نەۋايىنىڭ بىر غەزەلىگە ئىككى نەزىرە [ئۇلانما كۆچۈرۈش]

نەۋايىنىڭ غەزىلى

سىنى كۆرگەچ دەر ئېدىم بىر مىھرىبانىم بار ئىمىش،
ئاللاھ، ئاللاھ نە بەلا باتىل گۇمانىم بار ئىمىش.

ئارىزىڭ ماھىييەتى ئاغزىڭ سۆزىن شەرھ ئەيلىسەم،
ۋەھ نە تابئى پاكۇ زىھنى خۇردە دانىم بار ئىمىش.

چاك قىل كۆكسۈمنى ئەي بەدمىھر تا كى بىلگە سەن،
تىغى ھىجرىڭدىن نە نەئئازۇردا جانەم بار ئىمىش.

نە ھايات ئەردى ئۆلەر ھالەتتە كىم كۆرگەچ ئانى،
ناز ئىلە دىدى ھەنۈز ئول ناتاۋانىم بار ئىمىش.

دەر كى يالقىپتۇر نەۋايى ئۈنىدىن ۋەھ ياخشىدۇر،
كىم تىرىگلىكتىن نىشان تەك بىر فىغانىم بار ئىمىش.


شەيخزادە ئابدۇرەززاق باخشىنىڭ ئەلىشىر نەۋايىغا يازغان بەش بېيىتلىق تۇنجى نەزىرەسى:

ھۇ ھۇۋەل فەتتاھ جەۋاب ئەيتۇر:

پادىشاھىم دەۋرىدە بىر خوش زامانىم بار ئىمىش.
بارچە خەۋف ئۇ ھەم خەتەردىن كۆپ ئامانىم بار ئىمىش.

ئادل ئۇ ئىنسافىڭ چاۋى باردى خىتايۇ  خوتەن،
ھەمدۇلىللاھ كىم شاھىمدەك مىھرىبانىم بار ئىمىش.

چۈنكى سۇلتان بەيازىد خان ئالدى رۇمنىڭ تەختىنى،
ئۇشبۇ دەۋلەت چۈن ئەزەلدىن كەندىسىگە يار ئىمىش.

ھەر ئەدۇ كىم مۇنكىر ئولسا سۇلتانىم دەۋلەتىغە،
بۇ مۇئەييەن كىم ئەدۇنىڭ بوينى يىپ، ئۇ دار ئىمىش.

ئىتىقادلىق قۇللىرىنىڭ يۈزى باخشىدەك كۈلەر،
ئىتىقادسىز يۈرىگەنىنىڭ ئورنى جەھەننەم ئىمىش.

شەيخزادە ئابدۇرەززاق باخشىنىڭ ئەلىشىر نەۋايىغا يازغان بەش بېيىتلىق ئىككىنچى نەزىرەسى :

ھۇ ھۇۋەل فەتتاھ تاقئى بىر جەۋاب ئەيتۇر:

ئول پەرى رۇھ كىم ئانىڭ ئاغزى ئاجايىب تار ئىمىش.
كۆرسە مىڭ زاھىد كۈتۈپ لەئلى لەبىغە زار ئىمىش.

زۇلفىنىڭ كى پىچىنى قىلسام ئانىڭ شەرھىن ئەيان،
گۇيا بىر نۇقرەئى پاك ئۈزرە ياتقان مار ئىمىش.

كۆكرەكىمنى يارغىل ئۇ كۆرگىل نە ئوتلار يانادۇر،
گەر ئىنانمازسىن ئاھىمنىڭ شۇئلەسى چۈن نار ئىمىش.

مەنسىبىمنى ئىستىيۇر ئاراباچى يۇ بارسچىلار،
ھەر كىشى كىم كەندەئى بىلمەسە بەس كىم ئار ئىمىش.

باخشى كۈستاھلىق قىلىپ ئەيتتى نەۋايىغا جەۋاب،
ئول غەزەلغە بىر جەۋاب ئايغۇ  بۇ رۇمدا بار ئىمىش.

(ئەلىشىر نەۋايى توغۇلغانلىقىنىڭ 560 يىللىقى، ۋاپات بولغانلىقىنىڭ 500 يىللىقىنى خاتىرىلەش يىغىنىدا ئوقۇلغان ماقالىلەر» دىن- مەنبە: «بۇلاق» ژورنىلى، 2011-يىللىق 4-سان،)

ئا. سادىرى ئاكىغا مۇبارەك بولسۇن.

مانا يۇقارقىلار ھەقىقىي نەزىرەلەردۇر.يوللىغۇچىنىڭ ئەجرىگە رەخمەت.

كىلاسسىك ئەدەبىيات نەمۇنىلىرىنىڭ تونۇشتۇرۇلۇپ تۇرغىنى ياخشى.كىلاسسىك ئەدەبىيات ۋە ئېغىز ئەدەابىيات بايلىقى تۇتاش كەتكەن پايانسىز دېڭىزدىن ئىبارەت.چەتئەلنىڭكىنى ئۆرنەك قىلىش قىزغىنلىقى بىلەن ئەشۇ ئۆز خەزىنىمىزگە بولغان قىزىقىشمۇ ئۇلغايسا ياخشى بولاتى.چۈنكى ئۇ بىزنىڭ غول يىلتىزىمىز......

‹‹نەزىرە ›› دېگەن بۇ شەكىل توغرۇلۇق  چۈشەنچە بېرىدىغانلار بارمۇ ؟

مەن ئايرىم تېما قىلىپ يوللاپ قوياي.