنا شەرەپ مۇكاپاتىغا، 2005 – يىلى گېرمانىيە جۇخار مۇكاپاتىغا، 2006 – يىلى رۇسىيە بازارلىق كىتاب مۇكاپاتىغا، 2006 – يىلى ئاۋسترالىيە كىتابچىلىق ئاق ئالتۇن مۇكاپاتىغا، 2007 – يىلى خەلقئارا ئاندېرسون ئالىي  مۇكاپاتىغا ئېرىشكەن. 2008 – يىلى ئەسەرلىرىنىڭ پۈتۈن دۇنيادىكى تىراژى 300 مىليونلۇق ئۆتكەلنى بېسىپ ئۆتكەن، 2009 – يىلى «ئۆسمۈر پادىچىنىڭ ئاجايىپ سەپىرى»  نىڭ 68 خىل تىلدىكى نەشر نۇسخىسى «جىنس دۇنيا رېكورتى قامۇسى» دا مەخسۇس تونۇشتۇرۇلغان. «ئۆسمۈر پادىچىنىڭ ئاجايىپ سەپىرى» رومانى ئۈچۈن 2007 – يىلى 9 – ئاينىڭ 21 – كۈنى پاۋلو كوئېلوغا بىرلەشكەن دۆلەتلەر تەشكىلاتى تىنچلىق ئەلچىسى دېگەن نام بېرىلگەن.  ئۇنىڭ 20 - ئەسرنىڭ 90- يىللىرىدا يازغان  «ئۆسمۈر پادىچىنىڭ ئاجايىپ سەپىرى» رومانى قەھرىمانى سانتياگو ئۆز ئارزۇسى يولىدا ۋەتىنى ئىسپانىيەدىن مىسرغا قاراپ سەپەرگە چىقىدۇ، بۇ جەرياندا ئۇ تۈرلۈك - تۈمەن سەرگۈزەشتلەرنى بېشىدىن ئۆتكۈزىدۇ، خىلمۇ خىل ئادەملەرگە يولۇقىدۇ، ئۇلاردىن ئاجايىب پەند - نەسىھەتلەرنى، رىۋايەتلەرنى ئاڭلايدۇ...
  

بوزتېكىن ،
مۇنبەرنى يەنە بىر ئەدەبىيات نامايەندىسى بىلەن ئۇچراشتۇرغىنىڭىزغا رەخمەت !
بولسا ئۇنىڭ ئەسەرلىرىنى مۇنبەردە كۆرگىلى بولسا ، بەك ياخشى بولاتتىدە !

مۇشۇنداق يېڭى ئۇچۇرلاردىن تېخىمۇ كۆپرەك خەۋەردار  بولساق  دېگەن ئۇمۇدتە