كېرىيە يازغۇچىلىرىنىڭ ئىجادىيەت كۇرسى باشلاندى

بۈگۈن (5-ئاينىڭ 31-كۈنى) << تارىم >> ژۇرنىلىنىڭ باش مۇھەررىرى، شائىر ياسىن زىلال ئىجادىيەت مەركىزىمىزگە كېلىپ كېرىيەلىك يازغۇچىلارنى يوقلىدى ۋە ئۇلارغا ئەدەبىي ئىجادىيەت مەسىلىلىرى ھەققىدە دەرىس ئۆتتى.





ئىلاۋە: بۇ ئۇچۇرلاردىن سىرت، كۇرۇس مەزمۇنى ھەققىدىكى يازمىلار تەييارلىنىۋاتىدۇ، ئۇلار ئىنكاس شەكلىدە داۋاملىق يوللىنىدۇ.

تەستە كەلگەن پۇرسەتنىڭ قەدرىگە يېتىپ،ياخشى ھاسىلات بىلەن قايتىشىڭلارغا تىلەكداشمەن ئەزىزلىرىم!

ھەي زەينۇللا، سىز جىق بېرىپسىز، مەن بىر قېتىممۇ بېرىپ باقمىدىم جەنۇبى تاغقا. يامغۇر تاغقا يېغىۋەرمەي باغقىمۇ، چۆلگىمۇ ئانچە-مۇنچە يېغىپ قويسىچۇ، كاشكى...
بۇنداق ياخشى پۇرسەت بىزنىڭكىدەك يىراق ، چەت يېزىلارغىمۇ  كەلگەن بولسا بەك بەلەن ئىش بولاتتى-دە.

كېريە ئەدىبلىرىنىڭ جەنۇبى تاغدىكى كۈنلىرى ئەھمىيەتلىك، ئىجادىيتى ھوسۇللۇق بولغاي!

بۇ تەرىپىنى ئويلىماپتىمەن پاتىگۈل. راست، جەنۇبىي تاغدىكى پائالىيەت سەيلى - ساياھەتكىلا ئەمەس، قەلەمكەشلەر ئۆز ئارا جەم بولۇپ پىكىر ئالماشتۇرىدىغان، ئۈرۈمچىدىكى نوپوزلۇق نەشىرىياتلار ۋە ژۇرناللارنىڭ مۇھەرىرلىرى بىلەن كۆرۈشۈپ، مۇتەخەسىسلەردىن تەلىم ئېلىشقا قولايلىق ياخشى جاي.
مەنمۇ چەت، يىراق كەنتتە تۇغۇلۇپ چوڭ بولغان. لېكىن بىز كەنتىمىزنىڭ غەربىدىكى قاراتاغ دېگەن يەردىن ئاشساقلا جەنۇبىي تاغقا چىقاتتۇق. تولۇقسىزنى پۈتتۈرگەن ۋاقتىمىزدىن تارتىپ كەنتىمىز ئىتتىپاق سىكىرتارى ھەر يىلى ئىيۇل ياكى ئاۋغۇستنىڭ بېشىدا ئىتتىپاق ئەزالىرىنى جەنۇبىي تاغقا ساياھەتكە ئېلىپ چىقاتتى. خىزمەتكە چۈشكەندىن كېيىن يەنە ھەر يىلى دېگۈدەك تولۇقسىزنى پۈتتۈرگەن ئوقۇغۇچىلارنى شۇ يەرگە ئېلىپ چىقىدىغان بولدۇق. گەرچە قارا ماشىنىدا توڭلاپ، تىترەپ دېگۈدەك چىقساقمۇ، بەك كۆڭۈللۈك ئىدى. ھازىرمۇ بىر - ئىككى كۈنلۈك ساياھەت بولۇپ قالسا يەنىلا شۇ يەرگە چىقىمىز.
تاغنىڭ كەينىگە تولا چىققان بىلەن تارىم دىيارىغا بېرىپ باقماپتىمەن. مەن شۇنى كۆزدە تۇتقان ئىدىم. ئەلۋەتتە بۇندىن كېيىنمۇ جەنۇبىي تاغقا تالاي بېرىشىم مۇمكىن. لېكىنزە 2012 - يىلى سانجىدا ئوقۇشتا بولۇپ قېلىپ تۇرپان ئەدىبلىرىنىڭ كىتاب ئوقۇش كۇرسىغا (شۇ چاغدا بۇ پائالىيەتنى شۇنداق ئاتايتتى) قاتنىشالمىدىم. بۇنداق پائالىيەتنىڭ تەمى باشقىچە بولىدۇ. ھەم ساياھەت ھەم ئىجادىيەت ھەم ئۆگىنىش.

    5-ئاينىڭ 30-كۈنى شائىر، ئەدەبىي تەرجىمان ئىمىن ئەخمىدى كېرىيەدىن كەلگەن كۇرسانتلارغا ئەدەبىي ئىجادىيەتنىڭ يىلتىزى، دۆلەت ئوبرازى بىلەن مىللەت ئوبرازىنىڭ ئەدەبىي ئىجادىيەتتىكى ئىپادىسى، ئەدىبلەرنىڭ ئوبرازى ،ئەدەبىي تەرجىمانلىق توغرىسىدا لېكسىيە سۆزلىدى.لېكسىيەدە ئۇ مۇنۇلارنى كۆرسەتتى.
    "مېنىڭ قارىشىمچە ،ھاياتتىن ،تۇرمۇشتىن سۈيۈنەلىگەن ۋە ئۇنىڭغا چوڭقۇر مۇھەببەت باغلىغان ئەدىپتىن ياخشى ئەسەر چىقىدۇ.كىلاسسىك شائىرلارنىڭ ئەسەرلىرىدە مىللەت ئوبرازى ياخشى ئەكىس ئەتكەن. بەزى ياش شائىلار كەلگۈسى ئۈچۈن شېئىر يازىمىز، يازغانلىرىمىزنى ھازىرقىلار چۈشەنمىگەن بولسا كېيىنكىلەر چۈشىنىدۇ دېيىشىۋاتىدۇ. بۇ خىل قاراش ئانچە توغرا ئەمەس. ئەلىشىر ناۋائىدەك ئۇلۇغ شائىرلارنى تۇققان ئانىلىرىمىز كەلگۈسى دەۋرىدىمۇ ئۇلۇغ شائىلارنى تۇغالايدۇ. كېيىنكى ئەۋلادلار ئىچىدىن يەنە ئۇلۇغ شائىرلار بارلىققا كېلىدۇ. شۇڭا ئۇلار ھازىر ئۈچۈن شېئىر يېزىشى كېرەك. ھازىر بىزدە داستانچىلىق ئاز بولىۋاتىدۇ. داستاندا چوقۇم ۋەقەلىك بولىشى، لىرىكىمۇ بولشى كېرەك دەپ قارايمەن.  ۋەقەلىك بىلەن لىرىكا بىرلەشتۈرۈلگەن داستان ياخشى داستان بولالايدۇ. شائىر شېئىر يازىدۇ، ئۇ ئاخىرىدا ئۆزىنى يازىدۇ.  ئۆزىنىڭ روھى ئوبرازىنى يارىتىپ ئاخىرىدا مىللەت ئوبرازى ۋە دۆلەت ئوبرازىنى يارىتىدۇ. تەرجىمانلىقتا مول جۇغلانما بولىشى كېرەك، مول جۇغلانمىغىغا مول تىل بايلىقىغا ئىگە بولغاندىلا ياخشى تەرجىمان بولغىلى بولىدۇ.
     كۇرس داۋامىدا ئۇستاز ئىمىن ئەھمىدى كۇرسانتلارنىڭ سورىغان سوئالىرىغا جاۋاب بەردى، ئۇ <سەھرالىق بالا > ناملىق شىئىرنىڭ  ئىجاد قىلىنىش جەريانىنى تۇنۇشتۇرۇپ ئۆزىنىڭ ئىجادىيەت تەجىرىبىلىرىنى بايان قىلىپ ئۆتتى. چۈشتە ئاپتۇرلار بىلەن بىرگە غىزالانغاچ شىئىرىيەت ھەققىدىكى قاراشلىرىنى كەڭ كۇشادە بايان قىلىپ ئۆتتى.
    5-ئاينىڭ 31-كۈنى <تارىم> ژورنىلىنىڭ باش مۇھەررىرى، شائىر ياسىن زىلال كۇرسانتلاردىن ھال سورىدى، ئۇ كېرىيەنىڭ ئەدەبىيات  مۇھىتى، ئۆز ئائلىسىنىڭ ئەدەبىيات مۇھىتى، بالىلىق دەۋرى، شىئىر ئىجادىيىتىنىڭ باشلىنىشى قاتارلىق ھايات كارتىنىلىرىنى ئەسلەپ ئۆتتى. ئۇ مۇنداق دىدى: ئەدەبىيات مىنىڭ ھاياتىم، مەن ئۆمۈر بۇيى ئەدەبىيات بىلەن شۇغۇللىنىپ كەلدىم، قىرىق يىل جەريانىدا ئەدەبىيات ئىچىدە ياشاپ كەلدىم ۋە شۇ تۈپەيلىدىن ئۆزۈمنى بەختلىك ئادەم دەپ ھىساپلايمەن، ئەدەبىياتنىڭ يىلتىزى مۇھەببەت، مۇھەببەت دىمەك ئەدەبىيات دىمەكتۇر، ئەدەبىيات ئادەمشۇناسلىق، ئەڭ گۈزەل قەلىبدىن ئەڭ گۈزەل شىئىر چىقىدۇ. ئەدەبىيات ئۇيۇن ئەمەس، شىئىر روھنىڭ مەھسۇلى، ئەدەبىيات گۇيا شىرىن چۈش، ھاياتتا ئىرىشەلمىگەن نەرسىلەرنى بىزگە ئەدەبىيات بىرىدۇ. ئەدىپلەر ئۆز ئەسەرلىرىدە خەلقنى سۈيۈندۈرىشى ئۇلارغا گۈزەل بىر دۇنيانى كۆرسىتىپ بىرىشى كېرەك. بۇنىڭ ئۈچۈن يازغۇچىلار ئالدى بىلەن ئۆزىنى تەربىيىلىشى لازىم. شۇنداقلا ئەدەبىياتنىڭ نىمە ئىكەنلىگى روھنىڭ نىمە ئىكەنلىگى ئادەمىيلىكنىڭ نىمە ئىكەنلىگىنى بىلىشى كېرەك.
     چۈشتە ياسىن زىلال ئەپەندىم يەنە كۇرسانتلار بىلەن بىرگە غىزالانغاچ ئەدىبى ئىجادىيەت ھەققىدە پىكىر ئالماشتۇردى  ۋە كۇرسانتلارنىڭ بۇنىڭدىن كىيىنكى ئەدەبىي ئىجادىيىتىگە يۇقىرى تەلەپنى قويدى.
بۇ يازمىنى ئاخىرىدا   مەتسەئىدى تەھرىرلىگەن. ۋاقتى  2015-6-1 10:42  

         سىمنارىيە ئىشتىراكچىلىرىنىڭ مول ھاسىلاتلارغا ئىگە بولۇپ، مەنىۋى تەشنالىقىمىزنى قاندۇرىشىنى ئۈمىد قىلىمەن.

كېرىيە ئەدىبلىرىنىڭ تاغتۇرادىكى كۈنلىرىنىڭ مەنىلىك ئۆتۈشىگە تىلەكداشلىق بىلدۈرىمەن. بۇ بىر قېتىملىق تەربىيەلىنىش پۇرسىتى. بارلىق كۇرسانتلارنىڭ پۇرسەتنى چىڭ تۇتۇپ، مول ھاسىلاتلارغا ئېرىشىشىنى ئۈمىد قىلىمەن. جەنۇبىي تاغ ئۆزى يېتىشتۈرگەن قەلەم ساھىبلىرىنىڭ سۈپەت-ساپاسى بىلەن يەنىمۇ ھۆسنىگە تولغۇسى.

6-ئاينىڭ 1-كۈنى شىنجاڭ ئۇيغۇر ئاپتونوم رايونلۇق ئەدەبىيات-سەنئەتچىلەر بىرلەشمىسىنىڭ رەئىسى، شىنجاڭ يازغۇچىلار جەمئىيىتىنىڭ رەئىسى ئازات سۇلتان ئىجادىيەت مەركىزىگە كېرىيە ناھىيەسىدىن كەلگەن يازغۇچىلارنى يوقلىدى ۋە نۆۋەتتىكى ئىجادىيەت مەسىلىرىلىرى ھەققىدە لېكسىيە سۆزلەپ بەردى.

كېرىيە يازغۇچىلىرىنىڭ دالا پائالىيەتلىرىدىن

كىرىيە يازغۇچىلىرىنىڭ جەنۇبىي تاغدا ئەدەبىيات ھاۋاسىدىن قانغۇچە نەپەسلىنىشىنى ، ھەر بىر كۈنلىرىدىن مول ھاسىلاتلارنى جۇغلىشىغا تىلەكداشمەن. تاغتۇرايىمىز ماددى ۋە مەنىۋى ئىزىڭلارغا تولغاي!

ئاپتۇنۇم رايۇنلۇق يازغۇچىلار جەمىيىتىنىڭ بۇ كۇرسقا بولغان يىتەكچىلىكى بەك ياخشى بولدى.بىز كۇرس ئىشتىراكچىلىرى شائىر ئىمىن ئەھمىدى ،شائىر ياسىن زىلال ئەپەندىم ،ئاپتۇنۇم رايۇنلۇق ئەدەبىيات -سەنئەتچىلەر بىرلەشمىسىنىڭ رەئىسى،دوكتۇر يىتەكچىسى ئازات سۇلتان ئەپەندىملەرنىڭ قىممەتلىك ئۈگۈتلىرىدىن بىز نۇرغۇن نەرسىلەرنى بىلىۋالدۇق.شۇنداقلا نىمىنى يېزىش ۋە قانداق يېزىش توغرىسىدا بىلىمگە ئىگە بولدۇق.پائالىيەتنىڭ كونكىرىت يىتەكچىسى ئەيبۇ ئاكىمىزغا رەھمەت ئېيتىمىز.ئەيبۇ ئاكا جاپا چەكتىڭىز.

بۇ شېئىرىم خېلى يىللار بۇرۇن يېزىلغان،بۇ پائالىيەت مەزمۇنىغا ئويغۇن كەلمىسىمۇ ياقتۇرغىنىم ئۈچۈن يوللاپ قويدۇم.


بالىلىققا ئىنتىزار يۈرەك

قەيەردىسەن مەسۇم بالىلىق،
ئىزتىراپقا چۆككەندە بۈگۈن.
قەيەردىسەن نۇرانە چۈشۈم،
تەنتەكلىكتىن قالدىغۇ كۈڭۈل.

قەيەردىسەن سۈبھى گۈللىرىم،
يوللىرىمنى باسقاندا خازان.
قەيەردىسەن خۇشبۇي باغلىرىم،
ئازاپ چېكىپ قالغاندا پىنھان.

قەيەردىسەن بىغۇبار تۇيغۇم،
تۇمان ئارا قالغاندا سۆيگۈم.
قەيەردىسەن غەمسىز كۈيلىرىم،
تەشۋىش ئىچرە قالدى ئۈمىدىم.

قەيەردىسەن ئالتۇن گۈدەكلىك ،
ئۆمرۈمگە قۇت كۆكلەم باھارىم.
قاتىلى سەن سەبىيلىكىمنىڭ ،
ئىھ!روھىمنىڭ خائىنى ئۆزۈم.

ھىجران     

شۇ كۈنى قۇلۇڭدىن ئالغان ئالمىدەك،
خۇش پۇراق نەرسىدۇر ھىجرانمۇ بەلكىم.
كەينىڭگە قارىماي كەتكىنىڭ بىلەن،
كۆز يېشىڭ پىنھاندا ئاقىدۇ تىم-تىم .

يوللار ئەسلا ئۇزۇن ئەمەس بىز ئۈچۈن،
چۈنكى ھىجران ئىككىمىزگە پايانداز.
ئىشىق ئەھلى ئاراسىدا ئەزەلدىن،
مۇرادىغا يەتكەنلىرى بەكلا ئاز.

ئاشىقلار نىڭ سۇنغان كەچۈرمىشلىرى،
ھەممە يەردە كۈرۈنىدۇ قۇمسىمان.
كۈڭۈل بۇزغان ئەستىلىكلەر ئىچىدىن،
بەر قۇلۇڭنى !چىكىتەيلى خىرامان. بۇ يازمىنى ئاخىرىدا   بابۇر68 تەھرىرلىگەن. ۋاقتى  2015-6-2 10:41