«ئايال يازغۇچىلار كىتاب ئوقۇش كۇرسى»ئېچىلدى   [ئۇلانما كۆچۈرۈش]

نىمىدىگەن كۆڭۈللۈك يىغىلىش بۇ، مېنىڭمۇ ئەجەپ بارغۇم كېلىپ كەتتى دىسە!!تاغنىڭ ساپ ھاۋاسىنى ئەركىن نەپەس ئېلىپ،تازا كۆڭۈللۈك ئوينىۋېلىڭلار !! قەلىمىڭلاردىن گۈل تۆكۈلسۇن !!

جەنۇبىي تاغقا كۆكتىن چۈشكەن بارلىق پەرىزات ئەدىبلىرىمىزگە سالاملار بولسۇن.

بارلىق ئايال ئەدىبەلەرگە سالام.خالىدە خانىمنى كۆرۈپ تېخىمۇ سۈيۈندۈم،ئاللاھ تېنىگە سالامەتلىك ئىجادىيتىگە ئۇتۇق ئاتا قىلغاي!

          گۈزەللىك ئالىمىنىڭ پەرىلىرى جەم بولغان قۇتلۇق دەملىرىڭلارغا مەرھابا!...  پەرىلەرنىڭ  كوككە سىڭىپ كەتكەن كۈلكىلىرى ؛ قارىغايلارغا  بېزەك بولغان سۈزۈك تۇيغۇلىرى ؛ تاغلارنى ئويغاتقان نازۇك  تىۋىشلىرى؛ قاپتال-جىرالاردا تۈنەپ قالغان ئانىلىق ھېسلىرى ... نېمە دېگەن گۈزەل-ھە!...
           مەخسۇس ئاياللا ئۈچۈن تەشكىللەنگەن بۇ پائالىيەت ئەدىبەلىرىمىزگە  ئەدەبىياتنىڭ مەسئۇلىيەت ۋە مۇھەببىتىنىڭ نەقەدەر ئېغىرلىقىنى يەنە بىر قېتىم تونۇتقۇسى..... ھەدە-سىڭىللار قەلىمىڭلار تېخىمۇ بەردەم بولسۇن!...

جەنۇبىي تاغقا كەلگەن قېرى- ياش گۈزەل قەلەمكەشلەرگە چاخچاق

سىلەر بىزنى تۇغقان ئانىلار،

سىلەر بىزنى سۆيگەن گۈزەللەر.

تاغنى تالقان قىلدۇرۇپ يەنە،

ئەشۇ تاغدىن قاچقان بۆجەنلەر.

ئوۋچى بولدۇق ئەرلەر دالادا،

قان ئاققۇزدۇق تالاي تاغلاردا.

ئاھ، ئانىلار- دېدۇق دۇنياغا،

بۈركۈت بولدۇق كېچە قىيادا.

ياشلىقىڭلار گوياكى ۋولقان،

جاننى ئېلىپ جاڭگالدا قويغان.

قىرىق ياشتا تولغان بۇلاقتەك،

مېھرىڭلەردە چۆگۈن قاينىغان.

شۇنچە مەزمۇت، شۇنچە مىھرىبان

70 ياشلىق ئۇماق ئانىلار .

يۇرۇق شۇنچە ئىزىڭلار ئەنە-

شائىر بولدى  قېرى بالىلار.

ئەي قەلەمكەش گۈزەل بەرنالار،

ياشلىقىڭلار تۇرسۇن ئويناقلاپ.

مەن سىلەرگە يوللىدىم سالام،

گۈل تۇتۇڭلار مېنى باغاشلاپ...

بۇ يازمىنى ئاخىرىدا   qasimjanosman تەھرىرلىگەن. ۋاقتى  2012-6-26 17:24  

ھەقىقەتەن ئېسىل ئىش بوپتۇ. مۇشۇنداق پائالىيەتلەر ئۈزۈلۈپ قالمىغاي...

   مۇشۇ قېتىملىق كىتاپ ئوقۇش كۇرسىغا قاتناشقان ئايال ئەدىپلەرگە سەمىمىي سالام يوللاش بىلەن بىرگە، ئۇلارنىڭ تېنىگە يەنىمۇ ساقلىق، قەلىمىگە تېخىمۇ زور بەرىكەت تىلەيمەن!

ئۇيغۇر ئاياللىرىنىڭ نازۇك ھىس تۇيغۇلىرى ۋە نۆۋەتتىكى دەرت ئەلەملىرىنى يۇرۇتۇپ بىرىش سىلەرنىڭ ئۈستىڭلەردىكى بىر ۋەزىپە.

ئانام ئۇقمايدىغان ئازراق پۇل  بار ئىدى . يازغۇچى ئاچىلىرىمنى بىر مىھمان قىلىۋالسام بۇلاتتى . يوقلاپ چىقساق ھەقچان ھەممىسىنى تاماق ئەتكۇزۇپ ھارغۇزىۋىتىدىغان گەپ . ئەيبۇ ئاداش بىر ئورۇنلاشتۇرمايلىمۇ ؟ ئۈرۈمچى شەھرىدە بۇ يازغۇچى قىز ئاياللارنى  مەن بىلەن بىللە يوقلايدىغان ئەر بارمۇ ؟

رەسىملەرگە ئىسىملىرىنى قىستۇرۇپ قويغان بولساڭلار بوپتىكەن .ھەممىڭلارغا مۇبارەك بولسۇن

ئەسسالامۇ ئەلەيكۇم ئەزىزلەر، بۇ يەردىكى گۈزەللىك، بۇ يەردىكى بەخت، بۇ يەردىكى مۇھەببەت، بۇ يەردىكى مېھرىبانلىق. يۈرەكلەر پارتلاپ كېتەي دېدى، شۇ مېھرنىڭ دولقۇنلىرىدا مەۋج ئۇرغان يۈرەكلەردىن چىققان ئىلھام بىلەن ياش شائىرە ھاجىرە قاسىم، بۈگۈن بىزنى يوقلاپ چىققان ئەدىپلىرىمىزدىن  غەيرەت ئاسىم ئاكا، ئىمىن ئەھمىدى ئاكا، داڭلىق ئوبزورچىلاردىن ئابدۇللا مەتقۇربان ئاكا، مەتتۇرسۇن ئېلى قاتارلىقلارنىڭ بىزگە كۆڭۈل بۆلگەنلىكىگە ۋە قىممەتلىك تەلىملىرىگە رەھمەت ئېيتىش يۈزىسىدىن ئۇلار كىچىككىنە چاخچاق قىلدى، بۇ كۈلكىلەردىن سىلەرنىمۇ بەھرىمەن قىلىش يۈزىسىدىن، بۇ يەرگە يوللاپ قويدۇم:

غەيرەت ئاسىمغا:

غەيرەت ئاكا كېلىپ بىزنىڭ بۇ ئۆيگە،

بەكمۇ ياخشى تەلىم، تەسىر بەردىڭىز.

تەربىيلەشكە بىزنى مۇنداق داۋاملىق،

يەنە قانداق پىلان تۈزۈپ كەلدىڭىز؟


ئىمىن ئەھمىدى ئاكىغا:


ئىمىن ئاكام داڭلىق شائىر شىنجاڭدا،

شىېرىيەتتە قاتتىق دەۋران سۈرگەچكە.

قىز - جۇۋانلار ئۇنى ئەگىپ يۈرىيدۇ،

يانچۇقىغا كەمپۇت سېلىپ يۈرگەچكە.


ئۇستاز ،ئالىم ، شائىر ئىمىن ئاكىنىڭ

ئون سەككىزدە دەيمىز كۆڭۈل يېشىنى.

ئاڭلىشىمچە ۋاقىتسىزلا تاز قىپتۇ،

قىز - چوكانلار تولا سىلاپ بېشىنى.


ئابدۇللا مەتقۇربان ئاكىغا:


ئابدۇللا مالىم شىنجاڭ داشۆ بويىچە،
ئەدەبىيات پەنلىرىنىڭ پىرىكەن.
قىزىق يېرى قىزچاقلارغا ئەزەلدىن،
قاپىقىنى ئاچماسلارنىڭ  بىرىكەن.


مەتتۇرسۇن ئېلىگە:

قاراپ باقسام زەپمۇ ئېگىز بويىڭىز،
پەرىزىمچە تۆگىمىكىن يىلىڭىز.
يىگىتلەرگە قوپالمۇسىز بىلمىدىم،
قىز - ئايالغا بەك تاتلىقكەن تىلىڭىز.


پەرىدە مالىكقا:


ھاياجاندا دېدۇق كۈندە نەچچە رەت،
بۇ كۇرسقا ئەجەپ ياخشى كەپتىمىز.
يۈرەكنىڭ چىن قاتلىمىدىن ئەي ھەدە،
سىزگە كۆپتىن كۆپ رەھمەتلەر ئېيتىمىز.

ئۇز ، سۆيۈملۈك ئالتە جۈپ قىز ئەدەپنى،
بۇ تاغقا ئەجەپ ياخشى جەم قىپسىز.
زېرىكمىسۇن دېگەندەك ھەم بىزلەرنى،
ئەيبۇكامنى بىزلەر ئۈچۈن يەم قىپسىز.


ئايشەم ئەھمەد ھەدىگە:


ئايشەم ھەدە رومان يېزىپ تۇنجى رەت،
ئەر ئەدىپنى ئويلاندۇرۇپ قويدىڭىز.
«ئۆچمەس ئىز»نى چىقارغىچە روياپقا،
نەشىرياتتا نەچچە قېتىم قوندىڭىز؟


قۇمۇل ئەلنىڭ سادىق قىزى بولغاچقا،
«بېشىر ۋاڭ»غا كۆيۈپ پىشىپ يۈردىڭىز.
ياراتقۇچە مۇنداق ئېسىل ئوبرازنى،
قانداق ئاچچىق-تاتلىق خىيال سۈردىڭىز؟


خالىدە ئىسرائىل ھەدىگە:


«كەچمىش»لەردىن گاھى ئويغا چۆكسىڭىز،
«ئوربىتا»دا گاھى ئەگىپ يۈردىڭىز.
ياراتقۇچە سىز بۇلارنى ئەي ھەدە،
«قۇملۇق»لاردا قانداق چۈشلەر كۆردىڭىز؟


بىلىقىز سۇلايمان ھەدىگە:


تىلىڭىزدىن بۇلبۇل كۈيى ئاڭلىساق،
تۇرقىڭىزدىن «قىزىلگۈل»نى كۆرىمىز.
كۆيگەندەكلا سىزگە سادىق ئېرىڭىز،
بىزمۇ سىزگە ئەنە شۇنداق كۆيىمىز.


ئەيبۇ  ئاكىغا:


ئەيبۇ ئاكا بەكمۇ چارچاپ كەتتىڭىز،
بىز قىزلارنى ياخى كۈتۈپ بولالماي.
گاھى چاغدا تالاغىمۇ قاچتىڭىز،
تاغتۇرادا بىز بىلەن تەڭ تۇرالماي.

بىلىپ تۇردۇق قىينالدىڭىز نەچچە رەت،
تارتىنماستىن تويۇپ تاماق يېيەلمەي.
نېمە لازىم دەپ ئەگىپلا يۈردىڭىز،
كۆڭۈلدىكى گېپىڭىزنى دېيەلمەي.



بۇ چاخچاقلاردىن بىزمۇ قۇرۇق قالمىدۇق


سائادەت ساتتار ئايتۇغقا:


ياخشى شائىر سىز ئۆزىڭىز سائادەت،
شېئىرىڭىز ئەلگە بەكمۇ ياقىدۇ.
مۇھەببەت دەپ يازغىنىڭىز بولۇپمۇ،
يىگىتلەرنىڭ يۈرىكىگە ئاقىدۇ.


ساجىدە سۇلايمانغا:


كېيىۋاپسىز بىر چىرايلىق كۆك كوفتا،
يارىشىملىق يوپكىڭىزغا پار قىلىپ.
ئاڭلىشىمچە يۈرگىدەكسىز بازاردا،
«مۇھەببەتتە ھەققىم بار»دەپ جار سېلىپ.


ماھىنۇر ئابدىلىمغا:

سوتچىلىق قىپ يۈرەمسىزكىن ماينۇرۇم،
كورلا دېگەن پاكىز گۈزەل شەھەردە.
ياتتىڭىزمۇ ‹‹ ھاردۇق يەتكەن ئايال›› دەك،
ئەشۇ «تۇمان تارىغان تاڭ سەھەر»دە.


ئارزۇگۈل ئابدۇرېھىمغا:


تۇرقىڭىزمۇ گۈزەل ئىكەن ئارزۇگۈل،
قەلبىڭىزمۇ گۈزەل ئىكەن ئارزۇگۈل.
خۇددىي قارماي نېفىتىدەك بۇلدۇقلار،
سىزدە ھېسسىيات بەك تەلىكەن ئارزۇگۈل.


ئايىمنىسا سۇلايمانغا:


چولپانى بوپ قىزلارنىڭ ئايىمنىسا سۇلايمان،
ئاسمىنىنى شېئىرنىڭ چاقماق بولۇپ چاقتىڭىز.
شېئىر دېگەن قەلىبتىن ئوخچۇپ چىققان لىرىكا،
ئۇندىن چەتنەپ ئەمدى سىز قاياقلارغا قاچتىڭىز؟


زۆھرەگۈل ھامۇتقا:


ئاڭلىشىمچە سىز ئۇزۇندىن زۆھرەگۈل،
ھېكايىگە مەجنۇن بولۇپ يۈرۈپسىز.
يامان يېرى تاشلاپ بېلىق گۆشىنى،
ئۆپكىسىنى يېيىشكىلا كۆنۈپسىز.



قەلبىنۇر ئىلياسقا:


قەلبىڭىزگە نۇر بەرمەستىن قەلبىنۇر،
قەلەمگىمۇ  يەنە نۇرلار بېرەمسىز.
ئۇز ئىلىنىڭ ئالمىزارلىق بېغىدا،
نەسىر ئۈچۈن ئىلھام ئىزدەپ يۈرەمسىز؟


ئانىقىز ئېزىز ئىلتەرىشكە:


كاتتايلاقنىڭ كاتتا قىزى __ ئانىقىز،
كۆزى ئۆتكۈر ئىرادىلىك، قەيسەر قىز.
قايىل بولدۇق روھىڭىزغا ئالامەت،
ئەسىرڭىزنى تېخى ئاخشام ئاڭلاپ بىز.


ئادالەت ئابدۇرېھىمغا:


داڭلىق شائىر ئادالەت سىز قەشقەردە،
قەشقەر ئەمەس پۈتۈن شىنجاڭ ھەر يەردە.
قىلدىڭىزغۇ كۆڭلىمىزنى رام، ئېجىل،
ئەسەر ئوقۇپ ئاخشام تېخى بۇ يەردە.


مەلىكە مەمەت ئايزىتقا:



ياخشى كەپسىز يالقۇنتاغدىن مەلىكەم،
كۆزىمىزگە خۇددى ئوتتەك كۆرۈنۈپ.
ئۆرۈك بىلەن ناندىن باشقا سىز يەنە،
كەلدىڭىزمۇ «ئالتۇن يىڭنە»كۆتۈرۈپ.


ھەبىبە مەمەتئەيساغا:


گاھ يازىسىز  مۇھەببەتنى ھەبىبە،
گاھ يازدىڭىز ئۇندىن ھالقىپ «ئېشەك»نى*
خەخلەر نېمە دېسە مەيلى دەۋەرسۇن،
سۇنىۋېرىڭ يەنە شۇنداق چېچەكنى.


*  ھەبىبەنىڭ «ئېشەك چۈشى» ناملىق ھېكايىسى كۆزدە تۇتۇلىدۇ.

سالام سىڭلىم سائادەت ساتتار !!
ئايال قەلەمكەشلەر بىلەن بىللە ھەم سۆبەت بولغىنىڭىزدىن سۆيۇندۇم ،ئەپسۇس تېلپۇن نومرىڭىزنى تاپالماي تېلپۇن قىلالمېدىم.مەلىكەگىمو سالام دەڭ سىلەرگە سوۋغا سۇپىتىدە ئايال دېگەن شېئىرىمنى ئەۋەتتىم بەھىرلەنگەيسىلەر.

تولىمۇ كېچىكىپ  كۆرۈپتىمەن-دىسە....بەك ھاياجانلاندىم! مېھىرى ئىسسىق دىلكەشلەرنى چىن مېھىرىم بىلەن باغاش ئەتتىم!..

رەسىم ئاستىغا ئىسىم بىلەن بىرگە بېرىش تەلىۋىنى ھېچكىم ئورۇندىمىدى، ھەي...
بىلىۋالمىسۇن دەپتۇ-دە!