غۇلجىدا شىئىېرىيەت سەپىرى ۋە م.راشىدىن ئىجادىيەت مۇھاكىمە يىغىنى

مۇھەممەتجان راشىدىن ئۇستازنىڭ ئالتۇن تىنىگە ئامانلىق تىلەيمەن.

«دەۋىر مىلودىيەسى-شىنجاڭ شېئىرىيەت سەپىرى ۋە مۇھەممەتجان راشىدىن شىئېرلىرى مۇشائىرە -مۇھاكىمە پائالىيىتى»گە قاتنىشىش ئۈچۈن كەلگەن شائىرلىرىمىز 11-ئاينىڭ 10-كۈنى ئورۇنلاشتۇرۇش بويىچە ئالاھىدە غۇلجا ناھىيەسىگە چىقىپ غۇلجا ناھىيەسىدىكى ئەدىبلىرىمىز بىلەن ئەدەبىي ئىجادىيەت ھەققىدە سۆھبەت ئېلىپ باردى.

ھەقىقەتەن ئېسىل پالىيەتلەر بوپتۇ.بارلىق قەلەم ساھىبىللىرىنىڭ ئۆمرىگە  ئۇزۇن  ئۆمۈر  تىلەيمەن! بۇ يازمىنى ئاخىرىدا   داڭگال تەھرىرلىگەن. ۋاقتى  2014-11-14 16:36  

مەن ئۇستاز شائىر مۇھەمەتجان راشىدىننىڭ ئىلمى مۇھاكىمە يىغىنىنىڭ ئېچىلىدىغانلىقىدىن بېخەۋەر قالغاچقا پائاليەتكە بۇ شېئىرىمنى ئالغاچ بارماي ئەپسوسلۇنۇپ كەتتىم.ئەمدى بۇ يەرگە بولسىمۇ يوللاپ قوياي....
ئۇ شۇنداق قەلىپلەرگە ياققان شائىر
(ئاتاقلىق شائىر مۇھەممەتجان راشىدىنغا بېغىشلايمەن)

ئەدىھەم ئىبراھىم

دالىلار ئاچسا چېچەك باھاردىلا،
تۆت پەسىل ئېچىلىدۇ تىلىدا گۈل.
ئۇ ھەردەم يۈرىكىدىن ئەلنى سۆيگەچ،
ھەر ۋاقىت كىنەپ تۇرار ئۇنى كۆڭۈل.

كۆڭلىگە پۈككەچ ھامان ئەل-ئاۋامنى،
ئوخشايدۇ شېئىرلىرى ئەتكەن چايغا.
تىلىمۇ بولغاچ يۇمشاق-دېھقان تىلى،
قۇمغا سۇ سىڭگەن كەبى سىڭەر دىلغا.

سورىسام م.راشىدىن قەيەردە دەپ،
دەيدۇ ئەل مۇھەببەتلىك يۈرەكلەردە.
خۇشلۇقتا چىرايىدىن دەۋرەيدۇ نۇر،
شائىرنى كۆرسە ئاۋام كۆرەكلەردە!...

باغرىدا ھەسرىتى بار پاتمان-پاتمان،
ئۈنىدۇ ئەل باغرىدىن شېئىر بولۇپ.
تا ئەبەت كۈيگە ھېرىس يۈرەكلەردە،
يانىدۇ ئارمانلىرى يالقۇنلۇنۇپ.

ئۆمرىنىڭ ئارغامچىسى ئۇزارسىمۇ،
ھېسلىرى ياشلىقىدا ئات چاپىدۇ.
ئىلھامى ئۇرغۇپ تېشىپ يۈرىكىدىن،
قەلىمى چولپان كەبى نۇر چاچىدۇ.

پىكىرى تىرەن ئەجەپ شېئىرىنىڭ،
بار ئۇندا چوڭقۇرلىقى دىڭىزنىڭمۇ.
ۋەزنى بار شېئىرىنىڭ تاغلار كەبى،
دەڭسىسەڭ بېسىپ چۈشەر زىمىننىمۇ.

ئۇ شۇنداق قەلىپلەرگە ياققان شائىر،
خۇشياقار ئەتىيازنىڭ ئاپتىپىدەك.
باغرىدىن تېشىپ تۇرغاچ مۇھەببىتى،
شېئىرىدا چۇقان سالار ۋەتىنىم دەپ...

مۇبارەك بولسۇن

مۇھەممەتجان راشىدىن ئاكىغا چاقچاق:

تويۇڭ بوپتۇ ئاڭلىدىم،سېنىڭ يەتمىش يېشىڭدا،
ئەل قاتارى داڭلىدىم، بولمىساممۇ قېشىڭدا.
قات-قات توننىڭ ئىچىدە قولىشالماي قالغاندا،
30 ئاتنى بېقىشنىڭ غېمى ئارتتى بېشىڭدا....

بۇ يازمىنى ئاخىرىدا   ئابدۇرەشىد تەھرىرلىگەن. ۋاقتى  2014-11-15 13:04  

ئەسسالامو ئەلەيكۇم گۇزەل غولجىلىقلار!!!!!!!!!

موھەممەتجان راشىدىن ئاتىمىز بىلەن دەۋىرداش بولوپ ياشىغانلىقىم مېنىڭ بەختىم .م
ەن بو شائىرىمىزنى ئۇزۇمگە غايىۋى ئۇستاز دەپ بىلىمەن ،شېئىرلىرىنى تولا ئوقۇغاچقىمىكىن ئۆزىنى كۇرمىگەن بولساممو يېنىمدىكىدەكلا ھىس قىلىمەن، ئاللا تېنىمىزنى سالامەت قىلسا 2015- يىل ئىچىدە  چوقۇم يوقلاپ بارىمەن ! ئامان بولوڭ ئەلنىڭ شائىرى!!!!!!!!!!

ئارىلىق يىراق بولسىمو كوڭلومغا ئەڭ يېقىن دەپ سانىغان شائىرلىرىمغا سالامنامە يازغان ئىدىم ،يەنە سۇنغۇم كەلدى.

موھەممەتجان راشىدىنغا


ئامىنە ئابدۇۋايىت

كۆرمىسەممو سىزنى مەن ئاكا،
ئەڭ يېقىنىم ئۇستازىم دەيمەن.
‹‹كەلسەڭ ئەگەر بۇگۇن كەل››دېسە،
‹‹ئەتە››لىكتىن بەكمو‹‹غەم››يەيمەن.

ئەجەپ تاتلىق شىرىن تىلىڭىز،
بۈلبۈل تىلى يېگەنمو ئاكا.
ئىسمىڭىزنى قويغان ئاخۇنۇم،
‹‹شائىر›› بولوڭ دېگەنمو قايتا.

تونۇتقانكەن سىزنى شائىر قىپ،
‹‹تۇنجى شېئر›› ‹‹ئىلى دەرياسى››.
ئىلھامىڭىز بولىقى بوپتو،
‹‹گۇزەل غولجا›› شېئىر سەيناسى.

‹‹شىبلىت ئىزدەش ئېلانى››ڭىزدىن،
‹‹ئاق كۆڭلىڭىز››چۇشەندىم ئاكا.
ئۇستاز تۇتۇپ سىزنى ئۆزۇمگە،
شېئىر يېزىشنى ئۇگەندىم مانا.

كەلسىڭىز گەر ئەزىز قەشقەرگە،
زەر پايانداز سالسامكەن دەيمەن.
ئۇلۇق ئۇستاز ۋە يا پىر بىلىپ،
ئۇدۇمىڭىز ئالسامكەن دەيمەن.

ئامان بولوڭ قەدىردانىم.ئاقتۇ ئامىنە

كاتتا پائالىيەت بوپتۇ بۇ .مۇھەمەتجان ئاكىنىڭ ئالتۇن بويىنىڭ ئامان بولۇشىنى تىلەيمەن شۇ ئەسنادا مېنىڭمۇ  ئۇستاز مۇھەمەتجان راشىدىنگە ئاتاپ يازغان بىر پارچە شىئېرىمنى سۇنغۇم كېلىۋاتىدۇ.
گۈللەرنىڭ باغرىغا سىڭگەن شائىرسەن
( مۇھەمەتجان راشىدىنغا بېغىشلايمەن)

بۇلبۇلسەن گۈللەرنىڭ بەرگىگە قونغان،
يۈرىكىڭ ھەر دەقىق گۈلخاندەك يانغان.
گۈل بولۇپ  ئېچىلدى  74 يېشىڭ،
نەزمىلەر سېنىڭكى مەڭگۈ سىردىشىڭ.
چېھرىڭدە قۇياشنىڭ نۇرى پارلىغان ،
مۇشكۈلنى يەلكەڭدە يەڭگەن شائىرسەن.

ياخشىغا ئۈنچىلەر تىزدىڭ  قەلەمدە،
ياماننىڭ يۈرىكى قالدى ئەلەمدە.
پەرىشتە سۈپەتسەن، قايماقتۇر تىلىڭ،
قۇياشدەك پارلىدى 74 يىلىڭ.
يول ئېچىپ ماڭدىڭسەن ھەر بىر قەدەمدە،
گۈللەرنىڭ باغرىغا سىڭگەن شائىرسەن.

دىھقاننى كۈيلىدىڭ، ئەيلىدىڭ ناۋا،
خەلقىڭنى لال قىلدى سەندىكى سادا.
نەزمەڭگە تەڭكەشتۈر  ئېلى دەرياسى،
ھەر ياندا پارلىدى قەلبىڭ زىياسى.
ھىكمەتلىك سۆزلىرىڭ يۈرەككە داۋا،
دىھقاننىڭ روھىغا سىڭگەن شائىرسەن.

سەندىكى مىسرالار  قەلبكە چىراق،
ھىممىتىڭ يامغۇردۇر ئېلىڭگە ھەرۋاق.
تەلىمىڭ گۈل كەبى ئاقار يۈرەككە،
قۇد تىلەپ ئۆتىسەن ھەر بىر تىلەككە.
ئەجدادقا باغرىڭدىن باغلاپ ئىشتىياق،
ئېلىڭنىڭ ئوتىدا كۆيگەن شائىرسەن..

ئەھمىيەتلىك پائالىيەتكە مۇبارەك! يىتۈك قەلەم ساھىبى مۇھەممەدجان راشىدىنغا سالامەتلىك يار بولغاي.

مۇھەممەتجان راشىدىن دەك مۇل ھۇسۇللۇق شائىرلىرىمىزنىڭ دىيارىمىزدا گۈللىشىگە تىلەكداشمەن.ھەمدە شائىرىمىزغا ئۇزۇن ئۆمۈرلەر يار بۇلسۇن!

بىىزنىڭ ئەڭ ئاتاقلىق شائىرىمىز مۇھەممەتجان راشىدىنغا ئۇزۇن ئۆمۇر تىلەيمىز. ئۇنىڭ ھەربىر پارچە شېئرى بىزنىڭ روھى ئوزۇقىمىز، تەڭداشسىز  بايلىقىمىز. بىز مۇنداق شائىرىمىزنىڭ بولغانلىقىدىن چەكسىز پەخىرلىنىمىز.

ئۇستازغا سالامەتلىك ۋە ئۇزۇن ئۆمۈر تىلەيمەن .

ئۇستاز،ئەل سۆيگەن شائىر مۇھەممەتجان راشىدىن ئاكىغا ئالىي ئېھتىرام !
ئازات سۇلتان ئاكا باشلىق بارلىق ئۇستاز،شائىر ،قەلەمكەش دوستلارغا ،غۇلجىدىكى ئەزىزىلەرگە ئوتلۇق سالام!

ئابدۇللا ئارىپوۋنىڭ مۇنۇ مىسراسى مۇھەممەتجان راشىدىن ئاكىغا ماس كېلىدۇ:

«تاغدەك ئېغىر يۈكنى يەلكىگە ئېلىپ،
قۇشتەك يەڭگىل يۈرۈدۇ شائىر.» بۇ يازمىنى ئاخىرىدا   Ali تەھرىرلىگەن. ۋاقتى  2014-11-17 23:53  

شائىرنىڭ «گۈلۈمگە »ناملىق شېئىرىدىن بىر پارچە ئوقۇپ،شائىرغا بولغان سېغىنىشىمنى ئىزھارلايمەن:
دەرەخلەر خىسلىتىدىن دەرس ئالغانمەن،
مېۋە بېرەلمىگەندە سايە تاشلىغان.
گۈزەل مەنزىللەرگە باقتىم كۆز ئۈزمەي،
ئۈمىد رۇجەكلىرىدىن مېنى باشلىغان.

بەلكى كۆرەرسەن يۈرگەنلىرىمنى،
ۋىجدان سوراقلىرىدا قىلىپ دەتالاش.
ھاراملىق باغلىرىدىن مىڭ ئەلا ماڭا،
ھالاللىق ئوچاقلىرىغا مەڭگۈ ئوت قالاش.»


ئەي ئاكا،سىزگە  ۋە ئائىلىڭىزگە سالامەتلىك ،خوشاللىق ،بەخت ، ئۇزۇن ئۆمۈر تىلەيمەن!
بۇ يازمىنى ئاخىرىدا   Ali تەھرىرلىگەن. ۋاقتى  2014-11-18 00:07