ئۇچرىشىپمۇ قالارمىز بىر كۈن [ئۇلانما كۆچۈرۈش]

ئۇچرىشىپمۇ قالارمىز بىر كۈن



سېنى ھىدلاپ باردىم مەھەللەڭ ،
لېكىن ئىشكىڭ مەھكەم ئېتىكلىك .
قايان كەتتىڭ خەۋەرسىز نىگار ،
خېتىڭ يوقكەن ھەتتا ئىككىلىك .

مەن ئەلەمدە قايتتىم ئارقىغا ،
مەھەللەڭدە قالدى يۈرىكىم .
نىسىپ بولغان بولسا دىدارىڭ ،
كۆكلەر ئىدى ئىزگۈ تىلىكىم .

سەنمۇ كۈتۈپ تەشىۋىش ئىچىدە ،
ئۈمۈدلەرنى قىلىپسەن ھەمرا .
كۆرۈشەلمەي ئاي ۋە قۇياشتەك ،
بولۇپ قالدى يۈرەكلەر يارا .

كۈتتۈم سېنى ، كۈتەرمەن يەنە ،
قان باغرىمغا تولسىمۇ ئازاپ .
ئاتار بىر كۈن ۋىسالنىڭ تېڭى ،
گەرچە ھىجران كەتسىمۇ يالماپ .

زىمىستاننىڭ كېلەر باھارى ،
چولپان چىقسا يوقايدىغۇ تۈن  .
ئەقىدىمىز بولسا يۈرەكتە   ،
ئۇچرىشىپمۇ قالارمىز بىر كۈن .

  گۆھەر سىڭلىم، بۇ شېئىرىڭىز بىلەن سىزنى مۇبارەكلەيمەن، كۆپ تىرىشچانلىق كۆرسىتىپسىز، ئوبدان چىقىپتۇ. ئامان بولۇڭ! بۇ يازمىنى ئاخىرىدا   ئابدۇرېھىم زۇنۇ تەھرىرلىگەن. ۋاقتى  2012-5-11 12:28  

ئۇستازنىڭ ئەزىز قەدەملىرىگە تەشەككۈر .

بۇنىڭدىن كېيىنكى يازمىللىرىڭىزنىڭمۇ داۋاملىق ئۇتۇقلۇق چىقىشىغا تىلەكداشمەن.

بۇ شىئېرىڭىزمۇ شۇنداق ياخشى چىقىپتۇ . قەلىمىڭىزگە بەرىكەت تىلەيمەن .

ياخشى يېزىپسىز . تېخىمۇ بەرىكەتلىك بولۇڭ !
مىنى يېزىپسىز ، ھە !
بۇ يازمىنى ئاخىرىدا   پىنھانە تەھرىرلىگەن. ۋاقتى  2012-5-11 20:31  

بۇ شېئىردىن سۈيۈنۈپ قالدىم. يېقىملىق چىقىپتۇ. قەلىمىڭىز تېخىمۇ بەرىكەتلىك بولسۇن!

شۇنداق بىر كۈنى ئۇچرىشىپ قالساق ___ مەن كۆرمەسكە سالىمەن ، سەن تونۇماسقا ... شۇنداق ئۆتۈشۈپ كىتىمىز !...  ئەمما يۈرەك تېۋىنىپ تۇرىدۇ .    ...

ئۇچراشقاندا مىڭ تەستە،
تۈگىمەيدۇ گەپ-سۆزلەر.
يىللار ئۆتۈپ ئۇچراشساق،
يىتىرقارمۇ جۈپ كۆزلەر.

بەرىكەتلىك بولۇڭ!

ئەسسالامۇ ئەلەيكۇم قېرىندىشىم، بۇ شېئىرىڭىزنى ئوقۇپ بەك ھاياجانلاندىم. شېئىرىي ھېسسىيات چوڭقۇر بولغاندىن سىرت، تىلىمۇ گۈزەل چىقىپتۇ. «شېئىرىيەت بېغىمىزغا يەنە بىر كۈيچى قۇش قوشۇلۇپتۇ» دەپ ئويلىدىم. ماۋزۇنىڭ ئۆزىلا ئەستىن چىقمىغۇدەك بىر ناخشا بولۇپتۇ.
ئاللاھ قەلىمىڭىزگە بەرىكەت بەرسۇن.

شېئىرىڭىزدىن بەكمۇ سۈيۈندۈم،ئادەمنىڭ مۇھەببەتلىك كوچىسىدا تېڭىرقاپ يۈرگەن چاغلىرىنى ئەسلىتىدىكەن.