سائادەت ساتتار ئايتۇغ: قوشاقلار

قوشاق تارتىپ مەيلىمنى ،
ياتالمىدىم بۇ كېچە .
دەستە گۈللەر تىزىپتۇ ،
سائادەتخان مۇنبەرگە .

قېنى قىزلار كېلەيلى ،
بۇ بۇلاقنىڭ يېنىغا .
كۆپتىن بېرى تەلمۈردۇق ،
بۇ قۇشاقنىڭ تېڭىغا .

سۈگەت تىكتىم ھويلامغا ،
سايە تاشلاپ تۇرسۇن دەپ .
قوشاق يازدىن سائادەتخان ،
بۇ كۆڭۈلنى بىلسۇن دەپ .


باھار كېلىپ قار ئېرىپ ،
نەىمە - ناۋا باشلاندى .
سادا كەلمەي بۇ قىزدىن ،
بۇ يۈرەكىم ياشلاندى .


سائادەتخان كەلمىدى ،
بۇكۆڭۈلنى ئالغىلى .
كېتەي ئەمدى مەن كېتەي ،
كۆرۈشەرمىز بىر كۈنى .

ئشىك ئايلامدا چوڭ ئېرىق،
كۈندە لايسۇ ئاقىدۇ.
يارنىڭ سۆزى بەك سېسىق،
يۈرىگىمنى چاقىدۇ.

ئېشىك ئايلام توپىلاڭ،
سۇ چاچىمەن قاتۇرۇپ.
بىلىگىڭگە ئەن سالدىم،
بارمىغىمنى پاتۇرۇپ.

مەجنۇن تاللار ئەركىلەپ،
تولغىشىدۇ شامالدا.
يارنىڭ تونۇش ھىدى بار،
بوينۇمدىكى رومالدا!

بۇلبۇل قوندى بېغىمغا،
كۆڭلۈم ھەجەپ بۇزۇلدى.
يايرىم بىر رەت كەلمىگەچ،
كۆڭۈل رىشتىم ئۈزۈلدى.

گۈزەل باغقا كىرگەندە،
توڭ ئالمىنى سۇنغان يار.
ۋەدە بېرىپ بۇلبۇلغا،
ھۆپۇپ بىلەن قونغان يار.

2012.4.10

ھوي...ئادەمنى خۇش قىلىپ ئايدانىشىم قوشاقنى يەنە تېپىپ كەپتۇ!
گۆھەر، ئايدانىش،سەھەر....قوشاق توختاپ قالمىسۇن ھە؟! كونا مۇنبەردىكى قىزغىنلىقىمىزنىمۇ ئالغاچ كىلىلى.

ئەتتىگەندە سەھەردە،
كۆردۇم بىر جۈپ ئۇز-لېۋەن.
قوشاق توۋلاپ كىرىپتۇ،
قىلىقلىرى خوپ-بەلەن.

گۆھەرقىزنىڭ قوشىقى،
گۈل كۆرۈنەر كۆزۈمگە.
سىلەر بىلەن دوستلىرىم،
ئوخشىغانمەن ئۆزۈمگە.

ئايدەك دوستۇم ئايدانىش،
گۈل كەلتۈرەر قوشاققا.
باش ئەگمەيدۇ ھەرگىزمۇ،
ئەركى ئۈچۈن توساققا.

چاقماق چاقتى تۈنۈگۈن،
يامغۇر ياغدى ئۇلۇشۇپ.
مەن يايرىمنى كۆرگەندە،
تارتىنىمەن تولغۇشۇپ.

بۈگۈن ئاپتاپ چىرايلىق،
سۆيدى چىچەك مەڭزىنى.
كۆڭۈل بەردىم يايرىمغا،
يىرالمىغاچ لەۋزىنى.

قولۇمدىكى ئۈزۈكنىڭ ،
چۈشۈپ قاپتۇ ياقۇتى.
ئۇتتى يايرىم كۆڭلىنى،
ئالا-جوقا شاتۇتى.

كۆرۈنمەيمەن يايرىمغا،
سىغىنغاندا كىلىدۇ.
ئايرىلىشنىڭ تەمىنى،
تېتىغاندا بىلىدۇ.

بۈگۈن ھاۋا تۇتۇلۇپ ،
مەن قۇياشنى كۆرمىدىم .
شۇ جاناننىڭ دەردىدە ،
نىمجان بولدۇم ئۆلمىدىم .



ئالتاي بولدى خەۋەر يوق ،
يۈتۈپ كەتتى تاشتەكلا .
كۆز ياشلارغا چىلاندىم ،
باھاردىكى سەلدەكلا .



گۈل ئۆستۇردۈم تەشتەكتە ،
يايرىم كېلىىپ كۆرسۇن دەپ .
مېنى بۇنداق تاشلىلما ،
دىدىڭمۇ يا ئۆلسۇن دەپ .



خوشلاشقاندا ئىككىمىز ،
دىگەن ئىدىم ئامان بول .
بارالمىدىم يانىڭغا ،
قارا كۆل بەك ئۇزۇن يول .



مېنى بىتاپ قىلمىغىنى ،
بۇ ئىشقنىڭ سەۋداسى .
سەن بولمىساڭ قانايدۇ ،
يۈرۈگۈمنى ياراسى .

ھوي بۇ مۇنبەرلەرگە نىمە بولغاندۇ ھە ؟ خەت شەكلى زادى ئوڭشالمىدى يا ....

قۇشۇلدۇم مەن دوست ھەدە،
قۇشاققا بەك مەيلىم بار.
تاتلىق تاتلىق يېزىشىپ،
كۈلكەمنى ھەم بەرگۈم بار.

(ئاي دانىشتە)ك دانىش بوپ،
(گۆھەر)لەردەك چاقنايلى.
قۇشاقتىن گۈل كەلتۈرۈپ،
(خاسىيەت) كە تولايلى.

(نازى) ھەدەم قايدىدۇ؟
(ئايتۇغ) ئايدا تۇرامدۇ؟
(سېرىنگۈلۈم) گۈلزاردا،
(ئايسىمە)نى ساقلامدۇ؟

نەسىر چېچىپ گۈل ھەدەم،(گۈلباھار ئەزىز)
(قەلبىنۇر )غا تۇيۇندى.
(زۆھرە)گۈلدەك مىھىرلىك،
ھەمنەپەسلەر بۇلايلى.



داۋامى  سىلەرگە قالدى ...

ئۈژمە پىشتى بېغىمدا،
شېرىن تەمگە  تولۇشۇپ.
قوشاق قوشماي يىگىتلەر،
مۇگۈدەيدۇ..سولۇشۇپ.

قەپەزدىكى كەپتەرنى،
قويىۋەتتىم مەيلىگە.
مۇنبەردىكى ئەركەكلەر،
كەتتىمىكىن سەيلىگە.


قىزىل گۈلنىڭ بەرگىدە،
شەبنەم نۇرلار چاچىدۇ.
قوشاق قوشساق يېگىتلەر،
ھەر تەرەپكە قاچىدۇ.


باھار كەلدى بېغىمدا،
مەن يۈرىمەن قاتىراپ.
قوشاق قوشساق ئەركەكلەر،
تۇرار تىرناق تاتىلاپ.

داۋامىغا بىللە كەلمەمدۇق ئايشەمگۈل ...

ئۆينىڭ ئالدى ئۆستەڭدە ،
شىلدىر - شىلدىر سۇ ئاقار .
سىز يايرىمنىڭ دەردىدە ،
كۆز ياشىم دەريا بولار .



پات ئارىدا كېلىمەن ،
دەپ قويۇپلا كەتتىڭىز .
ئوتنى سېلىپ يۈرەككە ،
مېنى كاۋاپ ئەتتىڭىز .



خەۋەر كەلمەي سىزدىن ھىچ ،
تۆت تەرەپكە تەلمۈردۈم .
سېغىنىشنىڭ كۈيىنى ،
شاماللاردىن يەتكۈزدۈم .

بۈك-باراقسان باغلاردا،
بۇلبۇل خۇشال سايرايدۇ.
كىرسە قىزلار قوشاققا،
مىنىڭ دىلىم يايرايدۇ.

ئەگىز سۈيى ئاقماقتا،
قاياقتىندۇر شىلدىرلاپ.
قوشاق يېزىپ قىزچاقلار،
مۇڭدىشىمىز پىچىرلاپ.

ئۆستەڭ بويى يالپۇزلۇق،
مەسخۇش بولدۇم ھېدىدا.
سەن يايرىمنى سېغىندىم،
يۈرىگىمنىڭ قىتىدا.

قوغۇنلۇقتا سويمىلار،
ساي تېشىدەك ياتىدۇ.
سۆيگەن يايرىم شوخ چىقتى،
كۈندە قوشاق قاتىدۇ.


ئاق تۈگمەننىڭ بېشىدا،
قاتار قاتار سۆگەتلىك.
تاللاپ سۆيگەن يايرىم بار،
ھەجەپ بەكمۇ سۆلەتلىك.

قوشاقلار بىر -بىرىدىن ئىسىل كۆرۈندى كۆزۈمگە ، دەرت كەلمىسۇن قوللارغا.

قىزىل گۈلنىڭ ئىشقىدا،
بۇلبۇللار شوخ سايرايدۇ.
سەن يارىمنىڭ ئىشقىدا،
دائىم يۈرەك كۆيەدۇر.

ئىشىك ئالدىغا چىقسام،
يىراقتىن گۈل كۆرۈندى.
نېمىشقا كەلمىدىڭ يايرىم،
يوقۇڭ ئەجەپ بىلىندى.

قوشاقچىمىز سائادەت،
كەلتۈرۈپتۇ قوشاقنى.
ئايدانىشمۇ خۇش كەپتۇ،
تۈرۈپلا يەڭ-بېلەكنى.

گۆھەر قىزنىڭ قوشىقى،
زەپ تەگدىغۇ يۈرەككە.
چاڭ كەلتۈرۈپ قوشاقنى،
سۇنايلى بىز مۇنبەرگە.

ھويلامدىكى ئۈجمىگە،
كېلىپ قوندى قۇشقاچلار.
ئېلەڭگۈچتە ئۇچۇڭلار،
ئوماق-ئوماق قىزچاقلار.

ئالما بەرسەم يايرىمغا،
ئەپ قويمىدى قولۇمدىن.
يۈرەكتىكى شۇ يايرىم،
ئازدۇردىغۇ يولۇمدىن.

كەچۈرۈڭلار،ئۇستازلار،قاملاشمىسىمۇ ئەگىشىپ قويدۇم.

ئايشەمگۈل، سەھەر، گۆھەر، ئايدانىش، ئاق گۈل...ياخشى يىزىۋاتىسىلەر. غەيرەت قىلىڭلار!
ئابلىپىز، تىكەن،... قوشاققا قەدەم تەشرىپ قىلغىنىڭلارنى قارشى ئالىمىز. بۇ يازمىنى ئاخىرىدا   سائادەت ساتتار تەھرىرلىگەن. ۋاقتى  2012-4-14 21:28