ئۇچۇرۇڭنى بېرىپ تۇر پات- پات [ئۇلانما كۆچۈرۈش]

ئۇچۇرۇڭنى بېرىپ تۇر پات- پات



جىلۋە قىلىپ چىمەنلەر ئارا ،
سېھىرلىدىڭ نازۇك كۆڭۈلنى .
توساتتىنلا يوقالدىڭ جىمجىت ،
ئېقىنلارغا تولدۇرۇپ كۆزنى .

تەشۋىشلەردە ئۆتتى كۈنلىرىم ،
خەۋىرىڭنى ئالالماي مەن ھىچ .
ھاياتىمنىڭ ئۆچەر مەناسى ،
يۈتسەڭ ئەگەر كۆزۈمدىن تىپ – تىچ .

ئۆزگىلەردىن ئىشتتىم مەن بۈگۈن ،
يىراقلارغا قىلىپسەن سەپەر .
مەن تىلىدىم تەڭرىدىن تىنماي ،
يولۇقمىسۇن ھاياتقا خەتەر .

يار تەلمۈرۈپ باقتىم يولۇڭغا ،
كېلىشىڭگە ئىشەنچىم بولغاچ .
سېغىنىشتا چوغلاندى كۆڭۈل ،
يۈرەك – باغرىم ھىجرانغا تولغاچ .

ئارا يىراق بولسىمۇ گەرچە ،
سالاملارغا بولمىغىن بەك يات .
جۇدا قىلماي ئاشۇ بەختتىن ،
ئۇچۇرۇڭنى بېرىپ تۇر پات – پات .

شېئىردىن ئۆزگىچە ھۇزۇر ئالدىم. قەلىمىڭىزگە بەرىكەت تىلەيمەن!

گۆھەر قىزنىڭ كۈيلىرى ئۈزۈلمىگەي.

ھىسياتقا تويۇنغان مىسرالىرىڭىز ئۈزۈلمىگەي!

دەرت بەرمىسۇن خۇدايىم.

ئۇچۇرۇڭنى بېرىپ تۇر پات -پات  ،
گەرچە مېنى سېغىمىساڭمۇ ؟
يۇلتۇزۇمغا قاراپ قوي تۈندە -
مەن يېنىڭدا يۈرەلمىسەممۇ ؟...

تىمامغا ئىشتىراك قىلغان بارلىق ئەزىزلەرگە رەھمەت .

گەرچە مېنى سېغىنمىساڭمۇ ،
مەندەك يولغا تەلمۈرمىسەڭمۇ .
ئۇچۇرىڭنى بېرىپ تۇر پات - پات ،
ياش دېڭىزغا چۆمۈلمىسەڭمۇ .