تاھىر ھامۇت : ئاز ۋە كۆپ

ئاز ۋە كۆپ

تاھىر ھامۇت

بىلـمەيسىلەر
ھەممە ۋەھىمە كۆپتىن كېلىدۇ
ئىشەنمىسەڭلار
« كۆپ ، كۆپ ، كۆپ » دەپ توۋلاپ بېقىڭلار
لەۋلىرىڭلار پۈرۈلگەندە
يۈرىكىڭلار ئاغىدۇ
نەپەس ئېغىزىڭلاردىن ئېتىلىپ چىققاندا
پۇت ـ قولۇڭلار تىترەيدۇ
بۇ ئاۋازىڭلارنى ئاڭلىغان ھەرقانداق ئادەمنىڭ
چىرايىدا قان قالمايدۇ!

نەسلى قۇرۇش ئالدىدا تۇرغان قىممەتلىك ھايۋانلار
ساناق سانىيالمايدىغان غەلىتە قۇرت ـ قوڭغۇزلار
چۈشىمىزگىلا كىرىدىغان تېپىلغۇسىز دەرەخلەر
رىۋايەتلەردىكى بىباھا قۇشلار
كام ئۇچرايدىغان رەڭلىك مىتاللار
ئاز بىلەن كۆپنىڭ پەرقىنى قانداق بىلسۇن؟
ئۇلار ئۈمىدۋارلىقتىنمۇ بەتتەر كېسەلگە گىرىپتار بولۇپ
پەرۋاسىز ھالدا ئۆلۈپ تۈگەيدۇ

دۇنيانى تۇتۇپ تۇرغىنى كۆپلۈك قوشۇمچىسىدۇر
دەھشەتلىك ئۇرۇشلارنى ئىپادىلەيدىغىنى كۆپ چېكىتتۇر
ھەممىنىڭ ئۈستىدىن غەلىبە قىلىدىغىنى كۆپىيىش سىستېمىسىدۇر

لېكىن بىلىپ قويۇڭلار:
كۆز يەتمەس دېڭىزدىكى سۇ بېلىقنى قىينايدۇ
چەكسىز چۆل ـ باياۋان كەسلەنچۈكنى قىينايدۇ
بەھەيۋەت تاغۇ ـ داۋان چاققاقنى قىينايدۇ
يەتتە قات ئاسمان قۇشقاچنى قىينايدۇ

تەكرارلايمەن
ئوڭ قۇلاق ، سول قۇلاق ، ئوبدان ئاڭلاڭلار
ھەممە ئازاب ئازغا كېلىدۇ
ئىشەنمىسەڭلار
«ئاز ، ئاز ، ئاز » دەپ پىچىرلاپ بېقىڭلار

2016 ـ يىل 14 ـ فېۋرال

نەسلى قۇرۇش ئالدىدا تۇرغان قىممەتلىك ھايۋانلار
ساناق سانىيالمايدىغان غەلىتە قۇرت ـ قوڭغۇزلار
چۈشىمىزگىلا كىرىدىغان تېپىلغۇسىز دەرەخلەر
رىۋايەتلەردىكى بىباھا قۇشلار
كام ئۇچرايدىغان رەڭلىك مىتاللار
ئاز بىلەن كۆپنىڭ پەرقىنى قانداق بىلسۇن؟
ئۇلار ئۈمىدۋارلىقتىنمۇ بەتتەر كېسەلگە گىرىپتار بولۇپ
پەرۋاسىز ھالدا ئۆلۈپ تۈگەيدۇ

ئېسىل مىسرالار ئىچىدىكى ئېسىل مىسرالار

كەلگەن قەدەملىرىگە مەرھابا.....ئاجايىپ ئىسىل ئەسەر بىلەن بىزگە خۇشاللىق ئاتا قىلغانلىقلىرىغا تەشەككۈر.....!

تەكرارلايمەن
ئوڭ قۇلاق ، سول قۇلاق ، ئوبدان ئاڭلاڭلار
ھەممە ئازاب ئازغا كېلىدۇ

  ئاددى ،ساز بىلدۈرگۈ.

ئون ئاز ۋە ئون كۆپ
  1. چىرىكلەشكەن ئۇنسۇرلار ئاز،چىرىكلىك ھادىسلىرى كۆپ.
      2. بىۋاستە ھالدا سىياسى جەھەتتە چىرىكلىشىش ھادىسلىرى ئاز،
ئىختىسادى جەھەتتە چىرىكلىشىش ھادىسلىرى كۆپ.
               3. ئىدارە-ئورگانلاردا چىرىكلىشىش ھادىسلىرى ئاز،كارخانىلاردا
      چىرىكلىشىش ھادىسلىرى كۆپ.
                4. كەسپى ئورگانلاردا چىرىكلىشىش ئاز، جامائەت ئىشلىرى ئورگانلىرىدا
          چىرىكلىشىش ھادىسلىرى كۆپ.
             5. بىۋاستە چىرىكلىشىش  ھادىسلىىرى ئاز، ۋاستىلىق چىرىكلەشكەنلەر كۆپ.
             6. ئوچوقتىن-ئوچوق ھالدا چىرىكلىشىش ھادىسلىرى ئاز،شەكلى ئۆزگەرگەن
      ھالدىكى چىرىكلىشىش ھادىسلىرى كۆپ.
                         7. كاتىۋاشلارنىڭ چىركلىىششكە ئۆزى قول سالىدىغانلىرى ئاز، تۇققانلىرى،دوستلىرى،
      جەمىيەتتىكى بىكار تەلەپ كىشىلەرنىڭ قول سالىدىغانلىرى كۆپ.
   8. تەشەببسكارلىق بىلەن پارا بەر دەيدىغانلار ئاز،تەشەببۇسكارلىق بىلەن
        پارا بىرىدىغانلار كۆپ.
   9. پارا بىرىدىغانلارنى توسىدىغانلار ئاز،پارا بىرىدىغانلارغا يول ئېچىپ
           بىرىدىغانلار كۆپ.
   10. پارا ئالغانلاردىن جىسمانى جەھەتتە ساق تۇرىدىغانلارئاز،
          پارا ئالغانلاردىن ساقايماس كىسەلگە گىرىپتار بولىدىغانلار كۆپ.

تاھىر ھامۇتنىڭ مۇنبەرنى بۇنىڭدىن كىيىن داۋاملىق ئاۋاتلاشتۈرۈپ تۇرۇشىنى ئۈمىد قىلىمەن، بىز مۇشۇنداق ئىسىل يازمىلارغا مۇھتاج.

نەسىر ئوقۇۋاتقاندەك ھاياجانلىنىپ ھەم سۆيۈنۈپ ئوقۇسۇم ، تەشەككۈر ..

بىلـمەيسىلەر
ھەممە ۋەھىمە كۆپتىن كېلىدۇ
ئىشەنمىسەڭلار
« كۆپ ، كۆپ ، كۆپ » دەپ توۋلاپ بېقىڭلار
لەۋلىرىڭلار پۈرۈلگەندە
يۈرىكىڭلار ئاغىدۇ
نەپەس ئېغىزىڭلاردىن ئېتىلىپ چىققاندا
پۇت ـ قولۇڭلار تىترەيدۇ
بۇ ئاۋازىڭلارنى ئاڭلىغان ھەرقانداق ئادەمنىڭ
چىرايىدا قان قالمايدۇ!

بۇ مىسرالارنى ئوقۇپ راستىنلا كۆپ كۆپ كۆپ  دەپ توۋلاپ بېقىپتىمەن.

قالتىس...

سۈيۈندىم............

شېئىرلىرىڭىزدىن شۇنداق زوق ئالىمەن، ھاياجانلىنىمەن. مۇنبەردە ھەردەم كۆرۈشنى ئىستەيمەن. ھىچنېمە دېمەي جىم-جىم ئوقۇپ قويۇپ يۈرۈۋېرىشكە چىدىمىدىم، ئېسىل شېئىرلىرىڭىزنى مەدھىيە ھاجەت بولمىسىمۇ ...........

رەھمەت ، تۇردىبەگ قىزى ، مەن سىلەر بولغاچقىلا شېئىر يازىمەن

   تاھىر ئاكامنىڭ شېئىرى نەق يۇرەككە بارىدۇ، چىدىغىلى بولمايدىغان ھاياجان قەلبىمنى چىرمىۋالىدۇ........

سالام تاھىركا، ئارقا-ئارقىدىن ئېسىل شېئىرلىرىڭىزنى يوللاپ بۇ مۇنبەرگە جان كىرگۈزىۋېتىپسىز، شېئىرلىرىڭىزنى بۇ يەردە قايتا كۆرۈپ تولىمۇ خۇرسەن بولدۇم. كېيىنكى ئىجادىيەتلىرىڭىزنىڭ تېخىمۇ ئۇتۇقلۇق بولىشىنى تىلەيمەن.

رەھمەت ، نۇربىيە