ﺑﻪﮔﻤﻪﺕ ﻳﯜﺳﯜﭖ ﻧﻪﺳﯩﺮ ﺋﯩﺠﺎﺩﯨﻴﯩﺘﻰ ﻣﯘﮬﺎﻛﯩﻤﻪ ﻳﯩﻐﯩﻨﻰ ﺋﯚﺗﻜﯜﺯﯛﻟﺪﻯ
2012 - ﻳﯩﻠﻰ 7 – ﺋﺎﻳﻨﯩﯔ 14 – ﻛﯜﻧﻰ ﭼﯜﺷﺘﯩﻦ ﻛﯧﻴﯩﻦ، ﻗﻮﻣﯘﻝ ﯞﯨﻼﻳﻪﺗﻠﯩﻚ ﻳﺎﺯﻏﯘﭼﯩﻼﺭ ﺟﻪﻣﺌﯩﻴﯩﺘﻰ، «ﻗﻮﻣﯘﻝ ﺋﻪﺩﻩﺑﯩﻴﺎﺗﻰ» ﮊﯗﺭﻧﯩﻠﻰ ﺗﻪﮬﺮﯨﺮ ﺑﯚﻟﯜﻣﯩﻨﯩﯔ ﺋﯘﻳﯘﺷﺘﯘﺭﯗﺷﻰ ﺑﯩﻠﻪﻥ «ﻗﻮﻣﯘﻝ ﻣﯘﻗﺎﻣﻠﯩﺮﯨﻐﺎ ﯞﺍﺭﯨﺴﻠﯩﻖ ﻗﯩﻠﯩﺶ ﻣﻪﺭﻛﯩﺰﻯ» ﻳﯧﻐﯩﻦ ﺯﺍﻟﯩﺪﺍ، ﺟﯘﯕﮕﻮ ﻳﺎﺯﻏﯘﭼﯩﻼﺭ ﺟﻪﻣﺌﯩﻴﯩﺘﯩﻨﯩﯔ ﺋﻪﺯﺍﺳﻰ، ﻣﻪﻣﻠﯩﻜﻪﺗﻠﯩﻚ 9 – ﻧﯚﯞﻩﺗﻠﯩﻚ «ﺗﯘﻟﭙﺎﺭ» ﻣﯘﻛﺎﭘﺎﺗﯩﻨﯩﯔ ﺳﺎﮬﯩﺒﻰ، ﻧﻪﺳﯩﺮﭼﻰ، ﮊﯗﺭﻧﺎﻟﯩﺴﺖ «ﺑﻪﮔﻤﻪﺕ ﻳﯜﺳﯜﭖ ﻧﻪﺳﯩﺮ ﺋﯩﺠﺎﺩﯨﻴﯩﺘﻰ ﻣﯘﮬﺎﻛﯩﻤﻪ ﻳﯩﻐﯩﻨﻰ» ﺋﯚﺗﻜﯜﺯﯛﻟﺪﻯ. ﻳﯧﻐﯩﻨﻐﺎ ﺑﺎﺷﺘﯩﻦ – ﺋﺎﺧﯩﺮﻯ ﻗﻮﻣﯘﻝ ﯞﯨﻼﻳﻪﺗﻠﯩﻚ ﻳﺎﺯﻏﯘﭼﯩﻼﺭ ﺟﻪﻣﺌﯩﻴﯩﺘﯩﻨﯩﯔ ﺭﻩﺋﯩﺴﻰ، «ﻗﻮﻣﯘﻝ ﺋﻪﺩﻩﺑﯩﻴﺎﺗﻰ» ﮊﯗﺭﻧﯩﻠﯩﻨﯩﯔ ﺑﺎﺵ ﻣﯘﮬﻪﺭﺭﯨﺮﻯ ﺳﻪﻣﻪﺕ ﺋﺎﺑﺪﯗﺭﺍﮬﻤﺎﻥ ﻗﻮﭼﯩﻐﯘﻥ ﺭﯨﻴﺎﺳﻪﺗﭽﯩﻠﯩﻚ ﻗﯩﻠﺪﻯ. ﻳﯧﻐﯩﻨﻐﺎ ﻗﻮﻣﯘﻟﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﺭﻩﮬﺒﻪﺭﻟﯩﺮﻯ ﻗﺎﺗﻨﺎﺷﺘﻰ.
ﻳﯩﻐﯩﻨﻐﺎ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺋﻪﺩﻩﺑﯩﻴﺎﺕ – ﺳﻪﻧﺌﻪﺗﭽﯩﻠﻪﺭ ﺑﯩﺮﻟﻪﺷﻤﯩﺴﯩﻨﯩﯔ ﯞﻩ ﺷﯩﻨﺠﺎﯓ ﻳﺎﺯﻏﯘﭼﯩﻼﺭ ﺟﻪﻣﺌﯩﻴﯩﺘﯩﻨﯩﯔ ﺭﻩﺋﯩﺴﻰ ﺋﻪﺩﻩﺑﯩﻴﺎﺗﺸﯘﻧﺎﺱ، ﭘﺮﻭﻓﯧﺴﺴﻮﺭ، ﺩﻭﻛﺘﻮﺭ ﻳﯧﺘﻪﻛﭽﯩﺴﻰ ﺋﺎﺯﺍﺩ ﺭﻩﮬﻤﯩﺘﯩﻼ ﺳﯘﻟﺘﺎﻥ ﺋﻪﭘﻪﻧﺪﻯ، ﺋﯜﺭﯛﻣﭽﻰ ﺷﻪﮬﻪﺭﻟﯩﻚ ﺋﻪﺩﻩﺑﯩﻴﺎﺕ – ﺳﻪﻧﺌﻪﺗﭽﯩﻠﻪﺭ ﺑﯩﺮﻟﻪﺷﻤﯩﺴﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ، «ﺗﻪﯕﺮﯨﺘﺎﻍ» ﮊﯗﺭﻧﯩﻠﯩﻨﯩﯔ ﺑﺎﺵ ﻣﯘﮬﻪﺭﺭﯨﺮﻯ ﭘﻮﻻﺕ ﮬﯧﯟﯨﺰﯗﻟﻼ ﯞﻩ ﺑﻪﮔﻤﻪﺕ ﻳﯜﺳﯜﭘﻨﯩﯔ ﻗﻪﺷﻘﻪﺭ، ﺋﺎﻗﺴﯘ، ﻛﻮﺭﻻ، ﺋﺎﻗﺘﯘ، ﺧﻮﺗﻪﻥ، ﺋﯜﺭﯛﻣﭽﯩﺪﯨﻜﻰ ﺑﯩﺮ ﻗﯩﺴﯩﻢ ﺳﺎﯞﺍﻗﺪﺍﺷﻠﯩﺮﻯ، ﻗﻮﻣﯘﻟﺪﯨﻜﻰ ﺑﯩﺮ ﻗﯩﺴﯩﻢ ﻗﻪﻟﻪﻣﻜﻪﺷﻠﻪﺭ، ﺋﻮﻗﯘﺭﻣﻪﻧﻠﻪﺭ ﻗﺎﺗﻨﺎﺷﺘﻰ. ﻳﯧﻐﯩﻦ ﻧﺎﮬﺎﻳﺘﻰ ﻗﯩﺰﻏﯩﻦ ﻛﻪﻳﭙﯩﻴﺎﺕ ﺋﯩﭽﯩﺪﻩ ﺋﯧﻠﯩﭗ ﺑﯧﺮﯨﻠﺪﻯ. ﻳﯧﻐﯩﻨﺪﺍ ﺋﺎﺑﺪﯗﺭﻩﻗﯩﭗ ﺗﻮﻣﯘﺭ ﺟﯘﺑﻪﻳﺮﻯ، ﻳﺎﻗﯘﭖ ﻛﯧﺮﻩﻡ، ﻳﺎﻟﻘﯘﻥ ﺭﻭﺯﻯ، ﭘﻮﻻﺕ ﮬﯧﯟﯨﺰﯗﻟﻼ، ﺋﺎﺯﺍﺩ ﺳﯘﻟﺘﺎﻥ، ﺳﻪﻣﻪﺕ ﺋﺎﺑﺪﯗﺭﺍﮬﻤﺎﻥ ﻗﻮﭼﯩﻐﯘﻥ ﻗﺎﺗﺎﺭﻟﯩﻖ ﻗﻪﻟﻪﻣﻜﻪﺷﻠﻪﺭ ﺑﻪﮔﻤﻪﺕ ﻳﯜﺳﯜﭖ ﻧﻪﺳﺮﻟﯩﺮﻯ ﮬﻪﻗﻘﯩﺪﻩ ﺋﯚﺯ ﻣﯘﮬﺎﻛﯩﻤﯩﻠﯩﺮﯨﻨﻰ ﺑﺎﻳﺎﻥ ﻗﯩﻠﺪﻯ.
ﻛﻪﭼﺘﻪ ﻗﻮﻣﯘﻝ «ﺋﯜﺯﯛﻣﺰﺍﺭ ﺭﯦﺴﺘﻮﺭﺍﻧﻰ»ﺩﺍ «ﻣﯘﻗﺎﻡ ﻣﻪﺭﻛﯩﺰﻯ»ﺩﯨﻜﻰ ﺋﻪﻟﻨﻪﻏﻤﯩﭽﯩﻠﻪﺭ ﮬﻪﻣﻜﺎﺭﻟﯩﻘﯩﺪﺍ ﻳﯧﻐﯩﻦ ﺷﻪﺭﯨﭙﻰ ﺋﯜﭼﯜﻥ ﺑﯩﺮ ﻣﻪﻳﺪﺍﻥ ﺗﻪﺑﺮﯨﻜﻠﻪﺵ ﭘﺎﺋﺎﻟﯩﻴﯩﺘﻰ ﺋﯧﻠﯩﭗ ﺑﺎﺭﺩﻯ. ﭘﺎﺋﺎﻟﯩﻴﻪﺗﻜﻪ ﺋﻪﻝ ﺋﯩﭽﯩﺪﻩ ﻧﺎﻣﻰ ﺑﺎﺭ، ﻗﺎﺑﯩﻞ ﺭﻩﮬﺒﻪﺭ ﺗﻮﺧﺘﯩﺨﺎﻥ ﯞﺍﻟﯩﻲ ﺑﻪﮔﻤﻪﺕ ﻳﯜﺳﯜﭘﻜﻪ ﺋﺎﺗﺎﭖ ﺗﻪﺑﺮﯨﻚ ﺳﯚﺯﻯ ﻗﯩﻠﺪﻯ ﯞﻩ ﻳﺎﺯﻏﺎﻥ ﺷﯧﺌﯩﺮﯨﻨﻰ ﺩﯦﻜﻼﻣﺎﺗﺴﯩﻴﻪ ﻗﯩﻠﺪﻯ.
ﺑﻪﮔﻤﻪﺕ
ﺗﻮﺧﺘﯩﺨﺎﻥ ﺋﯩﺴﻤﺎﺋﯩﻞ
ﻣﻪﻳﻠﻰ ﻗﻪﻳﻪﺭﺩﻩ ﺑﻮﻝ، ﮬﺎﻣﺎﻥ ﻳﯘﺭﺕ ﺋﻮﻏﻠﻰ ﺳﻪﻥ ﺑﻪﮔﻤﻪﺕ،
ﻳﯘﺭﺕ ﺩﯦﻤﻪﻙ ﮔﯜﺯﻩﻝ ﻗﻮﻣﯘﻝ ﺑﻮﺳﺘﺎﻧﯩﺪﯗﺭ، ﺑﻪﮔﻤﻪﺕ.
«ﻳﯩﺮﺍﻗﺘﯩﻦ ﺗﻪﺑﻪﺳﺴﯘﻡ» ﺋﻪﻳﻠﻪﭖ، ﻛﻪﻟﮕﻪﻥ ﺋﯩﺪﯨﯔ ﻗﺎﺭﺍﻣﺎﻳﺪﯨﻦ،
ﺩﻩﭖ «ﻧﺎﺩﺍﻥ ﻣﯘﺧﻠﯩﺴﻼﺭ» ﺑﯩﻠﯩﻢ ﺗﻪﺷﻨﺎﺳﯩﺪﯗﺭ، ﺑﻪﮔﻤﻪﺕ.
ﻣﺎﻧﺎ ﺋﻪﻣﺪﻯ «ﺭﯨﯟﺍﻳﻪﺕ ﺋﺎﺭﯨﻠﻰ» ﭼﯚﻣﺪﻯ ﺋﯩﺮﭘﺎﻥ ﺋﻪﻳﻴﺎﻣﯩﻐﺎ،
«ﻗﯘﻣﯘﻝ ﻣﻪﺷﺮﯨﭙﻰ» ﻗﯩﻠﺪﯗﻕ ﮬﻪﻣﺪﻩ ﺧﯘﺷﺎﻟﻠﯩﻖ ﺷﻪﻳﺪﺍﻳﯩﻐﺎ.
«ﺋﺎﻕ ﺑﻮﺯ ﺋﺎﺕ» ﺑﯩﺮ ﻧﺎﺧﺸﺎ ﺋﯧﻴﺘﯩﭗ، ﺋﺎﯕﻼﺷﻘﺎ ﺧﻮﭖ ﻛﻪﻟﮕﻪﻥ،
«ﻗﺎﺭﺍ ﺷﺎﺭﻗﯩﺮﺍﺗﻤﺎ»ﺩﻩﻙ ﻗﻪﻟﺒﻨﻰ ﻟﻪﺭﺯﯨﮕﻪ ﺳﺎﻟﻐﺎﻥ ﺑﻪﮔﻤﻪﺕ.
ﺟﺎﭘﺎﻧﻰ ﺭﺍﮬﻪﺕ ﺑﯩﻠﯩﭗ، ﻛﯧﭽﻪ – ﺋﺎﺧﺸﺎﻡ ﻧﯘﺭ – ﺯﯨﻴﺎ ﺩﯦﺪﯨﯔ،
ﺋﺎﺭﺍﻣﻨﻰ ﺗﻪﺭﻙ ﺋﯧﺘﯩﭗ، ﻣﻪﻧﺰﯨﻞ ﺋﯜﭼﯜﻥ «ﺋﺎﻟﻐﺎ!» ﺩﯦﺪﯨﯔ.
«ﻣﻪﺩﻩﻧﯩﻴﻪﺕ»ﻧﻰ ﺩﻩﯞﺭ ﺗﻪﺭﻩﻗﻘﯩﻴﺎﺗﯩﻨﯩﯔ ﻣﯘﮬﯩﻤﻰ ﺑﯩﻠﺪﯨﯔ،
ﻣﺎﻧﺎ ﺋﻪﻣﺪﻯ ﺋﺎﻟﻘﯩﺶ ﮔﯜﻟﯩﻨﻰ ﻛﯚﻛﺴﯩﮕﻪ ﺗﺎﻗﯩﻐﺎﻥ ﺑﻪﮔﻤﻪﺕ.
ﺑﻪﮔﻤﻪﺕ ﻳﯜﺳﯜﭘﻨﯩﯔ ﻗﯩﺴﻘﯩﭽﻪ ﺗﻪﺭﺟﯩﻤﯩﮭﺎﻟﻰ
ﻧﻪﺳﯩﺮﭼﻰ، ﮊﯗﺭﻧﺎﻟﯩﺴﺖ ﺑﻪﮔﻤﻪﺕ ﻳﯜﺳﯜﭖ، 1964-ﻳﯩﻠﻰ ﻗﻮﻣﯘﻝ ﻗﺎﺭﺍ ﺩﯙﯞﯨﺪﻩ ﺗﯘﻏﯘﻟﻐﺎﻥ. 1987-ﻳﯩﻠﻰ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﻰ ﺋﻪﺩﻩﺑﯩﻴﺎﺕ ﻓﺎﻛﯘﻟﺘﯧﺘﯩﻨﻰ ﭘﯜﺗﺘﯜﺭﮔﻪﻥ،ﺷﯩﻨﺠﺎﯓ ﻧﯧﻔﯩﺖ ﻣﺎﺋﺎﺭﯨﭗ ﺋﯩﻨﺴﺘﯩﺘﯘﺗﻰ، ﻗﻮﻣﯘﻝ ﯞﯨﻼﻳﻪﺗﻠﯩﻚ ﻗﻪﺩﯨﻤﻜﻰ ﺋﻪﺳﻪﺭﻟﻪﺭ، ﺗﯩﻞ - ﻳﯧﺰﯨﻖ ﺋﯩﺸﺨﺎﻧﯩﺴﻰ، ﻗﻮﻣﯘﻝ ﯞﯨﻼﻳﻪﺗﻠﯩﻚ ﺳﯩﻴﺎﺳﯩﻲ ﻛﯧﯖﻪﺵ، ﻗﻮﻣﯘﻝ ﯞﯨﻼﻳﻪﺗﻠﯩﻚ ﺋﻪﺩﻩﺑﯩﻴﺎﺕ ﺳﻪﻧﺌﻪﺗﭽﯩﻠﻪﺭ ﺑﯩﺮﻟﻪﺷﻤﯩﺴﻰ، «ﻗﻮﻣﯘﻝ ﺋﻪﺩﻩﺑﯩﻴﺎﺗﻰ» ﮊﯗﺭﻧﯩﻠﻰ ﺗﻪﮬﺮﯨﺮ ﺑﯚﻟﯜﻣﻰ ﻗﺎﺗﺎﺭﻟﯩﻖ ﺋﻮﺭﯗﻧﻼﺭﺩﺍ ﺋﯩﺸﻠﯩﮕﻪﻥ. ﮬﺎﺯﯨﺮ «ﺷﯩﻨﺠﺎﯓ ﻣﻪﺩﻩﻧﯩﻴﯩﺘﻰ» ﮊﯗﺭﻧﯩﻠﯩﻨﯩﯔ ﺩﺍﺋﯩﻤﯩﻲ ﺋﯩﺸﻼﺭﻏﺎ ﻣﻪﺳﺌﯘﻝ ﻣﯘﺋﺎﯞﯨﻦ ﺑﺎﺵ ﻣﯘﮬﻪﺭﺭﯨﺮﻯ، ﺗﻪﮬﺮﯨﺮ ﺑﯚﻟﯜﻡ ﻣﯘﺩﯨﺮﻯ ﺑﻮﻟﯘﭖ ﺋﯩﺸﻠﯩﻤﻪﻛﺘﻪ.
ﺋﺎﺳﺎﺳﻠﯩﻖ ﺋﻪﺳﻪﺭﻟﯩﺮﯨﺪﯨﻦ: «ﻗﻮﻣﯘﻝ ﻣﯘﻗﺎﻣﻠﯩﺮﻯ ﮬﻪﻗﻘﯩﺪﻩ ﺋﻮﻣﯘﻣﻰ ﺑﺎﻳﺎﻥ»،«ﻗﻮﻣﯘﻝ ﻣﯘﻗﺎﻣﻠﯩﺮﻯ ﺑﯩﻠﻪﻥ ﺩﻭﻻﻥ ﻣﯘﻗﺎﻣﻠﯩﺮﯨﻨﯩﯔ ﺋﻮﺧﺸﺎﺷﻠﯩﻘﻰ ﯞﻩ ﭘﻪﺭﻗﻰ»، «ﻗﻮﻣﯘﻝ ﻣﯘﮬﻪﺑﺒﯩﺘﻰ»، «ﻗﻮﻏﯘﻥ ﻳﯘﺭﺗﯩﺪﺍ ﻧﻪﯞﺭﯗﺯ» «ﻗﻮﻣﯘﻝ ﻣﻪﺷﺮﯨﭙﻰ» «ﻗﻮﻣﯘﻝ ﺑﻮﺳﺘﺎﻧﻠﯩﻘﯩﺪﺍ ﺑﻪﺯﻣﻪ» «ﻛﯚﻛﻠﻪﻡ ﻧﺎﯞﺍﺳﻰ» «ﺋﺎﺭﺍﺗﯜﺭﯛﻙ ﻣﻪﺷﺮﯨﭙﻰ» «ﻗﻮﻏﯘﻥ ﻳﯘﺭﺗﯩﺪﯨﻜﻰ ﻣﻪﺭﯨﭙﻪﺕ ﺑﯘﻟﯩﻘﻰ» «ﺑﯩﺮ ﺋﺎﺋﯩﻠﻪ ﻗﯘﻣﯘﻝ ﻣﯘﻗﺎﻣﭽﯩﻠﯩﺮﻯ» (ﺑﯘﻻﺭﻧﯩﯔ ﮬﻪﻣﻤﯩﺴﻰ 1996 – ﻳﯩﻠﯩﺪﯨﻦ 2006 – ﻳﯩﻠﯩﻐﯩﭽﻪ ﺗﯧﻠﯧﯟﯨﺰﻭﺭﺩﺍ ﺋﺎﻣﻤﺎ ﺑﯩﻠﻪﻥ ﻳﯜﺯ ﻛﯚﺭﯛﺷﻜﻪﻥ) ﻗﺎﺗﺎﺭﻟﯩﻖ ﻣﺎﻗﺎﻟﯩﻠﯩﺮﻯ، ﺗﯧﻠﯧﯟﯨﺰﯨﻴﻪ ﺳﯧﻨﺎﺭﯨﻴﯩﻠﯩﺮﻯ ﺑﺎﺭ. ﮬﺎﺯﯨﺮﻏﯩﭽﻪ «ﻧﺎﺩﺍﻥ ﻣﯘﺧﻠﯩﺴﻼﺭ»، «ﺭﯨﯟﺍﻳﻪﺕ ﺋﺎﺭﯨﻠﻰ»، «ﺋﺎﻕ ﺑﻮﺯ ﺋﺎﺕ»، «ﻳﯩﺮﺍﻗﺘﯩﻜﻰ ﺗﻪﺑﻪﺳﺴﯘﻡ»،«ﻗﺎﺭﺍ ﺷﺎﺭﻗﯩﺮﺍﺗﻤﺎ» ﻗﺎﺗﺎﺭﻟﯩﻖ ﺷﯧﺌﯩﺮ، ﻧﻪﺳﺮﻟﻪﺭ ﺗﻮﭘﻼﻣﻠﯩﺮﻯ ﻧﻪﺷﺮ ﻗﯩﻠﯩﻨﻐﺎﻥ.
ﺋﻪﺳﻪﺭﻟﯩﺮﻯ ﻣﻪﻣﻠﯩﻜﻪﺗﻠﯩﻚ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺋﻪﺩﻩﺑﯩﻴﺎﺗﻰ ﺑﻮﻳﯩﭽﻪ «ﺗﯘﻟﭙﺎﺭ» ﻣﯘﻛﺎﭘﺎﺗﻰ، ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ «ﺗﻪﯕﺮﯨﺘﺎﻍ ﺋﻪﺩﻩﺑﯩﻴﺎﺕ - ﺳﻪﻧﺌﻪﺕ» ﻣﯘﻛﺎﭘﺎﺗﻰ ﯞﻩ «ﺧﺎﻧﺘﻪﯕﺮﻯ ﺋﻪﺩﻩﺑﯩﻴﺎﺕ ﻣﯘﻛﺎﭘﺎﺗﻰ» ﻗﺎﺗﺎﺭﻟﯩﻖ ﻣﯘﻛﺎﭘﺎﺗﻼﺭﻏﺎ ﺋﯧﺮﯨﺸﻜﻪﻥ.
ﺋﺎﭘﺘﻮﺭﻧﯩﯔ ﻳﯧﻘﯩﻨﻘﻰ ﻳﯩﻠﻼﺭﺩﺍ ﻳﺎﺯﻏﺎﻥ ﻧﻪﺳﺮﻟﯩﺮﯨﺪﻩ ﺋﯩﭙﺎﺩﯨﻠﻪﺵ ﺋﯘﺳﯘﻟﻰ ﯞﻩ ﺋﯩﺪﯨﻴﯩﯟﻯ ﻗﺎﺭﯨﺸﯩﺪﺍ ﺗﯧﺨﯩﻤﯘ ﺋﯚﺯﮔﯩﭽﯩﻠﯩﻚ ﻳﺎﺭﯨﺘﯩﭗ، ﺋﯚﺯﯨﮕﻪ ﺧﺎﺱ ﺋﻮﻳﻨﺎﻕ ﺗﯩﻞ، ﺋﻪﺭﻛﯩﻦ ﺗﻪﭘﻪﻛﻜﯘﺭ ﯞﻩ ﻟﯩﺮﯨﻚ ﮬﯧﺴﺴﯩﻴﺎﺕ ﺋﺎﺭﻗﯩﻠﯩﻖ ﮬﺎﻳﺎﺗﻘﺎ، ﺳﻪﻣﯩﻤﯩﻴﻠﯩﻜﻜﻪ، ﺗﯘﺭﻣﯘﺷﻘﺎ ﭼﯩﻦ ﺋﯩﻨﺴﺎﻧﯩﻲ ﻣﯘﮬﻪﺑﺒﻪﺗﻜﻪ ﻣﻪﺩﮬﯩﻴﻪ ﺋﻮﻗﯘﻳﺪﯗ. ﻳﺎﺧﺸﯩﻠﯩﻖ، ﺋﯩﻨﺎﻗﻠﯩﻖ ﯞﻩ ﺟﯘﺷﻘﯘﻧﻠﯘﻗﻨﻰ ﺗﻪﺷﻪﺑﺒﯘﺱ ﻗﯩﻠﯩﺪﯗ. ﺭﻩﺯﯨﻠﻠﯩﻚ ﯞﻩ ﻧﺎﭼﺎﺭ ﺧﺎﮬﯩﺸﻼﺭﻏﺎ ﺑﻮﻟﻐﺎﻥ ﻧﻪﭘﺮﯨﺘﻰ ﺑﯩﻠﺪﯛﺭﯨﺪﯗ. ﺋﯘﻧﯩﯔ ﻧﻪﺳﺮﻟﯩﺮﯨﻨﯩﯔ ﻳﻪﻧﻪ ﺑﯩﺮ ﺋﺎﻻﮬﯩﺪﯨﻠﯩﻜﻰ ﺋﻪﻧﺌﻪﻧﯩﯟﻯ ﺩﻩﺑﺪﻩﺑﯩﻠﯩﻚ ﻧﻪﺳﺮﭼﯩﻠﯩﻚ ﺗﯩﻞ ﺧﺎﮬﯩﺸﯩﺪﯨﻦ ﺧﺎﻟﻰ ﺑﻮﻟﯘﭖ، ﻳﯧﻨﯩﻚ، ﺗﻪﺑﯩﺌﯩﻲ ﺗﯩﻞ ﯞﺍﺳﯩﺘﯩﺴﻰ ﺋﺎﺭﻗﯩﻠﯩﻖ ﭼﻮﯕﻘﯘﺭ ﺗﻪﭘﻪﻛﻜﯘﺭ ﻗﺎﻳﻨﯩﻤﯩﻐﺎ ﺑﯚﺳﯜﭖ ﻛﯩﺮﯨﭗ ﺋﻮﻗﯘﻏﺎﻥ ﻛﯩﺸﯩﺪﻩ ﺷﯧﺌﯩﺮﻯ ﺳﯧﺰﯨﻢ، ﺷﯧﺌﯩﺮﻯ ﮬﯧﺴﺴﯩﻴﺎﺕ ﯞﻩ ﺋﻪﻗﻠﯩﻲ ﺗﯘﻳﻐﯘ ﭘﻪﻳﺪﺍ ﻗﯩﻠﯩﺪﯗ.
(ﺋﺎﭘﺘﻮﺭﻧﯩﯔ ﺗﻪﺭﺟﯩﻤﯩﮭﺎﻟﻰ ﻣﯘﻧﺎﺳﯩﯟﻩﺗﻠﯩﻚ ﻣﺎﺗﯧﺮﯨﻴﺎﻟﻼﺭﺩﯨﻦ ﺗﻪﻳﻴﺎﺭﻻﻧﺪﻯ)
ﻳﯧﻐﯩﻦ ﺧﺎﺗﯩﺮﻩ ﺳﯜﺭﻩﺗﻠﯩﺮﻯ ﺋﯩﻨﻜﺎﺱ ﺷﻪﻛﻠﯩﺪﻩ ﻳﻮﻟﻠﯩﻨﯩﺪﯗ.
يوللىغان ۋاقتى 2012-7-20 15:20:11
بۇ يازمىنى ئاخىرىدا ئا.ئى.پەروزان تەھرىرلىگەن. ۋاقتى 2012-7-20 17:06 
يوللىغان ۋاقتى 2012-7-20 16:38:35
