يىپەك يولى ئەدەبىيات سەپىرى

    جۇڭگو يازغۇچىلار جەمئىيىتى تەشكىللىگەن، جۇڭگو يازغۇچىلار جەمئىيىتى پارتىگۇرۇپىسىنىڭ ئەزاسى، شۇجىچۇسىنىڭ شۇجىسى بەي گېڭشېڭ ئۆمەك باشلىقى، ئاپتونوم رايونلۇق ئەدەبىيات-سەنئەتچىلەر بىرلەشمىسى، يازغۇچىلار جەمئىيىتىنىڭ رەئىسى ئازات سۇلتان مۇئاۋىن ئۆمەك باشچىلىقىدىكى جۇڭگو يازغۇچىلىرىنىڭ «يىپەك يولى ئەدەبىيات سەپىرى»نىڭ شىنجاڭدىكى زىيارەت، ئېكىسكۇرسىيە پائالىيىتى 2015-يىلى 8-ئاينىڭ 10-كۈنىدىن 16-كۈنىگىچە قۇمۇل، تۇرپان، كورلا، لوپنۇر، كۇچا، ئاقسۇ، مەكىت، قەشقەر قاتارلىق جايلاردا ئېلىپ بېرىلدى.
   بۇ قېتىم ئۇيۇشتۇرۇلغان جۇڭگو يازغۇچىلىرىنىڭ «يىپەك يولى ئەدەبىيات سەپىرى» باش شۇجى شى جىنپىڭنىڭ ئەدەبىيات-سەنئەت سۆھبەت يىغىنىدا سۆزلىگەن مۇھىم سۆزىنىڭ روھىنى ئەستائىدىل ئىزچىللاشتۇرۇش، مەركەزنىڭ «بىر بەلباغ، بىر يول» قۇرۇلۇشىدىن ئىبارەت ستىراتىگىيەلىك ئورۇنلاشتۇرىشىنى ئەمەلىلەشتۇرۈش، مەركىزى تەشۋىقات بۆلۈمى قاتارلىق بەش مىنىستىرلىك ۋە كومىتىتلار ئوتتۇرغا قويغان ئەدەبىيات-سەنئەت ساھەسىدىكىلەرنىڭ «تۇرمۇشقا چوڭقۇر چۆكۈش، خەلق ئارىسىغا يىلتىز تارتىش»تىن ئىبارەت چاقىرىقىنى تېخىمۇ چوڭقۇرلاشتۇرۇش قاتارلىقلارنى مەقسەت قىلىپ ئورۇنلاشتۇرۇلغان بولۇپ، پائالىيەت 2015-يىلى 8-ئاينىڭ 5-كۈنى يىپەك يولىنىڭ باشلىنىش نۇقتىسى بولغان شەنشى ئۆلكىسىنىڭ شىئەن شەھىرىدىن باشلىنىپ، 2015-يىلى 8-ئاينىڭ 16-كۈنى ئاپتونوم رايونىمىزنىڭ قەشقەر شەھىرىدە ئاخىرلاشتى.
   پائالىيەت جەريانىدا يازغۇچىلار قەدىمى يىپەك يولىنى بويلاپ، تارىخى، مەدەنىي يادىكارلىقلار ئىزلىرىنى، يىپەك يولى بويلىرىدىكى تەبىئىي مەنزىرىلەرنى، خەلقلەرنىڭ تۇرمۇش ئۆرپ-ئادەتلىرىنى،ھازىر يولغا قويۇلىۋاتقان نۇقتىلىق قۇرۇلۇش تۈرلىرىنىڭ ئېلىپ بېرىلىش ئەھۋاللىرىنى  كۆردى ھەم ئۈگەندى.
   پائالىيەتكە ھەرقايسى ئۆلكە ۋە ئاپتونوم رايۇنلاردىن تەكلىپ قىلىنغان ئوتتۇرا ياش ۋە ياش يازغۇچىلار ھەمدە ئاخپارات ئورۇنلىرىدىن بولۇپ 16 نەپەر كىشى قاتناشتى. پائالىيەتنىڭ ئاپتونوم رايونىمىزدىكى ماسلاشتۇرۇش، مۇلازىمەت ئىشلىرىغا شىنجاڭ يازغۇچىلار جەمئىيىتى مەسئۇل بولدى.

   قوشۇمچە:
   «يىپەك يولى ئەدەبىيات سەپىرى»ئىكىسكۇرسىيە، زىيارەت پائالىيىتىگە قاتناشقان يازغۇچىلارنىڭ ئىسىملىكى:


   ئۆمەك باشلىقى:
بەي گېڭشېڭ         جۇڭگو يازغۇچىلار جەمئىيىتى پارتىگۇرۇپىسىنىڭ ئەزاسى، شۇجىچۇسىنىڭ شۇجىسى

   مۇئاۋىن ئۆمەك باشلىقى:
ئازات سۇلتان          ئاپتونوم رايونلۇق ئەدەبىيات-سەنئەتچىلەر بىرلەشمىسى، يازغۇچىلار جەمئىيىتىنىڭ رەئىسى

   ئەزالار:
فېڭ چييۇزى         جۇڭگو يازغۇچىلار جەمئىيىتى ئىجادىيەت-ئالاقە بۆلۈمىنىڭ مۇئاۋىن مۇدىرى
جېڭ يەنيىڭ          خېنەن ئۆلكىلىك يازغۇچىلار جەمئىيىتىنىڭ مۇئاۋىن رەئىسى
زوڭ رېنفا         جىلىن ئۆلكىلىك يازغۇچىلار جەمئىيىتىنىڭ مۇئاۋىن رەئىسى، «يازغۇچىلار» ژۇرنىلىنىڭ باش مۇھەررىرى
شۈ جەن                 ئىككىنچى توپچى قىسىم ئىجادىيەت ئىشخانىسىنىڭ مۇدىرى
چېن يىڭسۇڭ    خۇبېي ئۆلكىلىك يازغۇچىلار جەمئىيىتىنىڭ مۇئاۋىن رەئىسى، ئەدەبىيات ئىنىستىتۇتىنىڭ مۇدىرى
ليۇ جەندوڭ            خېبىي ئۆلكىلىك يازغۇچىلار جەمئىيىتىنىڭ مۇئاۋىن رەئىسى
لۇ مىڭ                   جاڭسۇ ئۆلكىلىك يازغۇچىلار جەمئىيىتىنىڭ مۇئاۋىن رەئىسى
ما جىنلەن (خۇيزۇ)   نىڭشا خۇيزۇ ئاپتونوم رايونلۇق يازغۇچىلار جەمئىيىتىنىڭ مۇئاۋىن رەئىسى
تې ليۇ                    چىڭداۋ شەھەرلىك يازغۇچىلار جەمئىيىتىنىڭ كەسپىي يازغۇچىسى
ۋاڭ مېييىڭ             شەنشى ئۆلكىلىك يازغۇچىلار جەمئىيىتىنىڭ كەسپىي يازغۇچىسى
ما شاۋ شاۋ               لەنجو ھەربىي رايونى «غەربىي شىمال ھەربىي ئىشلار ئەدەبىياتى» ژۇرنىلىنىڭ باش مۇھەررىرى
مېڭ يىڭجې            جۇڭگو يازغۇچىلار جەمئىيىتى ئىجادىيەت-ئالاقە بۆلۈمىنىڭ كادىرى
جىن شىڭ               «خەلق گېزىتى»نىڭ مۇخبىرى
شىڭ چاۋ                 «ئەدەبىيات-سەنئەت گېزىتى»نىڭ مۇخبىرى
ئەيبۇ ياقۇپ             شىنجاڭ يازغۇچىلار جەمئىيىتى ئىجادىيەت-ئالاقە بۆلۈمىنىڭ مۇدىرى
ۋەن جۈن                 شىنجاڭ يازغۇچىلار جەمئىيىتى ئىشخانىسىنىڭ مۇئاۋىن مۇدىرى



ئۈستىدىكى سۈرەت: پائالىيەتكە قاتناشقان يازغۇچىلار شىنجاڭ يازغۇچىلار جەمئىيىتىنىڭ مەكىت ناھىيەسىدىكى تۇرمۇش ئۈگىنىش مەركىزىدە

«يىپەك يولى ئەدەبىيات سەپىرى» سۈرەتلىرىدىن:


قۇمۇل مۇقام مەركىزىدە زىيارەتتە

قۇمۇل مۇقام مەركىزى خاتىرىسى

تۇرپان يالقۇنتاغ خاتىرىسى

تۇرپان يارغۇل قەدىمى شەھىرىدە

كورلا مىللى مەدەنىيەت سارىيىدا

كورلا تەرەققىيات مەركىزىدە

كورلا مىللى مەدەنىيەت سارىيىدا

لوپنۇردا جەم بولۇش

كۇچا سۇ بېشى قەدىمى شەھىرىدە

كۇچە سۇ بېشى قەدىمى شاھىرىدە

كۇچا مەرھۇم ئاخىرقى ۋاڭ داۋۇت مەخسۇتنىڭ ھويلىسىدا

كۇچا مەرھۇم ئاخىرقى ۋاڭ داۋۇت مەخسۇتنىڭ ئائىلىسىدە

يازغۇچىلار ئاقسۇ شەھىرىدە زىيارەت تەسىراتلىرىنى ئالماشتۇرماقتا

مەكىتتىكى 300مىڭ مولۇق قۇمنى تىزگىنلەش ئورمان بازىسىدا

مەكىت دېھقان رەسساملار كۆرگەزمە ئورنىدا

دولان مۇقامچىلىرى بىلەن بىللە

مەكىتتە ئاپتونوم رايونلۇق ئەدەبىيات-سەنئەتچىلەر بىرلەشمىسى خىزمەت گۇرۇپىسىدىكى خادىملار بىلەن سۆھبەتتە

ھېيتكاھ مەيدانىدا

قەشقەر كوچىلىرىدىكى زىيارەتتىن تەرمىلەر

ئەھمىيەتلىك پائالىيەت بوپتۇ. مۇشۇ باھانىدا يۇرتىمىزنىڭ تۇرمۇشى، مەنزىرىلىرى داڭلىق يازغۇچىلارنىڭ قەلىمىگە ئېلىنىپ قالسا ئەجەپ ئەمەس. بەي گېڭشىڭ مۇئەللىمنىڭ لۇشۈن ئەدەبىيات ئىنىستىتوتىدا سۆزلىگەن رەڭ، ئەدەبىي تۈس ھەققىدىكى تېتىملىق لېكسىيەلىرى ھازىرمۇ قۇلاق تۈۋىمدە.

       بۇ پائالىيەتنىڭ ئەھمىيىتى ۋە تەسىرى چوڭ. پات-پات ئېلىپ بېرىلسا، شىنجاڭنى تېخىمۇ تەشۋىق قىلغىلى بولاتتى.
       خوتەنگىمۇ كەلەۈلىكتى ئەمەسمۇ؟

جوڭگۇ يازغۇچىلار جەمئىيەتىنىڭ يىپەك يولى سەپىرىنىڭ خاسىيىتىدىن گۈزەل يۇرت-ماكانلىرىمىزنىڭ بەدئىي كارتىنىسىنى كۆرۈپ قالساق ئەجەپ ئەمەس....

ئاپتونوم رايونىمىزدىكى «يىپەك يولى ئەدەبىيات سەپىرى» قاتناشقان قىسمەن يازغۇچىلارنىڭ قىسقىچە ئەھۋالى:

بەي گېڭشىڭ（白庚胜） (ناشى مىللىتىدىن)1957-يىلى تۇغۇلغان. جۇڭگو يازغۇچىلار جەمئىيىتى پارتىگۇرۇپىسىنىڭ ئەزاسى، شۇجىچۇسىنىڭ شۇجىسى. مەركىزى مىللەتلەر ئۇنۋېرسىتىتىنىڭ تىل، مەدەنىيەت پەنلىرى دوكتورى، ياپونىيە  Tsukuba ئۇنۋېرسىتىتىنىڭ  تارىخى ئىنسانشۇناسلىق پەنلىرى دوكتۇرى. ھازىرغىچە خەنزۇ ۋە ياپون تىللىرىدا «رەڭ ۋە ناشى مىللىتى ئۆرپ-ئادەتلىرى»، «دوڭبا ئەپسانىلىرى تەتقىقاتى»، «يۇننەن ۋە گۇيجونىڭ ئىگىزلىك مەدەنىيىتى»،
«چەتئەل ئەدەبىياتىدىن 300 تېما» قاتارلىق 24 پارچە تەتقىقات ھەم تەرجىمە كىتاپلىرى نەشر قىلىنغان.

فېڭ چييۇزى （冯秋子） - جۇڭگو يازغۇچىلار جەمئىيىتى ئىجادىيەت-ئالاقە بۆلۈمىنىڭ مۇئاۋىن مۇدىرى، يازغۇچى، مۇھەررىر، كىتاپ پىلانلىغۇچى. ئىلگىرى - ئاخىرى بولۇپ يازغۇچىلار نەشرياتىدا ئالى مۇھەررىر، «ئەدەببىيات-سەنئەت گېزىتى» قوشۇمچە سانىنىڭ مۇدىرى قاتارلىق خىزمەتلەردە بولغان. ئاساسلىق ئەسەرلىرىدىن «كۈن چىقتى»، «ئۆسۈۋاتقانلار ۋە يوشۇرۇنۇپ تۇرغانلار»، «پارە-پارە بولۇش» قاتارلىقلار بار.

جېڭ يەنيىڭ （郑彦英）- خېنەن ئۆلكىلىك يازغۇچىلار جەمئىيىتىنىڭ مۇئاۋىن رەئىسى. يازغۇچى. 1953-يىلى تۇغۇلغان. «لۈشۈن ئەدەبىيات مۇكاپاتى»غا ئېرىشكەن. ئاساسلىق ئەسەرلىرىدىن «تەلەي يۇلتۇزى»، «نەپەستىن خۇرسىنىشقىچە»، «چىۋىن قورىغۇچ» قاتارلىق 6 پارچە رومانى ۋە باشقا ئەسەرلەر توپلاملىرى نەشر قىلىنغان.

زوڭ رېنفا（宗仁发） جىلىن ئۆلكىلىك يازغۇچىلار جەمئىيىتىنىڭ مۇئاۋىن رەئىسى، 1960-يىلى تۇغۇلغان.  «يازغۇچىلار» ژۇرنىلىنىڭ باش مۇھەررىرى.شائىر، ئوبزورچى. ئىككى نۆۋەت «لۈشۈن ئەدەبىيات مۇكاپاتى» غا ئېرىشكەن. «كۇا فۇنى قوغلاش» قاتارلىق شىئېرلار توپلاملىرى، «ئىدىش، يول چىرىقى، ئابىدە» قاتارلىق ئوبزورلار توپلاملىرى بار.

ھەممىسى نەچچە قېتىمدىن مۇكاپاتلانغان كاساپەت يازغۇچىلاركەن دېسە.

مۇشۇنداق ئەھمىيەتلىك پائالىيەتلەر ئۈزۈلۈپ قالمىغاي! ئازات مۇئەللىم،  بەي گېڭشىڭ مۇئەللىم قاتارلىق ئەزىزلەرنىڭ مۇبارەك  قەدىمى يەتكەن تۇپراقتا ئىلىم جۇلاسى پارلاپ تۇرغاي!   بەي گېڭشىڭ مۇئەللىمنىڭ لۇشۈن ئەدەبىيات ئىنىستىتوتىدا سۆزلىگەن رەڭ  تەتقىقاتى ھەققىدىكى لېكسىيەسى ماڭا بەكلا تەسىر قىلغان ئىدى. مەن دەرستىن كىيىن ھاياجىنىمنى باسالماي « رەڭلەر تىلسىمى » ناملىق شېئىرنى يازغان ئىدىم. دوستلىرىم ئادىل تۇنىياز، ئادىل ئابدۇرەھىملەر بىلەن بېيجىڭدىكى « شىدەن » ۋە « ۋاڭ فۇجىڭ » كىتابخانىلىرىنى  ئارىلاپ ئۇنىڭ كىتابلىرىنى تاپالمىغان ئىدۇق. بۇ قېتىم ئۇنىڭ ئۆمەك باشلاپ ئانا دىيارىمىزدا ئېلىپ بارغان پائالىيەتلىرىنى كۆرۈپ  سۆيۈندۈم. ئەزىزلەرنىڭ سەپىرىنىڭ كۆڭۈللۈك، تېنىنىڭ سالامەت بولۇشىغا تىلەكداشمەن! ئاخىرىدا مەزكور تېمىنى يوللىغان ئەدمىن ئەپەندىگە رەھمەت!