بەرگىيە: مەن كەلدىم

بەرگىيە · ۋاقتى: 2016-2-19 18:25:46


	بۇ يازمىنى ئاخىرىدا bagyar تەھرىرلىگەن. ۋاقتى 2016-2-20 12:52 PM مەن كەلدىم تۇرسۇنئاي سۇلتان بەرگىيە بۇ دۇنيانىڭ سوۋغاتلىرى باشلانغان يەرگە ،بۇ يەردىكى دەل-دەرەخلەر جىم-جىت سۆزلەيدۇ،بۇ يەردىكى گۈللەر غۇنچىلىرىنى تەۋرىتىش ئۈچۈن شاماللاردىن ئىجازەت ئالمايدۇ،رەڭدار گۈزەللىكنىڭ قىزغىنلىقى قامال قىلىنغان بۇ يەر شادىيانە پەسىلنىڭ مەڭگۈلۈك باغچىسى . سەنمۇ كەلدىڭمۇ،ۋاقىت ئوردىسىنى تىىترىتىپ تۇرۇپ؟ سېنى قوبۇل قىلىشلىرىمدىن تارتىپ ئۇزۇتۇشلىرىمغىچە يۇشۇرۇنغان پەرىشان گۈزەللىكنىڭ يالتىراشلىرى سېنى لال قىلدىمۇ؟ ئۆتۈپ كېتىۋاتقان ھەر بىر مىنۇت،ئەسلىمىلىرىڭنىڭ سۇنايلىنىشلىرى ئۈچۈن قۇچىقىنى كەڭ يېيىپ ئىسكەنجىسىدىن بوشاتمىسا، تېپىرلىدىڭمۇ؟ كېچىنىڭ غۇۋا لېۋىگەمۆكۈنۈپ تۇرغان مەستخۇش تىنىقلارنىڭ لەرزان كۈيلىرىنى شاماللار ئېلىپ قاچقان ئاشۇ چۈشلەردىن قاچماقچى بولدۇڭمۇ؟ قۇپقۇرۇق تەنلەردىن قارا ئىس ياندۇرغان كېچىنىڭ يول توسۇشلىرىدىن ئەندىكتىڭمۇ؟ تاللاشلىرىڭ ئىمكانىدا ھاياتىڭدىكى ھەر بىر ئۆتەڭ،ھەر بىر يېڭىلىنىشلاردا،مېنى يۇغۇرغان ھەر بىر مىسرالاردا سۈكۈتلىرىڭنىڭ نالىسى بىھۇش. مەن دەل ئاشۇ دەملەرنىڭ ئاشىقى بولۇش ئۈچۈن بۇ يەرگە كەلدىم ئامرىقىم! مەن كەلدىم. ھاياتلىقنىڭ ۋايىغا يېتىشى دەل مۇشۇ گۈلزارلىقتىن باشلانغان. شادىيانە باھار ۋە ياز كۈنلىرىدىكى شېرىن ھىدلارغا لىققىدە تولغان دەملەرنىڭ مەستخۇش تىنىقلىرى ھاسىراپ تۇرۇپ ساڭا قانداق خەۋەرلەرنى بەردى؟ قارىغىنە، يۇلتۇزلارنىڭ نۇرلىرىمۇ گۈل بەرگىدىكى شەبنەمگە تىۋىنىپ،بىغۇبار مۇھەببەتنىڭ لەۋلىرى بولماقنى ئىستىمەكتە.مەن دەل ساڭا مۇشۇنداق مۇھەببەت ئاتا قىلىش ئۈچۈن كەلدىم.ئامرىقىم، كۆكرىكىمدىكى پىچاقنى تارتىۋەتمىگىنىڭگە نە زامانلار بولدى، ئەمدى تارتقىن رەھىمسىزلىك بىلەن، ئەمدى قانلىرىم بۇلدۇقلاپ تۇرۇپ ئۇسۇلغا چۈشسۇن! كۆزلىرىمدىكى پىغانلارنى سۈرتۈۋەت،تەلۋە شادلىقىم كېچە لېۋىدىكى تۇمانلارنى توزۇتسۇن! جىمجىت خىياللىرىمغا ئوت يېقىۋەت،سۇكۇتلەنگەن دۇنيارىمىزنى يورۇتسۇن! ئۆكسۈشلەرنىڭ يىپىنى ئۈزۈۋەت،باغلاقتىن باغلارغا قاراپ قىيغۇتسۇن! مەن كەلدىم، دۇنيارىڭدا ئۆلۈمگە قۇچاق ئاچقان تاڭ يۇلتۇزلىرىدەك ئاخىرقى رەت يالتىرىغىلى! …مەن كەلدىم!

بەرگىيە · ۋاقتى: 2016-2-29 17:39:17


	————— 2016-2-29 ————— سېنى كۈتۈۋالاي بەرگىيە ياشلىقىمنىڭ ئېتەكلىرى لاي-لاتقىلىق يوللىرىڭغا پايانداز سالدى.يارىتىش ھاياتلىقىمىزنى ئالتۇن يىپلاردا ئۇلىغان ئىدى.يارىلىش دەل ئاشۇ نازۇك،نومۇسچان ھالرەڭ ئېتەكلەردە باشلاندى. دىلىستانىڭدىكى قەدىم ئ‍اياق تىۋىشلىرىنىڭ ۋاقىت چېكىتلىرىگە ئ‍ۇرۇلۇپ تۇرۇپ ياڭرىتىۋاتقان سېغىنىش كۈيلىرى،سىم-سىم يامغۇر كۆزلەرگە تۇتقۇن بولغان ئ‍اشۇ ئ‍اخشام گۈلنىڭ غەمكىن بەرگىدە قالدى. ھەسرەتلىك شېئىرلىرىڭدا ئ‍ۈلۈپ كەتكەن ئ‍ىسىملارنىڭ ئ‍ۇۋاقلىرى توپا-تۇمان بولۇپ نازۇك گۈلۈڭنىڭ جىلۋىگەرلىكىنى توزۇتۇشقا ئ‍ۇرۇنماقتا،بىز كۈتكەنلىرىمىزدىن ئ‍ۇزاپ كەتتۇق،كۈتۈۋاتقانلارغا بىر ۋەھىمە،بىر نەپەس،بىر دۇنيا،سەن ۋە مەنلا بولغان بىر ئ‍اسمان بېرىش ئ‍ۈچۈن.مەن سېنى دەل ئ‍اشۇ يەردە كۈتۈۋالاي! بىزنىڭ تىنىقلىرىمىز كېچىنىڭ دۈپۈلدەپ تۇرغان يۈرىكى، بىزنىڭ گۈزللىكىمىز ئ‍ۆمۈرنىڭ قىزارغان ئ‍اخىرقى ئ‍ۇپۇقى، بىزنىڭ شېىرلىرىمىز قوياشنىڭ ساپ رەڭلىك ئ‍التۇن نۇرلىرى، بىزنىڭ سۆيگىمىز ھاياتلىق دەرياسىنىڭ بۇژغۇنلۇق سۇنايلىنىشى، سېنى كۈتۈۋالاي! گۈلنىڭ خۇشبۇي ئ‍ەسلىمىلىرى ئ‍ۈچۈن ئ‍ۇنىڭ بەرگىدە مەسىت بولۇشلىرىڭدا! سەۋدايىلىقنىڭ كېچىدىكى چۈشلىرى ئ‍ۈچۈن ئ‍ۇنىڭ قاپقارا ھاياجانلىرىدا بۇلغىنىشلىرىڭدا! ئ‍ۆزۈڭنىڭ ئ‍ۆمۈرلۈك خۇشپۇرىقى ئ‍ۈچۈن ھاياتىڭغا ئ‍ايلانغان بىر تال جېنىمدا كۆيۈشلىرىڭدە! سېنى كۈتۈۋالاي،ئۆمۈرلۈك مۇھەببەت ئ‍ورمانلىقىدا ئ‍ېزىقماي كېلىپ،بىر مېنىڭ بولۇشلىرىڭدا!

داڭگال · ۋاقتى: 2016-2-19 20:09:23


	قۇرۇق كەلمەيدىغانلىقىڭىزنى بىلەتتىم

sabir · ۋاقتى: 2016-2-20 12:23:12


	قۇچاق ئاچقان تاڭ يۇلتۇزلىرىدەك ئاخىرقى رەت يالتىرىغىلى! …مەن كەلدىم بۇ جۇملە بەك تاتلىق ،ۋە جايىدا چۇشۇپتۇ

بەرگىيە · ۋاقتى: 2016-2-22 12:01:07


	ئەگەر سېنى كۈتۈۋاتقىنىمنى بىلگەن بولساڭ... بەرگىيە 1 ئەگەر سېنى كۈتۈۋاتقىنىمنى بىلگەن بولساڭ،بىلەتتىڭ بۈگۈنكى سەھىرىڭنىڭ تۇمان ۋەجىنى،بىلەتتىڭ كۆزلىرىڭنى ئۇيقۇغا زورلىغان سەۋەبنىڭ كۆزلىرىڭدە ئۇخلاپ قالغان ئازابىم ئىكەنلىكىنى! كىمسەن؟ بار كۈنلىرىمنى ئۆمرۈڭگە تۇتاشتۇرۇۋىلىپ مېنى ھۆرسىز قىلغان؟ كۆز قاراقلىرىم ئىشىك ئالدىڭغا ئېسىلغان قوڭغۇراق،مەيىن شاماللار ئۇنى جىرىڭلاتقاندا مەڭزىڭدە قاتقىنى ئىككى تامچە ياش.سەن ئۇنى چال، ھەمدە ساڭا ئورۇنلاشقان سۈكۈتۈمنىڭ ناخشىلىرىغا چۆك! ئالقىنىڭدا چوغ يانىدۇ،يۈرەكنىڭ تەپتى ئالقىنىمغا كۆچتى دىگىن، ئالقان كۆيمەيدۇ، يۈرەك كۆيىدۇ... ئەگەر سېنى كۈتۈۋاتقىنىمنى بىلگەن بولساڭ، مېنى ئاڭلا، ئاڭلا،ئاڭلا جاھانىم، مەن ئىشىكىڭ تۈۋىدە جىرىڭلىماقتىمەن قوڭغۇراق كەبى! 2 ئەگەر سېنى چاقىرىۋاتقانلىقىمنى بىلگەن بولساڭ... بورانلار نىمىشقا ھۇشقىيتىۋاتىدۇ،دېرىزەڭ نىمىشقا بۇنچە جالاقشىيدۇ، يۈرىكىڭ نىمىشقا بۇنچە تىترەيدۇ؟ شېرىن ۋەھىمىدە تېپىرلىغان تېنىڭنىڭ ئەكىس ساداسى ياڭرايدۇ نەدە؟ ئۆزۈڭ بىلەن يىراقلىشىۋاتقان ئۆزۈڭنى ئېلىپ، پەردىلىرىڭنى قايرىيتتىڭ،قوللىرىڭنىڭ ئوتتەك چاقناپ سىيلىغان تەن ئازابلىرىنى ھىس قىلاتتىڭ، قۇشتەك ئۇچۇپ چىقىپ كەتكەن تۇيغۇلىرىڭ تامان، دەلدۈشلەرچە يۈگرەيتتىڭ، ئاياقسىز پۇتلىرىڭغا كىرگەن تىكەنلەر چېچەكلەيتتى قىپ-قىزىل، تەلۋىلەشكەن ئاسمان بۇلۇتلىرىنى يېپىنچا قىلىپ ،ئاستاغىنە سىرغىپ چۈشكەن ئاي كەبى مېنى ، پەقەت مېنى يۇشۇراتتىڭ تۈندىكى چۈش چاقناشلىرىغا، قارا.. مەن ئىشىكىڭ تۈۋىگە كېلىپ بولدۇم، تىنجىغان تىنىقلىرىڭنى قويۇۋەت، ھاسىراپ قارا تەرگە چۆمگەن كېچە لىباسىنى يېپىنما ، تۇيغۇلارنى يالىڭاچلا ، ئەگەر مېنىڭ سېنى چاقىرىۋاتقانلىقىمنى بىلگەن بولساڭ! 3 ئەگەر سېنى سۆيۈۋاتقانلىقىمنى بىلگەن بولساڭ... قوللىرىمدىكى قوياشتا كۆيۈشكە بول رازى! سېنى ئوۋلىغان ئوۋچىنىڭ ئوقياسىنى تېرىپ يۈرگەن ئورمانلىققا جىم-جىت يۇشۇرۇنماي چىق مەردانە، قوياشتەك كۈلۈپ، سېنى دەپ تىزىۋالغان ئۇلۇغ بايانلىرىمنىڭ چوققىسىغا ھىجران تۇغلىرىدىن قاداپ قويدۇم، چوققا چاقنىدى، سېنى دەپ كۆز يېشىمدىن ئىككى تامچىنى قوشتۇم ،بۇلاق قاينىدى، سېنى دەپ سۆزلىرىمنى چاتقاللارغا يۇشۇردۇم،قۇشقاچلار چۇرۇقلاشتى، سېنى دەپ بارچە تەشنالىقىمدا دۇنيانى سۇغاردىم، دۇنيا قانمىدى، ئەي مەن ئۈچۈن سۆيگۈ بولغان، ئەي مەن ئۈچۈن شامال بولغان، ئەي مەن ئۈچۈن سەھەر بولغان

قەلبىنۇر ئېلياس · ۋاقتى: 2016-2-22 15:36:27


	سېنى دەپ كۆز يېشىمدىن ئىككى تامچىنى قوشتۇم ،بۇلاق قاينىدى، سېنى دەپ سۆزلىرىمنى چاتقاللارغا يۇشۇردۇم،قۇشقاچلار چۇرۇقلاشتى، سېنى دەپ بارچە تەشنالىقىمدا دۇنيانى سۇغاردىم، دۇنيا قانمىدى، بۇ لېرىكىلىق جۈملىلەر ئىچىگە چوڭقۇر سىرغىدىم . بەركەتلىك بولۇڭ گۈلۈم .

رەشىدەم · ۋاقتى: 2016-2-22 15:43:46


	sabir يوللىغان ۋاقتى 2016-2-20 12:23 PM قۇچاق ئاچقان تاڭ يۇلتۇزلىرىدەك ئاخىرقى رەت يالتىرىغىل ... بەرگىيە تېچلىقمۇ ؟ چوڭلارچۇ ئۇبدان تۇرۋاتقاندۇ ، مەندىن سالام دەرسىز ! تاتلىق جۈملىلىرىڭىزى ئوقۇپ ھۇزۇرلاندىم داۋاملىق سۇنۇپ تۇرارسىز جانىم ،

ن.ئابدۇكېرىم · ۋاقتى: 2016-2-22 16:58:18


	قەلبىڭىزدىكى ئىپار پۇراقلىق گۈلنىڭ بەرگىلىرىدىن تارالغان ھىد تۇيغۇلىرىمنى لال قىلدى جانىم

بەرگىيە · ۋاقتى: 2016-2-23 10:46:21


	بىلەمتىڭ؟ بەرگىيە مەيۈس كېچىلەرنىڭ ئ‍ىشىك قېقىشىدىن شۈركەنگەن ۋۇجۇد سىلكىنىشىدە چۆچۈگەن تۇيغۇ،ساڭا سېلىنغان گىرە،ساڭا تەلمۈرۈپ،سەندە نۇرلىنىپ،سەندە توزىغان نىگاھ. ئ‍ەي،ئىزھارىمنى ساڭا پۈۋلەشتىن بۇرۇن شېرىن قاناشتا تەلۋىلەشكەن ئ‍اشۇ يارا،مېنىڭ سېنى چاقىرىشلىرىمنى سايراشلىرىغا سىڭدۈرۈۋالغان قۇشلارنىڭ پەيلىرى توزىغان جىلغا،ئۇ بىر ھاڭ-سېنىڭ،مېنىڭ ئ‍ىسمىمنى يۇشۇرۇپ تۇرغان. ئ‍اي نۇرلىرى چېچىلغان يەرلەرنى ئ‍ىزدىمىگىن،بىلەمتىڭ،ئاي نۇرلىرى يورۇقلۇقنىڭ قاراڭغۇ تەرەپلىرىنى كۈيلەۋاتقان ئ‍اخشامدىكى جۇدالىقنىڭ سىرىنى،مۇھەببەت دەپ چىرقىراۋاتقان ئ‍ۈمىدنىڭ لاۋۇلداشلىرىدا كۆيۈۋاتقان يۇلتۇزلارنىڭ ئ‍اھىنى، ھاياتىڭدىكى ھەر بىر تىنىقنى ھاياتىم ئ‍ارىسىدىن ئ‍ېلىپ قېچىۋاتقان ئ‍اشۇ تۇيغۇنىڭ،شەۋكەتسىز تىنىچلىقنىڭ قوينىدا ئ‍ۆلۈۋاتقان تەنھالىقنىڭ ئ‍اخىرقى ئ‍ىلتىجالىرى ئ‍ىكەنلىكىنى بىلەمتىڭ؟ بىلەمتىڭ؟تاڭ نۇرلىرىنىڭ ئ‍التۇن رومكىسىغا لىقلانغان سېغىنىشىمنىڭ دېرىزىلىرىڭدىن شۇڭغۇپ كىرىپ ،كىرپىكلىرىڭگە سۆيۈشلىرىنى، يازنىڭ ھارغىن بۇلۇتلىرىدىن تۆكۈلگەن يامغۇر ئ‍ورمانلىرىڭنى نەمدىگەندە،غۇۋا ئ‍ەسلەنگەن يېشىل كۆزلەرنىڭ زۇمرەتلىرىدىن ئ‍ايرىلغانلىقىنى، دولقۇنلار سۆيگۈسى ئ‍ەبەدىي ئ‍ۇچرىشالماس ئ‍ىككى قىرغاققا زەرىپ بىلەن ئ‍ۇرۇلغاندا،چاك كەتكەن ساھىلدا سۇنايلانغان قۇمنىڭ ئ‍ارمانلىق ئ‍ۇھسىنىشلىرىنى... بىلەمتىڭ جېنىم،بىلەمتىڭ،مۇھەببىتىڭگە نائىل بولۇشنىڭ يۈرىكىمنى پارە قىلىشلىرىدىكى شېرىن ئ‍ازابىغا سېزىك نائىلاجلىقىمدا سېنى ،پەقەت سېنىلا سىغدۇرالىغان ھاياتىمنىڭ ئ‍ۇششاق ئ‍ۇۋىلىشلىرىنى.... سەن كېلىشلىرىڭدە ھەسرەت بولغىلى كەلدىڭمۇ؟ قاراشلىرىڭدا ئ‍وتلار قويغىلى كەلدىڭمۇ؟ تۇپراق ئ‍ىچىگە جېنىمنى كۆمۈپ،قېنىمدىن ئ‍ېچىلغان گۈللەرنى تاماشا قىلغىلى كەلدىڭمۇ؟ مېنى كۆزۈڭگە تۇت،سىنچىلاپ قارا،ئۆلۈم سايىلىرىدە مېنى ئ‍ۇخلاتما،ئۇيغات،كۆزۈڭنىڭ ئ‍ارقىسىدا ئ‍ولتۇرغان بىر تال مۇھەببەتمەن،بىر ئ‍ەسلىمەمەن ،ھاياتىڭغا يېيىلغان. بىلەمتىڭ؟مەن پىچىرلاۋاتقان دەملەرنىڭ بىر زامان ئ‍ېتەكلىرىڭگە لىققىدە تولغان غۇۋا ئ‍ۆتمۈش كەبى سېنى روھلار ئ‍ارىسىدا پەرياد چەككۈزىدىغانلىقىنى،سانسىز ئ‍اخشاملاردا ئ‍ۆلۈم بىلەن ھاياتلىق ئ‍وتتۇرىسىدىكى ناخشا كەبى ئ‍ېيتىلىدىغانلىقىنى.... ئ‍اھ،سەن بىلەمتىڭ؟ھاياتىمنى ياشاۋاتقان ھاياتىڭغا جان كەبى،قان كەبى،ئۆلۈم كەبى ئ‍ەبەدىي ئ‍ولتۇراقلاشقىنىمنى.

بەرگىيە · ۋاقتى: 2016-2-23 19:15:06


	سەن..... بەرگىيە 1 تېنىمدا تېپىرلىغان جېنىمنىڭ ھاياجىنى 2 يىراقلارنى كۆرسىتىپ،كۆز يەتكۈسىز،قول باغاشلىغۇسىز يىراقلارغا ئ‍ايلانغۇچى 3 مىسرالىرىمدا تاتلىق چۈشەكىگەن بىر ئ‍اۋاز 4 ھەسرەتلەر دېڭىزىدىكى چىرايلىق كېمە،مېنى قۇتقۇزۇشقا كېلىۋاتقان،دولقۇنلار ئ‍ارا،ئورۇنسىز چىقىۋاتقان شىددەتلىك بورانلارغا كۆكسىنى ئ‍ۇرۇپ،يۇشۇرۇن خادا تاشلارنى پاراسىتىدە پاچاقلىغان،مەغرۇر ۋە تەنھا 5 تەغدىرنىڭ توختاپ قالغان بېتىنى قايتىدىن ۋاراقلىغۇچى، مېنى يېزىپ چىقىۋاتقان يازغۇچى،سىزىۋاتقان رەسسام،ئويۇۋاتقان سەنئەتكار،ھەر مەناغا كۈلكەمدىن سىڭدۈرۈشكە تىرىشقۇچى 6 خەيرلەشكۈچى ئ‍ەمەس،مەرھابالىق كۈنلەرنىڭ ياراتقۇچىسىمۇ ھەم، پەقەت لەۋ ئ‍ۈستىدە ئ‍ارام ئ‍الغان ئ‍اخىرقى قوياش نۇرىنى ماڭا كۆرسىتىپ قويغان لالىرەڭ شەپەق 7 يۈرەكنىڭ يۈرەكتىكى تىۋىشلىرىدا بىخىرامان ئ‍ۇسۇل ئ‍وينىغۇچى!!!

شېرىن1 · ۋاقتى: 2016-2-27 18:24:58


	ئادەتتە ئانچە نەسىر ئوقۇپ كەتمەيتتىم . بىراق بۇ نەسىرلەرنى ئوقۇغۇنىمنى بىلىمەن ، ئىچىگە كىرىپلا كېتىپتىمەن . قۇلاق تۈۋۈمدە كىمدۇ بىرى تاتلىق شىۋىرلاۋاتقاندەك ، مەيىن شامال سىپاپ ئۆتىۋاتقاندەك ، سۈپ-سۈزۈك سۇنىڭ شىلدىرلىشىدەك تاتلىق ھېسلارغا چۈمۈلدۈم . نەسىرنىڭ ئادەمگە بۇنچىلىك زوق ئاتا قىلالايدىغانلىقىنى بۈگۈن ھېس قىلدىم.

داڭگال · ۋاقتى: 2016-2-27 18:46:10


	1 تېنىمدا تېپىرلىغان جېنىمنىڭ ھاياجىنى --"سەن" نى ماۋزۇدىن ئەچۈشۈپ ئوقۇشنى مەن بىلگەن بىلەن بىلمەيدىغانلارمۇ بار

بەرگىيە · ۋاقتى: 2016-3-1 11:30:41


	سېنى كۈتۈۋالاي بەرگىيە ياشلىقىمنىڭ ئېتەكلىرى لاي-لاتقىلىق يوللىرىڭغا پايانداز سالدى.يارىتىش ھاياتلىقىمىزنى ئالتۇن يىپلاردا ئۇلىغان ئىدى.يارىلىش دەل ئاشۇ نازۇك،نومۇسچان ھالرەڭ ئېتەكلەردە باشلاندى. دىلىستانىڭدىكى قەدىم ئ‍اياق تىۋىشلىرىنىڭ ۋاقىت چېكىتلىرىگە ئ‍ۇرۇلۇپ تۇرۇپ ياڭرىتىۋاتقان سېغىنىش كۈيلىرى،سىم-سىم يامغۇر كۆزلەرگە تۇتقۇن بولغان ئ‍اشۇ ئ‍اخشام گۈلنىڭ غەمكىن بەرگىدە قالدى. ھەسرەتلىك شېئىرلىرىڭدا ئ‍ۈلۈپ كەتكەن ئ‍ىسىملارنىڭ ئ‍ۇۋاقلىرى توپا-تۇمان بولۇپ نازۇك گۈلۈڭنىڭ جىلۋىگەرلىكىنى توزۇتۇشقا ئ‍ۇرۇنماقتا،بىز كۈتكەنلىرىمىزدىن ئ‍ۇزاپ كەتتۇق،كۈتۈۋاتقانلارغا بىر ۋەھىمە،بىر نەپەس،بىر دۇنيا،سەن ۋە مەنلا بولغان بىر ئ‍اسمان بېرىش ئ‍ۈچۈن.مەن سېنى دەل ئ‍اشۇ يەردە كۈتۈۋالاي! بىزنىڭ تىنىقلىرىمىز كېچىنىڭ دۈپۈلدەپ تۇرغان يۈرىكى، بىزنىڭ گۈزەللىكىمىز ئ‍ۆمۈرنىڭ قىزارغان ئ‍اخىرقى ئ‍ۇپۇقى، بىزنىڭ شېئىرلىرىمىز قوياشنىڭ ساپ رەڭلىك ئ‍التۇن نۇرلىرى، بىزنىڭ سۆيگىمىز ھاياتلىق دەرياسىنىڭ بۇژغۇنلۇق سۇنايلىنىشى، سېنى كۈتۈۋالاي! گۈلنىڭ خۇشبۇي ئ‍ەسلىمىلىرى ئ‍ۈچۈن ئ‍ۇنىڭ بەرگىدە مەسىت بولۇشلىرىڭدا! سەۋدايىلىقنىڭ كېچىدىكى چۈشلىرى ئ‍ۈچۈن ئ‍ۇنىڭ قاپقارا ھاياجانلىرىدا بۇلغىنىشلىرىڭدا! ئ‍ۆزۈڭنىڭ ئ‍ۆمۈرلۈك خۇشپۇرىقى ئ‍ۈچۈن ھاياتىڭغا ئ‍ايلانغان بىر تال جېنىمدا كۆيۈشلىرىڭدە! سېنى كۈتۈۋالاي،ئۆمۈرلۈك مۇھەببەت ئ‍ورمانلىقىدا ئ‍ېزىقماي كېلىپ،بىر مېنىڭ بولۇشلىرىڭدا!

Gulnisa · ۋاقتى: 2016-3-2 15:25:02


	تاتلىق لېرىكىلار مۇجەسسەملەنگەن نەسرلىرىڭىزدىن ھوزۇرلاندىم ۋە ھاياجانلاندىم، قەلىمىڭىز يەنىمۇ بەركەتلىك بولسۇن ئەزىزىم!!!

بارمان117 · ۋاقتى: 2016-3-3 18:24:12


	نەسىرنىڭ جىدىلى كىيىن خېلى بولغۇدەكتە.ئۇيغۇر تىلىنىڭ گۈزەللىكى يەنە بىر نامايەن بوپتۇ.مۇبارەك بولسۇن.

بەرگىيە: مەن كەلدىم

باھا سۆز

باھا سۆز

باھا سۆز

باھا سۆز

باھا سۆز

باھا سۆز

باھا سۆز