نۇرتېكىن: مەن سېنى چۆلۈمگە قىلدىم ھىلال ئاي

مەن سېنى چۆلۈمگە قىلدىم ھىلال ئاي


ئابدۇسالام ھۇشۇر نۇرتېكىن


كىرپىكىڭ دولقۇنلاپ تەشنالىقىمغا،
بارخاندەك دەۋرەيدۇ يۈرەك تىۋىشىڭ.
شىلدىرلاپ ئاققاندا مەھەللەڭ ئارا،
يۈزۈمنى سىلاشقا چىقار چاچلىرىڭ.

قاقلىنىپ ياتىمەن يارىم كېچەڭدە،
كۆزۈڭدىن تۆكۈلگەن ئاينىڭ نۇرىغا.
يۇلتۇزنى ئاسىمەن بىر تىزىق قىلىپ،
يۈرىكىمدە ئېچىلغان گۈلنىڭ بوينىغا.

ياشىنىپ قالغاندەك يىراقتا ھىجىران،
ياپىراققا دەرت تۆكەر كۈلۈپ خۇش چىراي.
پۇرىتىپ گۈللەرنىڭ خىياللىرىغا،
مەن سېنى چۆلۈمگە قىلدىم ھىلال ئاي.

قاقلىنىپ ياتىمەن يارىم كېچەڭدە،
كۆزۈڭدىن تۆكۈلگەن ئاينىڭ نۇرىغا.
يۇلتۇزنى ئاسىمەن بىر تىزىق قىلىپ،
يۈرىكىمدە ئېچىلغان گۈلنىڭ بوينىغا.



4-مىسرانى ئوڭشاپ قۇيامسىز!

                                  مەن سېنى چۆلۈمگە قىلدىم ھىلال ئاي


                               ئابدۇسالام ھۇشۇر نۇرتېكىن

                            كىرپىكىڭ دولقۇنلاپ تەشنالىقىمغا،
                            كۆڭلۈمنى ئەكتىدۇ يۈرەك تىۋىشىڭ.
                            «باياۋان» تۇرسىمۇ ئارلىقىمىزدا،
                             يۈزۈمنى ئۆپكەندەك تۇرار چاچلىرىڭ.

                             قاقلىنىپ ياتىمەن دائىم ئىنتىلىپ،
                             كۆزۈڭدىن تۆكۈلگەن ئاينىڭ نۇرىغا.
                              يۇلتۇزنى ئاسىمەن بىر تىزىق قىلىپ،
                              پىراقتىن ئېچىلغان گۈلنىڭ بوينىغا.

                              ياشىنىپ قالغاندەك يىراقتا ھىجىران،
                              ياپىراققا دەرت تۆكەر كۈلۈپ خۇش چىراي.
                              پۇرىتىپ گۈللەرنى ساڭا خىيابان،
                              سېنىلا چۆلۈمگە قىلدىم ھىلال ئاي.

       مۇشۇنداقمۇ ئوقۇپ باقتىم، «بۇزغان» بولسام ئوقۇرمەنلەر ھەم ئاپتۇرغا ئۆزرەم يەتكەي!

ما شېئىرنىڭ كىيىن ئۆزگەرتىپ يازغىنى ھەقىقەتەن ياخشى چىقىپتۇ.

ما شېئىرنىڭ كىيىن ئۆزگەرتىپ يازغىنى ھەقىقەتەن ياخشى چىقىپتۇ.

ئەسلىسى

كىرپىكىڭ دولقۇنلاپ تەشنالىقىمغا،
بارخاندەك دەۋرەيدۇ يۈرەك تىۋىشىڭ.
شىلدىرلاپ ئاققاندا مەھەللەڭ ئارا،
يۈزۈمنى سىلاشقا چىقار چاچلىرىڭ.

ئەلرام تۈزەتكىنى

  كىرپىكىڭ دولقۇنلاپ تەشنالىقىمغا،
كۆڭلۈمنى ئەكتىدۇ يۈرەك تىۋىشىڭ.
باياۋان تۇرسىمۇ ئارلىقىمىزدا،
يۈزۈمنى ئۆپكەندەك تۇرار چاچلىرىڭ.
                               (قىزىل بۇيالغان  سۆز شىئىرنىڭ لىرىكاچانلىقنى ئاجىزلىتىۋەتكەن دەپ قارايمەن.)
«مىنىڭ پىكىرىم

كىرپىكىڭ دولقۇنلاپ تەشنالىقىمغا ،
ھىجراننى چىللايدۇ يۈرەك تىۋىشىڭ.
شىلدىرلاپ ئاققاندا مەھەللەڭ ئارا،
تۇيغۇمدا لىۋىمگە لەۋ ياقار ھىدىڭ.