غۇلجىدا شىئىېرىيەت سەپىرى ۋە م.راشىدىن ئىجادىيەت مۇھاكىمە يىغىنى

ھەقىقەتەن ياخشى ئىش بوپتۇ! مۇبارەك بولغاي! مۇشۇ پۇرسەتتە نىجات مۇئەللىمنىڭ قىران سىماسىنىمۇ كۆرۈشكە مۇيەسسەر بولدۇم.

بۇ قېتىمقى شېرىيەت سەپىرى پائالىيىتى بەك ئەھمىيەتلىك ئۆتكۈزۈلۈپتۇ.

مۇھەممەتجان راشىدىن ئاكىغا سالامەتلىك ۋە ئۇزۇن ئۆمۈر تىلەيمەن!

قاسىم سىدىق ئەمدى جاينى تىپىپتۇ.

مۇشۇنداق ئەھمىيەتلىك  پائالىيەتلەر  ئۈزۈلۈپ  قالمىغاي.............

قولۇم-قۇشنا دېمەيمىز ئەسلا،
ئىلىنغاننى سوقۇپ تۇرىمىز.
ئايرىمايمىز ھالال-ھارامنى،
يالغاننىمۇ توقۇپ تۇرىمىز.
...................................
تۇرمۇشقا ھەقىقەتەن  بەك يېقىن . ‹‹ خەلىقتىن ئېلىپ خەلققە قايتۇرۇش ›› دىگەن مانا  شۇ...............

ناھايىتى جايىدا ئۆتكۈزۈلگەن ئەھمىيەتلىك پائالىيەت بوپتۇ. مۇھەممەتجان راشىدىن شىېرلىرىنىڭ ئىخلاسمەن ئوقۇرمىنى بولۇش سۈپىتىم بىلەن شائىرنى قىزغىن تەبرىكلەيمەن، تىنىگە سالامەتلىك، ئۆمرىگە بەرىكەت تىلەيمەن. ئاخىرىدا شائىرنىڭ »ياشىسۇن«  ماۋزۇلۇق شىېرىدىن ئىلھاملىنىپ يازغان بىر پارچە شىېرىمنى يوللاپ قويغۇم كەلدى.
                    
                                      ياشىسۇن  

(مۇھەممەتجان راشىدىننىڭ شۇ ناملىق شىئېرىغا تەقلىت)

بىزدە بايدىن نامرات تولا، توق ئەمەس،
نامراتلارنى يۈلىگەنلەر ياشىسۇن.
جۇلدۇر- كېپەن يۈرگەنلەرمۇ يوق ئەمەس،
ئەشۇلارنى يۆگىگەنلەر ياشىسۇن.

ئەل غېمىنى ئۆز غېمىم دەپ كۆيۈنۇپ،
جان تەسەددۇق ئەيلىگەنلەر ياشىسۇن.
ئەلنىڭ ئىشەنچ، ئۈمىدىنى ئۇلۇغلاپ،
ئەل قەرزىنى تۈلىگەنلەر ياشىسۇن.

پۇلنى كۆرسە ئىنساپ قاچقان زاماندا،
خالىس نىيەت ئىشلىگەنلەر ياشىسۇن.
ئەقلى بىلەن يېڭىپ بالا نەپسىنى،
ھارام پولنى سۆيمىگەنلەر ياشىسۇن.

نامرات ياشاش راۋا ئەمەس مىللەتكە،
ئەل يىتەكلەپ كۆكلىگەنلەر ياشىسۇن.
ھاجەتمەننىڭ ھاجىتىنى راۋا قىپ،
مال- دۇنياغا كۆيمىگەنلەر ياشىسۇن.

ناپاكلىقنىڭ يىلتىزىغا تىغ چېپىپ،
ھەيۋىسىنى چەيلىگەنلەر ياشىسۇن.
ئاۋام ئۈچۈن چۇقان سېلىپ مەردانە،
ئادالەتنى كۆيلىگەنلەر ياشىسۇن.

تۈرەلمىگەن ئىنسان ئەسلى جاپاغا،
جاپا چېكىپ ئۆرلىگەنلەر ياشىسۇن.
بۇ دۇنيادا راھەتنىڭكى چېكى يوق،
(ئۆزى راھەت كۆرمىگەنلەر ياشىسۇن».
ئەمەل تەگسە ئۇنتۇپ قالماي ئەسلىنى،
كەيپى- ساپا سۈرمىگەنلەر ياشىسۇن.
نامراتلارنى ھاللىق قىلىش ئويىدىن،
ئۆزگە خىيال سۈرمىگەنلەر ياشىسۇن.

پۈتۈلمىگەن پىشانىگە نامراتلىق،
نامرات ئۇچۈن سۆزلىگەنلەر ياشىسۇن.
ئۇلغايتىشچۈن يوقسۇللارنىڭ ئوتىنى،
«ئۇچىغىنى پۈلىگەنلەر ياشىسۇن».

بەخت بىلەن جاپا دايىم قوشكېزەك،
بەختسىزگە كۈلمىگەنلەر ياشىسۇن.
ھەر دوخمۇشتا كۈتەر سېنى مىڭ سىناق،
خوشامەتكە كۆنمىگەنلەر ياشىسۇن.

بارسا زاۋۇت، ئېتىز، يايلاق چۆگىلەپ،
كاتتا سورۇن تۈزمىگەنلەر ياشىسۇن.
ئاۋام بىلەن دىلكەش بولۇپ، سىردىشىپ،
كەپىسىدە تۈنىگەنلەر ياشىسۇن.

بىلىملىكنى ئەتىۋارلاپ ئىشلىتىپ،
نادانلىقنى تۈزىگەنلەر ياشىسۇن.
ئەلنى كۆزلەپ، مىڭ جاپادا ياراتقان-
مېھنىتىنى كۆممىگەنلەر ياشىسۇن.

ئەژداتلارنىڭ ئارمانىغا ۋارىس بوپ،
كەلگۈسىنى كۆزلىگەنلەر ياشىسۇن.
ئىنسان ئۆلەر لېكىن ئۆلمەس بەزىلەر،
ئەل قەلبىدە ئۆلمىگەنلەر ياشىسۇن.