خالتاكوچا :قەشقەردە مۇشائىرە

بۇ پائالىيەتنى قۇتلۇقلايمەن. بۇ پائالىيەت ئۈچۈن جاپا چەككەن ئابلىمىت ئاكامغا كۆپ تەشەككۈرلەر!

ئاۋۋال قەشقەردە ئۇيۇشتۇرۇلغان بۇ كاتتا پائالىيەتكە بولغان سۆيۈنۈشۈمنى بىلدۈرىمەن.
پائالىيەتكە قاتناشقان ئۇستاز ئاغام ھاجى ئابدۇغوپۇر شېرىپنى قۇتلۇقلايمەن ۋە ئۇنىڭغا چەكسىز سالىمىمنى بىلدۈرىمەن. قەشقەردىن قايىتقان ئىككى يىلدىن بۇيان ئۇنىڭ بىلەن بىرەر قېتىممۇ كۆرۈشەلمەي شۇنچىلىك ئەپسۇسلانغاندىم، ئۇنىڭ ئەشۇ مېھرىبان سىماسىنى سۈرەتتە كۆرۈپ خۇش بولدۇم. سىز بىلەن قىلىشىپ تۈگىمەيدىغان ئاشۇ پاراڭلىرىمىزنى سېغىندىم ئاكا، يەكەن تەرەپلەرگە ئۆتسىڭىز خەۋەر قىلىۋەتكەيسىز، كۆرۈشكىچە ئامان بولۇڭ...

ئابدۇرەشىد، ئابدۇمىجىت سۈرىتىڭلارغا قاراپ ئۆزۈمنى خۇددى سىلەرنىڭ يېنىڭلاردا ئولتۇرغاندەك ھېس قىلدىم. تەتىل بولغاندىكىن يەكەن تەرەپلەرگە ئۆتكەيسىلەر دوستلىرىم.

   رەھمەت، سىزلەر ئۈچۈن جاپا چىكىش بىزنىڭ پەخرىمىز.

   بۇ پائالىيەت ئارقىلىق ئۇستازىڭىز بىلەن كۆرۈشتۈرۈش پۇرسىتى ھازىرلىيالىغانلىقىمىزدىن كۆپ خۇش بولدۇق.

ئەزىزانە قەشقەرنىڭ ئەڭ كاتتا شائىرەلىرى ، ئۇيغۇر شېئىرىيەت گۈلزارلىقىنىڭ گۈلتاجىلىرىدىن چىمەنگۈل ئاۋۇت خانىم، ئاتىكەم سىدىق ئايقۇت خانىم، مېھرىگۈل ھۈسەيىن خانىملار يوقمۇ نېمە ؟ بۇ يازمىنى ئاخىرىدا   gulbeden تەھرىرلىگەن. ۋاقتى  2014-7-18 11:58  


شائىرەلىرىمنى قايسى تۆرگە ئاچىقماقچىسىز، قىزچاق؟
بۇ يازمىنى ئاخىرىدا   غازى تەھرىرلىگەن. ۋاقتى  2014-7-19 01:05  

قەلبىمدىكى تۆرگە غازى!

قەلبىڭىزنىڭ قەشقەرگە سېلىشتۇرۇلغىنىغا مۇبارەك!

رەھمەت، مەدەنىيەت، ئەدەبىيات ئۈچۈن كۆيۈشكە رازى. جۇرنال 2- سان تەگدىمۇ؟.


تاپشۇرۇپ ئالدىم 2-سانمۇ شۇنداق ياخشى چىقىپتۇ  رەخمەت سىزگە .مۇشائىرە پائالىيىتىڭلارنىمۇ ياخشى باشلىۋاپسىلەر ئەزىزانە قەشقەردىكى مۇشۇ پائالىيەتنى ئۇرۇنلاشتۇرۇپ باشلىغان ئابلىمىت سۇپىھاجى ئەپەندىمگە شۇنداقلا بارلىق ئەزىز قاتناشقان شائىر، ئەدىپلەرلەرگە، كۇرۇنمەنلەرگە تەكلىماكاننىڭ شەرقى گىرۋىگىدىكى قۇملۇقتىكى مەرۋايىت چەرچەندىكى پولاتتىن ئوتلۇق سالام سىلەرنىڭ پائالىيىتىڭلاردىن تۇلىمۇ سۈيۈندۈم مۇنۇ پائالىيەت خەۋىرىدىن پائالىيەتىكى مۇشائىرەلەرنىڭ لىرىك كۈيلىرىنى ئاڭلىغاندەك بولدۇم كۈيلىرىڭلار قەشقەر ئاسمىنىدا مەڭگۈ ياڭرىسۇن

بۇ يازمىنى ئاخىرىدا   haltakoqa تەھرىرلىگەن. ۋاقتى  2014-7-19 21:11  

قەدىمىي گۈزەل يۇرت قەشقەرگۈلسىتانىنىڭ خۇش ئاۋاز بۇلبۇللىرى !

...«ئاۋازىڭدا بىر شەمشەر بار، قوش شەمشەر،
يۈرىڭىمنىڭ بېغىشىغا ئۇرۇلغان .
تارتىپ ئالساڭ ھايات يىپى ئۈزۈلەر،
قويساڭ ئۇندا تەختىم، بەختىم قۇرۇلغان.

ئاۋازىڭنى ئاڭلىغاندا تەشۋىشىم،
پارچىلىنىپ تارقاپ كېتەر ھاۋاغا .
قۇرلار ئىلە دۇرلار ئىلە سىردىشىم ،
غەملىرىمنى ئالماشتۇردۇڭ ناۋاغا .

ئاۋازىڭدا بىر ناخشا بار، بىر كۈي بار،
ئوركىستىرى بولدۇم ئۇنىڭ يىگانە .
كۈلكەڭ بايلىق، قايغۇڭدا كەڭ دۇنيا تار،
مەنزىلىڭدە بولدۇم شاھ ھەم دىۋانە .
         
كەمىنىگە شائىر، شائىرەلەرنىڭ ئاۋازىنى نەق مەيداندا ئاڭلاشقا پۇرسەت بولمىدى، يۈرىكىم ئوقىغان شېئىرلىرىغا شادىيانە چالدى . ھۆرمەت- سالاملىرىم تەشكىللىگۈچىلەرگە ھەم تەشكىللەنگۈچىلەرگە بولسۇن .

  بېرىپ ئوقۇپ بىرەمدۇق يا بۇ يازمىنى ئاخىرىدا   haltakoqa تەھرىرلىگەن. ۋاقتى  2014-7-20 21:28  

شېئىر شائىرغا ياراشقاندەك،
يارىشىدو قەشقىرىمگە.
بو پائاليەت كېلىپتو پەر،
بىلىم كانى ئەختىرىمگە.
بۇ يازمىنى ئاخىرىدا   ئامىنە تەھرىرلىگەن. ۋاقتى  2014-7-21 08:28  

تولىمۇ ئەھمىيەتلىك پائالىيەت بوپتۇ!