قەبرىستانلىقتىكى ئېغىر تىنىقلار [ئۇلانما كۆچۈرۈش]

قەبرىستانلىقتىكى ئېغىر تىنىقلار4 z7 E2 I( u# |* r' |7 U: T
ھايات بېر تال يۇپۇرماققا ئوخشايدىكەن ،تېىخى يىقىندىلا ئۈنسىز قەلەم تەۋرىتىپ كىلىۋاتقان،كىشىلەرگە توغرا سۆزلىكنىڭ ھەقىقىتىنى ھەركىتى ۋە ئەقىدىسى بىلەن بىلدۈرۈپ كىلىۋاتقان بىر نۇرلۇق يۇلتۇز ئارىمىزدىن كېتىپ قالدى.7-ئاينىڭ 25-كۈنى كەچ سائەت 7 لەردە ساۋاغدىشىم پەرھات جامالنىڭ بوش ئەمما ھەسرەتلىك ئاۋازدا ئۇستازىمىز مۇھەممەتجان سادىق ۋاپات بولدى دەپ ئۇرغان تىلفۇن خەۋىرى ماڭا شۇنچىلىك تاسادىپى ھەم ئېغىر تۇيۇلدىكى قانداق جاۋاپ بېرىشنىمۇ بىلمەي تېلفۇننى بېسىۋەتكىنىمنى بىلمەيلا قاپتىمەن . مەن ئۇ كۈنى شەھەردە بولماي قالغانلىغىم ئۈچۈن ئۆيىگە بارالماي قالدىم، بېراق شۇ بىر كېچە خىياللىرىم ئۈركىگەن كەپتەردەك ئۆزۈمگە تۇتۇق بەرمەي ،يىللار، سىنىپلار،ئۇستاز ،ساۋاغداشلار قوينىغا شۇڭغۇپ كەتكەن ئىدى....مانا تاڭمۇ ئاتتى ، مەن ئۇستازنىڭ ئۆيىگە چاپتىم ، بېراق بارغىنىمدا مېنىڭدېنمۇ بالدۇر بېرىۋالغان سەھەرچى قېرىنداشلىرىمنىڭ كۆزلىرىدىن چېچىلىۋاتقان مۇڭلۇق، ھەسرەتلىك، ئۆكۈنۈش نۇرلىرى ،ئۇنىڭسىزمۇ ھەسرەت ئىچىدە تېپچەكلەۋاتقان يۈرىگىمگە ئايرىلىش ئوقلىرىنى ئېتىشقا باشلىدى.ۋاقىت سىتىرىلكىلىرى تېزلىك بىلەن داۋاملىشىپ مەشھۇر شائىرىمىز، يازغۇچىمىز، تەتقىقاتچىمىز ئەڭ مۇھىمى تەلەپچان ئۇستازنى بىزدىن يىراقلاشتۇرۇشقا، ئانا تۇپراقنىڭ قۇينىغا ئىلىپ كېتىشكە ئالدىراۋاتقاندەك كىلاتتى .ئىنىستۇت قوراسى ئاز كۆرىلىدىغان ئادەم دېڭىزىغا ئايلانماقتا ئىدى،ئوقۇتقۇچىلار، ئۇستازنىڭ ئوقۇغۇچىلىرى ،يازغۇچىلار،رەھبەرلەر،ئۇرۇق-تۇققان يۇرت _جامائەت سەلدەك ئاقماقتا،خۇددى شائىرنىڭ لېرىك چاچما شېئىرلىرىدەك دولقۇن ھاسىل قىلماقتا ئىدى........تەزيە يىغىنى داغدۇغلۇق مەنزىرە ھاسىل قىلغان بولسا ،ئالتۇشۇئار مەسچىدىنىڭ مەزىنىنىڭ مۇڭلۇق ئاۋازى سۆيۈملىك پەرزەنتىدىن ئايرىلغانلىغىغا شاھىت بولىۋاتقاندەك  مۇڭلۇق ئېيتىلماقتا.نامازمۇ چۈشىرىلدى،،،،ماشىنىلار توپى خۇددى ئىلى دەرياسىنىڭ سۈيى يۈلىنىشىنى ئۆزگەرتكەندەك شەرىققە بىزنىڭ بارار جايىمىز قارادۆڭ زەرەتگاھلىغىغا سەلدەك ئاقماقتا.خىياللىرىم يەنە قانات قاقتى،ئۆلىمالىرىمىز ئۇلۇغ روزا ئايلىرىنىڭ خاسيىتى ،دوۋزاق ئىشىكلىرىنىڭ قۇلۇپلىنىدىغانلى ھەققىدە سۆزلىگەندە ئۇستازىمدىن سۆيۈنسەم. بىزنىڭ «ئوغۇزخان »دەپ ئىسىم قۇيۇۋالغان ئۇستازىمىزمۇ  بىز بىلەن بىرگە ئولتۇرۇپ ئۆلىمالارنىڭ تەبلىغلىرىنى ئاڭلاۋاتقاندەك بىلىندى. ئاتاغلىق يازغۇچىمىز مەمتىمىن ھوشۇرنىڭ ئۈنسىز خىياللارغا چۈشۈپ كىتىشى، ئۇستاز شائىر بىلەن ئاخىرقى قېتىم قۇلاق يىقىشىپ مۇڭدىشۋاتقاندەك تەسىراتلارنى بەردى.ئاھ تەغدىر، يەتتە كەتمەن توپىمۇ تاشلىنىپ بولدى، قۇرئاننىڭ مۇڭلۇق ئاۋازى بىزگە تەسەللى، ئوزۇق،ئادەم بولىش يۇللىرىنى ئۈگىنىشكە چاقىرغاچ ،،ئۇستازىمىزنى بىزدىن مەڭگۈلۈك ئايرىپ كەتتى، ياق روھى قالدى، جىسمى ئۆزى يازغان ، تەسۋىرلىگەن گۈللەرنىڭ تۈۋىگە مەڭگۈلۈك مېھمانغا كەتتى . ئەلۋىدا ئۇستاز، ياتقان يېرىڭىز جەننەتتە بولغاي.                                                                                                               دوسلار ئالدىراشلىقا مۇشۇنچىلىكلا يازالىدىم، ئەپۇ قىلارسىلەر

ئەتىگەندە تورنى ئېچىپلا قايغۇلۇق مۇسىبەتتىن خەۋەر تاپتىم. قايغۇلۇق بولسىمۇ ھامان ئاڭلايتتۇق. ئۇيغۇر شېئىرىيىتىدە ئۆزگىچە يول تۇتۇپ ئەركىن -چاچما شېئىرلىرى بىلەن بايراق بولۇپ كېلىۋاتقان تالانتلىق شائىر،ئاتاغلىق يازغۇچىمىزنى  اللاھ مەغپىرەت قىلپ، جەننەتتىن ئورۇن بەرگەي!

ھەي!...ئەدەبىياتىمىز ئۈچۈن يەنە بىر يۇقۇتۇش بۇپتۇ!مرھۇمغا ياراتقان ئىگەم ئاسانلىق بەرگەي!

مەھەممەتجان سادىقنىڭ شېئرىي رومانلىرى بىلەن داستانلىرى بەك ياخشى ئىدى

ئۇستازىم ناۋائىدىن كىيىنكى بىردىنبىر خەمىسە يازغان ئەدىپ ئىدى؟ ياتقان يېرى جەننەت بولغاي!

شۇنداق، ۋاپات بولىشتىن نەچچە كۈن ئىلگىرىلا رەھمەتلىكنىڭ خەمىسەسى قولىغا تېگىپتىكەن.