سائەتنىڭ تىلىنى چىشلىگۈم كەلدى ( پىنھانە ) [ئۇلانما كۆچۈرۈش]

شېئىرغا ئايلىنىپ كەتتى كۆز يېشىم ،
تۇتۇلغان قوياشنىڭ رەڭگىگە كىردىم .
كۈلۈشنى  ئىستىسەم يوللار تېيىلغاق ،
ياغلىقنىڭ سىرتىدا ئۇچار چاچلىرىم .

ئاۋازىڭ يېقىملىق ئىدى بىر چاغدا ،
تاڭلارنىڭ لىۋىدە خورازنى كۈتتۈم .
كىسەلچان دوختۇرغا قاراپ بەك ئوزاق ،
دەرتلەرنىڭ ئىچىگە دەردىمنى تۆكتۈم .

مارايسەن بەلكىم شۇ چۈشنىڭ كۆزىدە .
كەلمىدىڭ سەن تۇرغان شەھەرگە كۆچتۈم .
سائەتنىڭ تىلىنى چىشلىگۈم كەلدى ،
ھۇۋلىغان باھارنىڭ ئۈنىدەك ئۆچتۈم . . .

ۋاھ،ئىلھاملار قالتىسقۇ؟

نىمانچە چاققان سىز پىنھانە ؟....بەك تاتلىق يېزىۋېتىپسىز بۇ شىئېرنى . مېنىڭ ھازىر كومپىيوتېرنى بىر چىشلىگۈم كېلىۋاتىدۇ ...ھى ھى ھى ....

پىنھانە شېئىرىڭىز بەك تاتلىق چىقىپتۇ ،قەلىمىڭىزگە بەرىكەت تىلەيمەن .

رەخمەت سىلەرگە سىڭىللىرىم ! تاتلىق گەپ چىققان ئاغىزىڭلارغا ناۋات !

بۇ شېئىرىڭىزنىمۇ بەك ياقتۇردۇم ، ئىلھام بولاقلىرىڭىزغا كۆز تەگمىسۇن. قوشنام.

مىنىڭ لەقىمىمنى كىم دەپبەردى سىزگە ؟ تىۋىبە ئوخشىمامسىز ؟

پىنھانە دېگەن بۇ قىزنىڭ نۇرغۇن شېئىرلىرىنى مەن تەستىقلاپتىمەن، شۇڭىمۇ ئۇنىڭ شېئىرلىرىغا باشقىچە دىققەت قىلىمەن. قارىسام بۇ قىزدا ئىلگىرىلەش بەكلا تېز. بولۇپمۇ ماۋۇ شېئىرىدىكى سۆزلەر شۇنداق يېڭى، ئىماگلار شۇنداق جانلىق... داۋاملىق ئالغا!

  شېئردا يىنىك تۇيغۇ بار.
  خاپا بولماي باش سۆرىتىڭىزنى ئالناشتۇرىۋېتەمسىز، ھەر قارىسام باشقىچە بولۇپ قالىمەن. يۇمۇرنىڭ كەينىگە يۇشۇرۇنغان گەپتەكلا.
   ئارتۇق ئىشقا ئارلاشتى دەپ قارىمىغيايسىز قېرىندىشىم.

قېرىندىشىم دىگەن سۆزىڭىزدىن سۆيۈندۈم !  رەخمەت سىزگە !
باش سۈرىتىمنى ئالماشتۇرسام مىنى ئىسمىمدىن تونىيالمايسىز
ھازىرچە تورۇپ تۇرسۇن كىيىنچە ئەھۋالغا قاراپ ئۆزگەرتىۋېتىشىم مۇمكىن !

رەخمەت ئۇستاز !
ماختاپ قويسىڭىز ئۇچۇپ كەتمىگىنىم بىلەن پەرۋىش قىلسىڭىز كۆكلەيدىغان ئەنجۈر دەرىخىمەن !

پىنھانە ، بايىقى تېمىدىكى يۈتۈپ كەتكەن خىيالنى ئىزدەپ قىلىشقان چاقچاقلىرىمىزنى كۆرگىلى نۇرغۇن ئادەم شۇ تېمىغا كىرىپتۇ -يۇ ، بەزىلەر كۈلىدىغاننى كۈلىۋېلىپ بىزگە رەخمەت دىمەكتە يوق تاس قاپتۇ باش سۈرىتىمىزگە دەسسەپ . ئىنكاسلىرىمىزنى ئۇرۇپ كەتكىلى ...قورقۇپ يېنىپ چىقسام چىللىغىسى بار يەنە ؟! ...سىزگىمۇ باغاق كەلدىمۇ -يا ؟...ئەمدى ھەرگىز ئالدانمايلى-ھە ؟...نىمە گەپ بولسا ئۆزىمىزنىڭ تېمىلىرىدا قېرىق چاي دەملەپ ، بەدەشقاننى قۇرۇپ ئولتۇرۇپ چاقچاقلىشايلى ماقۇما !...يائاللا ‹‹  ئۆز ئۆيۈڭنىڭ خوشلىغى ، پۇت - قولۇڭنىڭ بوشلىغى›› دەپ قايسى بۇزۇركۇۋارىمىز ئېيتقان بولغىيتتى

              مەن تىۋىبەغۇ ئەمەستىم ، قوقانچىمدا ‹‹ تالىبە ›› بولۇپ كەتكىلى تاس قالدىم بايا

سائەتنىڭ تىلىنى چىشلىگۈم كەلدى...

بۇ بىر يېڭىلىقمۇ؟

مېنىڭ پىنھانەنىڭ قوللىرىنى چىشلىگۈم كېلىۋاتىدۇ .....

    شىئېرىڭىز يېقىشلىق چىقىپتۇ. سائەتنىمۇ مېڭىشىغا قويۇپ بېرەيلى، يىقىنلا يەرگە كېلىپ بولغاندىكىن كەچتە پات ۋىسال گۈللىرىمۇ ئېچىلىپ قالار!
  مېنىڭمۇ تەكلىپىم باش سۈرەت ئورنىدىكى مۇشۇك ھەدىسە چاشقاننى يۇتۇپلا تۇرىدىكەن.ئەينى يىللاردا چاشقان مۇشۈكنى يۇتماقچى بولغان،بىراق بولماي قالدى. ئەمدىلىكتە بۇ مۇشۇك ئەشۇ چاشقاننى يۇتۇپ يۈرمىسۈن!