‹‹شاھنامە››نىڭ نەسرى نۇسخىسى بىرىنچى بۆلۈم [ئۇلانما كۆچۈرۈش]

سىز نەسىرلەشتۈرگەن مەن بۇ ئەسەرنى كونا مۇنبەردە ئىزچىل كۆرۈپ كەلگەن. ئەجرىڭىزدىن كۆپ سۆيۈنگەن. يېڭى مۇنبەرگە يۆتكەپ ياخشى قىپسىز. ئەمگىكىڭىزگە ھۆرمەت قىلىشقا تېگىشلىك.

مەنمۇ بۇ نەسرىي نۇسخىڭىزنى كونا مۇنبەردە ئىزچىل ئوقۇپ كېلىۋاتقان ئىدىم، بۇ يەرگە يوللاپ بەكمۇ ئېسىل ئىش قىلدىڭىز، رەھمەت سىزگە.

قابىلجان ئەجرىڭىزبەرىكەتلىك بولسۇن ، قايتا جاپا چېكىدىغان بولسىڭىز، بولسا يازمىنى يولاشتىن بۇرۇن قايتا بىر قاراپ چىقىڭ ، يازما ئارىسىدا  قالايمىقان كود لار بەك كۆپ ئىكەن ،يازمىغا بىۋاستە تەسىز كۆرسۈتۈپتۇ ....

مېنىڭ بىر تەكلىپىم بار:سىز كونا مۇنبەرگە يوللىغاندا ئابلىكىم ھەسەن ئاكىمىز نەشىر قىلدۇرۇشقا تەييار ئىكەنلىكى توغرىسدا  سۆز قالدۇرۇپتىكەن، دېمەك بۇ ئەسەرنىڭ نەسرىي نۇسخىسىنى پۈتتۈرۈپ بولۇپ، نەشىر قىلدۇرىسىز، بىزنىڭ يۇرتتا «شاھنامە» نىڭ نەسرىي شەكىلدە چاغاتايچە نۇسخىسى باركەن. تاجىكلارنىڭ پەخىرلىك شائىرىمىز باتۇرجان ئاتاخاننىڭ دېيىشىچە ئۇيغۇرچە نەزمىي شەكلىدىن چاغاتايچە نەسرىي شەكلى گۈزەلمىش ، (چاغاتايچىسىنى ئوقۇغان باشقىلارمۇ شۇنداق دەيدۇ.)ئۇ كىتاپ مەتبەئەدە بېسىلىپتىكەن، بەلكىم باشقا يەردىنمۇ تاپقىلى بولىدىغاندۇ،  كىتابىڭىز نەشىر قىلىنغاندىن كېيىن ھامان ياخشى ھالىتى نەشىر قىلىنسۇن، شۇڭا ئاشۇ چاغاتايچە نەسرىي نۇسخىسىنىمۇ كۆرۈپ بېقىپ تەڭ پايدىلانغان بولسىڭىز.

مەن ئايبۈۋىينىڭ پىكىرىدىن قاتتىق ھاياجانلاندىم. بولسا دەرھال ئاشۇ چاغاتايچە نوسخىنى تاپماق، سىزنىڭ تەرجىمىڭىز بىلەن سىلىشتۇرماق، زۆرۈرىيتى تىپىلسا چاغاتايچە نەسرىي نوسخىنىڭ تىل ئۇسلۇبىغا سادىق بولماق تولىمۇ زۆرۈر ئىش ئىدى.

بەك ياخشى ئۇچۇر ئىكەن،سىز دېگەن ئەشۇ چاغاتايچە نۇسخىسىنى ئالاقىلىشىپ تېپىپ بېرەلەرسىزمۇ؟!  مەنمۇ بۇ ئىشنى قىلغاچ قوشۇۇمچە ماتېريال توپلاۋاتىمەن. مەسىلەن، ‹‹جەمشىدنامە›› ‹‹سەددى ئىسكەندەر›› دېگەندەك. مەندىكى نۇسخىسىدا رۇستەمنىڭ ئۆلۈمى توغرىسىدىكى مەزمۇنلار قىسقارتىۋېتىلگەن ئىكەن. مېنى ماتېريال بىلەن تەمىنلەشنى ماتېريال  قەھەتتىن  ياردەم قىلىشنى خالايدىغان خالىس دوستلار بولسا  قارشى ئالىمەن.كوتكوت نومۇرۇم:1456156626

مېنىڭ بۇ ئىشقا بەكمۇ كۆڭۈل بۆلگۈم، ياردەم قىلغۇم بار ئىدى، ئەپسۇس،كىشى  جاھىل، تەتۈر بولسا ئامال يوقكەن. بۇ ئىنكاسىمنى كۆرمەپسىلەر ئەسلى پېتى چاپلىدىم.

گېپىمنىڭ قىسقىسى: بىزنىڭ يېزىدا بىر كىشىدە« شاھنامە»نىڭ چاغاتايچە نەسرى نۇسخسى بار.

گېپىمنىڭ ئۇزۇنى:مەن 2007-يىللىرى يۇرتۇمدىكى بىرسىدە تاساددىپى ئەھۋالدا «شاھنامە» نىڭ چاغاتاي يېزىقىدىكى نەسرى نۇسخىسىنى كۆرۈپ قالغان ئىدىم، چاغاتايچىنى ئوقۇيالمىغاچقا، ھەم مەندە ئابدۇشۇكۈر مۇھەممەتئىمىن تەرجىمە قىلغان نۇسخىسى بولغاچقا ئانچە قىزىقمىغان، پەقەت قىزىققۇچىلارغا ياردىمى بولسا دەپ بىر نەچچە بېتىنى سىكاننىرلاپ، جۇڭگۇدىكى بىردىنبىر تاجىك تور بېتىمىزگە يوللىغان، ھىچكىم قىزىقىدىغانلىقىنى ئىپادىلىمىگەن ئىدى. بۇ يىل يازلىق تەتىل بولىدىغان چاغدا توردىشىمىز قابىلجاننىڭ نەسرىيلەشتۈرۈپ يوللىغىنىنى، ھەم نەشىر قىلىنىشىغا ئابلىكىم ھەسەن ئاكامنىڭ خېرىدار بولغىنىنى كۆرۈپ، نەسرىيلەشتۈرۈشتە چاغاتايچە نەسرى نۇسخسىنىڭ كىتاپ مۇكەممەلرەك چىقىشىغا ياردىمى بولار، دەپ كىتاپ ئېگىسىنى ئىزدىدىم، ئۇ نى ساقلاۋاتقان بالا ھەر خىل سەۋەپلەرنى كۆرسىتىپ كىتاپنى كۆرسەتكىلىمۇ ئونىمىدى. ساجىدە ئاچامنىڭ  ئالدىراش ۋاقتىدىن ۋاقىت چىقىرىپ كۆيۈكتاغ تور بېتىگە بىر-بىرلەپ ئۇرۇپ يوللىغىنىدىن تەسىرلەندىم، ھەم پۇرسەت بولسا بۇ كىتاپنىڭ ئېلكىتاپ نۇسخىسىنى ئىشلەپ، پايدىلانغۇچىلارغا سۇناي دېگەن مەخسەتتە قىشلىق تەتىلدە كىتاپ ئېگىسىنى سۈرۈشتۈردۈم. كىتاپنىڭ ئېگىسى ئالدىنقى يىلى تۈگەپ كېتىپ، ئۆزىدىن چاغاتايچە يېزىق ئۈگەنگەن بالىغا بارلىق چاغاتايچە كىتابلىرىنى يادىكار قىلغان ئىكەن. ( ئۇ بوۋاي تۈگەپ كەتمىگەن بولسا ماڭا ئېنىق بېرىپ تۇرار ئىدى، مەن ئۇنىڭغا « ئانا يۇرت»،«جاللات خېنىم»،« بەختسىز سەئىدىيە»،« ئۇرخۇن شەجەرىسى»،« گۈمبەزلىك قەبرىنىڭ سىرى»... قاتارلىق تارىخى رومانلىرىمنى بېرىپ تۇرغان، كىتاپخانا ياكى مەدەنيەت ئۆيى بولمىغان بۇ يېزىدا بىر كىتا پ تاپماق مۈشكۈل بولغاچقا ئۇ بېرىپ تۇرغىنىمدىن خۇشال بولاتتى.) ئۇ بالا باشلانغۇچتىكى ئوقۇتقۇچىسى بولغان مېنىڭ يۈزۈمنى قىلغۇسى كەلدىمۇ ياكى دادىسىغا يالۋۇرغىنىم تەسىر قىلدىمۇ كۆپەيتۋالغىلى بېرىپ تۇردى، تولىمۇ ئەپسۇس، ھۆكۈمەتنىڭ توكنى يېزا-قىشلاقلارغىچە يەتكۈزۈش سىياسىتى ئەمەلىيلەشمىگەن يېزامدا شەخىسلەر ئۆزلىرى قۇرۇۋالغان كىچىك تىپتىكى سۇ توكلىرى دەريا سۈيىنىڭ مۇزلىشى بىلەن، توك يوق بولۇپ ، كۆپەيتۋىلىشقا ئىمكان بولمىدى. رەسىمگە تارتىۋالاي دېسەم سۈزۈك بولمىدى. يولدىشىم 480 كىلومىتىر يىراقلىقتىكى ناھىيە بازىرىغا ئاپىرىپ كۆپەيتىش دۇكىنىغا كۆپەيتىشكە بەرسە كىم كۆرۈپ قالغان، كىتاپنىڭ ئەسلى ئېگىسىگە تىلفۇن قىلىپ، ئەگەر كىتابىڭنى كۆپىيتىۋالسىلا قىممىتى چۈشۈپ كېتىدۇ، ئۇ دىگەن ھىچيەردە يوق كىتاپ، دەرھال ئېلىۋال دېگەندەك سۆزلەر بىلەن كۈشكۈرتىپتۇ، شۇنىڭ بىلەن ناھىيە ئىچىدە تۇرۇۋاتقان ئۇ كىشى يولدىشىمغا كىتاپنىڭ ئۆزىنىڭ ئىكەنلىكىنى، ئۇ كىتاپنىڭ بىر ۋارىقىنى يۈز مىڭ يۈئەنگە بەرمەيدىغانلىقىنى، ئەگەر بىرەر ۋارىقىنى كۆپەيتىدىغان بولسا سوتلىشىپ قالىدىغانلىقىنى....  دېگەندەك گەپلەرنى قىلىپ، دەرھال ئەكىىلىپ بېرىشنى تاپىلاپتۇ. يولدىشىم  مەن بار مەھەللىدە تىلفۇن سىگنالى بولمىغاچ ،ئالاقىلىشالماي ئۇ كىشىگە بېرىۋېتىپتۇ.( ئاڭلىسام بۇ كىتاپنى 100 نەچچە يىللار بۇرۇن 3 تۇياق قوتازغا سېتىۋالغانىكەن.)   ئۇ كىشى  كىتاپنى ئېلىۋېلىپلا دادىسى يادىكار قىلغان بالىغىمۇ بەرگىلى ئونىمىدى. (گەرچە ئۆيىدىكى ھىچكىم بۇ كىتاپنى ئوقۇيالمىسىمۇ)ئۇ بالا ۋە دادىسىدىن نۇرغۇن تىل ئاڭلىدىم،ھەم  ئۇ بالىغا، كىتاپنى بېرىپ تۇر دېگەن دادىسىغا قارىغىلى يۈزۈممۇ قالمىدى.  
ساجىدە ئاچامغا كۆپەيتىپ ئالغاچ كېلەي دېگەن ۋەدەممۇ ئاشماي ، ئالدىدا يالغانچى بوپ قالدىم.


مېنىڭچە ئۇ كىتاپ باشقا جايلاردىمۇ بار، قوليازما ئەمەس مەتبەئە نۇسخا بولغاندىكىن . شۇڭا باشقا كىشىلەردىن ئىزدەپ باقساڭلار. مەن بىلىدىغان 5000 نوپۇسلۇق يېزىدا موشۇ بىر تاللا بار ئىكەن. بۇ يازمىنى ئاخىرىدا   ئايبۈۋى تەھرىرلىگەن. ۋاقتى  2012-6-10 23:58  

كۆپ جاپا چېكىپسىز ھەم خەقتىن كۆڭۈل ئاغرىقى تارتىپسىز. خەقنىڭ بىلىمسىزلىكى ۋە نادانلىقى ياخشى ئىشلارغىمۇ يامان جاۋاپ ئېلىپ كېلىدۇ. بوپتۇ ئۇكىشى گۆھەرنى تونىغانلارغا بەرمەي ئۆزى تاشچىلىكمۇ بەھىر ئالالماي ئىسراپ قىلىپ يۈرىۋەرسۇن،مەنمۇ باشقا ياقلاردىن ئىزدىنىپ باقاي.رەھمەت سىزگە!