شېئر ئىزدەپ يۈرەر يۈرىكىم [ئۇلانما كۆچۈرۈش]

شېئىر ئىزدەپ يۈرەر يۈرىكىم

ئابدۇمىجىت مۇھەممەد

بالىلىقنىڭ ئېستەكلىرىدىن،
مومايلارنىڭ ئېتەكلىرىدىن،
سەھرايىمنىڭ تىرەكلىرىدىن،
شېئر ئىزدەپ يۈرەر يۈرىكىم.

بوۋامنىڭ مۇڭ-غەزەللىرىدىن،
تارىخنىڭ جۇد-كېسەللىرىدىن،
ئەل-يۇرتنىڭ شوخ-چېچەنلىرىدىن
شېئىر ئىزدەپ يۈرەر يۈرىكىم.

ياش بۇغۇنلار  يۈرەك قېتىدىن ،
مەكتۇپلارنىڭ پىنھان بېتىدىن .
ئەرەن كۈچى، جۇۋان قېشىدىن،
شېئىر ئىزدەپ يۈرەر يۈرىكىم .

قىرانلىقنىڭ ھېكمەتلىرىدىن،
تاغۇ-دەريا، ئويمانلىرىدىن،
بۇلبۇل تۈنەر بېھش-باغىدىن،
شېئر ئىزدەپ يۈرەر يۈرىكىم.

نامراتلىقنىڭ ئۆكسۈشلىرىدىن ،
يېتىملارنىڭ يىغلاشلىرىدىن.
مەزلۇملارنىڭ قېسمەتلىرىدىن ،
شېئىر ئىزدەپ يۈرەر يۈرىكىم .

كېلىپ –كەتمەك ھۆكمى تاماندىن،
ھەسەت ئوتى ئۆچمەس زاماندىن .
قەدىمىي يۇرت تەكلىماكاندىن ،
شېئىر ئىزدەپ يۈرەر يۈرىكىم .

1998 - يىلى 8- ئاپرىل ، ( گۇما- قوشتاغ )

بۇ يازمىنى ئاخىرىدا   قوشتاغ تەھرىرلىگەن. ۋاقتى  2012-5-11 13:24  

شائىردا شۇنداق تەپەككۇر بولىدۇ. شەيئىلەرنى شائىرانە كۆز بىلەن كۈزەتكەندىلا  شېئىر چىقىدۇ. چۈنكى ئىلھام، پىكىر، ھېسىيات دېگەنلەر ئاسماندىن تاشلاپ بېرىدىغان نەرسىلەر ئەمەس. بۇ شېئىرىڭىز نى ياقتۇرۇپ قالدىم.

مۇنۇ شېئىرىم يادىمدىن كەچتى:

كەلدىم يەنە شېئىر سېغىنىپ...

ئايشەم ئىسمايىل تەبەسسۇم

ياسىغاچقا ئىلھاملار ئېقىن،

مىسرا كەلدى رەت-رەت تىزىلىپ.
قاملاشتىمۇ بىلمەيمەن لىكىن،
كەلدىم يەنە شېئىر سېغىنىپ.

يۇرۇڭقاشنىڭ بويلىرىدىنمۇ،
ئاقسۇ-ئالار يوللىرىدىنمۇ،
لاڭرۇ،بۇيا،دوللىرىدىنمۇ،
كەلدىم يەنە شېئىر سېغىنىپ.

ئەتىرگۈل ۋە ياپراقلىرىدىن،
قۇمۇشلارنىڭ توزغاقلىرىدىن،
قاراقاشنىڭ قىرغاقلىرىدىن،
كەلدىم يەنە شېئىر سېغىنىپ.

تەبىئەتنىڭ ھۆسنى مەپتۇنلۇق،
ھايات گۇيا تىلسىم ئەپسۇنلۇق،
مەن ھەممىگە قىلىپ مەجنۇنلۇق،
كەلدىم يەنە شېئىر سېغىنىپ.

سەھرالىرىم ئۆتمۈشلەرگە باي،
دىھقانلىرىم كەچمىشلەرگە باي،
جەننەت يۇرتۇم خوتەننى يازاي،
كەلدىم يەنە شېئىر سېغىنىپ.

يېزىلمىغان ئارمانلار تولا،
مۇھەببەت ۋە ھىجرانلار تولا،
قەلەمنى سۆي دىدى  ئىلھاملار،
كەلدىم يەنە شېئىر سېغىنىپ...

شېئىرلىرىڭلا نىمە دىگەن تاتلىق ، قەلىمىڭلارغا بەرىكەت تىلەيمەن .

ظابدۇمىجىت ئاكانىڭ شېئىرنى بەك ياقتۇردۇم ئىلھاملىرىڭىغا كۆز تەگمىسۇن.
تەبىسسۇم ھەدەمنىڭ شېئىرىمۇ يېقشلىق شېئىر بوپتۇ كۆز تەگمىسۇن.

مىنىڭ يۈرۈكۈممۇ شېئىر ئىزلەپ يۈرەتتى، ئەپسۇس بۈگۈن تاپالمىدى

قوشتاغ ، تەبەسسۈم ئىككىڭلارنىڭ شىئېرى ئوخشاشلا بەك تاتلىق چىقىپتۇ . سىلەرگە ئۇتۇق تىلەيمەن !

شېئىرلىرىڭىزنىمۇ ياقتۇرۇپ ئۇقۇدۇم . سىزگە ھۆرمىتىم بار . ئىجادىيتىڭىز تېخىمۇ ئۇتۇغلۇق ، ئىشلىرىڭىز بەركەتلىك بولسۇن .

مەنمۇ ياقتۇرۇپ قالدىم،قوشتاغ ئاكام بىلەن تەبەسسۇم ھەدەمنىڭ شئىرلىرىنى پات-پات سېغىنىپ قالدىغان بولدۇم-دە ،ئەمدى...........
نىمە دىگەن تاتلىق مىسرالار بۇ؟؟؟ بۇ يازمىنى ئاخىرىدا   ئۆتمۇش تەھرىرلىگەن. ۋاقتى  2012-5-11 14:57  

   پاساھەتلىك تىلىمىزدە گۈزەل شېئىرلىرىڭلار ئۈزۈلمىگەي...

شېئىر ئىزدەپ ئاۋارە بولماڭ،
شېئىر دىگەن نازۇك بىر تۇيغو.
تۇيغولاردىن پۇتكىسى داستان،
يۇرىگىڭدا بولسىلا سۆيگۇ.

ئامىنە، ئاۋۇ ئىنكاسىڭىزدا ئىملا خاتا مۇ ياكى قاپىيەمۇ؟...

شېئىر ئىزدەپ يۈرەر يۈرىكىم


ئابدۇمىجىت مۇھەممەد


بالىلىقنىڭ ئىستەكلىرىدىن،
مومايلارنىڭ ئېتەكلىرىدىن،
سەھرايىمنىڭ تېرەكلىرىدىن،
شېئىر ئىزدەپ يۈرەر يۈرىكىم.

بوۋامنىڭ مۇڭ-غەزەللىرىدىن،
تارىخنىڭ جۇد-كېسەللىرىدىن،
ئەل-يۇرتنىڭ شوخ-چېچەنلىرىدىن
شېئىر ئىزدەپ يۈرەر يۈرىكىم.

ياش بوغۇنلار  يۈرەك قېتىدىن ،
مەكتۇپلارنىڭ پىنھان بېتىدىن .
ئەرەن كۈچى، جۇۋان قېشىدىن،
شېئىر ئىزدەپ يۈرەر يۈرىكىم .

قىرانلىقنىڭ ھېكمەتلىرىدىن،
تاغۇ-دەريا، ئويمانلىرىدىن،
بۇلبۇل تۈنەر بېھىش-باغىدىن،
شېئىر ئىزدەپ يۈرەر يۈرىكىم.

نامراتلىقنىڭ ئۆكسۈشلىرىدىن ،
يېتىملارنىڭ يىغلاشلىرىدىن.
مەزلۇملارنىڭ قىسمەتلىرىدىن ،
شېئىر ئىزدەپ يۈرەر يۈرىكىم .

كېلىپ –كەتمەك ھۆكمى تاماندىن،
ھەسەت ئوتى ئۆچمەس زاماندىن .
قەدىمىي يۇرت تەكلىماكاندىن ،
شېئىر ئىزدەپ يۈرەر يۈرىكىم .

1998 - يىلى 8- ئاپرېل ، ( گۇما- قوشتاغ )

ئىجادىيىتىڭىز تېخىمۇ بەرىكەتلىك بولغاي! ھەممە ئىشلىرىڭىز ئاسايىشلىققا يۈزلەنگەي!

بۇ يازمىنى ئاخىرىدا   بۈركۈت تەھرىرلىگەن. ۋاقتى  2012-5-12 00:23  

ئامىنە، ئاۋۇ ئىنكاسىڭىزدا ئىملا خاتا مۇ ياكى قاپىيەمۇ؟...


كەچۇرۇڭ

شېئىر ئىزدەپ ئاۋارە بولماڭ،
شېئىر دىگەن نازۇك بىر تۇيغۇ.
تۇيغولاردىن پۇتكىسى داستان،
قەلبىڭىزدا بولسىلا سۆيگۇ.