شۇنچىلىك بىپايانكى، داۋ ئۆز ئىچىگە ئالمىغان بىرمۇ نەرسە يوق؛ شۇنچىلىك چوڭقۇركى، قاراڭغۇ تەكتىنى ئىلغا قىلغىلى بولماس.
ئەخلاقنى ۋە ساداقەتنى تەكىتلەش روھنىڭ يېتەرسىزلىكىدۇر، كامالەتكە يەتمىگەن ئىنسان قانداقمۇ بۇلارغا ھۆكۈم قىلالىسۇن؟!
جاھان كامالەتكە يەتكەن ئىنساننىڭ ئىلكىدە بولسا نەقەدەر كۆڭۈلدىكىدەك بولاتتى-ھە؟! بىراق جاھاندارچىلىق ئۇنى چۈشەپ قويالمايدۇ؛
ئۇ ھوقۇق كۈرەشلىرىگە ئەگەشمەيدۇ؛ ھادىسىلەرنى ئېھتىياتچانلىق بىلەن كۆزىتىپ، مەنپەئەتكە بېرىلمەيدۇ؛
ماھىيەتتە تۇرىدۇ؛ يىلتىزنى تۇتقا قىلىدۇ؛
ئۇ ئاسمان-زېمىننى ئۇنتۇغان، بارچە شەيئىنى ئارقىسىغا تاشلىغان؛ شۇڭا ئۇنىڭ روھىمۇ بۇلارنىڭ تەسىرىگە ئۇچرىمىغان؛
ئۇ داۋنى تۇيغان؛ تەرىقەتنى بىلگەن؛ ساداقەتنى رەت قىلغان؛ قائىدە-يوسۇننى تەرك ئەتكەن؛
مانا بۇ كامالەتكە يەتكەن ئىنساننىڭ تىنچلىقىدۇر."