لوپنۇر خەلق ماقال - تەمسىللىرى [ئۇلانما كۆچۈرۈش]

لوپنۇر خەلق ماقال - تەمسىللىرى
   داۋامى

ئى

ئىتتىن قورققان ھابدال بولماس .

ئىشىك ئالدىدىكى توپاق ئۇي بولماپتۇ .

ئىنەكنى تۇغدۇرۇپ سۈتىنى ئال ،
ناداننى ئىشلىتىپ كۈچىنى ئال .

ئىلان * قوغلاسا قۇمغا قاچ ، ( يىلان )
كەرەل * قوغلاسا قامۇشقا قاچ . ( كەلەي )

ي

ياغى - ياندىن قوپار ، بالا قارىنداشتىن .

يىغلاپ - يىغلاپ چوڭۇغۇلۇق ،
ئۇخلاپ - ئۇخلاپ قارىغۇلۇق .

ياخشىدا دىماق* يوق ، ( ھاكاۋۇرلۇق )
تاۋاردا ياماق يوق .

يامان ياماندىن قورقىدۇ ،
كەتمەن ساماندىن قورقىدۇ .

يوق دېسە - چالىپ ئىچ .

يەككە يىگانە - ھالىم* دىۋانە . ( ھېلىم )

ياتقاندا يان يوق ،
ئۆلگەندە جان يوق .

يىغلاپ قىر سال ، ئويناپ سۇ قوي .

ياغ يەپ - يالاڭاچ يات .

يامان ئۆزىنى بىلمەيدۇ ،
ياخشىنى كۆزىگە ئىلمايدۇ .

ياخشىغا تىلەككە بارغۇچە ،
يامان قوينۇڭنى ئاچ .

           تۈگىدى

ئەسكەرتىش : مەن بۇ تورغا بەرگەن ماقال - تەمسىللەرنىڭ كۆپىنچىسىنى ‹‹ لوپنۇر خەلق ماقال -تەمسىللىرى ›› توپلىمىغا بەرگەن ئاز قىسمىنى كېيىن توپلىغان ماقال - تەمسىللەردۇر .
  خىزمەتنىڭ ئالدىراشلىقى سەۋەبىدىن بىراقلا بېرەلمىدىم . تورداشلارنىڭ ئەپۇ قىلىشىنى سورايمەن .

  يارايسىز!!! ئىزدىنىشلىرىڭىز ئەل قەلبىدە خاتىرلەنگۈسى. سىزگە كۆپتىن كۆپ رەخمەت! يەنىلا ئەر كۆڭلىدە ئەل بار دىگەن راست گەپ.

  جەۋلانىنىڭ بۇ جەھەتتە ئەجىر قىلىشى ئەھمىيەتلىك ئىش.لوپنۇر-خەلق فىلوكلىرى مەزكەزلىك تارقالغان جاي.جەۋلانىنىڭ بۇ جەھەتتە ئىزدىنىشىنى كۈچەيتىشىنى ئۈمىد قىلىمەن.لوپنۇر- مىرسۇلتان ئوسمانۇپ،ئابدۇكېرىم راخمان،نۇرمەھەمەت زامان قاتارلىق ئۇستاز تەتقىقاتچىلار خېلى بۇرۇنلا ئىز قالدۇرغان جاي.

جەۋلاننى ئەپەندى ماقال-تەمسىل تېگى-تەكتىدىن ئالغاندا تۈگىمەيدۇ! يەنى ۋاقىت ،ئىمكانىيەت يار بەرگەندە قازسىڭىز يەنە چىققىدۇ. يەنە كېلىپ ماقال-تەمسىل تۈگىگەن تەقدىردىمۇ ماقال-تەمسىل ھەققىدىكى گېپىمىز تۈگەپ كەتسە بولمايدۇ!

   دېمەكچى بولغىنىم : سىز خېلى كۆپ لوپنۇر ماقال-تەمسىللىرىنى يوللىدىڭىز.ئەمدىكى نۆۋەت  يۇقۇرقى ماقال-تەمسىللەرنى لوپنۇر دئالىكىتى،ئۇيغۇر تىلىنىڭ مەركىزى دىئالىكىتى شۇنداقلا «تۈركى تىللار دىۋاننى» دىن ئىبارەت ئۈچ تەرەپلىك نوقتا بويىچە چۈشەندۈردىغان بىر ئىلمىي تەتقىقات ماقالىسىنى يېزىپ ئىلان قىلىدىغان يەرگە كەلدىڭىز.سىزنىڭ توپلاپ،رەتلەپ ،يوللىغانلىرىڭىز پاكىت،ئەمدى شۇ ھەقتىكى ئىلمىي چۈشەنچىنى ئوتتۇرغا قويغىنىڭىز تۈزۈك.شۇنداق قىلسىڭىز بۇ جەھەتتىكى ئەمگىگىڭىز پۈتۈن ئەمگەك بولىدۇ.كەڭ تورداشلار،ئوقۇرمەنلەر لوپنۇر ماقال-تەمسىللىرىنى ئىلمىي ئاساستا چۈشىنەلەيدۇ.ناۋادا يېتىشەلمەي ،نەزىريەدە قىينىلىمەن دەپ قارىسىڭىز تىلشۇناسلىقتا ئىزدىنىۋاتقان ئابدۇراخمان لوپنۇرى بىلەن ھەمكارلاشسىڭىز بولىدۇ.بۇ ئەمگەك بىر پەسىلدە تاماملانسىمۇ ياخشى نەتىجە.تىلشۇناسلىق  ۋە خەلق ئېغىز ئەدەبىياتى جەھەتتىكى ئەھمىيىتى زور بولىدۇ.

  بىلەرمەنلىك قىلىش مەخسىدىم يوق.يۇقۇردىكى ئىنكاسنى دوستۇم ۋە يېقىن بۇرادىرىم كۆرۈپ يازدىم.توغرا چۈشىنىدۇ   دەپ  ئويلايمەن. بېسىم بولۇپ قالماسلىقى ئۈچۈن «بىر پەسىل كەتسىمۇ ئەرزىيدۇ  .» دېدىم.بىرەر يىل ۋاقىت كەتسىمۇ بولىدۇ.چۈنكى ئىلمىي ئەمگەك بىر تەرەپتىن تۇتۇش قىلىپ ھە-ھۇ بلەن قۇپۇرۇپ چىققىدىغان تام ئەمەس.

دوستۇم ئەزىز ئەپەندىنىڭ يۇقارقى پىكرىگە تامامان قوشۇلىمەن . ئۆزۈمنىڭمۇ شۇنداق ئويۇم بار . ئىزدىنىۋاتىمەن .سىزگە كۆپ رەھمەت .