ئۇنىۋېرستېتنىڭ سۆيگۈ زەنجىرى [ئۇلانما كۆچۈرۈش]

ئۇ نىۋېرسىتېتنىڭ سۆيگۈ زەنجىرى
ئابدۇمىجىت مۇھەممەد

ئۇنىۋېرسىتېتتا ئىككى خىل ھايات،
شادلىق قايغۇ، مۇھەببەت-نەپرەت.
ئوربىتادىن چەتنىمەس زىنھار،
(ئۆتۈپ تۇرار بۇندا ئالمىشىپ.)

كەلگۈسىنى سېتىپ قايغۇغا،
ئۈچ بۇرجەكلىك تاختاي ئاسقان قىز.
بىر يىگىتكە بوپ قالار ئاشىق ،
دەستە-دەستە كىتاب كۆتۈرگەن.
ياكى بۇلار قالارئالمىشىپ ...
ئاخىرەتتەك تونۇش سىستېما،
ياتاق، سىنىپ، تانساخانىنى
ئاشخانىغا تۇتاشتۇرغان يول،
قىز پۇتىغا ئاشىق شۇنچىلىك
كۈلكېسىنى قويماس يىتتۈرۈپ!..

ياكى يىگىت بىر خىل رەۋىشتە،
كۇتۇپخانا،  ياتاق، سىنىپنى
ئاشخانىغا قوشۇپ پىچىرلاپ،
سىزىپ بارار ھاياتقا سىزىق،
تاشلاپ بېرەر ئەلەملىرىنى ،
كەلگۈسىگە ناشتىلىق قىلىپ.
        
بەلكى
تانساخانا كۇتۇپخانىغا،
ئاچچىق، ئاچچىق باقار ھومىيىپ.
ئىككىسىدىن توقۇلغان پەردە
مۇھەببەتنى قويىدۇ توسۇپ.
بېقىشلاردىن تۆرەلگەن سۆيگۈ
ئېچىرقاشتا قالار تۇنجۇقۇپ.
بەلكى....
بەلكى...
بۇلار يەنە قالار ئالمىشىپ.

1999-يىلى12-دېكابىر،(ئۈرۈمچى)

بۇ يازمىنى ئاخىرىدا   قوشتاغ تەھرىرلىگەن. ۋاقتى  2012-5-10 16:49  

ئۇ نىۋېرسىتېتمۇ ياكى ئونۋېرسىتېتمۇ ؟

  يىزىلغىلى ئۇزۇن بولغان بۇ شېئىر ماڭا يەنىلا يېڭى يىزىلغاندەك تۇيۇلدى. ئۇنۋېرىستېتتىكى كۈنلەر غىل-پال ئىسىمگە كىلىپ، لەۋلىرىمگە تەبەسسۇم ئورناشتى.

گۆھەر قىز، قاراپ باقسام «ئۇيغۇر سوفىت لوغىتى»دە مۇنداق يېزىپتۇ:

university

ئالىي مەكتەپ، ئۇنىۋېرسىتېت، ئالىي بىلىم يۇرتى
بۇ يازمىنى ئاخىرىدا   قوشتاغ تەھرىرلىگەن. ۋاقتى  2012-5-10 18:30  

شۇنداق كۆكتولۇن، ماڭا ئۆتمۈشدىكى ئەسلىمىلىرىمدىن خاتىرەم بەتلىرىگە تېزىپ قويغان بىر تۈركۈم شېئرلار قاپتۇ. مەنمۇ بۈگۈن ئەڭ بۇرۇنقى مىسىرالىرىمنى لەۋلىرىمگە كۈلگە يۈگۈرتۈپ ئولتۇرۇپ ۋاراقلاپ چىقتىم. ھەي، ئەشۇ كۈنلەر، ئالى مەكتەپ تەييارلىق باسقۇچىنى ئەمدىلا تاماملاپ رەسمى «ئەدەبىيات كەسپى» گە قەدەم قويغان يىللىرىم ئىدى. شۇ چاغدا كىتاب ۋە كىتابخانىغا قىلچىمۇ قىزىقمايدىغان بىر گۈزەل قىزغا ھەۋەس قىلىپ قىلىپ تاس قالغان ئىدىم بۈگۈنكى «ئەدەبىيات ئېشىقلىرى»دىن ۋاز كەچكىلى!... توۋا... بۇ يازمىنى ئاخىرىدا   قوشتاغ تەھرىرلىگەن. ۋاقتى  2012-5-10 18:34  

   قوشتاغ، ياخشى چىققان شېئىر ئىكەن. بېيجىڭدىكى (شۇنداقراق كۆردۈم) كۈنلىرىڭىز شادلىق ئىچىدە ئۆتكەي!

رەھمەت، ئابدۇرېھىم مۇئەللىم. بۇ يەردىكى 2 ئايلىق سەرگەردانلىق ۋاقىتلىرىممۇ ئاخىرلىشاي دەپ قالدى. خۇدا خالىسا يەنە 4 ، 5 كۈنلەر ئىچىدە ئۆرۈمچىگە قايتىمەن. بۇ يەردە بىرەر ماتىرىيالغا ئىھتىياجلىرى چۈشسە ھايىت دەلا!... (ھېلىقى ئامانەتلىرى:-«شىنجاڭ سەنئىتى» گە قوشۇپ سىلىگە يەتكۈزىمەن.

خاتىرە بەتلىرىڭىزگە تېزىپ قويغان تاتلىق - ئاچچىق ئەسلىمىلىرىڭىز يەنە باردۇ ؟... مۇمكىن بولسا بىزدىن ئايىمىغايسىز ،
بىزنىڭمۇ ئەشۇ نداق ئۇنتۇلماس ئەسلىمىلەردىن زوق ئالغىمىز بار ...

قوشتاغنىڭ  يۇقۇرقى  شئېىرى ياخشى چىقىپتۇ.گەرچە بىۋاستە ئىپادىلەش قوللىنلغان بولسىمۇ تەككۇر خېلى جايىدا.قوشتاغنىڭ ئىلمىي ئىجادىيەتنى ئاس قىلغانلىقى ئېنىق.شۇنداقتىمۇ قوشۇمچە شئېىرىي ئىجادىيەت بىلەن شۇغۇللانسا بۇ جەھەتتە ئېسىل ئەسەرلەرنى ئىجات قىلىشى مۇقەرەردۇر.

شۇنداق ئەھەدى ئەپەندىم، خاتىرەمگە بەنىت قىلىنغىنىغا 10 يىللاردىن ئاشقان شېئرلار خىلى بار. 2003-يىلى خەلق نەشىرياتىغا سۇنۇلغان «قەبرە تېشى» ناملىق شېئرلار توپلامى ھەم بار. ئەلۋەتتە، سىلىدەك شېئرنى چۈشىندىغان پاساھەت ئىگىلىرى بەھىر ئالىمەن. تەنقىد پىكىرلەرنى بىرىمەن دېسە ئەشۇ ئەسلىمىلەرنى «مۇنبەرگە» يايماسلىققا ئامالىم يوق.

    ئەزىز ھېيت كۈن ئەپەندىم، تۇغرا دەيسىز. بۇ شېئرلارنى يېزىپ يۈرگەن مەزگىللىرىمدە ئىلمىي تەتقىقاتنىڭ نىمىلىگىنى تىخى بىلمەيىتتىم. مانا بۈگۈن ئىلمىي تەتقىقات بوسۇغىسىغا يىقىنلاپ كەلگەندە بولسا ھەقىقى شېئرنىڭ قانداق بولىدىغانلىقىنى، ھەقىقى شائىرنىڭ قانداق بولىدىغانلىقنى ئازدۇر-كۆپتۇر ھېس قىلىشقا باشلىدىم.
ئابدۇرېھىم ئۆكۈر ئەپەنىدىنىڭ مونۇ غەزىلىنى ئەستە چىڭ ساقلايدىغان بولدۇم:

شېئر يازماق ئاسان، ھەق سۆزلىمەك تەس،
شائىرغا ھېرىس-تاما بولمىغاي ھەۋەس.
يازغاننى قەدىرلە ئاۋال سەن ئۆزۈڭ،
سىتىپ خەجلىگىلى ئۇ يا تاۋار ئەمەس.

بۇ يازمىنى ئاخىرىدا   قوشتاغ تەھرىرلىگەن. ۋاقتى  2012-5-11 12:57