مەمەت ئۆمەر: سەۋدايى خاتىرىسى [ئۇلانما كۆچۈرۈش]

سەۋدايى خاتىرىسى

ئەگەر دۇنيادا شۇنداق بىر بەخىت بار دىيلسە ئۇ چۇقۇم بەخىتىسزلىك ئىلكىدىكى بەخىت. ئەگەر دۇنيادا شۇنداق قىزغىن،شۇنداق ئەسەبىي مۇھاببەت بار دىيىلسە، ئۇ دەل مېنڭ ساڭا بولغان ئوتلۇق مۇھاببتىمدۇر.

بەلىكم بۇ خەتلەرنى يېزىشىمنىڭ ھېچقانداق ھاجىتى يوقتۇ.بەلكىم مەن دۇنيادا ياخشى كۆرگۈدەك سىزدىن باشقا بىرەر قىز يوقتەك سىزدەك مېھىر-مۇھاببەتنىڭ، ۋاپا-ساداقەتنىڭ نىمىلىكىنى بىلمەيدىغان يۈرىكى تاشتىنمۇ قاتتىق رەھىمسىز قىزنى ياخشى كۆرۈپ قالغان ئۇچچىغا چىققان بىر ئەخمەقتۇرمەن. بەلكىم خېتىمنى ئوقۇپ بۇلۇپ يىرگىنىشلىك بىر نەرسىنى تاشلىغاندەك تاشلىۋەتەرسىز، بەلكىم كۆڭلىڭىزمۇ ئازراق يىرىم بولۇپ بىرەر-ئىككى كۈنگىچە ئازاپلىنىپ يۈرەرسىز. بىراق، خاتىرجەم بۇلۇڭ. ئىككى كۈندىن كېيىنلا چۇقۇم ياخشى بۇلۇپ كېتىسىز-دە، ھېچ ئىش بولمىغاندەك يەنە ياشاۋېرىسىز.. چۈنكى سىز تۇغۇلۇپ تا-ھازىرغىچە بىرەر كۈنمۇ ھەقىقىي ياشاپ باققان ئەمەسسىز!

بەلكىم سىز مېنىڭ نېمىشقا بىردىنلا بۇ قەدەر دەششەتلىك تۈردە ناھايىتى قەبىھ،ياۋۇز بىر ئادەمگە ئۆزگىرىپ كەتكەنلىكىمگە ھەيران بولىۋاتقانسز. ھەيران قالماڭ، بۇلارنىڭ ھەممىسىگە سىز سەۋەپچى. ھەممىنى قىلغان سىز!

سىز مېنى ھىسىياتىسز، قورقۇنچلۇق بىر ئادەمگە ئايلاندۇرۇپ قويدىڭىز! مەن ھازىر ۋەھشىيلىككە، قەبىھلىككە تولغان مۇزدەك سوغۇق ناھايىتى قورقۇنچلۇق بىر دۇنيادا ياشاۋاتىمەن... كىملەرنىدۇ ئۇرۇپ، دەسسەپ چەيلىۋەتكۈم، كىملەرنىدۇ بوغۇزلىۋەتكۈم كېلىدۇ...

دۇنيادىكى ئەڭ ئاسان ئىش-پۇل بىلەن ھەل قىلغىلى بولىدىغان ئىشتۇر.

نۇرغۇن ئەھمىيەتسىز، مەنىسىز ئۆتكۈزۈۋېتىلگەن شەنبىلەرگە ئوخشاش بۈگۈن شەنبىمۇ ئەنە شۇنداق مەنىسىزلا ئۆتۈپ كەتتى. بەلكىم ئاشۇ قورقۇنچلۇق مەنىسىزلىك، سۈرلۈك جىمجىتلىق ئىچىدە مەن ئىزدىگەن بىرەر نەرسە باردۇر. بەلكىم ياشاش بۇنداق ئەمەستۇ!

بۇرۇنقى زاماندا بىر پادىشاھ بولغانىكەن. ئۇنىڭ گۈزەللىكتە تەڭدىشى يوق بىر گۈزەل مەلىكىسى بولغانىكەن. كۈنلەرنىڭ بىرىدە مەلىكە...

قەسەم قىلىمەنكى، دۇنيادىكى چۆچەكلەرنىڭ ھەممىسى مۇشۇنداق باشلىنىدۇ. مەن بۇنداق چۆچەكلەردىن بەكمۇ بىزار!

قار قاپلىغان دېرىزىدىن كۆرۈنگەن ھېلىقى گۈزەل قىز پەقەتلا يادىمدىن چقمايدۇ. كۆزلىرىم گويا ئاشۇ دېرىزىگە مىخلىۋېتىلگەندەك كۆزلىرىمنى ھامان ئۇنىڭدىن ئۈزەلمەيتتىم.

باشقىلارنىڭ بەخىتسىزلىكىگە ئۇنچىلىك ئېچىنىپ ئاھ،ئۇرۇپ يۈرمە. بەلكىم بىز تونۇغان ئاشۇ ئېچىنىشلىق، كۈلپەتلىك بەخىتسىزلىك ئۇلار ئۈچۈن ئەڭ چوڭ بەخىت بۇلۇشى مۇمكىن.

مەن باشقىلارنىڭ بەخىتسىزلىكى ئۈچۈن ئەكىسچە كۈلىدىغان نامەرد، ناكەسلەردىن ئەمەسمەن. بىراق، بەزى ئادەملەرنىڭ بەخىتسىزلىكى خۇددى ھېيىتلىق ئالغان گاچىدەك ئادەمنى بەكمۇ خۇشال قېلىۋېتىدۇ. بۇنداق ئادەمنى ھاياجانغا سالىدىغان گۈزەل بەخىتسىزلىك ئالدىدا سىزمۇ كۈلەلمەي تۇرالمايسىز، بۇنىڭغا سىزمۇ، مەنمۇ ئامالسىز!

سېنى ئىزدەپ كوچىلارنى قېزىۋەتتىم. سەن تۈگۈل سايەڭمۇ يوق. ھەممىسى ناتۇنۇش، مۇزدەك سوغۇق ئادەملەر. نېمىشقا ئۆيۈڭدىن چىقمايدىغانسەن؟ ئۆيۈڭگە ئۈسۈپلا كىرگىلى بولىمىسا-يا؟

مەنمۇ ئۆزۈمنىڭ سېنى قانچلىك دەرىجىدە ياخشى كۆرىدىغىنىمنى ساڭا مەڭگۈ بىلدۈرۈپ بولالماي قېرىپ كەتكۈدەكمەن. سەنمۇ ئۆزۈڭنىڭ مېنى قىلچىلىك ياخشى كۆرمەيدىغانلىقىڭنى ماڭا مەڭگۈ بىلدۈرۈپ بولالماي ئۆتۈپ كەتكۈدەكسەن. ئاھ، مەن. ئاھ، سەن!!