مۇڭداش: ئانار يۇرتى چىرىدا نورۇز (1) [ئۇلانما كۆچۈرۈش]

ئانار يۇرتى چىرىدا نورۇز

ئەخمەتجان مەتقۇربان (مۇڭداش) خەۋىرى. فوتوسى


نورۇز- ئەڭ قەدىمىي، ئەنئەنىۋىي بايراملارنىڭ بېرى بولۇپ، ئەقىللىق ئەجدادلىرىمىز باھار يىتىپ كەلگەندە، يېڭى ئەمگەك پەسلىنى كۈتۈۋېلىشقا تەنتەنە قىلىش ئۈچۈن، ھەر يىلى باھارنىڭ باشلانغان كۈنىنى ئۆزىنىڭ بايرام كۈنى قىلىپ بېكىتىپ، قىش كىتىپ باھار كىلىپ تەبىئەتنىڭ ئويغانغانلىقىنى بىرلىكتە تەبرىكلىگەن. ئۇ كىشىلەرگە ئادەم بىلەن تەبىئەتنىڭ ئايرىلماس بىر گەۋدە ئىكەنلىكىنى كۆرسىتىپ بىرىدۇ ھەمدە ئۈمىدكە، گۈزەللىككە سىمىۋول قىلىنىپ، تىرىشچان، قەيسەر، ئەمگەكچان خەلقىمىزنىڭ ئورتاق ئىنتىلىشى ۋە گۈزەل ئىستەكلىرىنى ئەكىس ئەتتۈرۈپ بېرىدۇ.
بارچە مەۋجۇداتلار ئويغۇنۇپ باھار خۇشاللىقىغا چۆمگەن مۇشۇ دەقىقىلەردە، چىرا ناھىيەسىنىڭ 2012- يىللىق نورۇز بايرىمىنى تەبرىكلەش ساھىپخانلىقىنى ئۆز ئۈستىگە ئالغان، چىرا بازارلىق پاتكۇم، خەلق ھۆكۈمىتى 29- مارت، «ئانار يۇرتى چىرادا نورۇز» مەشرىپى ئۆتكۈزدى. مەشرەپكە ناھىيەنىڭ ئالاقىدار رەھبەرلىرى، ھەر قايسى يېزا- بازارلىرىدىن كەلگەن مەشرەپ خۇمار ھەر مىللەت ئاممىسىدىن بولۇپ، 10 مىڭدىن ئارتۇق ئادەم مەشرەپنى كۈرۇشكە قاتناشتى ھەم بارلىق ئامما نۇرۇز ئېشىغا داخىل بولدى.
مەشرەپتە ئالدى بىلەن چىرا ناھىيەسىنىڭ ھاكىمى ئابدۇقادىر ئەھەت تەبرىك سۆزى سۆزلەپ، چىرا ناھىيەسىدە ياشاۋاتقان باتۇر، ئەمگەكچان، ئەقىللىق خەلقنىڭ، مەنىۋى- مەدەنىيەتكە ئىنتىلىشتەك قىزغىن روھى، مېھماندوستلىقىنى تۇلۇق نامايەن قىلدى. چىرا ناھىيەلىك سەنئەت ئۆمىكى، ئوقۇتقۇچى سەنئەتكارلار ۋە ناھىيىدىكى ئەل ئىچى سەنئەتكارلار، يۇقىرى ماھارەت بىلەن ئورۇنلىغان، بەدىئىلىكى، تەربىيىۋى ئەھمىيىتى يۇقىرى، چىرا ناھىيەسىنىڭ يەرلىك پۇراق ۋە يەرلىك ئالاھىدىلىكى تۇلۇق ئەكىس ئەتتۈرۈلگەن مول مەزمۇنلۇق ئەدەبىي- سەنئەت نۇمۇرلىرى، ئوت يۈرەك شائىرلارنىڭ نۇرۇزنامە، شېئىرى چاخچاقلىرى كەڭ مەشرەپ ئەھلىنى ھەيران قالدۇردى.  
سۈرەتتە: «ئانار يۇرتى چىرادا نورۇز» پائالىيىتىدىن كۈرۈنۈشلەر


























بۇ يازمىنى ئاخىرىدا   مۇڭداش تەھرىرلىگەن. ۋاقتى  2012-3-31 09:49  

ئەخمەتجان ئاكا، بەكلا يوقاپ كەتتىلىغۇ؟

رەسىملەر چىقماپتۇ.

ئانا دىيارىم ئانار يۇرتىدا نۇرۇزلۇق پائالىيەت ئۆتكۈزگەنلىكىدىن تولىمۇ سۈيۈندۈم .

  ئانا   يۇرتۇمنىڭ  نورۇزىنى  بەكمۇ سېغىندىم...
  يۇرتداشلىرىمغا   سالام!