(ئۆزھال)سەنئەتكارنىڭ ئېمپىرىيسى [ئۇلانما كۆچۈرۈش]

سەنئەتكارنىڭ ئېمپىرىيسى



راخمانجان ئاۋۈت ئۆزھال

1950-يىلى ئىزغىرىن شاماللار ئادەم بەدىننى يىنىك سىيپاپ ئۆتىدىغان كۆز پەسلىدە جۇڭگۇنىڭ شەنشى ئۆلكىسى شىئەن شەھرىدىكى بىر ئىشچى ئائىلىسدە بىر بوۋاق دۇنياغا كەلدى . ئارىدىن ئەللىك يىل ئۆتكەندە بۇ بۇۋاقنىڭ ئەرلىك بالاغەت دەۋرىگە قەدەم قويۇپ جۇڭگۇغا ھەتتاكى پۇتۇن دۇنياغا تونۇلغان مەشھۇر كېنۇ رىجسۇرى بۇلۇپ قالىدىغانلىغىنى ھىچكىم ئويلاپ باقمىغاندى . يىللارنىڭ ئاچچىق قىسمەتلىرى ۋە مەدەنىيەت ئىنقىلاۋىنىڭ رەھمسىز تەتۇر قۇيۇنلىرى ئۇنىڭ ئالى مەكتەپ يىشىغا توغرا كەلگەن بولسىمۇ لىكىن پۇلاتتەك ئىرادە بىلەن ئىشتياق باغلىغان كەسىپچانلىق روھىنىڭ ئىلھام بىرىشى ئۇنىڭ ئۆز كەسپىگە بولغان قىزغىنلىقىنى سوۋۇتالمىدى . ئۇ كۆتۇش ئىچىدە 10 يىلنى ئۆتكۇزگەندىن كائىناتنىڭ يۇزىنى توسىۋالغان قارا بۇلۇت تارقاپ ئاخىرى ھاۋا سۈزۈلدى . ئۇ قوياشنىڭ ئىللىق نۇرى ئاستىدا كۆمۇرنىڭ پارچىلىرى بىلەن تاملارغا رەسىم سىزىپ قەلبىدىكى سەنئەتكە بولغان قىزغىن ھىسياتىنى ئىپادىلىدى . ئىزچىللىق بىلەن تىرىشش ئاخىرى ئۇنى پۇتۇن دۇنياغا مەشھۇر بولغان تالانتلىق رىجسۇر. ئارتىس . ئوپىراتۇر ۋە داڭلىق كىنو خىزمەتچىلىرىنى تەربىيلەيدىغان بىلىم ئوچىغى بىيجىڭ كىنو ئىنسىتىتۇتىنىڭ سەنئەت پۇرىقىغا تويۇنغان ئىللىق باغچىسغا ئىلىپ كىرىپ ئۇنى ھەقىقى سەنئەتكار بىلىشكە تىگىشلىك نۇرغۇن بىلىملەرنى بەرگەندىن سىرىت ئۆزىدە ئەسلىدە بار بولغان ئىقتىدار بىلەن بىرلەشتۈرۈش جەرياندا ئۇ ھەقىقى پىشقان بىر سەنئەت ئەھلىگە ئايلاندى . ئۇ مەكتەپكە ئوپراتۇرلۇق كەسپى بىلەن قۇبۇل قىلىنغان يىلى 28 ياشتا بۇلۇپ لاياقەتلىك نەتىجە بىلەن مەكتەپكە كىرگەن بولسمۇ باشقىلارنىڭ ئارقا ئېشىك مىڭىپ كىرمسە بۇ ياشقا كەلگەندە ئالى مەكتەپكە كىرەلەمتى دىگەن سۆز چۆچەكلىرىنىڭ تەسىرى بىلەن ئىككىنچى يىلى مەكتەپ تەرىپىدىن ئوقۇشتىن توختىتىلدى . شۇ چاغدا ئۇ مەدەنىيەت مىنستىرلىگىنىڭ مىنستىرىغا سەممىلىك بىلەن بىر پارچە مەكتۇپ يىزىپ ئۆزىنىڭ كىنو سەنئىتىگە بولغان يۇكسەك مۇھەببتىنى بىر نەچچە ۋاراق قەغەزگە ئىخچام ۋە مىغىزلىق قىلىپ پۇتۇپ ئەۋەتتى . مىنستىر خەتنى ھاياجان ئىچىدە ئوقۇپ چىققاندىن كىين دەرھال كىنو ئىنستىتۇتىغا تىلفۇن ئۇرۇپ بۇ ئوقۇغۇچىنىڭ داۋاملىق ئوقۇشىنى تەۋسىيە قىلدى . شۇنىڭ بىلەن تۆت يىللىق ئالى مەكتەپ ھاياتى ئۇنىڭ بىلىم قۇرۇلمىسنى تىخىمۇ مۇكەممەللەشتۈرۇشىگە تۈرىتكىلىك رول ئوينىدى . ئۇ مەكتەپتە ئوقۇغان تۆت يىل جەريانىدا ھەر يىلى ئۈچتە ياخشى ئوقۇغۇچى بۇلۇپ باھالىنىش ئىچىدە ھەممە دەرىسنى ناھايىتى ئەستايىدىللىق بىلەن ئاڭلاپ خاتىرە قالدۇرۇپ ماڭدى . شۇنىڭدىن بىرى ئۇ كىنو فىلىملىرىغا ئوپىراتۇرلۇق قىلىپ ئەڭ ياخشى نەتىجە مۇكاپاتىغا . كىنودا رول ئىلىپ ئەڭ ياخشى ئەر ئارتىس مۇكاپاتىغا . تالاي كىنولارغا رىجسۇرلۇق قىلىپ دۇنيادىكى كىنو ئۈچۈن بىرىلىدىغان بارلىق مۇكاپاتلاردىن ھەممىسنى ئىلىپ بولدى . ئۇ باشتا جۇڭگۇغا تونۇلغان بولسا كىين پۇتۇن دۇنياغا تونۇلۇپ دۇنياۋى كېنۇ فىستىۋاللىرىدا مۇكاپات تارقىتىش جەمىيتىنىڭ ئەڭ يىقىمىلىق . ئەڭ تونۇش ۋە ئەڭ ھۆرمەتكە سازاۋەر رىجسۇرى بۇلۇپ باھالىنىپ تۇرلۇك كىنو بايراملىرىغا باھالىغۇچى سۇپىتىدە قاتىنىشدىغان سالاھىيەتكە ئىرىشتى . لىكىن ئۇ تۇرمۇشتا ئاددىلىقىنى خالايدىغان ساددا خارەكتىرىگە ئىگە بىر ئادەم بولغاچقا كىنو جەميەتلىرىنىڭ بىكىتىشدە باھالىغۇچى دىگەن سالاھىيەت بىلەن ئوتتۇرغا چىقشنى خالىماي ئاخىرى جۇڭگۇ خەلىقى ئۈچۈن تولىمۇ شەرەپلىك ھىساپلىنىدىغان بۇ ۋەزىپىدىن ۋاز كەچتى . ئۇنىڭ ھەر بىر ئەسىرى كىنۇخانلاردا قويۇلغاندا پۇتۇن جۇڭگۇ خەلقى ھاياجان ئىچىدە كۆرەتتى . كىنو سەنئىتدىكى يىڭىلىق ۋە تىما تاللاشتىكى رەڭدارلىق ئۇنى يالغۇز جۇڭگۇغىلا ئەمەس پۇتۇن دۇنياغا تونۇتۇپ بۇ ساھەنىڭ شاھزادىسگە . كىنو ئىمپىرىيسى ئارقىلىق پۇتۇن دۇنيانىڭ شەرىقتىكى ئەڭ كۈچلۇك رەقىپسز غالىپىغا ئايلاندى . ئاسىيا كىنو پادىشاھى جاڭ ۋىن ئۇنى تەسۋىرلەپ مۇنداق دەيدۇ . دۇنيادىكى تۇرلۇك كىنو مۇكاپاتلىرى ئۇنىڭ ئارقا بىغىدىكى تۇرۇپقا ئوخشايدۇ . ئۇ قاچان چىقىپ يۇلۇشنى خالىسا شۇ چاغدا ئۇنىڭغا ئىرىشەلەيدۇ . لىكىن جۇڭگۇدا بۇنداقلاردىن يەنە نەچچسى بار ؟ بىر ئىغىز جاۋاپ ئۇنىڭدىن باشقا ھىچكىم يوق . ئۇنىڭ قەدىر قىممىتى ئۇنىڭ ئەمگەكلىرىدە . سەنئەتكە پۇتكەن يۇقالماس تامغىلىرىدا . ئۇنىڭ قىشلاقمۇ قىشلاق مىڭىپ يۇرۇپ مەنزىرە تاللاپ جاپالىق موھىتلاردا ئىگىلمەس سۇنماس روھ بىلەن مەزمۇت مۇستەھكەم كۆرىندىغان چىرايدىكى قەتئىلىك چىقىپ تۇرغان تەبەسسۇمىدا . تەبىئەتكە بولغان مۇھەببىتى ئۇنىڭ كىنو ئەسەرلىرىدىكى ھەر بىر كۆرۇنۇشكە مۇجەسسەملەنگەن







تۇرمۇشقا بولغان كۆز قاراشلىرى ھەر بىر فېلىمنىڭ ئەھمىيەتلىك مەنالىرى ئارقىلىق روياپقا چىققان بولسا ئىنسانلىق خارەكتىرىنىڭ ئەڭ يارقىن تۇيغۇلىرى ھەر بىر پىرسۇناجنىڭ روھىغا يۇكلىنىپ ئۇنىڭ ئوي پىكىرىلىرى ئارقىلىق ئۆزىنىڭ دۇنيا قارىشى ۋە جۇڭگۇ پۇقرالىرىنىڭ كىشىلىك قىممەت قاراشلىرىنى ئۇ مەلۇم بىر موھىت . مەلۇم بىر ماكان . زامانغا باغلاش ئارقىلىق ئىپادىلەپ ئۆز نۆۋىتىدە مىليۇنلىغان جۇڭگۇ پۇقرالىرىنىڭ ھايات كۆرەشلىرى ۋە قەيسىرانە روھىنى پۇتۇن دۇنيا خەلقىنىڭ سەھنىسگە ئىلىپ چىقالغانلىغىدا  

ئۇنداقتا بۇ شەخېس كىم ؟  بىز بۇ سۇئالغا جاۋاپ بىرىش ئۈچۈن ئەستايىدىللىق بىلەن ئىزدىنىشكە ۋە ئۇنىڭ ھەر بىر ئەسىرى توغۇرلۇق تەپسىلى كۆزىتىش ۋە ئەسەرلىرىنى تەھلىل قىلىش ئارقىلىق ئۆزىمىزنىڭ يۇزەكى سەنئەت قاراشلىرى ئارقىلىق ئۇنىڭ بىلەن ئورتاقلىششىمىز زۇرۇر  

بۇ شەخسنىڭ ئىسمى فامىلىسى جاڭ يىمو .جۇڭگۇ كىنوچىلغىنىڭ ئاتامانى .باش سەركەردىسى .گەرچە ئامېرىكىدا ئوقۇپ ھوللۇۋۇدتا تەرەققى قىلىپ كىلىۋاتقان ئىقتىزادى مەنبە جەھەتتىن ئۇنى نەچچە ھەسسە بىسىپ چۇشىدىغان لى ئەن كەبى ئاتامانلار ئاز بولمىسمۇ لىكىن ئۇ ئاددى تىمىلار ئارقىلىق چۇڭقۇر مەنىلەرنى يورۇتۇشتا ئىزچىللىق بىلەن ئۆزىنىڭ خاسلىغىنى ساقلاپ كەلگەچكە بەزىلەر ئۇنى « دىھقان رىجسۇر » دەپ ئاتىغان ۋە ئۇنىڭ دىھقانلار تۇرمۇشىنى ئەكىس ئەتتۇرۇشتە تەڭداشسىز كۆچ ۋە تالانىتقا . خاسلىققا ئىگە دەپ قارىغان . شۇڭلاشقا ئۇنىڭ ئەسەرلىرىدىكى خاسلىق  ئۇنىڭغا پەلەمپەي بۇلۇپ ئۇنى ئاخىرى ئۇنى دۇنيا سەھنىسگە ئىلىپ چىققان .ئۇنىڭ تا ھازىرغىچە بولغان ھايات پەسلى جاپا مۇشاقەتلىك بىر جەرياندىن ھاسىل بولغان بولسىمۇ لىكىن ئۇ ئۆزىنى تولىمۇ بەختلىك ۋە يەڭگىل ھىس قىلىدۇ .جاپا مۇشاقەتنىڭ يەلكىسىنى پەللىمۇ پەللە بىسىۋاتقانلىغىدىن قىلچىمۇ خۇرسىنمايدۇ بەلكى جاپانى خۇشاللىق بىلەن قۇبۇل قىلىدۇ . چۈنكى ھاياتتا ئۆزىنىڭ ئەڭ ياخشى كۆردىغان ئىشىنى قىلىش ئىمكانىيىتىگە ئىگە بۇلۇشنىڭ ئۈزى ھەر بىر نەپەس ئىگىسى ئۈچۈن كاتتا بەخىت . ئۇنىڭ ئىجادىيەت يولىدىكى ئەگىرى توقايلىق ئۇنى تالاي قىتىم مەغلۇبىيەت گىردابىغا ئاپىرىپ قويغان بولسىمۇ لىكىن ئۇ چەكسىز سەۋرىچانلىق بىلەن ھەممىگە كۈلۈمسىرەپ مۇئامىلە قىلالالايدىغان تەمكىن سالاپەت ۋە ھەر قانداق قىينچىلىقلارغا تاقابىل تۇرالايدىغان ئەقىل پاراسەت بولغاچقا ئاخىرى يولغا توسالغۇ بۇلىۋاتقان بارلىق كۈچلەر ئۆستىدىن غالىپ كەلدى . نەچچە قىتىم مەغلۇبىيەت مۇقىملىشىپ بولغان ھالەتتىمۇ ئۇ ئۆزىنىڭ تۇرلۇك يوللار بىلەن ياشاش سەنئىتىگە تۇتقان مۇئامىلسنى مەسىللەرنىڭ سەۋەبىگە قارىتىپ ئاخىرىدا يەنە ھەممىنى مەغلۈپ قىلدى . لىكىن ئۇ مەغلۇپ قىلالمايدىغان بىر نەرسە قالدى ئۇ بولسىمۇ سەنئەتنىڭ مەنبيى بولغان تۇرمۇش بىلەن سەنئەتنىڭ يىڭىچە يۇزلىنىشلىرى ۋە پەللىسى ئىدى







سەنئەت تۇپرىقىغا قەدەم بېسش



جاڭ يىمۇ 82-يىلى كىنو ئىنىستىتۇتىنى پۇتتۇرگەندىن كىين زادى قانداق قىلىش كىرەك ؟ نەدە خىزمەت قىلغاندا تەرەققى قىلغىلى بۇلىدۇ دەپ بىر مەزگىل گاڭگىراپ قالىدۇ . ئۇلارنىڭ بىيجىڭدا تۇرۇپ تەرەققى قىلىش نىيىتى بولسىمۇ لىكىن ئۇلارنى تونۇيدىغان . ئۇلارنىڭ قابىليتىنى ئىتىراپ قىلىدىغان ئادەم بولمىغاچقا نەننىڭ كىنو ئىستودىيسگە تەقسىم قىلىنىدۇ . جاڭ يىمۇ باشتا ئىككىلىنىپ بىر مەزگىل تۇرۇپ قالىدۇ . ئۇ نەننىڭغا بىرىپ باقمىغان بولغاچقا خەرىتىدىن نەننىڭنى تاپقاندىن كىين ئۆمىتسزلىك ئىچىدە قالغان بولسىمۇ لىكىن خىزمەتتىن ئايرىلىپ قىلىشنى خالىماي ئاخىردا نەننىڭغا بارىدۇ  . ئۇ نەننىڭغا بارغان چىغى رىجسۇر جاڭ جۇنجاۋ فىلىم ئىشلەش تەييارلىقىنى قىلىۋاتقان چاغ بۇلۇپ بۇ فىلىم ياپۇن باسقۇنچىلىرىغا قارشى كۆرەش باش تىما قىلىنغان « بىر ۋە سەككىز » نامىلىق بىر ئەسەر ئىدى . جاڭ يىمو فىلىمدە سۇرەتكە ئىلىش ۋەزىپسنى ئۈستىگە ئىلىپ ۋەزىپىنى ناھايىتى ياخشى تاماملايدۇ .

فېلىم 84 - يىللىق باھالاشتا ئەڭ ياخشى ئوپىراتۇر مۇكاپاتىغا ئىرىشىدۇ . جاڭ يىمو بىرىنچى قىتىملىق ئەمگىكىنىڭ بىكارغا كەتمىگەنلىگى ئۈچۈن سۈيۈنۇش ئىچىدە تۇرغىندا ساۋاغدىشى چىن كەيگىنىڭ تەكلىپ قىلىشى بىلەن « سىرىق تۇپراق » نامىلىق فىلىمنىڭ ئوپىراتۇرلۇق ۋەزىپىسنى ئۆستىگە ئالىدۇ . بۇ فېلىم 85- يىللىق كىنو باھالاشتا ئەڭ ياخشى سۆرەت لاھىيەلەش مۇكاپاتىغا ئىرىشكەندىن باشقا يەنە تۇرلۇك مۇكاپاتلارغا ئىرىشدۇ 86 – يىلى ئۇ ھازىرقى زامان ئاتاغلىق رىجسۇرى ۋۇ تىيەنمېڭ رىجسۇرلۇق قىلغان « كونا قۇدۇق » فېلىمگە ئوپىراتۇرلۇققا تەكلىپ قىلىنغان بولسىمۇ لىكىن رولغا مۇۋاپىق كىلىدىغان ئەر ئارتس تاپالماي قالغان ۋۇتىيەن مىڭ ئاخىرى جاڭ يىمونى باش رول ئىلىشقا تەكلىپ قىلىدۇ . جاڭ يىمو رولنى مۇۋاپىقيەتلىك ئالغانلىغى ئۈچۈن دۆلىتىمىزنىڭ 11- قىتملىق خەلىق ئاممىسى كىنو بايرىمىدا بەيخۇا مۇكاپاتىغا 7- قىتىملىق شىياڭگاڭ كىنو فىستىۋالىدا ئالتۇن ھەيكەل مۇكاپاتىغا ، ياپۇندا ئۆتكۇزۇلگەن خەلىقئارالىق كىنو بايرىمىدا ئەڭ ياخشى ئەر ئارتىس مۇكاپاتىغا ئىرىشىدۇ . بىر نەچچە فېلىمنى سۆرەتكە ئىلىش ۋە رول ئىلىش جەرياندا جاڭ يىمو خىلى تەجىرىبلىك بۇلۇپ قالغاچقا ئۇ ئەۋەلقى ئارزۇيى بويىچە رىجسۇرلۇق يولىغا مىڭىشنى ئويلاپ يىتەرلىك ئىقتىزادى مەنبە بىلەن تىما تاللاش ئۆستىدە ئىزدىنىشكە باشلايدۇ





ئىجادى ئەسەرلىرى



جاڭ يىمو نۇرغۇن ئەسەرلەرنى كۆرۇپ ئەسەر تاللاشقا كىرىشكەن چىغىدا «خەلىق ئەدەبىياتى » ژۇرنىلىدا يازغۇچى مويەننىڭ «قىزىل قوناغلىقتا » نامىلىق ھىكايىسنى كۆرۇپ قالىدۇ . شۇنىڭ بىلەن ئۇ ھىكايىنى ئىكرانغا چىقىرىش قارارىغا كىلىدۇ . 86- يىلى جۇڭگۇغا نىسبەتەن مەدەنىيەت بازىرى ئەمدى ئىچىلىۋاتقان پەيىت بۇلۇپ كىنو تەشۋىقات ۋاستىسنىڭ رولنى ئالىدىغان دەۋىرنىڭ ئاخىرلىشىش باسقۇچىغا كىلىپ قالغاندى . ئۇنىڭ ئۆستىگە كېنۇغا نىسبەتەن جاڭ يىمودا بەشنچى ئەۋلات رىجسۇرلارغا ئوخشىمايدىغان كۆز قاراش بار ئىدى . ئۇ بىيجىڭغا بىرىپ يازغۇچى مويەننى ئىزدەپ تىپىپ ھىكايىنى سىنارىيەلەشتۈرۈش توغۇرسىدا پاراڭلىشىدۇ . ئاندىن قايتىپ بىرىپ بۇ پىلانىنى ئىستودىيە باشلىقغا دەيدۇ . لىكىن باشقىلار بۇ ئەسەرنى ئىشلەشكە قارشى تۇرىدۇ . بىراق ۋۇ تىيەنمىڭ ئۇنىڭغا ئىقتىزادى جەھەتتىن ياردەم قىلىپ ئۇنى قوللايدۇ . جاڭ يىمو يازغۇچى مويەننىڭ يۇرتى شەندۇڭغا بىرىپ ئۆزى بىشىدا تۇرۇپ بىر بوشلۇققا قىزىل قوناق تىرىتىدۇ . ئاندىن قىزىل قوناق پىشىدىغان چاغقىچە ئارتىسلارنى تاللايدۇ . ئەر ئارتسى جاڭ ۋىن ( ئاتاغلىق ئارتىس ۋە رىجسۇر ) ئايال ئارتىس گۇڭلى( شۇ چاغدا مەركىزى تىياتىر ئىنىستتۇتىنىڭ 2- يىللىق ئوقۇغۇچىسى ) نى تاللاپ ئۇلارنى تۇرمۇش ئۇگۇنۇش ئۈچۈن بىر يىرىم ئاي شۇ يىزىغا قويىۋىتىدۇ . فىلىم بىر يىرىم ئايدا تولۇق سۆرەتكە ئىلىنىپ بۇلىدۇ . جاڭ يىمۇ قوناق شاخلىرىنىڭ جىم تۇرىشى بىر خىل ئەرلىك جاسارىتنىڭ مەھسۇلى سۇپىتىدە قوناغلىقنى تاللىغان بولسا ئۇنىڭ شامالدا يىنىك يەلپۇنىشنى ئەرلىك ھىسياتىنىڭ قوزغىلىش كۈچىگە تەققاسلايدۇ . قوناقتىن يەنە ھاراق ئىشلەپ چىقىرىشنى ئاساس قىلىپ ھاراقنىڭ ئادەمنى ھاياجانغا سالىدىغان تەرىپىنى ئارتۇقچىلىق ۋە ئاجىزلىق سۇپىتىدە ئەسەرگە كىرگۈزۈش ئارقىلىق غىرىپ ماكانغا باغلانغان پىرسۇناجلارنىڭ تەقدىرىنى ئاشۇ چەت قىشلاقتىكى خارابىلىككە يۇزلەنگەن موھىتقا باغلاش ئارقىلىق ئۇنىڭدا يۇز بەرگەن ئېچىنشلىق بىر مەنزىرىنى تەسۋىرلەيدۇ . فېلىم ئىلىش جەريانى تولىمۇ جاپالىق بۇلۇپ ئارتېسلارنىڭ رول ئىلىشتىكى تەجىرىبىسنىڭ كەملىگىنى موھىت ئىچىگە قويۇش ۋە ھاياتلىقنىڭ جىنى بولغان قوناق ۋە مۇھەببەتكە باغلاش ئارقىلىق قوش لىنيىلىك ئاددى ھايات قانۇنىيتنى ناھايىتى ياخشى جىپسلاشتۇرۇپ ھىكايىنىڭ راۋان ۋە تەسىر قىلىش كۈچىگە ئىگە بۇلىشى ئۈچۈن كۈچەيدۇ . فېلىم قويۇلغاندىن كىين نۇرغۇنلىغان كەسىپ ئەھلىنىڭ ناھايىتى ياخشى باھاسىغا ئىرىشىدۇ ۋە تۇرلۇك مۇكاپاتلارغا ئىرىشىدۇ . فېلىم 89- يىلى 11- قىتملىق يىللىق ھۆكۈمەت مۇكاپاتىغا . ئەڭ ياخشى ھىكايە فىلىم مۇكاپاتىغا .  شۇ يىللىق ئالتۇن خوراز مۇكاپاتىغا . ئەڭ ياخشى سۇرەت . ئەڭ ياخشى موزىكا ، ئەڭ ياخشى ئۈن ئىلىش مۇكاپاتىغا نائىل بولغاندىن سىرىت چەتئەللەردىن تارقىتىلىدىغان . 38- قىتىملىق بىرلىن خەلىقئارالىق كىنو فىستىۋالىدا ئالتۇن مۈشۈك ئىيىق مۇكاپاتىغا ، 30 – قىتىملىق سېدىنى خەلىقئارالىق كىنو فسىتىۋالىدا سىدنى كىنو باھالاش مۇكاپاتىغا . قاتارلىق ئىتالىيە . فىرانىسيە ، بىلۇرۇسىيە قاتارلىق كىنو بايراملىرىدا تۇرلۇك مۇكاپاتلارغا ئىرىشىش بىلەن بىرگە جۇڭگۇ كىنوچىلىغىنىڭ يەنە بىر گۇللىنىش دەۋرىنىڭ تۇنجى بۇلۇپ ئىشىك ئاچقۇچىسى بۇلۇپ قالىدۇ . بۇ فىلىم جۇڭگۇدىكى بەزى زىيالىيلار ۋە ئوبزۇرچىلارنىڭ نەزىرىدە ناچار فېلىم ۋە چەتئەلنىڭ مۇكاپاتىغا ئىرشىش بىز جۇڭگۇ خەلقى ئۈچۈن ھاقارەت دەپ ئوبزۇرلارنى يازغان بولسىمۇ لىكىن جاڭ يىمو بۇنداق سۆزلەرگە پەرۋا قىلمايدۇ . چۈنكى كىنونىڭ ئىچىدىكى بىر ۋەقەلىكتە ھاراققا سىيدىغان كۆرۇنۇش بۇلۇپ بۇ كۆرۈنۈش جۇڭگۇلۇقلارغا نىسبەتەن ئۆزىنىڭ چاۋىسىنى ئۆزى چىتقا يىيىپ بىر مىللەتنى پۇتۇن دۇنيا ئالدىدا رەسۋا قىلغانلىق شۇڭا چەتئەلدىكى ھەر قانداق مۇكاپاتنىڭ ھەممىسى بىز ئۈچۈن ھاقارەت دىيشكەندى . لىكىن جاڭ يىمودا ئىدىيە جەھەتتىن بۇنداق سۆزلەرگە تەييارلىق بولغاچقا ئارقىسىدىن بۇلىۋاتقان سۆز چۆچەكلەرگە پەرۋا قىلمايلا ئارقىدىن ئۈلاپلا «جۈدو » نامىلىق فىلىمنى سۇرەتكە ئىلىشقا كىرىشىدۇ . فېلىمدە بىر ئەر ئايالنىڭ مۇھەببەت تىراگىدىيىسى ئەكىس ئەتكەن فىلىم بولسىمۇ لىكىن جاڭ يىمۇنىڭ ئالاھىدىلىگى ئارتىسلارغا ئىش يوق پەقەت رول ئىلىش ئۈچۈنلا ھەركەت قىلۋاتقانلىغىدەك ساختىلىقتىن چەتنەپ چىقىش ئۈچۈن جۇڭگۇنىڭ ئالاھىدىلىگى ئەكىس ئىتىدىغان يەرلىك قول ھۇنەر سەنئەت . ياكى دىھقانچلىقتا ئالاھىدىلىگى ۋە خاسلىغى نامايەن بۇلىدىغان مەيدان تاللاشنى ئالدىن شەرىت قىلىش ئالاھىدىلىگىنى يەنە بىر قىتىم نامايەن قىلىپ باش پىرسۇناج جۇدونى رەخ بوياش كارخانىسدىن تۈزۈلگەن بىر موھىتقا قويىدۇ . بىر ئايالنىڭ ئىچكى تۇيغۇسى ، ئازاپلىق كۈلپەتلىرى ، ئادەمنىڭ قەلبىنى لەرزىگە سالىدىغان مۇھەببەتلىك ھاياتى ۋە خۇشاللىقلىرى ئۆزى بوياۋاتقان رەڭلىك رەخىتلەر بىلەن بىرلىشىپ كىتىدۇ . ھەتتا باش پىرسۇناج ئايال ئىرىنىڭ جىيەن ئوغلى بىلەن ئوغۇرلۇقچە جىنسى مۇناسىۋەت قىلىۋاتقان چاغدا ئىگىز بوشلۇقتىكى قىزىل بويالغان رەخىت ئۇنىڭ يۇزىگە چۈشۈپ ئۇنىڭ ھاياتقا تەلپۇنىۋاتقان ئەمما ئىچكى ھىسياتىنى سىرىتقا چىقىرىش ئەركىنلىگى بولمىغان ھاياتىغا تۇرلۇك مەنا بىغىشلاش جەھەتتىكى ئىپادىلەش ئۈسۈلى ئۈچۈن ۋاستە قىلىنىدۇ . دىمەك ئاشۇ بىر ئائىللىك كىشىنىڭ ھاياتى رەخت ۋە شۇ تىرىكچىلىك موھىتىغا مەھكەم باغلىۋىتىلگەن بۇلۇپ موھىتنىڭ ئىنسان تەقدىرنى بەلگىلەيدىغان پەلسەپىۋى ئىدىينى ناھايىتى رۇشەن ئىپادىلەيدۇ . بۇ فىلىممۇ جۇڭگۇ ۋە چەتئەلدە نۇرغۇنلىغان مۇكاپاتلارغا ئىرىشىپ جاڭ يىمونىڭ بۇ ساھەدىكى ئىناۋەت ھۆرمىتىنى كۆتۇرۇش بىلەن بىرگە ئۇنىڭ كىنولىرىغا بولغان قىزغىنلىق كۆتۇرلۇشنىڭ ئەڭ يۇقۇرى پەللىسنى يارتىدۇ . ئارقىدىن جاڭ يىمو « ئىگىز ئېسلغان قىزىل پانۇس » نامىلىق فېلىمنى سۇرەتكە ئالىدۇ . بۇ فېلىمنىڭ ئالاھىدىلىگىمۇ باشقا فېلىملاردىن پەرقىلىق بۇلۇپ سۇغۇق تام ئىچىدىكى باينىڭ تۆت خوتۇنىنىڭ زىددىيەتلىرى ئارقىلىق كونا جۇڭگۇ ئاياللىرىنىڭ تۇرمۇشى ۋە ئىچىنشلىق پاجىئەسىنى باش تىما قىلغان ۋەقەلىك ئىدى . بۇ فىلىمدە قىزىل پانۇستىن ئىبارەت جۇڭگۇچە ئالاھىدىلىككە ئىگە چىراق ئاساس قىلىنىپ بىر ئايالنىڭ بىر كۈنلۈك خۇشاللىغى ياكى قايغۇسىنىڭ بەلگىسى بولغان چىراقنىڭ يىنىش ئۈچۈرلۇش جەريانى تەپسىلى بىرىلىپ بىر كۇننىڭ مەنسىنى بەلگىلەيدىغان چىراق يانغاندا ئۈچۈرۇلگەندە ھەممە ئايال ئۇنىڭغا جان جەھلى بىلەن دىققەت قىلىپ تۇرىدۇ . قايسى ئايالنىڭ ئىشىك ئالدىغا پانۇس ئىسلسا ئەر خوجايىن شۇ ئايال بىلەن بىر كېچىنى ئۆتكۇزىدۇ . پانۇسنىڭ قايسى ئۆينىڭ ئالدىغا ئىسلىدىغانلىغىنى سەھەردە بەلگىلەيدۇ . شۇڭا ئاياللارنىڭ كەيپىياتى سەھەردىلا بەلگىلىنىپ ئاياللىق ھۇزۇرىدىن بەھىر ئىلىش نۆۋىتى كەلگەن ئايال ياسىنىپ تارىنىپ خۇشاللىق ئېچىگە غەرىق بولسا چىراق يىقىلمىغان ئاياللار خورلۇق ۋە ھاقارەت ئىچىدە تۆت تامنىڭ ئىچىدە ئازاپلىق كۆنلىرنى ئۆتكۇزىدۇ . فېلىمنىڭ يەنە بىر ئالاھىدىلىگى شۇكى ئۇنىڭدا تۆت ئايالنىڭ ھامىيىسى بولغان باش پىرسۇناجنىڭ چىرايى ئىنىق تاپشۇرۇلمايدۇ . ياندىن ياكى غۇۋا ھالەتتىكى بەزى كۆرۇنۇشلىرى بىرلىدۇ . بۇنىڭدىكى سەۋەپ ئۇ بىر ئەر كىشى بولماستىن بەلكىم كونا جەميەتتىكى ئەرلەرنىڭ ئاسارىتىدە قالغان نۇرغۇنلىغان ئاياللارنىڭ تەقدىرىنى كونتىرۇل قىلىۋالغان ئەرلەر جەميىتىنىڭ ۋەكىلى سۇپىتىدە ئوتتۇرغا چىقىدۇ . شۇڭا بۇ فېلىمدە بۇ ئەرنىڭ نىمە ئىش قىلىدىغانلىغى . نىمە كەسىپ بىلەن شۇغۇللىندىغانلىغى چىراي تۇرقىنىڭ قانداقلىغى ئىنىق ھالەتتە تاپشۇرۇلمايدۇ . فلىمدە ئاسالىق ئەكېس ئەتتۇرۇلگىنى ئاياللارنىڭ ئۆز ئارزۇ ئارمىنى يولىدىكى يۇلقۇنۇشلىرى بۇلۇپ كاتەكتەك تار ئۆيدە قامال قىلىنىشتىن بىزار بولغان ئاياللار ئۆزىنىڭ تەبئىتى ۋە خارەكتىرىگە ئاساسەن ئەرمەك تىپىپ كۆڭلىگە تەسەللى ئىزدەشنى ئويلايدۇ . بىراق چوڭ ئايالى ئاللاقاچان ئەرلەرنى جەلىب قىلدىغان ياشلىقتىن مەھرۇم قالغاچقا ئارقا – ئارقىدىن ئۆيگە توقال خوتۇن بۇلۇپ كىرىۋاتقان يىڭى ئاياللارغا ئانا ئورنىدا بۇلۇپ قالىدۇ . تۆت ئايال شۇ چاغدىكى ئاياللار جەميىتىدىن تەشكىل قىلىنغان بىر گۇرۇھ بۇلۇپ ئۇلارنىڭ كىچىككىنە ئىشلار ئۈچۈن ئۆز ئارا زىدىدىيەتلىششى ئۇلارنىڭ ھاياتىدىكى ئەڭ مەنلىك ئىشلارنىڭ بىرى بوپ قالىدۇ . بۇ فىلىم پۇتكەندىن كىين جۇڭگۇدا قويۇشتىن چەكلنىدۇ . كىين چەتئەللەردە ياخشى باھاغا ئىرىشىپ تۇرلۇك مۇكاپاتلارغا ئىرىشىپ ئىككى يىلدىن كىين ئاندىن جۇڭگۇنىڭ كىنوخانلىرىدا قويۇلۇشقا باشلايدۇ . شۇ چاغدا جاڭ يىمۇنىڭ كۇڭلى يىرىم بولغان ھالدا مەن مۇكاپات ئۈچۈن ئەمەس . چەتئەللىك ئۈچۈن ئەمەس پەقەت جۇڭگۇنىڭ تاماششبىنلىرى ئۈچۈن خىزمەت قىلماقچى بولغاندىم دىگەندى . فىلىم جۇڭگۇنىڭ كنۇخانلىرىدا قويۇلغاندىن كىين ناھايىتى ياىشى باھاغا ئىرىشىدۇ . ئۇ ئارقىدىن يازغۇچى يۇ خۇانىڭ « ياشاش » نامىلىق پوۋسىتىنى ئىشلەش ئۈچۈن تەييارلىق قىلىدۇ . بۇ فىلىممۇ  ناھايىتى قىزغىن ئالقىشقا ئىرىشش بىلەن بىرگە كۇپلىگەن مۇكاپاتلارغا ئىرىشىدۇ . يەنە بىر يىلدىن كىين ئۇ شەھەر تېمىسى بولغان « گەپ بولسا چىرايلىقچە دىيشەيلى » نامېلىق فىلىمنى سۇرەتكە ئالىدۇ . ئۇ بۇ ساھەگە قەدەم بىسىپ شۇنچىلىغان  جىق مۇكاپاتلارنى ئالغان بولسىمۇ . تەجىرىبە جەھەتتىن پىشىپ يىتلگەن بولسىمۇ لىكىن شەھەر تۇرمۇشى ئەكېس ئەتكەن بىرەر فىلىم ئىشلەپ باقمىغاندى . مۇخبىر ئۇن زىيارەت قىلىپ سىز نېمىشقا شەھەر تۇرمۇشىنى كۆپرەك ئىشلىمەيسىز دىگەندە ئۇ دادىللىق بىلەن جاۋاپ بىرىپ شەھەر تۇرمۇشىدا بىزنىڭ ئىجاد قىلغان نەرسىلىرىمىز ۋە ئۆزىمىزگە خاس نەرسىلەر يوق دىيەرلىك . ياشاش ئالاھىدىلىگى غەرىپتىن كەلگەن . ئائىلىدە ئىشلىتىۋاتقان نەرسىلەر ياپۇن بىلەن ئامېرىكنىڭ نەرسىلىرى تۇرسا مەن پىرسۇناجلرىمنى قايسى موھىتقا قويىمەن دەپ جاۋاپ بەرگەن . مۇخبىر يەنە سىز نىمىشقا سەھرا تىمسىدىن چىقالمايسىز دەپ سورىغاندا ئۇ چۈنكى سەھرادا بىزنىڭ بەش مىڭ يىللىق مەدەنىيەت قاتلىمى . مىللىتمىزنىڭ ئۈزۈن يىللاردىن بىرى پىشىپ يىتىلگەن پىسخكا قاتلىمى بار . ئۈزۈممۇ كىچىك چىغىمدا سەھرا تۇرمۇشىنى كۆپ كۆرگەن . ھەممە ئادەم ئۆزى پىششق بولغان موھىتتا ئۆزىنىڭ ئىشىنى كۆڭۇلدىكىدەك قىلالايدۇ دىگەن . دەر ھەقىقەت جاڭ يىمو گەرچە شەھەردە ياشاۋاتقىلى ئۈزۈن بولغان بولسىمۇ بىراق ئۇ يالغۇزلۇق ۋە جىمجىتلىقنى خالايدىغان بولغاچقا ھازىرقى زامان كىشىلىرى بەھىر ئالىدىغان شەھەر تۇرمۇشىنىڭ قايناق مەنزىلىرىدىن ھۇزۇر ئىلىپ ياشاپ باقمىغان . شۇڭا ئۇ ئۆزى تۇرىۋاتقان موھىتنى ئانچە چۇشىنىپ كەتمەيدۇ ھەم چۇشىنىشكە قىزىقمايدۇ . شۇڭلاشقا باشقىلارنىڭ ئۇنى « دىھقان رىجسۇر » دەپ ئاتىغىنىمۇ ئارتۇقچە ئەمەس .  شۇنىڭدىن بۇيان ئۇ « بىرسىمۇ كەم بولسا بولمايدۇ »  « مىنىڭ ئاتا ئانام » « قەھرىمان » قاتارلىقلار فېلىملارنى ئىشلىدى . درامىنىڭ ۋەتىنى بولغان ئىتالىيە دۆلەتلىك تىياتىرخاننىڭ تەكلىپ قىلىشى بىلەن « تولەندو » نامېلىق ئوپىراغا رىجسۇرلۇق قىلدى . جۇڭگۇغا قايتىپ كىلىپ ئارقىدىن « ئىگىز ئسىلغان قىزىل پانۇس » نامىلىق ئۈسۈللۇق درامىنىڭ رىجسۇرلغىنى قىلدى . ئۇ بۇ ساھەگە كىرگەن 30 يىلدىن بۇيان بىر يىلمۇ ئارام ئالغىنى يوق . ئۇنىڭ ئۈچۈن ئارام ئىلىش فىلىمنى سۇرەتكە ئالىدىغان نەخ مەيداننى كۆرۇش بۇلۇپ مۇخبىر ئۇنىڭدىن ئارام ئىلىشنى ئويلاپ باقتىڭىزمۇ دەپ سورىغاندا ئۇ كۈلۈپ تۇرۇپ ياق . مىنىڭ پائالىيتىمنىڭ ھەممسى سىرىتتا . شۇڭا مەخسۇس ئارام ئالىمەن دەپ بىر يەرگە بىرىشمنىڭ ھاجىتى يوق دىگەن . جاڭ يىمو تا ھازىرغىچە بىرەر سى بىلەن سىردىشىپ سەنئەتتىن باشقا تىمىلار ھەققىدە پاراڭلىشىپ ئولتۇرۇپ ھاراق ئىچىپ مەس بۇلۇپ باققىنى ۋە باشقىلارنىڭ ئۆيلىرىگە مىھمانغا بىرىپ باققىنى يوق . ئۇ يالغۇز ئۆيدە ئولتۇرۇپ كىتاپ كۆرۇشكە ئامراق ، باشقىلار بىلەن داۋاملىق باردى كەلدى قىلشنى ياقتۇرمايدۇ . راستىنى دىگەندە ئۇنىڭ بىرمۇ ئاغىنسىى يوق . ئۇنىڭ دوستلىرى پەقەت ئارتېسلار ۋە بىر گۇرىپىدا بىللە بۇلۇپ فىلىم ئىشلەيدىغان خىزمەتچىلەر خالاس .

بىراق بۇ تۇمۇر ئادەمنىڭ كۇڭلىدە بىر ئىچىنىشى بار ئۇ بولسىمۇ دادىسىنىڭ ئۇلىمىدە  بىشىدا تۇرالمىغانلىغى . ئۇنىڭ دادىسى 97 - يىلى ۋاپات بولغاندا ئۇ ئىتاليىدە بۇلۇپ بىر فېسىتۋالغا قاتنىشش ئۈچۈن بارغاندى . شۇڭا ئۇ دەرھال قايتىپ كىلەلمەي ئىش تۇگگەندىن كىين قايتىپ كەلگەن ۋە ئاپىسى ۋە ئۇرۇق تۇققانلىرىنىڭ ئالدىدا ئۇلاردىن كەچۇرۇم سوراپ قاتتىق ھەسرت چەككەن . ئۇ گەرچە دۇنياغا تونۇلغان رىجسۇر بولغان بولسىمۇ لىكن ئائىلىسى ۋە ئاتا ئانسىنىڭ ئالدىدا ئۆزىنى گۇناھكاردەك ھىس قىلىدۇ . ئۇ تېنمىسز ئىشلەپ كىلىۋاتقان پەيىتتە دۆلەت رەھبەرلىرىنىڭ تەكلىۋى ھەم قۇبۇل قىلىشى بىلەن 2008 – يىللىق ئولمپىك مۇراسىمىنىڭ باشلىنىش ۋە يىپىش مۇراسىمنى ئىشلەش ئۈچۈن باش رېجسۇرلۇققا تەكلىپ قىلىنىدۇ . ئۇ پۇتۇن دۆلەت خەلقى كۆز تىكىپ كىلىۋاتقان بۇ مۇراسىمنى قىلىش ئۈچۈن نۇرغۇنلىغان قىينچىلىقلارغا دۇچ كەلگەن بولسىمۇ لىكىن بارلىق توسالغۇ ۋە بېسىمنى يىڭىپ ئىككى يىلدىن ئارتۇق تەييارلىق قىلىش ئارقىلىق جۇڭگۇنىڭ قەدىمقى مەدەنىيىتى بىلەن زامانىۋى مەدەنىيەتنى بىرلەشتۇرۇش ئارقىلىق تەرەققى قىلىۋاتقان بۇگۇنكى جۇڭگۇنىڭ ھەقىقى قىياپىتىنى نامايەن قىلىش ئارقىلىق پۇتۇن دۇنيا ئەھلىنى يەنە بىر قىتىم ھەيران قالدۇرۇپ ئولمپىك كىچىلىگىنىڭ مۇۋاپىقيەتلىك چىقىشى ئۈچۈن كاتتا تۆھپە قوشىدۇ



ئالغان مۇكاپاتلىرى –

1984 – يىلى « بىر ۋە سەككىز » فېلىمىنىڭ سۆرەت ئىلىش ۋەزىپسىنى  

ئۆستىگە ئىلىپ ئەڭ نادىر سۇرەت مۇكاپاتىغا نائىل بولغان .

1985 يىلى چىن كەيگى رېجسۇرلۇق قىلغان فېلىم « سىرىق تۇپىراق » سۇرەتكە ئىلىپ ئامېرىكا . فېرانسىيە . ۋە جۇڭگۇدىكى بايراملاردا ئەڭ نادىر سۆرەت مۇكاپاتىغا نائىل بولغان .

1987 – يىلى « كونا قۇدۇق » فېلمىدە باش رول ئىلىپ ياپۇنيىدە ئۆتكۇزلدىغان شەھەر تۇرمۇشى كېنو فستۋالىدا ئەڭ ياخشى ئەر ئارتېس مۇكاپاتىغا نائىل بولغان

1989- يىلى ئۆزى مۇستەقىل رېجسۇرلۇق قىلغان تۇنجى فېلىمى « قىزىل قوناغلىقتا » دۆلەتنىڭ ئىچى ۋە سىرتىدىكى تۇرلۇك باھالاشلاردا 23 تۇرلۇك مۇكاپاتقا ئىرىشىپ بىراقلا داڭقىنى چىقرىۋەتكەن

1990- يىلى « جۇدو » نامىلىق فېلىمى ئامېرىكا . ئىسپانىيە . فېرانىسيە . قاتارلىق دۆلەتلەردىكى بايراملاردا 6 تۇر بويىچە  مۇكاپاتقا ئىرىشكەندىن سىرىت كېنوچىلىقتىكى ئەڭ چوڭ مۇكاپات ، ئوسكار مۇكاپاتىغا نامزاتلىققا كۆرسىتىلگەن  .

1991- يىلى « ئىگىز ئىسلغان قىزىل پانۇس » فېلىمى ئارقىلىق ئىلگىرى ئاخرى بۇلۇپ ئامېرىكا . فىرانسىيە قاتارلىقلار دۆلەتلەردە 16 تۇرلۇك مۇكاپاتقا ئىرشش بىلەن بىرگە كۇمۇش شىر . ئالتۇن ھەيكەل مۇكاپاتلرىغا ئىرىشپ يەنە ئوسكار مۇكاپاتىغا نامزاتلىققا كۆرسىتىلگەن .

94- يىلى « ياشاش » نامېلىق فلىمىنى ئىشلەپ دۆلەت ۋە چەتئەللەردە 9 تۇر بىلەن مۇكاپاتلانغان .

1999- يىلى « بىرسىمۇ كەم بولسا بولمايدۇ » فېلىمى بىلەن چەتئەل ۋە دۆلىتمىزدە 12 تۇرلۇك مۇكاپاتقا ئىرىشكەن

2000- يىلى « مىنىڭ ئاتا – ئانام » فېلىمى ئارقىلىق 3 تۇردە مۇكاپاتقا ئىرىشكەن .

ئۇ 95- يىلى كانادادا ئۆتكۇزۇلىدىغان دۇنيادىكى ئەڭ داڭلىق رىجسۇرلارنى باھالاش بويىچە دۇنيادىكى ئون چوڭ رىجسۇرنىڭ بىرى بۇلۇپ باھالانغان .  

96 – يىلى ئامېرىكىدىكى باھالاشتا دۇنيادىكى ئەڭ داڭلىق 20 رېجسۇرنىڭ بىرى بۇلۇپ باھالانغان .

98- يىلى ئامېرىكا دەۋىر ژۇرنىلىدا دۇنيادىكى ئەڭ ئاتاغلىق ئون ئەرباپنىڭ بىرى بۇلۇپ باھالانغان .

99- يىلى ئاسىيا كېنو تەجىرىبە ئالماشتۇرۇش مۇراسىمىدا ئۇمۇرلۇك تۆھپە مۇكاپاتىغا نائىل بولغان .

جاڭ يىمۇ نىڭ ئوسكارغا ئىرىشكەن فىلىملىرى بارمۇ؟ ئويلاپ باقسام ئۇنىڭ نامىنى جىق ئاڭلىغان بىلەن ھازىرغىچە ئۇنىڭ بىرمۇ فىلىمىنى كۆرۈپ باقماپتىمەن.  بولسا بىرەر فىلىمنىڭ كۆرۈش ئادرىسىنى قالدۇرۇپ قويغان بولساڭ ياخشى بولاتتى.

«قىزىل قۇناق»， «ئېگىز ئېسىلغان قىزىل پانۇس»... قاتارلىقلارنىڭ ھەممىسى جاڭ يىمونىڭ ئەسەرلىرى. بىراق، ئوسكار مۇكاپاتىغا ئېرىشىپ باقمىدى.

نامزاتلىققا ئىرىششىمۇ جۇڭگۇلۇقلار ئۈچۈن چوڭ ئىش . ئەمما جاڭ يىمۇنىڭ ئابرۇيى ھازىر ئىرىشكەنلەر بىلەن تەڭ ئورۇندا تۇرىدۇ .

دۇنيا بويىچە كىنوچىلىقتىكى 10 مەشھۇر شەخىسنىڭ بىرى بۇلۇپ باھالانغان بۇ بۇرادەر .

جاڭ يىمونىڭ نامىنى ئاڭلىغان ئىكەنمەن. ئۇنىڭ « بىرسىمۇ كەم بولسا بولمايدۇ» دىگەن كىنوسىنى كۆرگەنىدىم. بەلكىم بۇ كىنونى كۆپىنچىمىز كۆرگەندىمىز.  ۋەقەلىكى ئاددى ئەمما ئىنتايىن  تەسىرلىك .
ئۆزھال ئەپەندىگە تەكلىپىم: سەنئەت تەتقىقاتى(شۇنداق دىيىشكە بۇلامدۇ ئۇقمىدىم) بۇيىچە يىزىلۋاتقان تېمىلىرىڭىزنى قىزىقىش ئىچىدە ئۇقۇۋاتىمەن. ئەمما سىز بىراقلا بىر قانچە تېمىنى ئېلان قىلۋەتسىڭىز ئۇقۇشقىمۇ ۋاقىت يىتىشمەي قالدىكەن. مەنچە بولسا كۈندە بىر پارچىدىن  ھالدا مەلۇم ئارلىق قالدۇرۇپ يوللىغان بولسىڭىز. شۇنداق بولغاندا يازمىڭىزنى ئۇقۇپ بۇ ھەقتە بىلگەنلىرىمىز بۇيىچە پىكىر قالدۇرۇشقا قۇلايلىق بۇلاتتى.

«تەنھا قىساسكار» ، «ئاخىرقى غالجىرلىق» ، «ئوغرى يوق ئالەم» ، «بۆكتۈرمە» دىگەن فىلىملەرمۇ  جاڭ يىمو رىجىسورلىقىدىكى فىلىملەرغۇ دەيمەن؟ مەن دۆلىتىمىزدە ئىشلەنگەن فىلىملەر ئىچىدە  جاڭ يىمو رىجىسورلىق قىلغان فىلىملەرنى ھەممىدىن بەك ياقتۇرۇپ كۆرىمەن.

سىز فىڭشىياۋگاڭنىڭ كىنولىرىنىمۇ ئېلىشتۇرۇپ قويۇپسىز . جاڭ يىمۇنىڭ تىما تاللىشى ھەققىدە ماقالىدە بايانلار بار . ئۇنىڭ دېھقان رېجسۇر دەپ نام ئېلىشى سەۋەپسىز ئەمەس .