تۇداخۇنغا مەرسىيە(ئاۋازلىق) [ئۇلانما كۆچۈرۈش]

مەرھۇمنىڭ ھاياتىدىن كۆرۈنۈشلەرنى يوللاپسىز ، بەك ياخشى بوپتۇ رەھمەت سىزگە، مەن ساقلىۋالدىم.....

مەرھۇمنىڭ ياتقان جايى جەننەتتە بولسۇن ! ئۇ  قىسقىغىنە ھاياتىدا كىشلەر قەلبىگە ئوزىنىڭ ئونتۇلمەس سىيماسىنى قالدۇرۇپ كەتتى .

مەرھۇمنىڭ بىرگىپىى پەقەت ئېسىمدىن چىقمايدۇ . قارامايدىكى بىر قېتىملىق ئولتۇرۇشتا بىرسى قەستەن ئۇنى گەپكە سېلىپ ،تۇداخۇن ئىككىلى بالاڭ قىزكەن ھە ، بىرەر ئوغۇلمۇ ئالالماپسەندە دىدى. بۇ چاغدا تۇداخۇن دەرھاللا ئۇنىڭغا قاراپ ماڭا قارا ، خوتوننى قىز ئالساڭ  قىز تۇغدىكەن دىگەنتى . بۇ يازمىنى ئاخىرىدا   سەۋىردىن تەھرىرلىگەن. ۋاقتى  2012-7-30 19:37  

ئاۋۇ گەپ ئالامەتكەن . دوسلار بولسا ئۇنىڭ چاخچاقلىرىنى يىغىپ بىرەر كىتاپلىق ئەسەر قىلمايلىمۇ ؟

مەرھۇمنىڭ ياتقان جايى جەننەتتە بولغاي !

                                      تەزىيە نۇتقى

ئەسسالامۇ ئەلەيكۇم مۆھتەرەم جامائەت ئىلى چاقچاقچىلىرىنىڭ ۋەكىللىرىنىڭ بىرسى، تونۇلغان كۈلكە چولپىنى، ئۇيغۇر خەلق ئەلنەغمە سەھنىسىدە چاقنىغان چولپان، خەلقىمىزگە مەنىۋى زوق ئاتا قىلىپ كېلىۋاتقان، خەلق قىززىقچىسى تۇداخۇن روزاخۇن تاسادىبىي ھادىسىدە يۈرەك كېسىلى قوزغۇلۇپ، قۇتقۇزۇش ئۈنىم بەرمەي 2012-يىلى چىللە ئېيىنىڭ 28- كۈنى يەنى مۇبارەك رامزاننىڭ 9-كۇنى سائەت 3تىن 45 مىنۇت ئۆتكەندە  43يېشىدا بىزدىن ۋاقىتسىز ئايرىلدى.
    مەرھۇم تۇداخۇن روزاخۇن  1969 – يىلى مىزان ئېيىنىڭ 4- كۈنى توققۇزتارا ناھىيە دۆڭمەھەللە يېزا ئۇچقۇن كەنتىدە دېھقان ئائىلىسىدە دۇنياغا كەلگەن . ئوقۇش يېشىغا تولغاندىن كېيىن ناھىيەلىك ‹‹ چولپان ››باشلانغۇچ مەكتەپ ۋە 3 - ئوتتۇرا مەكتەپتە ئوقۇغان. 1998-يىلىدىن 2001-يىلىغىچە مەملىكەتلىك قانۇن خىزمەتچىلىرىنىڭ ئىشتىن سىرتقى قانۇن ئونىۋىرسىتېتىنىڭ قانۇن كەسپىنى تاماملاپ قانۇن مۇلازىمەت كەسپى بىلەن شۇغۇللانغان.
مەرھۇم تۇداخۇن روزاخۇن 1990 – يىللىرىدىن باشلاپ ئۆزىنىڭ تىل سەنئىتىدىكى ئۈستۈنلۈكى بىلەن تەڭرىتىغىنىڭ جەنۇپ –شىمالىدىن تاكى  ئوتتۇرا ئاسىيادىكى قېرىنداش خەلقلەر ئارىسىىغىچە  ئاجايىپ ئېسىل كۈلدۈرگە – چاقچاقلىرىنى يەتكۈزگەن ئىدى. ئۇنىڭ مول ۋە مەنىلىك سەنئەت ھاياتى ۋە ناھىيە مائارىپىغا كۆڭۇل بۆلگەن ئۈلگىلىك ئىش ئىزلىرى ئاپتونوم رايونىمىزدىكى نوپۇزلۇق گېزىت - ژورناللاردا ۋە «چاقچاقچىلار چايخانىسى» قاتارلىق كىتاپلاردا ئالاھىدە تونۇشتۇرۇلغان.
مەرھۇم تۇداخۇن روزاخۇن ھايات ۋاقتىدا ئىلى چاقچاقچىلىق سەنئىتىدە ئۆزىگە خاس پەللە ياراتقان خەلق قىزىقچىسى ئىدى. ئۇنىڭ ۋاپاتى ئائىلە تاۋابائاتلىرى ۋە ئۇرۇق – تۇققانلىرىغىلا چوڭ يوقىتىش بولۇپ قالماستىن، بەلكى ئىلىنىڭ سەنئەت ساھاسى ئۈچۈنمۇ ئورنىنى تولدۇرغىنى بولمايدىغان زور يوقىتىشتۇر.
مەرھۇم ھايات ۋاقتىدا شىنجاڭ ئۇيغۇر ئاپتونوم رايۇنلۇق خەلق ئېغىز ئەدەبىياتى جەمئىيىتى، ئىلى ئوبلاستلىق خەلق ئېغىز ئەدەبىياتى جەمئىيىتىنىڭ ئەزاسى ئىدى.
مەرھۇمنىڭ مۇسىبەت خەۋىرى تارقالغاندىن كېيىن ئاپتۇنۇم رايۇنلۇق خەلق قۇرۇلتىيى دائىمىي كوممىتىتىنىڭ سابىق مۇئاۋىن مۇدىرلىرىدىن مىجىت ناسىر، خەلچەم ئىسلام، ئاپتۇنۇم رايۇنلۇق سىياسى كېڭەشنىڭ سابىق مۇئاۋىن رەئىىسى ماھىنۇر قاسىم، ئىلى ئوبلاستىنىڭ سابىق مۇئاۋىن باشلىقى سەۋىردىن ئۆمەر، ئىلى ئوبلاستلىق خەلق قۇرۇلتىيى دائىمىي كومىتېتىنىڭ سابىق مۇدىرى تۇرسۇن تۇردى، ئىلى ئوبلاستلىق خەلق قۇرۇلتىيى دائىمىي كومىتېتىنىڭ مۇدىرى زۇنۇن ئەكبەر، ئىلى چاقچاقچىلىقىنىڭ دەۋرىمىزدىكى پىشۋاسى ھېسام قۇربان ، ئاتاقلىق يازغۇچى مەمتىمىن ھوشۇر، شۇنىڭدەك خەلق سەنئەتكارى ئۆمەرجان ئالىم ۋە ئىلى ئوبلاستلىق ئوپىرا تىياتىر ئۆمىكىدىكى بارلىق سەنئەتكار خادىملار تۈرلۈك شەكىللەر بىلەن مەرھۇمنىڭ ۋاپاتىدىن قايغۇرىدىغانلىقىنى بىلدۈرۈپ، ئائىلە تاۋاباتلىرىدىن  سەمىمى ھال سورىدى.
بىز چوڭقۇر قايغۇلۇق ھېسسياتىمىز بىلەن  مەرھۇمنى ھەمىشە سېغىنىپ ئەسلەيمىز، شۇنداقلا مەرھۇمنىڭ ئائىلە تاۋاباتلىرىدىن ، ئۇرۇق – تۇققان ، قەۋمىي - قېرىنداشلىرىدىن سەمىمىي ھال سورايمىز . مەرھۇمنىڭ ئاخىرەت سەپىرىنىڭ خەيرىلىك بولۇشىنى تىلەيمىز.

2012-يىلى چىللىنىڭ 29-كۈنى