قاسىم سىدىق: پاكىت، مۇلاھېزە، بايانات

تەرمە:

مەدەنيەت ئىنقىلاۋىدا 200دىن ئارتۇق ئادەمنى تۆت خىل ئۆنسۆر دەپ پەنجىم گۇڭشىغا يىغىۋىلىپ كۇرەشكە تارىتتى،مەجبۇرى ئەمگەككە سالدى.پەنجىمدە يېتىپ.قوپۇپ،ئىشلەيتۇق.ئارىمىزدا يېشى 70دىن ھالقىغان بىر قازاق بوۋايمۇ بار ئىدى.مەن بۇ ئادەمنىڭ نىمە بولۇپ بىزدەك  ئادەملەر قاتارىغا قېتىلىپ قالغىنىنى سۈرۈشتۆرۆپ بىلدىم.
ئەسلىدە بۇ چال بازارلارغىمۇ كىرىپ كەتمەيدىغان،سىياسىنىڭ نىمىلىگىنىمۇ بىلىپ كەتمەيدىغان بىر ئادەم  ئىكەن.ياش چاغلىرىدا شىڭ دوبەن شەر سورىغاچقا، شۇ شىڭ دوبەننىڭ ئىسمىلا يادىدا قاپتىكەن.پەلەك چۈرگىلەپ ،زامان ئۇزگىرىرىپ ماۋجۇشىنىڭ رەئىس بولغانلىغىمۇ ئانچە ئېنىق يادىدا بولمىسا كىرەك.ئۇزامانلاردا ئەقىلغا سىغمايدىغان ھەممە ئىش يۆز بەرگەن ئىدى.ياشىسۇن،يوقالسۇن دەپ شوئار تۇۋلاشمۇ شۇ زامانلاردا ئەۋجىگە چىققان،كىمىكى  شوئارنى توغرا توۋلىمىسا ياكى شوئار توۋلانغان ۋاقىتتا قولىنى كۆتەرمىسە شۇ ئادەمنى نەس باساتتى.

كۈنلەرنىڭ بىرىدە قانداق بولغان شاۋدۆيدىكى يىغىلىشتا شۇ بوۋاينى شوئار باشلاشقا بۇيرۇشۇپتۇ.بۇ بۇيرۇقتىن ھودۇقۇپ كەتكەن بوۋاي شۇنداق توۋلاپتۇ:
_ ئەلىگى،ئەلىگى،ئەلىگى...چىڭ دوبەن جاساسىن!.
(ھېلىقى،ھېلىقى،ھېلىقى....شىڭ دوبەن ياشىسۇن!)

شۇنىڭ بىلەن بۇ چال بىزنىڭ قاتارىمىزغا دەرھال قېتىلغان ئېكەن.
كۇرۆنۆپ تۇرۇپتىكى بۇ چال شىڭ دوبەندىن كىيىنكى ئىشلارغا ئانچە پەرۋا قىلمىغان،ئېسىدە قالغان ئېسىم شۇ شىڭ دوبەن.قازاندا نىمە بولسا چۈمۈچكە شۇ چىققان گەپ.

بەزى ئاغىنىلەر ھازىرغىچە جىك،بىلىمخۇمار قاتارلىقلارنىڭ تەجىربە نەتىجىلىرى تەرىپىدىن رەت قىلىنغان بىر تەرەپلىمە قاراشلىرىنى چاپلاپ ئاۋارە.بۇ ئاداشلاربىلەن ئاۋۇ چالنىڭ نىمە پەرقى بار؟!.29-تىئورما يىتەرلىك تەجىربە ئاساسلىرىغا ئىگە بولۇپ بولدى.قانچە ئەۋزەيلىسەڭ شۇنچە مات بولىسەن!.
زامانىمىزدا قارا كۇزئەينەك تاقىۋىلىپ چۈش بولغاندىمۇ تاڭاتمىدى دەپ ئوخلايدىغانلارنى يوق دىگىلى بولمايدۇ...


http://bbs.misranim.com/forum.php?mod=viewthread&tid=132384&page=5&extra=#pid1986522

بۇ تېمىدىكى مېنى«ئالىم» دىگەن باھادىن ئوڭايسىزلاندىم.مەن پەقەت ئادەتتىكى بىر ئىزدەنگۈچى.
تېما ئىگىسى شەكىل نەزەريىسى ۋە ئۇنىڭ ھازىرقى رىياللىغى ئۈستىدە خېلى ئىزدىنىپتۇ.تەبىئى پەن نەزەريىلىرىنىڭ 3خىل كېلىش مەنبەسى ھەققىدە توختۇلۇپتۇ.مۇنازىرىنى قانداق ئېلىپ بېرىش ۋە ئويۇشتۇرۇش ھەققىدە قىممەتلىك پىكىرلەرنى بېرىپتۇ.نەپ ئالدىم.تېما ئىگىسىنىڭ ئەجرىگە رەھمەت ئوقۇيمەن.

توردىكى ئىسمى جىمسارى بولغان كىشى يوللىغان بۇ تېما “باغداش”تىن ئۆچۈرۈلگەندەك قىلىدۇ:

جىمسارى

بايان ئاۋۋال

    مەن، باغداش، مىسرانىم، كائىنات ناملىق ۋېبسىتلاردىن (تور بېكىتى دەۋاتىمىز) قاسىم سىدىق ئەپەندىنىڭ كىم ئىكەنلىكىنى ئانچە مۇنچە بىلدىم. بۇ كىشى ئەدەبىياتتا، تەبىئي پەندە بولۇپمۇ فىزىكا ساھەسىدە كەڭ بىلىم ئاساسىغا ئىگە ھەم تەپەككۇرغا باي بولۇپ، يوقۇرىدا نامى ئاتالغان ۋېبسىتلاردا، ئۇيغۇر تىلىمىزدا ناھايىتى كۆپ ئەسەرلەرنى نەشىر قىلىپتۇ. دۆلىتىمىزنىڭ خەنزۇ يازىقىدىكى ۋېبسىتلاردا نەشىر قىلغان مۇناسىۋەتلىك ئەسەرلەرنى ھەم  تەرجىمە قىلىپ ياكى ئۇلاپ كۆچۈرۈپ بىزنىڭ كۆرۈپ باقىشىمىزغا سۇنۇپتۇ. مىنىڭ بىلىشىمچە، قاسىم سىدىق ئەپەندى، «شەكىل نەزەرىيەسى»دىگەن بىر قىياسنى ئوتتۇرىغا قويۇپتۇ، بۇ نەزەرىيە، دۇنياۋى فىزىكا مۇنبىرىدىن مۇستەھكەم ئورۇن ئالغان «ئۇلۇقلىرىمىز» نىڭ نەزەرىيەسىگە خىرىس ئالىپ كەپتۇ. مۇشۇسەۋەپتىن، قاسىم سىدىق ئەپەندى بىلەن بولغان مۇنازىرەلەر ئەۋج ئاپتۇ. بەزىلەر قاسىم سىدىق ئەپەندىنى قوللاپتۇ، بەزىلەر، ئۇنىڭغا قارىشى چىقىپتۇ. بۇلارنى مەن، «قاسىم سىدىق ئەپەندى ھادىسەسى» دەپ يىغىنچاقلادىم. مەزگۇر ئەسەردە، مەن قاسىم سىدىق ئەپەندى ھادىسەسىدىن ھېس قىلغانلارىمنى قىسقىچە بايان قىلدىم.

1. قاسىم سىدىق ئەپەندى ھادىسەسىنىڭ سەۋەبى

     مىنىڭ يۈزەكى بىلىشىمچە، قاسىم سىدىق ئەپەندى، پەيغەمبەرىمىز ياشىدىن ھالقىغان مويسىپىت كىشى بولۇپ، 60 ياشىدىن بۇرۇن، بىر ئوتتۇرا مەكتەپتە ئەدەبىيات ئوقۇتقۇچىسى بولۇپ ئىشلەپتىكەن. ئۇ، فىزىكا ئىلمىيدە مەخسۇس ئوقۇمىغان بولسامۇ، ئۆزلىكىدىن ئۆگۈنۈپ فىزىكىدىكى شەكىل نەزەرىيەسى بىلەن ھەپىلەشكىلى 30 يىلدىن ئاشىپتۇ. نەتىجەدە، بۇ كىشى، «شەكىل نەزەرىيەسى» دىگەن بىر يۈرۈش نەزەرىيە ئۇقۇمىنى ئوتتۇرىغا قويۇپتۇ. ئەمما، بۇ كۆزقاراش، دۇنياۋى نوپوزغا ئىگە بولغان ئىلمىي ژورناللاردا نەشىر قىلىنماي، دىيارىمىزدىكى ئۇيغۇرچە ژورناللاردا ۋە ئۇيغۇر تىلىدىكى ۋېبسىتلاردا نەشىر قىلىنىپتۇ. بۇئەسەرلەرنى دۇنيادىكى ھەر ساھەدە ئىشلەۋاتقان، ئوقۇغان، ئوقۇۋاتقان ئۇيغۇر ئىلىم ئەھلىلەرى كۆرگەندىن كىيىن، ھەركىم ئۆزىنىڭ چۈشەنچەسى بويىچە قاسىم سىدىق ئەپەندىنىڭ شەكىل نەزەرىيەسىگە قارىتا پىكىر يۈرگۈزگەن. قاسىم سىدىق ئەپەندىنىڭ شەكىل نەزەرىيەسىنى قوللايدىغان پىكىرلەرمۇ، قوللىمايدىغان پىكىرلەرمۇ مەيدانغاچىققان. ئەمما، بۇ ئىككى قاراشتىكىلەر بىرى بىرىنى قايىل قىلالمىغان ھەتتا، قاسىم سىدىق ئەپەندىنىڭ تەپەككۈرىدىن ھالقىپ كىتەلمىگەندەك قىلىدۇ. شۇڭا، قاسىم سىدىق ئەپەندى، ئۆز پىكىرىدە چىڭ تۇرغان. شۇنداق قىلىپ نەچچە يىلدىن بېرى، ئاخىرى چىقمىغان بۇ مۇنازىرە، قاسىم سىدىق ئەپەندى ھادىسەسىگە ئايلىنىپ قالغان[1،2،3،].

2. شەكىل نەزەرىيەسىدە، قاسىم سىدىق ئەپەندىدىن ئۈستۈن تۇرىدىغان بىرەر ئۇيغۇر ئالىم يوق

    قاسىم سىدىق ئەپەندىنىڭ شەكىل نەزەرىيەسى بىلەن ئەڭ بالدۇر ھەم ئەڭ كۆپ تۇنۇشقانلار ئۇيغۇرنى ئاساس قىلغان. بۇ ھەقتە مۇنازىرە قىلغۇچىلارنىڭ مۇتلەق كۆپ قىسمى يەنىلا ئۇيغۇر. ئەمما، بۇ ھەقتىكى مۇنازىرە بېسىقمىدى، قاسىم سىدىق ئەپەندىنىمۇ ھېچكىم قايىل قىلىپ بۇئەپەندىنى رايىدىن ياندۇرۇپ جىم قىلالمىدى. دىمەك، بۇنىڭغا قارىغاندا، شەكىل نەزەرىيەسىنى مەيلى قوللاسۇن ياكى قارىشى تۇرسۇن، قاسىم سىدىق ئەپەندىنىڭ شەكىل نەزەرىيەسى تەپەككۇرىدىن ھالقىغان بىلىمگە ئىگە بىرەر ئۇيغۇر ئالىم يوقتەك قىلىدۇ.

3. قاسىم سىدىق بىر تەبىئى پەن ئالىمى بولۇشقا مۇناسىپ

    قاسىم سىدىق ئەپەندىنىڭ ھەقلىق ھەپىلەشكىنى ئەدەبىيات ئىكەن. ھەقسىز ھەپىلەشكىنى تەبىئىي پەن ئىكەن. تەبىئىي پەن دىگەن نىمە؟ تەبىئەتتىكى ئورگانىك ۋە ئىنورگانىك شەيئىلەر بىلەن ھادىسىلەرنى تەتقىق قىلىدىغان ئىلىملەر، تەبىئىي پەن دەپ ئاتالغان. تەبىئىي پەن، ئالەم ۋە دۇنيادىكى مەۋجۇد ماددا، جىسىم، ئىنشائات، ھەرىكەت، ئېنىرگىيە قاتارلىقلارنى ئۆگىنەدى ھەم ئۆگىتەدى. تەبىئىي پەننىڭ مەقسەدى، تەبىئەتتىكى ئورگانىك ۋە ئىنورگانىك شەيئىلەر بىلەن ھادىسىلەرنىڭ ماھىيەتىگە يۇشۇرۇنغان قانۇنىيەتلەرنى ئىزدەپ تاپىشتىن ئىبارەت. شۇڭا، تەبىئىي پەندىكى يەكۈن ياكى نەزەرىيەلەر مۇنداق 3 ئۇسول بىلەن ۋۇجۇدقا چىقىدۇ. بۇنىڭ بىرى، ئوبسېرۋالاش (كۈزۈتۈش، ئۆلچەش، تەجىرىبە قىلىشلارنىڭ ئومۇمى نامى)، ئىككىنچىسى، ھېپوتېزلەش (مەلۇم بايقالغان ئىلىم ئاساسىدا پەرەز ياكى قىياس قىلىشنىڭ ئومۇمىنامى)، ئۈچىنچەسى، مۇئاينەلەش (دەلىللىك ئىسپاتلاش) ئارقالىق روياپقا چىقىدۇ[4]. دىمەك، مۇشۇ 3 ئىشنىڭ بىرىنى قىلغان كىشىنى مەن ئالىم دەپ قارايمەن. قاسىم سىدىق ئەپەندىنىڭ ئەسەرلەرىگە قاراغاندا، بۇ ھەقتە كەڭ دائىرەدە مەلۇماتلارنى يىققان، ئۆگەنگەن شۇ ئاساستا تەپەككۇر قىلىپ ئاخىرى ئۆزى توغرا دەپ قارىغان شەكىل نەزەرىيەسىنى ۋۇجۇدقا كەلتۈرگەن. دىمەك، قاسىم سىدىق ئەپەندىنىڭ شەكىل نەزەرىيەسى، ئەنە شۇ 3 خىل ئۇسوللارنىڭ ئىچىدىكى قىسمەن ئوبسېرۋالاش بىلەن پۈتۈنلەي ھېپوتېزلەش ئاساسىدا مەنتىقىلىق مۇھاكىمە قىلىپ ۋۇجۇدقا چىقىرىلغان. مىنىڭچە، ئوقۇغان ئالىم بولماس، قىزىققان ئالىم بولۇر[5].

قاسىم سىدىق شەكىل نەزەرىيەسىگە ئائىت ئىلىمگە قىزغىن ئىشتىياق باغلىغان. شۇڭا 30نەچچە يىلدىن بېرى شارائىت يار بەرمىگەن ئەھۋالدا، بۇ ھەقتە زېرىكمەي، تېرىكمەي ئىزدەنگەن. ئۇنىڭ بۇ روھى ھەممەمىزنىڭ ئۆگۈنەشىگە ئەرزىيدۇ. ئاپتونۇم رايونىمىزدا، فىزىكا ئىلمىي بىلەن ھەپىلەشكەن كىشى ئاز بولۇشى مۇمكىن. شۇنداق بولسامۇ، مۇنازىرەگە ئىشتراك قىلغانلارغا قاراغاندا، 100 نەپەردىن كەم ئەمەس. بۇلارنىڭ ئىچىدە، دۇنيادىكى كاتتا ئىلىم يۇرتلارىدا بىلىم تەھسىل قىلغان، قىلىۋاتقان، تەتقىقات ئورۇنلارىدا ئىشلىگەن ھەم ئىشلەۋاتقان، باكلاۋىر، مەجىستەر، دوكتۇراش بولغانلار، ئاكادېمىك، پروففىسورلار، دۆلەت مۇكاپات تەمىناتىدىن بەھرىمەن بولۇۋاتقان پەن-تېخنىكا خادىملارى، جامائەت ئەربابى قاتارلىق تاج –تون كىيگەن ئالىم كىشىلىرىمىز ئاز ئەمەس. ئەمما، بۇلاردىن، قاسىم سىدىق ئەپەندىدەك ئىلىمگە ئىشتىياق بىلەن بېرىلگەن، ھەقسىز ئامماباپ، ئىخچام بولغان كۆپ ئەسەرلەرنى يازغان، كىشىلىرىمىزنى قۇرسىقىدىكى ئىلىم بىلەن بەھىرلەندۈرگەن ھەم شەكىل نەزەرىيەسىدەك دۇنياۋى يىڭى تەپەككۇرنى ئوتتۇرىغا قويغانلار قانچىلىك بۇنىسى ماڭا نامەلۇم.

قاسىم سىدىق ئەپەندىنىڭ نەشىر قىلىنغان ئەسەرلەرىگە قارىغاندا، مىنىڭچە ئۇ، ئەدەبىياتقا، فىزىكا ساھەسىگە،  مۇناسىۋەتلىك بولغان نۇرغۇن يوقۇرى سەۋىيەدىكى ئەسەرلەرنى يازغان. بۇلاردىن باشقا، ناھايىتى كەڭ دائىرەگە چىتىلغان ئەسەرلەرىمۇ ئاز ئەمەسكەن. بۇ ئەسەرلەرنى يازىشتا، قاسىم سىدىق ئەپەندى ناھايىتى كۆپ ۋاقتىنى، زور زېھنى قۇۋۋەتىنى سەرىپ قىلغان. قاسىم سىدىق ئەپەندىنىڭ ئەسەرلەرىنى ئانچە-مۇنچە كۆرگەن بولساممۇ، ئۇنىڭ ئەسەرلىرىدىن تەپەككۇرىنىڭ ئۇچۇق، پىكىرلەرىنىڭ مەنتىقەلىك، چۈشۈنۈشلۈك ئىكەنلىكىنى ھېس قىلدىم. دىمەك، قاسىم سىدىق ئەپەندىنىڭ ئەسەرلەرىنى ئوقۇغان كىشى، مەلۇم سەۋىيەدە ئىلىمگە ئېرىشەلەيدۇ دەپ قارايمەن. قاسىم سىدىق ئەپەندى، ھازىرغا كەلگىچە نورمال ئادەمنىڭ ئىشىنى قىلىپ كەلدى. مىنىڭچە ئۇ، فىزىكىغا ئائىت تەتقىقات ئالىپ بارىشنى بىر كىمگە ۋەدە قىلغان ياكى بىركىم ئۇنىڭغا ۋەزىپە قىلغانمۇ ئەمەس. ھەر خىل باھانىلەر بىلەن كۆپ مىقتاردىكى تەتقىقات پۇلى ياكى دۆلەت تەمىناتىغا ئېرىشكەنمۇ ئەمەس. زامانىۋى كاتتا تەجىرىبەخانىلارنى قۇرۇۋالغانمۇ ئەمەس. پىنسىيە مۇئاشىدىن بۆلەك، زىيادە پۇلىمۇ يوق، ئۆزىدىن بۆلەك، ئۇنىڭ قىلالماغان ئىشلىرىنى قىلىپ بېرەدىغان كىشىلىرىمۇ يوق، ئاللا، ئىلىم ۋە خەلقىدىن بۆلەك، ھېچكىمگە قەرىزى يوق، پەقەتلا ئىلىمنىڭ زاكىتىنى ئايىماي بېرىپ تۇرغان بىر كىشى ئىكەن. مىنىڭ بىلىشىمچە، قاسىم سىدىق ئەپەندى، ئاسپرانت بۆكىنى كىيىشكە مۇيەسسەر بولالمىغان، كۆزنى چاقناتادىغان تاج-تون كىيشكە مۇيەسسەر بولالمىغان ھەتتا ماڭا ئوخشاش بىر نەچچە تال مىدال-ئوردىنغا بولسىمۇ ئېرىشكەن كىشىمۇ ئەمەسكەن. بۇ كىشى ھازىرغىچە ئادەتتىكى قاسىم سىدىق نامى بىلەن يۈرۈپتۇ. مەيلى قانداق بولسۇن، قاسىم سىدىق ئەپەندى، ئۇزىنىڭ ھەقسىز ئىشلىگەن بۇ مول ھەم ئەھمىيەتلىك ئەمگەكلەرى بىلەن، ئۇيغۇرلار ئىچىدىكى، شىنجاڭ ئۇيغۇر ئاپتونۇم رايونىمىزدىكى، جۇڭگودىكى، ئوتتۇرا ئاسىيادىكى ھەتتا دۇنيادىكى تەبىئىي پەن ئالىمى دىگەن نامغا ئىگە بولۇشقا مۇناسىپ. شىنجاڭ ئۇيغۇر ئاپتونۇم رايونىمىزدىكى ھەم دۆلىتىمىزدىكى پەنوم بايراقدارى ياكى نەمۇنەسى بولۇشقا مۇناسىپ. قاسىم سىدىق ئەپەندى، ئەنە شۇ ئەمگەكلەرى بىلەن ئاپتونۇم رايونىمىزدا ھەم دۆلىتىمىزدە كاتتا تارتۇقلاشقا، شۆھرەتكە ھەم ئېتىراپ قىلىشقا لايىق. مەن، قاسىم سىدىق ئەپەندىدىن پەخىرلىنىمەن. ئۇيغۇردىن پەخىرلىنىمەن. مىنىڭچە، دۇنيادا نۇقسانسىز كىشى، نۇقسانسىز تەپەككۇر، نۇقسانسىز نەزەرىيە يوق. ئەگەر باربولسا، نۇرغۇن كىشى ئىزدىنىشلەرنى تاشلاپ، ياستۇقنى قىرلاپ ياتمامدۇ؟ ئەمەلىيەتتە، ئىشلارنىڭ مۇنداق بولمايدىغانلىقى ھەممەيلەنگە ئايان.

(پەنوم، ئاپتورئىجات قىلغان ئۇيغۇرچە سۆز، ئۇنىڭ مەناسى،پەننى ئومۇملاشتۇرۇش دىگەننى بىلدىرەدى).

4. مۇنازىرەسىز ئىلىم، راۋاج تاپماس

     فىزىكا ئىلمىي راۋاج تاپىشى كېرەك. بۇ زامانىمىزنىڭ تەقەززاسى. شۇڭا، ھەرقايسى دۆلەتلەردە بۇ ساھەگە نۇرغۇن مەبلەغ سېلىنىپ نۇرغۇن كىشى ئىزدىنىۋاتىدۇ. بۇنىڭ سەۋەبى، مەيلى ئالەم بولسۇن، دۇنيا بولسۇن ياكى ئادەملەرنىڭ تەپەككۇرى بولسۇن توختاۋسىز ھەرىكەتلەنىپ ھەم ئۆزگەرىپ تۇرىدۇ. ئۆزگەرمەيدىغان شەيئى مەۋجۇد ئەمەس. شۇڭا، بۇلارغا مۇناسىپ ھالدا، ئىزدىنىشلەر ئالىپ بارىلادى. ئىزدىنىش بولۇدىكەن، يېڭى پىكىر مەيدانغا كىلىدۇ. يېڭى پىكر ئوتتۇرىغا قويۇلغان ئىكەن، مۇنازىرەگە سەۋەپ بولۇدۇ. تالاش-تارتىشتا توغرا-خاتاسى ياكى خىسلەتى ۋە ئىللەتى ئېنىقلىنادى. شۇڭا، مەيلى توغرا بولسۇن ياكى خاتا بولسۇن، ئوتتۇرىغا قويۇلمىغاندىن قويۇلغانى مىڭ ئەۋزەل. كۈندۈز بولماسا، ئۆلمەمدۇ كىشى، كىچە بولماسا، ھارمامدۇ كىشى. ئىللەت ۋە خىسلەت تەڭشەپ تۇرماسا، توختاپ قالمامدۇ جاھاننىڭ ئىشى[5].

دۇنيادا بەزى توغرا بولغان پىكىرلەر، زامانداشلارى تەرىپىدىن رەت قىلىنىپ، بىر نەچچە يىلدىن كىيىن ھەتتا، يۇز يىللاردىن كىيىن توغرالىقى ئىسپاتلانىپ ئېتىراپقا ئېرىشكەن مىساللار ئاز ئەمەس. قاسىم سىدىق ئەپەندىنىڭ شەكىل نەزەرىيەسى، چالا ئۇخلاپ قوپۇپ قالايماقان جۆيلىگەنلىكى ئەمەس. ئۇنىڭ ئەسەرلەرىنى ئەقلى بىلەن ئەستايىل ئوقۇغان كىشى ئۇنىڭ مەلۇم ئاساسلارىنىڭ بارلىقىنى ھېس قىلالايدۇ. قاسىم سىدىق ئەپەندىنىڭ شەكىل نەزەرىيەسى، مەيلى خاتا بولسۇن ياكى توغرا بولسۇن، ئۇنىڭغا ئەڭ ئاخىرقى توچكا قويۇلغانى يوق. ئۇ، يەنىلا مۇنازىرەگە مۇھتاج.

مۇنازىرە قىلىشتا، مەلۇم بىر ئىلىمنىڭ ئەھلى بولماي تۇرۇپ، قۇلاق موللىسى ياكى سۆزمەن بولغانلار، ھېسياتقا تايانغانلار، مۇنازىرە ئەخلاقىنى بىلمەيدۇغانلار، ئەڭ ياخشىسى مۇنازىرەنى كۆرۈپ ئاڭلاپ قويۇشى، مۇنازىرەگە چۈشمەسلىكى ئاقىلانىلىك بولۇدۇ. قاسىم سىدىق ئەپەندىمۇ، مۇنازىرە قىلغۇچىلارمۇ ھەممە ئىنكاسقا ئېتىبار بېرىپ كەتمەسلىكى، ئىنكاسلارغا چېچىلماسلىقى، گەپكە گەپ توغرا كەلدى دەپ ئارتۇقچە سۆزلەرنى ئىشلەتمەسلىكى، زېھنىنى ۋە ۋاقتىنى شەكىل نەزەرىيەسىنى تېخىمۇ مول ھەم قايىل قىلارلىق ئىپادىلەشتەك مۇھىم مەسەلىلەرگە قاراتقانى جۆن. مۇنازىرە قىلغۇچىلارنىڭ مەيلى قاسىم سىدىق ئەپەندى ياكى باشقا كىم بولۇشىدىن قەتئى نەزەر، تىمادىن چەتنىمەسلىكى، مەرگەزى ئىدىيەدىن ھالقىماسلىقى، نوپوزلۇق مەلۇم كىشىنى دەستۇر قىلىۋالماسلىقى، مەجىستەر، دوكتۇر بولغان بولماغانلىقىنى، دۇنياۋى داڭلىق ژورناللاردا ماقالىسىنىڭ بار يوقلىغىنى ئۆلچەم قىلىۋالماسلىقى، پەقەتلا ئۆزىنىڭ مەنتىقىلىق مۇھاكىمەسىنى ئاساس قىلىشى، قاپىيە قوغلاشماسلىقى ھەم شەخسىگە ھۇجۇم قىلماسلىقى شەرت. شۇنداق بولغاندىلا مۇنازىرە بولۇدۇ، شۇندىلا مەنتىقىلىق مۇھاكىمەگە يول ئېچىلىدۇ. مەن ھازىر بولۇۋاتقان مۇنازىرەلەرنى قۇۋەتلەيمەن. ئەمما، مۇنازىرە ئۇسولىمىزنى، قوللانغان ئارتۇقچە ئەنچەلەرنى قوۋەتلەمەيمەن.

(ئەنچە، ئاپتور ئىجات قىلغان ئۇيغۇرچە ئىسىم سۆز. بۇنىڭ مەناسى، بىرەر شەيئىگە باسىلغان تامغا، قويۇلغان خەتكۈچ، ئاچقۇچ سۆز، بەلگە (标签，关键词)، كەيدۈرگەن قالپاق دىگەنلەرنى بىلدىرەدى).

بايان ئاخىر

     مىنىڭ فىزىكائىلمىدىن كۆپ خەۋەرىم يوق. شۇڭا، شەكىل نەزەرىيەسىدىن سۆز قىلىشنى ئۆزەمگە راۋاكۆرمەدىم. پەقەتلا، بۇرادەرلەر بىلەن ئورتاقلىشىش ئۈچۈن، ئۇيغۇرچە ۋېبسىتلاردىن كۆرگەن قاسىم سىدىق ئەپەندى ھادىسەسىگە قاراتا، ھېس قىلغانلارىمنى قىسقىچە بايان قىلدىم. مۇمكىن بولسا، ئېنگلىزچە ياكى روسچە بىلىدىغان بۇرادەرلەر، قاسىم سىدىق ئەپەندى بىلەن كۆرۈشۈپ، مۇھىم دەپ قارىغان ئەسەرلەرىنى شۇ تىلدىكى نوپوزلۇق ژورناللارغا ئوبدان تەرجىمە قىلىپ ياكى شۇ ژورنال تەلەبى بويىچە يازىپ يوللاپ باققان بولسا دىگەن ئۈمۈددەمەن. بۇنىڭدىكى مەقسەت، ئۇيغۇرچەنى بىلمەيدىغان ئۆزگە تىلدىكى ئەھلى ئالىملارنىڭ مۇھاكىمەسىنى، پىكىرىنى ئاڭلاپ باقىشتىن ئىبارەت. ئەممامەن، بۇ ئەھلى ئالىملاردىن زور ئۈمۈد كۈتۈپمۇ كەتمەيمەن. قاسىم سىدىق ئەپەندىنىڭ ئويغاق تەپەككۇرى، كىشىلىرىمىزنى مەرىپەتكە باشلىدى. ئىلىمگە باشلىدى. دۇنياغا باشلىدى، تەپەككۈرگە باشلىدى. بولماسا نىمە ئۈچۈن، ئۇنىڭ دىگەنلىرى شۇنچىۋالا كۆپ ئەھلى ئالىملىرىمىزنى ئۆزىگە ئولاشتۇرۋالدى. بۇنىڭدىكى كۈچ زادى نىمە؟ بۇ دەل قاسىم سىدىق ئەپەندىنىڭ توغرا بولغان تەپەككۇر كۈچىدۇر. قاسىم سىدىق ئەپەندى 70ياشقا كىرىپ قالغاندەك قىلىدۇ. دىمەكچى بولغانلارىنى دەپ بولغاندەك قىلىدۇ. شۇڭا، قاسىم سىدىق ئەپەندى ۋېبسىتتىكى غەلۋەلەردىن نېرى تۇرۇپ، ئوبدان ئارام ئېلىۋىلىپ، سالامەتلىكىنى ئاسرىغان ئاساستا، ئۆزى بىلگەن تىل يازىقتا، ئۆزى خالىغان ئۇسلۇبتا ئۆز تەپەككۇرىنى سېستىمىلىق، چۈشۈنۈشلۈك قىلىپ بىر كىتاپ قىلىپ قويۇشنى ئۈمۈدقىلىمەن.

مەنبە ئەسەرلەر

[1]  kayinat.com  دىكى قاسىم سىدىق ئەپەندىگە مۇناسىۋەتلىك ئەسەرلەر.

BBS. Bagdax.cn [2]  دىكى قاسىم سىدىق ئەپەندىگەمۇناسىۋەتلىك ئەسەرلەر.

misranim.biz [3] دىكى قاسىم سىدىق ئەپەندىگەمۇناسىۋەتلىك ئەسەرلەر

[4]  academiye.com دىكى «تەبىئى پەن ۋە ئۇنىڭ خاراكتېرى» ناملىق ئەسەر.

[5]  academiye.com دىكى «ئىللەت ۋە خىسلەت» ناملىق بىر كوبلىت شىئېر.

[6] academiye.com دىكى «كىم ئالىم بولۇدۇ» ناملىق بىر كوبلىت شىئېر.

بۇ يازمىنى ئاخىرىدا   ق.سىدىق تەھرىرلىگەن. ۋاقتى  2014-12-31 18:23  

خىيالىمدا يوق يۆرسەممۇ مىنى نۇرغۇن دىل ئازارلارغا ،ھاقارەتلەرگە،تەڭ قىسلىقلارغا،بېئاراملىقلارغا،تۆھمەتلەرگە مۇپتىلا قىلغان مۇشۇ “ئالىم”دىگەن گەپنىڭ ئېنىقلىما،ئىزاھلىرى نىمە بولغىيتى؟:

“ئالىم”نىڭ بەيدودىكى شەرىھلىرى:

学者_百度百科

ئۇيغۇر تىلىنىڭ ئېزاھلىق لوغىتىدە نىمە دىيىلگەن بولغىيتى؟. ...شۇ لوغەت ھازىر مەندە يوق.....

بۇ تېمىنىڭ “كائىنات”دىكى ئادرىسى:

http://www.kayinat.com/bbs/forum.php?mod=viewthread&tid=154684

دەپ قويىدىغىنىم:

ئىسپاتلاڭلار ئەپەندىلەر ،ياخشى تەييارلىق قىلىپ ئىسپاتلاڭلار.ھېلىمۇ 100يىلدىن بېرى ئىسپاتلىنىپ بولۇنمىدى بۇ كەڭ مەنىلىك نىسبىلىك نەزەريىسى.29-تىئورمىنىڭ بېشى ئامان بولسا بۇ نەزەريىنىڭ ئىسپاتلانغىنىنى بىر كۇرەي!.
سائەت ئاستىلىغاننى ئىسپاتلىغىنىڭلار بىلەن،ماكان ئەگرىلىگىنى قانداق ئىسپاتلايدىكەنسىلەركىن؟.ئامرىكا ئالەم قاتناش ئىدارىسى بىلەن سىتانفۇرىت ئونېۋېسېتىتى ھېلىقى تەجىربىدە  يېرىم ئەسىرچە ۋاقىت،750مىليۇن دوللار سەرىپ قىلىپمۇ ئىسپاتلاپ بولالماي مەغلۇپ بولدى!.

بۇ تېما “باغداش”تا قايتا پەيدا بولۇپ قاپتۇ:

http://bbs.bagdax.cn/thread-27567-1-1.html

قەلىمىڭىزگە دەر ت كەلمىسۇن› ئۆمرىڭىز ئۇزۇن بولسۇن ،ئائىلىڭىز  بەرىكەتكە ،خوشاللىققا تولسۇن!ئىلىم _ مەرىپەت دۇنياسىدا ئىشلىرىڭىزنىڭ مۇۋاپىقىيتىنى  كۈرۈشكە نىسىپ بولسۇن!يېڭى بىر يىلدا يېڭى نەتجە قازىنىشىڭىزنى ئۈمۈد قىلىمەن،
سىز  مۇ شۇ  تەتقىقاتىڭىزنى  فىزىكا   فاكۇلتىتدىكى   ئوقۇتقۇچى - ئوقۇتقۇچىلارغا يوللاپ باقسىڭىز ،تالاش - تارتىشلار ئارقىلىق  ئەڭ ئاخىرىدا  خۇلاسىسىنى سىز چىقارسىڭىز بۇلاتتى، سىز بەك جاپا تارتىپ قالدىڭىز.بۇ مەندەك كاللىسى  ئاددى بىر ئوقۇتقۇچىنىڭ تەكلىپى ،لىكىن  گىپىم خاتا بولسا  كەچۈرۈم سورايمەن، ئاخىرىدا تەتقىقاتىڭىزنى  نەتىجىلىك بۇلىشىنى ئۈمۈد قىلىلىپ : ئايشەم سادىردىن بۇ يازمىنى ئاخىرىدا   ئايشەم1 تەھرىرلىگەن. ۋاقتى  2015-1-1 22:15  

رەھمەت

ھەممىسى بىلىدۇ.ھەتتا ماياتنىك تەجىربىسى ئېلىپ بارغان ماياتنىك شىنجاڭ ئونېۋېرىستېتىدىكى بىر تەجىربىخانىدا ھازىرمۇ ئېسىغلىق. 29-تىئورمىچە ئېغىشنى بار بولغان فىزىكا بىلىملىرى بىلەن چۈشەندۆرپ بېرەلمەيۋاتىدۇ.مىنىڭچە كىلاسسىك بىلىملەر بىلەن چۈشەندۆرگىلى بولمايدۇ.ئۇلارنىڭ ئېيتىشىچە 29-تىئورما ئورۇنلۇق بولسا ھازىرقى فىزىكا ۋە ئالەمشۇناسلىقتا چوڭ ئىش كېلىپ چىقىپ،نۇرغۇن ئۆزگەرتىشلەر ئېلىپ بېرىلىشى كېرەك ئىكەن.ئەھۋال شۇ.

تەرمە:


مەن بۇ تېمىنى 29-تىئورمىنىڭ تەجىربە ئاساسلىرىنى تونۇشتۇرۇش.مۇبادا بۇ ئاساسلارغا  فىزىكىدىن قارشى ئىسپات ئوتتۇرىغا قويىدىغانلار ياكى ھازىرقى فىزىكا بىلىملىرى بىلەن 29-تىئورمىچە ئېغىشنى چۈشەندۇرەلەيدىغانلار بولسا ئۇلارنىڭ قاراشلىرىنى ئاڭلاپ بېقىش،ئالاقىدار شەخىس ۋە ئورۇنلارنىڭ بۇ تەجىربە نەتىجىسىگە دىققەت قىلىشىنى،ئۇزلىرى قايتا تەجىربە ئىشلەپ توغرا-خاتالىغىنى دەلىللەپ كۇرۆشىنى قولغا كەلتۆرۈش قاتارلىق مەقسەتلەردە يوللىغان ئىدىم. ئەپسۇس،تېما بىر ياقتا قايرىلىپ قالدى.

دەرۋەقە،29-تىئورمىچە ئېغىش ھازىرقى زامان فىزىكىسىدىكى بەزى نوپۇزلۇق ئىدىيەلەر بىلەن  سىغىشالمايدۇ.لىكىن بۇ بىر پاكىت.بۇنداق ئەھۋالدا ياكى تەييار فىزىكا بىلىملىرى بىلەن بۇنداق ئېغىشنى چۈشەندۆرۈش ياكى شەكىل نەزەريىسىدىكى بۇ تىئورما ۋە ئۇنىڭغا بېۋاستە ئالاقىدار ئىدىيەلەرنى قوبۇل قىلىشتىن باشقا چارە يوق.

29-تىئورمىچە ئېغىشنىڭ مەۋجۈتلىكىنى ئىسپاتلايدىغان تەجىربىلەرنىڭ بىرى ماياتنىك تەجىربىسى بولۇپ،بۇ ماياتنىك ھېلىمۇ شىنجاڭ ئونېۋېرىستېتىدىكى بىر تەجىربىخانىدا ئېسىغلىق تۇرىدۇ.2014-يىلى 4-ئايدىن بۇيان بۇ تەجىربىدىكى ئېغىشنى ئۇز كۇزى بىلەن كۇرگەن مۇتەخەسىسلەر ھازىر بار بولغان فىزىكا بىلىملىرى ئارقىلىق بۇنداق ئېغىشنى چۈشەندۆرۈپ بېرەلمىدى.ئولارنىڭ ئېيتقىنى پەقەت 29-تىئورما قوبۇل قىلىنساھازىرقى فىزىكا ۋە ئالەمشۇناسلىققا چوڭ تەسىر قىلىدۇ،نۇرغۇن ئۇزگەرتىش ئېلىپ بېرىشقا توغرا كېلىدۇ،دىگەنلەردىن ئىبارەت.
لىكىن پاكىت ھامان پاكىت.ئونى قوبۇل قىلماي،خۇلاسە چىقارماي چارە يوق.
مۇبادا بىز بۇ ئىشنى قىلمىساق،ھامان باشقىلار قىلىدۇ....مۇشۇنداق ئىش يۆز بېرىپ قالسا تاپا-تەنىنىڭ چوڭى ئاندىن باشلىنىدۇ.يەنە نىمە ئىشلارنىڭ يۆز بېرىشىنى تەسەۋۋۇر قىلماقمۇ قىيىن......بۇ ئىشتىن خەۋەر تاپقان،ئارىلاشقان،ئىنكاستا بولغان ئالىم،مۇتەخەسىسلىرىمىزگىمۇ ياخشى بولماي قالىدۇ......يەنە سۈكۈتتە تۇرىۋەرسەك بۇ بىر تارىخى ئازاپقا ئايلىنىپ قېلىشىمۇ مۆمكىن....


ھازىر مىنى ھەيران قىلىۋاتقىنى، تەجىربە ئىسپاتلىرىنى مانا مۇشۇ تېمىدا تونۇشتۇرىۋاتقان بولساممۇ،قېنى نەتىجە؟ دەپ گەپ يورغىلىتىۋاتقانلاربولدى.شەكىل نەزەريىسى باشقىلارغا بېۋاستە پولۇ ياكى لەڭمەن ئىتىپ بېرەلمەيدۇ،دۇتتار-تەمبۆر چېلىپ بېرەلمەيدۇ.مانا مۇشۇ تېمىدا ئوتتۇرىغا قويۇلىۋاتقىنى ئۇزۇن يىللىق بىر تەتقىقاتنىڭ نەتىجىسىدىن ئىبارەت.

فىزىكا تەجىربىلىرىنى باشقىلارمۇ ئىشلەپ توغرا-خاتالىغى دەلىللىنىدۇ.بۇ خۇددى ھەر قانچە ئۇستا ساتىراش بولسىمۇ  ئۇزىنىڭ بېشىنى ئۇزى چۈشۈرەلمىگەندەك ياكى چۈشۈرمىگەندەكلا بىر ئىش. سالاھىيەتلىك ئورۇن ۋە شەخىسلەر بۇ تەجىربىنى ئۇزلىرى قول سېلىپ قايتا ئىشلەپ توغرا-ياكى خاتالىغىنى دەللىلمەي تورۇپ،ئۇلار تەرىپىدىن  بېرىلگەن باھالارنىڭ ھەممىسى قۇرۇق گەپ بولۇپ قالىدۇ.ھەتتا بۇ ھالدا ئۇلاردا 29-تىئورما ۋە ئۇنىڭ تەجىربە نەتىجىلىرىگە باھا بېرىش ھوقۇقى ۋە سالاھيەت،ئىمكانىيەتلىرى ھازىرلانمىغان بولىدۇ!.

مەنبە:
http://bbs.bagdax.cn/thread-27298-18-1.html

سىزنىڭ بۇھەقتىكى كۆز قاراش ، يەنە بىر نېمە قاراشلار ھەققىدىكى بايانلىرىڭىزنى تور ئەھلى كۆپ ئاڭلاپ كەتتى.  ھەقىقىي بىر تەتقىقاتچى تېخى ئاخىرى چىقمىغان ياكى ئىسپاتلانمىغان نەرسە ئۈستىدە ئۇنداق كۆپ داۋراڭ قىلمايدۇ. ئەڭ ياخشىسى شۇ مۇناسىۋەتلىك ئۇرۇنلار بىلەن بىرلىشىپ تەتقىقاتىڭىزنىڭ نەتىجىسى ھەقىقىي مۇئەييەنلەشتۈرۈلگەندە ئاندىن كۆپچىلىككە دېسىڭىزمۇ ئوخشاشلا سىزنى قوللايمىز. ئېتىراپ قىلىمىز. بولمسا ئۆزىڭىزدىن باشقا ھېچكىم چۈشەنمەيدىغان بۇ نداق نەرسىلەرنى توردىكى ھەممىلا مۇنبەردە سۆرەپ يۇرمەڭ. (سەمىمىي تەكلىپ ،توغرا چۈشۈنۈڭ)

            جۇڭگو ئىلىم-پەن ساھەسىدىكىلەرنىڭ ئاساسى پەنلەر ئالدىنقى سېپىدە ئىزدىنىشى ۋە ھەرىكەت قىلىشى يوقىلىپ،ئۇنىڭ ئورنىداياۋرۇپانىڭ،ئامېرىكىنىڭ ئىلىم ساھەسىگە چوقۇنۇشلا قالدى.چۈنكى،ھازىرقى جۇڭگۇ ئىلىم-پېنىدەئىلمىي ئىدىيە ۋە روھ غايىپ بولۇپ ،غەرب ئىلىم-پېنىنىڭ قۇشۇمچە گەۋدىسى بولۇپ قالدى
       جۇڭگو ئىلىم-پەن ساھەسى فېئودال پادىشاھلىقنىڭ ئاۋامنى كولدۇرلىتىدىغان كونا ئۇسۇلىنى ئىلىم-پەنگە ئېلىپ كىردى: «مۈلكى ئىلىمگەرلەرنىڭ قىلىۋاتقىنى ھەقىقىي ئىلىم-پەن،ئەل-ئىچىدىكى ئىلىم-پەن ساختا ئىلىم-پەن.ئەمەلداربىلەن پۇقرا مەڭگۈبىر- بىرىگە قارشى.شۇڭا،ھەقىقىي ئىلىم-پەن بىلەن ساختائىلىم-پەنمۇ بىر-بىرىگە قارشى.ئاتالمىش مۈلكى ئىلىمگەرلەرنىڭ كىشىلەرگە ئېيتماقچى بولغىنى شۇكى،ئىلىم-پەننى ھۆكۈمەت تارماقلىرى تۇتۇپ تۇرغاچقا،ھەقىقەت ھۆكۈمەت تارماقلىرىنىڭ قولىدا؛ئاۋام-پۇقرادا ئىلمىي تەتقىقات ئىقتىدارى يوق،ئاۋام پۇقرانىڭ قولىدا ھەقىقەت يوق؛ ئاۋام-پۇقرا ھايۋانغىمۇ يەتمەيدۇ».مانا مۇشۇنداق ئىپلاس قاراقچى لوگىكىسى جۇڭگو ئىلىم-پېنىنىڭ ئەڭ چوڭ بالايى-ئاپىتىدۇر.بۇ جۇڭگو ئىلىم-پېنىنىڭ«ئالاھىدىلىكى»،جۇڭگو ئىلىم-پېنىدىكى چىرىكلىكنىڭ يامراش خاھىشى ۋە ئىدىيسى.

رەھمەت.

مەن يازغۇچىلار تورىغا ئىدىيەلىرىمنى قالدۇرۇپ قويسام بولارمۇ؟.ياكى سەھېپە ئىسراپچىلىغى بولارمۇ؟.
مەن ئۇچۇر تارقىتىۋاتىمەن.قوللاش-قوللىماسلىق،ماختاش ۋە تىللاشلار بىلەن پەرۋايىم پەلەك!.

سىزنىڭ چۈشەنمىگىنىڭىز باشقىلارنىڭمۇ چۈشەنمەيدىغانلىغىدىن دېرەك بەرمەيدۇ.بىر ئادەم بولسىمۇ ئازىراق بىر نەرسە چۈشۈنۈپ قالسا شۇنىڭ ئۇزىمۇ يېتەرلىك!.
_______________

• قاسىم سىدىق ئەپەندى نىمە دىگەن؟
  

http://bbs.bagdax.cn/thread-27622-1-1.html
بۇ يازمىنى ئاخىرىدا   ق.سىدىق تەھرىرلىگەن. ۋاقتى  2015-1-2 00:02  

تەرمە:

بەزى دوكتۇر،دوكتۇرانىتلار شەكىل نەزەريىسى ۋە ئۇنىڭ 29-تىئورمىسىنىڭ ھېچنىمە ئەمەسلىكىنى،.بۇ نەزەريىنىڭ ئۇيغۇر مىللىتىنىڭ يۆزىنى تۆكىدىغانلىغىنى تەكىتلەشكەن،بۇ نەزەريىنى يېتىم قالدۇرۇش،ھەمكارلاشماسلىق،تەرجىمە قىلىپ تونۇشتۇرماسلىق ...ۋەھاكازا ...ۋەھاكازا قىلىش لازىملىغىنى تەشەببۇس قىلغان ۋە پىلانلىغان ئىدى.ھازىر بەزىلەر تەرىپىدىن بۇ پىلان ئىجرا قىلىنىۋاتىدۇ.بىر قىسىملار چەتئەللەردىكى بىر قىسىم "ئىلىم مۇنبەرلىرى"دە خاتا ئۇچۇر تارقىتىپ،ئېغىۋاگەرچىلىك قىلىش بىلەنلا قالماي،ھەتتا دۆلەت ئىچىدىكى بۇ تەتقىقاتقا قاتنىشىش ئىرادىسىگە كەلگەن بەزى مۇتەخەسىسلەرگە ئىلخەت يوللاپ بۇ تەتقىقاتقا قاتناشماسلىق لازىملىغى،قاتناشسا ئۇزى ۋە ئائىلە ئەزالىرىنىڭ ئاقىۋىتى ياخشى بولمايدىغانلىغى ھەققىدە تەھدېت سالغان.شەكىل نەزەريىسى تەتقىقاتى ۋە ئۇنىڭ ئىشتىراكچىلىرىغا تۆھمەت توقۇپ سىياسى زىيانكەشلىك قىلماقچى بولغان.ھەدېسىلا مىللەت نامىنى سۈيىئىستىمال قىلىپ،مۇتلەق تەبىئەت پەنلىرى كاتىگۇرىيىسىگە مەنسۆپ بولغان بۇ تەتقىقاتقا مىللەتنىڭ يۆزىنى چۈشىرىدۇ،دىگەندەك تۆھمەتلەرنى چاپلاپ،جامائەت پىكرىنى خاتا يېتەكلىگەن.
ئەسكەرتىپ قويايكى،شەكىل نەزەريىسى تەتقىقاتى تەبىئەت پەنلىرىگە،ئىنسانىيەتكەتالىق تەتقىقات تېمىسى.بۇ نەزەريە ۋە بۇ تەتقىقاتنى ئاللىقانداقتۇر مىللى،دىنى،سىياسى بوياقلاردا بۇيىماقچى بولغانلارنىڭ مۇددىئاسى ساغلام ئەمەس.بۇنداق خاتايۆنىلىش كۆرسەتكۈچى بۇ نەزەريىنى ۋە بۇ تەتقىقاتنى خەۋىپ-خەتەرگە باشلايدۇ.

ھەر قايسىلىرى دوپپىلىرىنى ئالدىلىرىغا قويۇپ قويۇپ ئۇزلىرىنىڭ نىمە ئەخمىقانىلىقلارنى قىلىۋەتكەنلىكلىرىنى،ئاغىزلىرىدىكى گەپ بىلەن ئەمەلدىكى ئىشلىرى نەقەدەر زىدىيەتلىك ئىكەنلىگىنى،شەكىل نەزەريىسى ۋە بۇ تەتقىقاتقا قانچىلىك ئۇۋالچىلىق ۋە زىيانكەشلىك قىلىۋاتقانلىقلىرىنى،تارىخ بەتلىرىدە زادى كىمنىڭ سېسىق نامى قالىدىغانلىغىنى ئۇبدان ئويلاپ قويۇشسىلا!.
ۋاقتىدا ئەقىللىرىنى تېپىپ ،ھەرقايسىلىرىنىڭ ئەخمىقانە پىلانلىرىنى ئاڭلىق ۋە ئاڭسىز ئىجرا قىلىۋاتقان،شەكىل نەزەريىسى تەتقىقاتىغا پىدائىلىق بىلەن بۇزغۇنچىلىق قىلىۋاتقان،بۇ نەزەريىنى سېسىتماق بولىۋاتقان جىمى ياللانما ئەسكەرلىرىنى ۋاقتىدا يېغىشتۇرىۋالسىلا!.

ھەر قايسىلىرىنىڭ گۇيا "پىلانلىق تۇغۇت" مەمۆريىتى خادىملىرىدەك ئوتتۇرىغا چىقىپ،ئۇيغۇر جەمىيىتىدە مەيدانغا كەلگەن بەلگىلىك ئىلمى ئاساسقا ئىگە ھەرقانداق يېڭى ئىدىيەنى بۆشۆكىدە تۇنجۇقتۇرماق بولۇشلىرىدەك بۇ كاتتا جاسارەتلىرى غايىدىكىلىرىدەك ئۈنۈم بەرمەيدۇ.تارىخ ئۇزىگە لازىم بولغان پەرزەنىتلەرنى ،ئۇزىگە لازىم بولغان يېڭى ئىدىيەلەرنى دۇنيانىڭ قايسىدۇر بىر يېرىدە ھامان توغىۋىرىدۇ.ھەرقايسىلىرى يېڭى ئىديەلەرنى بۆشۆكىدىلا ئۇجۇقتۇرۇش يولىدا ھەرقانچە يامان قاتىل بولسىلىمۇ يېتىشىپ بولالمايلا!
بىرۇنۇ،گالىلى دەۋرىدىمۇ سىلەردەك يېڭى ئىدىيە قاتىللىرى بار بولۇپلا قالماي،ئۇلار بارلىق ھوقۇقنى كۇنتىرۇل قىلغان قاتىللار ئىدى.ئاقىۋەتتە نىمە بولدى؟.ھەرقايسىلىرىغا بۇ پاكىتلار بەش قولدەك ئايان!.

شەكىل نەزەريىسى _ مىنىڭ ئىدىيەم،ئىدىيە _ مىنىڭ ۋەتىنىم.ھەر قايسىلىرىنىڭ ئۆزلىرىگە خاس ۋەتەنلىرى بارمۇ؟.شەكىل نەزەريىسى يەنە ئۆزنۇۋىتىدە مىنىڭ پەرزەنتىم.ھەرقايسىلىرىنىڭ مانا مۇشۇنداق ئۇزلىرىگەخاس پەرزەنىتلىرى بارمۇ؟.
مەن بۇۋەتىنىمنى ۋە بۇ پەرزەنتىمنى جىنىمنى تېكىپ تۇرۇپ قوغدايمەن،قوغداۋاتىمەن،ھەرقايسىلىرى كىمنىڭ ۋەتىنىنى ۋە كىمنىڭ پەرزەنتىنى قوغداۋاتىدىلا؟!.

مەن بۇ گەپلەرنى مۇشۇنداق ئاچچىق قىلىشقا مەجبۇر بولدۇم.ھەر قايسىلىرىنىڭ ئىگەللىگەن بىلىملىرى،ئالغان ئىلمى ئونۋانلىرىنى سەمىمى قۇتلۇقلايمەن.لىكىن،شۇنچە بىلىملەردىن پايدىلىنىپ ئۇزەڭلارغا خاس بولغان بىرەر پەرزەنىت يۆزى كۆرۆشىڭلارنى،باشقىلارنىڭ بالىلىرىنى بېقىش بىلەنلا ئۆمرۇڭلارنى ئۆتكىزىۋەتمەسلىكىڭلارنى،ھېچبولمىغاندا باشقىلار بالا يۆزى كۆرسە ئۇلارغا زەھىرىڭلارنى سانچىماسلىقىڭلارنى ئۈمىت قىلىمەن.
تەبىئەت پەنلىرى ئاياقلاشقىنى يوق.شۇڭا تەبىئەت پەنلىرىگە مەنسۆپ تەتقىقاتقا“توغۇت چەكلەش ئوپراتسىيىسى” ئېلىپ بېرىشقا بولمايدۇ.ئۇزەڭلار پەرزەنىت كۆرۆشنى خالىمىساڭلار،بىر ئۆمۆر خەقنىڭ بالىسىنى بېقىپ ئۆتۈپ كېتىمەن دېسەڭلار بۇ ئۇزەڭلەرنىڭ ئېشى،لىكىن ،پۈتۈن مىللەت ياكى ئىنسانىيەت مىنىڭ گىپىمىنى ئاڭلىشى كىرەك دېسەڭلار بۇئۇزەڭلارنىڭ چۈشى!.

ئەستايىدىل ئويلۇشۇپ باقارسىلەر!.

تەرمە مەنبەسى:

http://bbs.bagdax.cn/thread-27622-17-1.html بۇ يازمىنى ئاخىرىدا   ق.سىدىق تەھرىرلىگەن. ۋاقتى  2015-1-4 10:20  

ئىككى قەدەمنىڭ ئارىلىغىنى باراۋەر ۋە قەدەم ئالغاندا ئىككى پۇتىڭىزنىڭ ئۇچىنى تۆپ-تۆز پارالىل ئالغان ھالەتتە بىر تەرەپكە ئايلىنالامسىز؟.

ئايلىنىش ئۈچۈن ئاياق ئۇچىڭىز ۋە قەدەملىرىڭىز قانداق ھالەتتە بولىشى كىرەك؟.قانداق مەشغۇلاتلار كىرەك؟