ئەزھەر36: ھۆسىن خەتلەر ( 1 )

مەنبە : ئۆز قەلىمىم ( 2015 - يىل 1-ئاينىڭ 11- كۈنى يېزىلدى ) . بۇ يازمىنى ئاخىرىدا   parhat kazim تەھرىرلىگەن. ۋاقتى  2015-1-23 17:12  

خەتتاتلىق سەنئىتى ئىزچىلقنى تەلەپ قىلىدۇ.داۋاملىق مەشىق قىلىڭ.ئۇستاز خەتتاتلارنىڭ ئەسەرلىرىنى كۆپ كۆرۈڭ.

ھۆسنخەتنىڭ ئىملاسى توغرا بولمىسا «نۆل» گە ھېساب!

خەت يامان ئەمەس يېزىلغان. تەۋسىيەرىم شۇكى، ئىملاغا بەك دىققەت قىلىش كېرەك! بۇ يازمىنى ئاخىرىدا   Erchin تەھرىرلىگەن. ۋاقتى  2015-1-23 21:09  

بۇندىن كېيىن خەت يازغاندا ئىملاغا دىققەت قىلىشقا تېرىشىمەن .
ئۇستازنىڭ كەمچىلىكىمنى كۆرسىتىپ بەرگىنىگە رەھمەت .

مېنىڭچە ،ئىملادا چوڭ مەسىلە يوقكەن،خەت سۈپتىگە تېخىمۇ دىققەت قىلىڭ.

باھا بېرەي دېسەم،كومپيۇتېرىمدا ئېچىلماي قالدى.

بىزنىڭ (كەسىپداش) خەتتات بالىلار «ئۆلچەملىك خەت»نەزىرىيىسىگە ھېساپسىز بېرىلىپ كەتتى. ئەمما،مېنىڭ خەتتاتىلىقىمىزغا تۇتقان مۇئامىلەم مۇنداق:
ھەرپ قۇرۇلمىلىرىنى چوقۇم پۇختا ئېگىلەش كېرەك.بىراق،بۇ دېگىنىم ھەممەيلەننىڭ يازغان خېتى «ئۆلچەم» ئىچىدە يېزىلسۇن،دېگەنلىك ئەمەس. بۇ يەردىكى «ئۆلچەم» سۆزى ئالدى بىلەن ئايدىڭ بولۇپ كەتكىنى تۈزۈك؛ بۇ ئەرەپ پىشۋا خەتتاتلىرىنىڭ مۇنتىزىم بېكىتكەن خەتتاتلىق «قائىدە - قېلىپى» ( دېمەكچى،ئاشۇ نەزىرىيە قائىدىسى بويىچە يېزىلسا،ھەقىقىي خەتتاتلىق ئەسىرى بولىدۇ).
مەن بىر ئۇيغۇر خەتتات  (شۇنداق دېيىشكە بولسا) بولىدىكەنمەن،ئۆزۈمنىڭ خاس خەتتاتلىق ئۇسلۇبى بولۇشى كېرەك،ھەم ئۇنىڭغا مېنىڭ سەنئەتلىك ئىددىيەم سىڭىشى كېرەك. باشقا خەتتاتلار (خەتتاتلىققا قىزىققۇچىلار) مەن ئۇرۇنلاشتۇرغان ھەرپ قۇرۇلمىلىرىدىن مېنىڭ «ھىدىمنى» ھىدلىيالىشى ئوخشاشلا كېرەك.
ئەمما،بۈگۈنكى زامان (ئۇيغۇر) خەتتاتلىقىمىز ئۇمۇمەن بىر قېلىپقا كىرىپ قالدى( بولۇپمۇ،يېقىنقى بىر نەچچە يىل ئىچىدە).
مەسىلەن: شەيدائىي يازغان تەئلىق خەت نۇسخىسى (ياكى باشقا نۇسخا) ئەرشىدىن رېشىتنىڭ،باتۇرجان ئابدۇۋەلى تۇغلاننىڭ خەت نۇسخىسىدىن پەرقلەنمەيدىغان...
دېگەندەك. بىراق،قاينامكامچۇ؟ ئۇ ئۆز خەتتاتلىق ئۇسلۇبى بىلەن خەتتاتلاردىن تامامەن پەرقلىنىدۇ. گۈلزارلىقتىكى گۈللەرنىڭ ئىسمى ئوخشاش،ھىدى باشقا،تۈرى باشقا!
مۇشۇ نوقتا ھەر بىر خەتتات بولغۇچى (خەتتاتلىققا قىزىققۇچىلار) ئۈچۈن تولىمۇ مۇھىم نوقتا.
شۇنىسى شەرتسىزكى،ھەرپ قۇرۇلمىلىرىنىڭ ئەسلى ئۆلچىمىگە سادىق بولۇپ،مۇئەييەن باسقۇچنى تەلەپ ئاساسىدا بېسىپ ئۆتۈش كېرەك.
بۇ مېنىڭ شەخسەن قارىشىم. ئىجابىي،سەلبىي نوقتىلاردىن ئويلىنىپ بېقىشقا ئەرزىسە كېرەك.

قاراتېكىن ئەپەندىمنىڭ ئىنكاسىنىڭ ۋەزنى بار .
  خەتتاتلاردىن مەرھۇم جۈمە ئابدۇللانىڭ تەئلىق نۇسخىسىدىكى خەتلىرىنى قانداقلا يەردە بولسۇن،نىسبەتەن ئاسان   تونۇۋالغىلى بولىدۇ،بۇ بەلكىم قارا تېكىن ئەپەندى تىلغا ئالغان جۈمە ئابدۇللاغا خاس ئۇسلۇب بولسا كېرەك.

يازغان خەتلىرىڭىزنىڭ ئىچىدە تۈز خەت نۇسقىسىدىكى ئەسىرىڭىز  ئۆلچەمگە سەل يېقىنلىشىپتۇ،ھەم خېلى جەزبىدار چىقىپتۇ.تەئلىق خەت نۇسقىسىنى تېخىمۇ كۆپرەك مەشىق قىلسىڭىز بولغۇدەك.
خەتتاتلىقتا  ماھارەتنىڭ يېتىلىشى ئۈزلۈكسىز  مەشىققە باغلىق.نىياز كېرىم شەرقىي،قۇربانجان روزى شەيدائىي قاتارلىق ئۇستاز خەتتاتلارنىڭ ئەسەرلىرىنى كۆپرەك كۆچۈرۈپ يېزىپ مەشىق قىلىڭ.ھەرىپلەرنى ئۆلچەملىك يازالايدىغان بولغاندا ،ئاندىن ئۆزىڭىزگە خاس ئۇسلۇب شەكىلەندۈرۈشكە تېرىشسىڭىز  بولىدۇ.قارا تېكىننىڭ يۇقىرىدىكى ئېنكاسىمۇ  ئۇنىڭ ئۆز  ئەمەلىيتىدىن خۇلاسىلىگەن تەجرىبىسى. بۇ يازمىنى ئاخىرىدا   ghenizatuyghur تەھرىرلىگەن. ۋاقتى  2015-1-24 14:31  

ئالدىنقى 2پارچە خېتىڭىز يامان ئەمەس چىقىپتۇ، ئەمما ئەرچىن ئەپەندى ئېيىتقاندەك ئىملا خاتالىقى مەۋجۇت. سىز قوش تىرناق يىزىشقا بەك ئامراقمۇ قانداق، 3-پارچە خېتىڭىزدا ئوشۇقتىن- ئوشۇق قوش تىرناق ئىشلىتىپسىز .

ئەسسالامۇ ئەلەيكۇم.مەنچە سىزنىڭ خەتتاتلىققا تۇتقان پوزىتسىيىڭىز توغرا ئەمەسكەن.

تەكلىپ - پىكىرلىرىڭىزغا كۆپ رەھمەت ، بۇندىن كېيىن نىياز كېرىم شەرقىي قاتارلىق خەتتاتلارنىڭ ئەسەرلىرىنى كۆپىرەك كۆرۈپ ، مەشىقنى كۆچەيتىشكە تېرىشىمەن .

ئەسسالامۇ ئەلەيكۇم،قىرانى ئىنىم.
روھى ئەركىن ئادەملەرلا ئەركىن پىكىر قىلىدۇ. مەن خەتتاتلىققا قانداق مۇئامىلىدە بولۇشنى بىلدىم،دېگەن تونۇشتىكى ئادەم مەن،ئوخشاشلا،بۇ قارىشىمدىن مەن ئالاقىدىكى خەتتاتلار خەۋەردار.
مۇنداق بىر مىسالنى ئالغىم كېلىۋاتىدۇ،سۇنىڭ سۇلىقى ھەممىمىزگە ئايدىڭ مەسىلە.سۇنىڭ ھالىتىنى تۇرغىن نوقتىدىن كۆرۈشنى قۇبۇل قىلىۋالساق ھەم بۇ بۇنىڭدىن قىلچە گۇمانلانمىساق،ئېقىۋاتقاندىكى شەكىلدىن چىقىپ كەتكەن ھالىتىنى قۇبۇل قىلىپ ئۈلگۈرەلمەيمىز.
ئادەملەرنىڭ ئۆز تاللىشى،باشقىلارنىڭ ئۇنىڭ تاللىشىنى تاللىغىنىدىن ئاقىلانە تاللاش.
خەتتاتلىق توغرىسىدىكى قاراشلىرىمنى ئاددىي چۈشەندۈرگىلى بولمىغىنى ئۈچۈن،بىرمۇنچە ئابىستىراكىت مىساللارنى ئېلىشىمغا توغرا كەلدى.
ئۆز يولىڭىزغا يول بولسۇن!

      ۋە ئەلەيكۇم ئەسسالام نامانجان ئاكا
      دەرۋەقە سىزنىڭ بۇ ساھەدىكى تارىخىڭىز ، باسقان يولىڭىز پېقىرنىڭكىدىن نەچچە ھەسسە كۆپ.ئەمما خەتتاتلىق (ئۇيغۇر ھازىرقى زامان خەتتاتلىقى ) يىقىنقى يىللاردا ئۆزىنىڭ ھەقىقى مۇقەررەر يۈزلىنىشىنى تاپتى ۋە  شەيدائىي،راشىد . . . باشچىلىقىدىكى خەتتات - ھەۋەسكارلاردا ئۆز ئىپادىسىنى تاپتى.شۇنداقلا ئەمدى داۋاملىق شۇ يۆلىنىشتە تەرەققى قىلىشى روشەن.
      شەپەرەڭ ياقتۇرمايدۇ دەپلا قۇياشقا قارشى چىققىلى بولمايدۇ.
      سىز بىلەن مۇنبەر يۈزىدە پىكىرلىشىپ قالغىنىمدىن خۇرسەنمەن،ئامان بولۇڭ.