غازى(ت): يانەن شېئىرلىرىدىن

ق.ئوسمان غازى · ۋاقتى: 2014-8-5 20:45:33


	شائىر يانەن، ئەر، خەنزۇ، ئەسلى يۇرتى جېيىجىياڭدىن، تولۇق ئىسمى ۋاڭ يانەن بولۇپ، 1961-يىلى 12-ئايدا قورغاس ناھىيەسى 66-تۈەندە تۇغۇلغان. 1985-يىلى ئىجادىيەتكە كىرىشكەندىن بۇيان ئېلىمىزدىكى 100دىن ئارتۇق گېزىت- ژورنالدا بىر مىلىيۇن خەتتىن ئارتۇق ئەسەر ئېلان قىلغان. «مەن تۇرىۋاتقان شەھەر»، «پادىچى بۇلۇت»، «جەنۇپ ۋە شىمال» قاتارلىق 7 پارچە شېئىرلار توپلىمى نەشىر قىلنغان. دۇنيا نەسىرى شېئىرلىرىنى باھالاشتا بىرنچى دەرىجىلىك مۇكاپاتلارغا نائىل بولغان. ئۇ ھازىر جۇڭگو- چەتئەل نەسىرى شېئىر ئىلمىي جەمئىيىتىنىڭ مۇئاۋىن رەئىسى، شىنجاڭ نەسىرى شېئىر ئىلمىي جەمئىيىتىنىڭ رەئىسى، ئىلى ئوبلاستلىق يازغۇچىلار جەمئىيىتىنىڭ رەئىسى، «نەسىرىي شېئىر يازغۇچىلىرى» ۋە «ئىلى شېئىرىيەت گېزىتى»نىڭ باش مۇھەررىرى. جەننەتنىڭ ئاۋازى ئاشۇ كېچە، قۇشنىڭ قانىتى مېنى تېنچلاندۇردى، ئاي نۇرى شامالغا ئەگىشىپ ئېگىزلىكتە يەنە بىر قېتىم ئاسماننى ئۇنتۇلۇپ قالدى بىر تال يوپۇرماق ئۇچۇپ شامالدا مېنى پەستە قالدۇردى، بۇنى مەن ئەسلا خالىمايتتىم ئەزەلدىن بىراۋلارنى قەستلەپ، قاراڭغۇغا يوشۇرۇنىۋالغان ئادەمدەك، ئۇلارنى چوڭقۇر ھاڭغا تاشلاپ قويۇشنى. بىراق، بۇ ئېگىزلىك شۇقەدەر سۈزۈك قۇياش نۇرى يېتەرلىك بۇ يەردە، تالاشماستىن نام- ئابرۇي قوغلاشماستىن شان- شەرەپ ياشار تېنچ قوي ۋە كالىلار، ئۇلار ئۈچۈن بەرىبىر جەننەتكە كىرىش ياكى كىرمەسلىك. كېچىلەردە ئوت- چۆپلەر ھېدى دىماققا ئۇرۇلۇش مۇھىم ئەمەستەك، ئاشۇ پەيتتىكى ئۇزاق ۋە ئاددى سەپەر مېنى چاقىراتتى، ئىزگۈ ئاۋازلار كېلەتتى گويا پۇرسەت كۈتىۋاتقان پەرۋازدىكى بۈركۈتتەك، تۇيۇقسىز ياغقان يامغۇر بارچە ئۆلگەن روھلارنى ئېلىپ كەتتى... داۋامى بار بۇ يازمىنى ئاخىرىدا Erchin تەھرىرلىگەن. ۋاقتى 2014-8-5 23:55

Erchin · ۋاقتى: 2014-8-5 22:32:27


	تەرجىمە ئوبيېكتىنى ياخشى تاللاپسىز. بۇ بىر پارچە شېئىرغا كۆرە، شېئىرنى ياخشى يازىدىغان شائىركەن. داۋامىنىمۇ ئوقۇيلى! شېئىرنى ئۆزىڭىز ئۇرۇپ، تەرجىمىھالنى ئۇششاق بالىلار ئۇرۇپ بەرگەنما! ئىملا بەكلا ناچارغۇ!؟

ق.ئوسمان غازى · ۋاقتى: 2014-8-5 22:40:27


	يىراق شەھەر ئايان بۇندا يايلاقلارنىڭ مەيۈس كۆزىدىن قار بوراننىڭ يۇشۇرۇن ئۆكسىشى ئەسكە سالار قىزغىن يىللارنى شەھەردىكى مەلۇم كوچىنىڭ تارچۇقىدا ئۇچۇپ يۈرگەن سارغۇچ يوپۇرماق نىھايەت، مەن جىمجىتقىنا قايرىلىپ ساڭا ئايلىنىمەن سېنىڭ تۇيغۇڭنىڭ تەكتىدىكى كىچىك كوچىنى ئەشۇ سۈزۈك پەسىللەر ئارا، پىلانلىنار ھۇجراڭ يىگانە. تېرىلماقتا ساڭا قايتىدىن، سۆيگۈ ھەمدە گۈللەر ھەريانە. قاتمۇ قات ئېگىزلىنىسەن سېنى قورشىغان كۆزلەر مېھرىدە كىچىككىنە قالماقتا دۇنيا قالدۇرمىغىن زىنھار ئىزلارنى قان تامچىغان ھېسلارنى ھەتتا... ئەشۇ پەسىلدە قۇياش نۇرى، لاتقىلار ھېدى ئىسكەنجىسىگە ئالماقتا ئاستا شالغۇتلاشقان ئۇشبۇ شەھەرنى قاراڭغۇ چۈشتى غېرىبانە كوچا چىرىقى يۇرۇتتى سېنى، ۋە بۇ شەھەرنىڭ مۇدھىشلىقىنى. بۇ يازمىنى ئاخىرىدا غازى تەھرىرلىگەن. ۋاقتى 2014-8-5 22:43

ق.ئوسمان غازى · ۋاقتى: 2014-8-5 22:45:52


	سېرىق لاي ئۆي بالىلىقىم شوخ ئۆتكەن چىغىر – چىغىر يوللاردا، باقمىچىلىق مەيدانى – سېرىق لاي ئۆي قاتارى. يېقىلسا دەپ كۈتەتتىم پارلايدىغان پەنەرنى، ساقلاپ كەلگەن قەلبىمدە بۇ ئۇزاققى ئارماننى. ئارمانلىرىم بۇ چۆلدە بەربات بولغان بولسىمۇ، ئۇ يەردىكى باھارنىڭ نۇرلۇق قۇياش نۇرىدا شۇ ماكانىم نۇرانە ھەمدە رەڭدار تۇراتتى. سېرىق توپا ئۆرلىگەن ئەشۇ يوللار يوق بۈگۈن، ئېچىلغان گۈل بۇ يەردە، ياشلار خۇشال كۈلۈشكەن شادىمان قىز چىرايلىق گۈللەر بىلەن پەرلەشكەن. بىراق مەنلا سېغىنىپ ئەسلەش بىلەن ئۆتەرمەن سېرىق لايدا سېلىنغان شۇ ناتىۋان ئۆيلەرنى، ئېسىمدە چىڭ ساقلايمەن، لىقلا تۇرغان ئىللىقلىق، ئاق كۆڭۈللۈك بىزلەرگە ھەمراھ بولغان كۈنلەرنى. بۇ يازمىنى ئاخىرىدا غازى تەھرىرلىگەن. ۋاقتى 2014-8-5 22:52

ق.ئوسمان غازى · ۋاقتى: 2014-8-5 22:47:32


	كروران گۈزىلى غەربتىن قەدىمگە كېلەر رىۋايەت يىللارنىڭ بورانى ئۇچۇرغان تۇپراق- ئاستىدا ياڭرايدۇ گۈزەل بىر ئاۋاز. ئاتتىن چۈشۈپ ئاڭلىساڭ ئۇنى يارىلانغان قەلبىڭگە يىقىلار غۇنچە مەپتۇنكار چېھرىگە تىكىلسەڭ شۇنچە كروران گۈزىلى بىر گۈزەل كۈي ئۇ، ئىككى مىڭ يىللارچە ئۇيقۇدا ياتقان. قۇرىغان مۇمياغا تىكىلسەڭ بۇندا، چىرىگەن ھېد ئارا چىقار بىر جانان. بەرھەقكى، ھېچبىر كۈچ تۇتالماس مەڭگۈ گۈزەللىك توزۇيدۇ قالمايدۇ ھەرنە. بىراقكى، غەربتە بۇ گۈزەل دىيار لالىدەك ئېچىلىپ تۇرار قەلبىڭدە... بۇ يازمىنى ئاخىرىدا غازى تەھرىرلىگەن. ۋاقتى 2014-8-5 22:52

ق.ئوسمان غازى · ۋاقتى: 2014-8-5 22:48:31


	ھىجراندىكى گۈل بىر تۈپ گۈل ئېچىلغان يامغۇر پەسلىدە بولۇپ بۇندا سۇلارنىڭ روھى، گۈللەر ھېدى قاپلاپ جاھاننى كەلدى زېمىن لەرزىگە بارچە ئادەم كۈلدى بەختىگە... ئاشۇ پەسىل سۇقاتتى شامال، گۈزەللىكلەر لەيلەپ چۈشمەكتە. بۇ ھىجراننىڭ كۆز يېشى گويا، شاراب بولۇپ تولدى قەدەھكە. كىملەر تۆكەر يېشىنى گۈلچۈن، تەقدىرىگە ئېچىنىپ جۇدتا؟ ئاھ، سولغان شۇ گۈزەل غۇنچىنى ئۇزۇتاركىن كىملەر يولىغا...؟ ھىچكىم بىلمەس گۈلنىڭ ھىجرانى ئېغىر كەلمەس ئاسمانلارغىلا ئۈنسىز سۆيەر ئۇنى شاماللار... بۇ يازمىنى ئاخىرىدا غازى تەھرىرلىگەن. ۋاقتى 2014-8-5 22:53

ق.ئوسمان غازى · ۋاقتى: 2014-8-5 22:49:21


	يەلپۈپ ئۆتەر دالانى شامال كەڭرى ئېتىز، يېشىل دالادىن شەھەر ھەمدە گۈزەل قىشلاقتىن ئېقىپ ئۆتەر سۈزۈك سۇ ئۇچقان شامال ئاچار غۇنچىنى ئەشۇ پەيت نەقەدەر ئۇز- ھە، قارشى قىرغاق كۆرۈنگەن نۇر ئۇ. تەڭرىتاغنىڭ قىبلە يۈزىنى سۆيۈپ ئۆتەر شامال شادىمان، ئىلى دەرياسىنىڭ ئىككى قىرغىقى تولغان شال ۋە بۇغداي ھېدىغا يېشىل چىمەن يېيىلغان ھامان. بۇندا شامال ئۇچۇپ ئۆتسىلا دەرەخ شاخلىرىدىن تۆكۈلىدۇ قۇياش سىماسى، كۆرىنىدۇ ھەسەل ھەرىسى كۆرىنىدۇ شاد كېپىنەكلەرنىڭ پىلدىر- پىلدىر سايىسى. يىلدىن يىلغا ئوخشايدۇ مېۋە گۈزەللىككە تولغان دۇنياسى. ئەشۇ قىزىل تولۇق مەنزىردە گوياكى بىز ئۆرلەۋاتقان ئوتتەك قىزغىن تۇرمۇش ئىچىدە... بۇ يازمىنى ئاخىرىدا غازى تەھرىرلىگەن. ۋاقتى 2014-8-5 22:53

ق.ئوسمان غازى · ۋاقتى: 2014-8-5 22:50:21


	سېھىرلىك ئىلى زەر تون ئىچرە جىلۋىگەر جانان سۇدەك سۈزۈك، قاشتاشتىنمۇ پاك تۇرار مەغرۇر شۇنچە خرامان. بۇ بىپايان غەربىي دىيارنىڭ بارچە روھى مۇجەسسەم ئاڭا. گويا ئۆلۈكنىڭ ئاغزىغا سالغان گۆھەردەك دەقىقىدە پۈتكەن ئارزۇ ئۇ كىشلەر كۆڭلىدىكى گۈزەل تۇتىيا. گۈزەل تاغۇ- دەرياسى، سۈزۈك ئاسمىنى يايلىقىدا يۈرەر ئاتلىرى، مال- چارۋىلار تارقالغان ھەريان بۇ ئىلگىرى رىۋايەت بولغان. گۈزەل كۈركۈم، ئۈستىقۇددۇس گۈللىرى، بەس- بەس بىلەن ئېچىلغان تارقىغاندا گۈللەر ھىدىدا ئىلى باغرى رەڭلەرگە تولغان. ئېسىل روھى، جۇشقۇنلىقىدا ئۆركەشلەيدۇ ساپ ياۋرۇ قېنى، ئاسمىنىدا گۈللەرنىڭ ھىدى دولقۇن ياساپ ئاقار دەرياسى. رىۋايەت دەپ بىلنگەن ئىشلار ھە بۈگۈندە تىرىلگەن گويا، خىيالىمدا سانسىز غۇنچىلار ئاھ، پورەكلەپ ئېچىلغان بۇندا. بۇ يازمىنى ئاخىرىدا غازى تەھرىرلىگەن. ۋاقتى 2014-8-5 22:53

ق.ئوسمان غازى · ۋاقتى: 2014-8-5 22:52:05


	پىشقەدەم ئوۋچى زامان يىراقلىرىدىكى رىۋايەت پەيدا بولۇپ قېرى ئوۋچىنىڭ يېشىل چۈشلىرىدە يىلتىز تارتتى بەش مىڭ يىللىق مەڭگۈلۈك دەريا ئېقىپ كىردى قېرى ئوۋچىنىڭ قان- تومۇرلىرىغا ئاشۇ كېچە غەربتىكى يايلاق شۇنچە سوغۇق يورىماقتا ئوۋچىنىڭ تەنھالىقى كۆرۈندى ۋە ئۇنىڭغا ئاي نۇرىنىڭ كۆكتە يۈتكىنى قۇياش ئاستا- ئاستا كۆتۈرۈلدى بۆرىلەر ۋەھشىيلىكىنى بېسىقتۇرۇپ يايلاقنىڭ ئىچكىرىسدە غايىپ بولدى قارىغايزارلىق ئىچىدە قورشىۋالدى تەنھا ئوۋچىنى خەنجەردەك سۈرلۈك كۆز بىر توپ چىلبۆرە مەن كۆردۈم قېرى ئوۋچىنىڭ يىرتقۇچ مەخلۇقتىنمۇ كۈچلۈك قولىدا بۆرىنىڭ نەپىسىنى ئۈزۈپ يەرگە ئاستا يىقىلغىنىنى بۇ يازمىنى ئاخىرىدا غازى تەھرىرلىگەن. ۋاقتى 2014-8-5 22:54

دىلزىنە · ۋاقتى: 2014-8-5 23:04:09


	غازى يوللىغان ۋاقتى 2014-8-5 22:47 كروران گۈزىلى غەربتىن قەدىمگە كېلەر رىۋايەت بۇ بىر پارچە نىسبەتەن ياخشى تەرجىمە قىلىنغان.

ق.ئوسمان غازى · ۋاقتى: 2014-8-5 23:15:01


	دىلزىنە يوللىغان ۋاقتى 2014-8-5 23:04 بۇ بىر پارچە نىسبەتەن ياخشى تەرجىمە قىلىنغان. يانەن شېئىرلىرىنى ئوقۇش جەريانىدا ئۇنىڭ شېئىرىلىرىنىڭ تېماتىك دائىرىسى كەڭرىلىكىنى چوڭقۇر ھېس قىلدىم. ئەسلى تېكىستلىرى تولىمۇ نازۇك ھەم قۇرۇلمىسى بىر ئاز سەكرەتمىلىككە ئىگە ئىكەن. ھەتتا بەزى شېئىرىلىرىدىكى تۇيغۇ تاختاقتەك تۇتۇق بەرمەيدىكەن. ئۇنىڭ شېئىرىلىرىنى ئۇيغۇر شېئىرىيىتىدە زۇۋانغا ۋە شەكىلگە كەلتۈرۈشمۇ زور شېئىرىي دىت ۋە ماھارەت تەلەپ قىلدى. بەزى شېئىرىلىرى قۇرۇلما ياكى بايانچىلىقىدا يا شېئىرىي تېكىست ئەمەس ياكى نەسىرىي تېكىست ئەمەس. بىراق، قاتلاملىرى ئۆزگىچىلىككە ئىگە ئىكەن. قانداقلا بولمىسۇن، ئۇنىڭ شېئىرلىرىدا دىيارىمىزنىڭ تەبىئەت تەسۋىرلىرى ۋە ئۇنىڭغا سىڭگەن سېھىرلارنى شېئىرىي تىلغا ئېلىش، ئىلى، ئالتاي ۋە تەڭرىتاغ ۋادىلىرىغا بولغان چوڭقۇر ھۆرمەت ۋە مۇھەببەت يۇغۇرۇلۇپ كەتكەنلىكى ئۈچۈن ئۇنىڭ ئىككى پارچە توپلىمىدىن ئۇيغۇرچە بىر توپلام قىلىشقا كەتكەن ئەجرىمدىن رازى بولدۇم. -نەزەر ئاغدۇرغىنىڭزغا رەھمەت، دىلزىنە.

تۆتتاش · ۋاقتى: 2014-8-6 01:57:29


	ئىنتايىن چۈشۈنۈشلۈك تەرجىمە قىلىنغان شېئىر بوپتۇ. ئەجرىڭىزدىن گۈل ئۈنسۇن.

دىلزىنە · ۋاقتى: 2014-8-6 08:21:54


	غازى يوللىغان ۋاقتى 2014-8-5 23:15 يانەن شېئىرلىرىنى ئوقۇش جەريانىدا ئۇنىڭ شېئىرىلىرىن ... ھەر قانداق ئىشنى سىناپ بېقىش كېرەك. سىناپ بېقىشقا جۈرئەت قىلالىغاندا، ئاندىن توختىماستىن مەشىق قىلغاندا ، ئاشۇ ئىشنى ياخشى قىلغىلى بولىدۇ. بۇ سىناقلىرىڭىزنىڭ ئۈنۈم يارىتىشىغا تىلەكداشمەن. كىچىككىنە بىر تەكلىپ: شېئىرنىڭ ئۆز ئانا تىلدىكىسىنىمۇ كۆرۈپ باقايلى.

ئا.جۇدۇن · ۋاقتى: 2014-8-6 13:29:42


	غازى يوللىغان ۋاقتى 2014-8-5 22:47 كروران گۈزىلى غەربتىن قەدىمگە كېلەر رىۋايەت كروران گۈزىلى سەن مېنىڭ ئانام ، تۆت مىڭ يىل ساقلىدىڭ بەختىمنى كوزلەپ . كوزۈڭنى بىر ئېچىپ يۇمدۇڭ قايتىدىن ، ۋە لېكىن ، قويمىدىڭ بىر ئېغىز سۆزلەپ . چۇشەندىم ،چۈشەندىڭ شۇ دەقىقىدە - ئەجدادىڭ ئەي بولۇپ كەتمىگەن تېخى. چۈنكى ئۇ سۈتىڭنى ‹‹پۇشۇرۇپ ›› ئىچكەن ، كەچۈرگىن ئانىجان ، تەڭرىدەك سېخى!

-مەرگەن- · ۋاقتى: 2014-8-6 16:15:07


	«تىنىچ ياشار قوي ۋە كالىلار، ئۇلار ئۈچۈن بەرىبىردەك جەننەتكە كىرىش -كىرمەسلىك» .... نېمىدىگان ئورازلىق مىسرالار بۇ، ئاڭلىق ھايۋانلار چوقۇم ئاڭسىز ھايۋاندىن پەرىقلىق ياشاش ئىستىكىنى مەڭگۈ ئەستە ساقلىشى زۆرۈرمۇ نېمە؟ ئادەمگە نەپ بېردىغان ئەدەبىي تەرجىمە دېگەن يەنە مۇنداق بولمامدۇ. بۇ يازمىنى ئاخىرىدا -مەرگەن- تەھرىرلىگەن. ۋاقتى 2014-8-6 16:17