ئابدۇرېھىم زۇنۇن: بەھرى قەسىر غەزەللەر [ئۇلانما كۆچۈرۈش]

   بەھرى قەسىر غەزەللەر
            
              1
يېقىملىق، بىباھا غەزەل ياشلىقىم،
يارىمنىڭ كۆزىدەك گۈزەل ياشلىقىم.

رۇستەمدەك كۈچلۈك، ياز تۈنىدەك قىسقا،
باھاردەك ئۇز- كۆركەم مەھەل ياشلىقىم.

ئاجايىپ سىر- ھېكمەت، ھېسلارغا بايسەن،
سەن تاڭدا چاقنىغان زۇھەل ياشلىقىم.

تەڭداشسىز خەزىنەم، تەختى- بەختىم سەن،
سەندە بار غۇرۇر، ئىش- ئەمەل ياشلىقىم.

تاشقىنلار يۈرەكتە مۇھەببەت ھېسسى،
تۆلەيسەن ئۆمۈردىن بەدەل ياشلىقىم.

ئوڭ قىلدىڭ، ئۇچلاندى زېھنىم يىڭنىدەك،
سەن ئۆتكۈر، مېغىزلىق مەسەل ياشلىقىم.

كۈچ تاپتىم، قۇت تاپتىم، كۈلكە، شان تاپتىم،
سەن ئۆمرۈم جەۋھىرى ــ ھەسەل ياشلىقىم.

سەن بىلەن ھاياتىم تولدى مەنىگە،
دېمەك، سەن ھەممىدىن ئەۋزەل ياشلىقىم.

سۆيىمەن، كۈيلەيمەن سېنى تا ئەبەد،
ۋەسلىڭگە قانمايمەن تۈگەل ياشلىقىم.

سەن ھەممە بەختنى بەرگەن شاھلىقىم،
مەڭگۈلۈك ئارمىنىم ــ گۈزەل ياشلىقىم.

1994-يىل 2-ئاينىڭ 20- كۈنى، قەشقەر
               
                 2
(ئۆزبېك شائىرى كامال جامالغا نەزىرە)

ئۇتتى مەيلىمنى قىلىپ شەيدا غەزەل،
قىلدى شەيدالىق ھامان پەيدا غەزەل.

بار تومۇرۇمدا ئېقىپ ئاتەش ئېقىم،
ئەيلىدى ھەرئان مېنى تەشنا غەزەل.

تەلمۈرۈپ يار ۋەسلىگە، سەۋدايىمەن،
بىر بېشىمغا سالدى مىڭ سەۋدا غەزەل.

كۆككە باقتىم تۈندە سەۋدالىق بىلەن،
ماڭا باقتى تاڭ سەھەر زىبا غەزەل.

ھەر غەزەل لەيلى، ئۇنىڭ مەجنۇنىمەن،
شائىرى تاھىر ئۈچۈن زۆھرا غەزەل.

مەن غەزەلخان پۇشتى، ئەلنىڭ كۈيچىسى،
ماڭا شۇ بۇلبۇل بېرەر دۇنيا ــ غەزەل.

گاھى مەغرىپ، گاھى مەشرىقتىن راۋان
كېلىدۇ نازغىپ گۈزەل، بەرنا غەزەل.

ئار ئەمەسمۇ ياش چېغىمدا يازمىسام،
شۇڭا ئۆمرۈمگە قەلەم ھەمراھ، غەزەل.

كۆزگە ئەل خاكپايى سۈرت ئابدۇرېھىم،
بەرق ئۇرار شۇ چاغ گۈلى رەنا غەزەل.

1995- يىل 2-ئاي، خوتەن

            3
يۈرىكىمنى رام قىلدىڭ قاچان،
گۈلخان بولدى ئارمىنىم شۇئان.

ئىشتىياقنى يار قىلدىڭ ماڭا،
كۈۋەجىدى تومۇرۇمدا قان.

ۋەسلىڭ مەيسىز مەست قىلدى مېنى،
ئېكەكلەندى، چېچەك ئاچتى جان.

يۈرىكىمدە ئويغاندى ھەۋەس،
تەرك ئەتتىم ئۇيقۇنى ھامان.

ۋۇجۇدۇمنى لەۋ قىلىپ سۆيدۈم،
ئىشقىم ئۇرۇق بولۇپ بەردى دان.

جاپايىڭ چىن راھەت سېزىلدى،
ۋىسالىڭدىن تاپقاندا دەرمان.

ساڭا تارتۇق جېنىم، ھەر دېمىم،
ئىجاد ئاتلىق سۆيۈملۈك جانان!

1993- يىل 10- ئاي، ئۈرۈمچى


بۇ يازمىنى ئاخىرىدا   elqizi تەھرىرلىگەن. ۋاقتى  2012-5-8 00:04  

لى بەينىڭ مۇنۇ مىسرالىرنى ئەسلەتتى :

ئۆلۈپ ئايرىلساڭ تۈگەيدۇ ھەممە گەپ ،
تىرىك ئايرىلماق غېمى كەتمەس تۈگەپ .

يول يىراقى يىدى كۆزنىڭ خۇنىنى ،
ئۆزنى كۆرمەي يۈرەرمەنمۇ چۈشەپ .

ئاي نۇرىغا تولدى لىق ئۆينىڭ ئىچى ،
قارسام ئوخشايدۇ چىرايىڭغا زەپ .

     سىڭلىم گۆھەر، رەھمەت سىزگە!

مۇئەللىمنىڭ قەلەم تۇلپارى ھارمىغاي، ئىجادىيىتى تېخىمۇ بەرىكەتلىك بولغاي!

    تىلەكلىرىڭىز ئىجەت بولغاي، رەھمەت!

ئوڭ قىلدىڭ، ئۇچلاندى زېھنىم يىڭنىدەك،
سەن ئۆتكۈر، مېغىزلىق مەسەل ياشلىقىم.

كۈچ تاپتىم، قۇت تاپتىم، كۈلكە، شان تاپتىم،
سەن ئۆمرۈم جەۋھىرى ــ ھەسەل ياشلىقىم.

بۇ شېئىر ھەقىقەتەن ياخشى چىقىپتۇ ، قايتا - قايتا ئوقۇپ چىقتىم . قەلەم تۇتقان قوللىرىڭىزغا دەرت كەلمىسۇن ،تېنىڭىز سالامەت بولغاي ئۇستاز .

   رەھمەت، سىڭلىم يۇلتۇز! تىلەكلىرىڭىزنى ئاللا يەتكۈزگەي!   سىزنى ئىگىمىز پاختىنىڭ ئىچىدە ئوت ساقلىغاندەك ساقلىسۇن!

ئابدۇرېھىم مۇئەللىمنىڭ ئىجادىيىتى تېخىمۇ ئۇتۇقلۇق، ئەزىز تېنى سالامەت بولغاي!

   سىڭلىم تۇنساگۈل، قىستۇرۇپ قويغان مۇزىكىڭىز شۇنچىلىك، يېقىملىق تۇيغۇ بەردى ماڭا. ياندۇرۇپ نەچچە ئاڭلىۋەتتىم. رەھمەت!

   سىڭلىم تۇنساگۈل، قىستۇرۇپ قويغان مۇزىكىڭىز شۇنچىلىك، يېقىملىق تۇيغۇ بەردى ماڭا. ياندۇرۇپ نەچچە ئاڭلىۋەتتىم. رەھمەت!

«ئارۇز جىلۋىلىرى»دىن بىر پارچە

          جامال كامال(ئۆزبېكىستان)



                غەزەل



سالدى شەيدالىققا جانىمنى ئەجەپ شەيدا غەزەل،

سالمىسا جانىمغا شەيدالىق نىچۈن پەيدا غەزەل.

يەتتى جانىمغا خۇمارىم ئاتەش ئىستەرمەن رەپىق،

سىپقاراي جانىمغا ئاتەشتەك نىچە پەيما غەزەل.

يا گۈزەل سەرگەشتە ئەتمىش،يا غەزەل دەپ ئويلىماڭ،

يار بېشىمغا سالدى سەۋدا سالدى،سوڭ سەۋدا غەزەل.

مەستۇ شەيدالىق بىلەن باقسام پەلەككە كېچىلەر،

پارقىرار باشىمدا يۇلتۇز مىسرالى ئەنۋا غەزەل.

تۈندە يۇلتۇز ياشىدەك گۈلشەنگە تىم-تىم تامدىيۇ،

ياندى سوڭ تاڭلاردا جىم-جىم تاۋلىنىپ زىبا غەزەل.

دوستلىرىم،زۆھرا غەزەلگە شائىرى تاھىر كېرەك،

شائىرى مەجنۇن تىلەيدۇ بىرغىنا لەيلا غەزەل.

بار رىۋايەت مۈلكى ئالەمنى مۇقەررەر ئەتتىيۇ،

تۈزدى سوڭ ئول ئەرشى ئەلا ئۈستىدە ئاللا غەزەل.

مەن زامانە ئوغلىدۇرمەن مەن غەزەلخان نەسلىمەن،

ماڭا ھەم گۇلباغى بۇلبۇلدىن كېلەر دۇنيا غەزەل.

گاھى مەشرىقتىن كېلەر ئول گاھى مەغرىپتىن راۋان،

مەغرىبۇ مەشرىققە بىردەك سۆيۈملۈك جانا غەزەل.

ھەيف ئەمەسمۇ ماڭا ياشلىق بۇ مۇھەببەت بۇ ئالاۋ،

يازمىسام سەرمەست بولۇپ ئاشۇفتە ئىستىغنا غەزەل.

مىرئەلىشىر خاكىپايىن كۆزگە سۈرتەرمەن جامال،

تا يازاي دەپ كۆز نۇرۇم بىرلە نۇرى رەنا غەزەل.


«قەشقەر ئەدەبىياتى»2003-يىللىق 5-سانىدىن

بۇ يازمىنى ئاخىرىدا   غازى ئوغلى تەھرىرلىگەن. ۋاقتى  2012-5-8 20:32  

«ئارۇز جىلۋىلىرى»دىن بىر پارچە

          جامال كامال(ئۆزبېكىستان)
غەزەل


سالدى شەيدالىققا جانىمنى ئەجەپ شەيدا غەزەل،
سالمىسا جانىمغا شەيدالىق نىچۈن پەيدا غەزەل.
يەتتى جانىمغا خۇمارىم ئاتەش ئىستەرمەن رەپىق،
سىپقاراي جانىمغا ئاتەشتەك نىچە پەيما غەزەل.
يا گۈزەل سەرگەشتە ئەتمىش،يا غەزەل دەپ ئويلىماڭ،
يار بېشىمغا سالدى سەۋدا سالدى،سوڭ سەۋدا غەزەل.
مەستۇ شەيدالىق بىلەن باقسام پەلەككە كېچىلەر،
پارقىرار باشىمدا يۇلتۇز مىسرالى ئەنۋا غەزەل.
تۈندە يۇلتۇز ياشىدەك گۈلشەنگە تىم-تىم تامدىيۇ،
ياندى سوڭ تاڭلاردا جىم-جىم تاۋلىنىپ زىبا غەزەل.
دوستلىرىم،زۆھرا غەزەلگە شائىرى تاھىر كېرەك،
شائىرى مەجنۇن تىلەيدۇ بىرغىنا لەيلا غەزەل.
بار رىۋايەت مۈلكى ئالەمنى مۇقەررەر ئەتتىيۇ،
تۈزدى سوڭ ئول ئەرشى ئەلا ئۈستىدە ئاللا غەزەل.
مەن زامانە ئوغلىدۇرمەن مەن غەزەلخان نەسلىمەن،
ماڭا ھەم گۇلباغى بۇلبۇلدىن كېلەر دۇنيا غەزەل.
گاھى مەشرىقتىن كېلەر ئول گاھى مەغرىپتىن راۋان،
مەغرىبۇ مەشرىققە بىردەك سۆيۈملۈك جانا غەزەل.
ھەيف ئەمەسمۇ ماڭا ياشلىق بۇ مۇھەببەت بۇ ئالاۋ،
يازمىسام سەرمەست بولۇپ ئاشۇفتە ئىستىغنا غەزەل.
مىرئەلىشىر خاكىپايىن كۆزگە سۈرتەرمەن جامال،
تا يازاي دەپ كۆز نۇرۇم بىرلە نۇرى رەنا غەزەل.

«قەشقەر ئەدەبىياتى»2003-يىللىق 5-سانىدىن




ئابدۇرېھىم زۇنۇن

(ئۆزبېك شائىرى كامال جامالغا نەزىرە)

ئۇتتى مەيلىمنى قىلىپ شەيدا غەزەل،
قىلدى شەيدالىق ھامان پەيدا غەزەل.

بار تومۇرۇمدا ئېقىپ ئاتەش ئېقىم،
ئەيلىدى ھەرئان مېنى تەشنا غەزەل.

تەلمۈرۈپ يار ۋەسلىگە، سەۋدايىمەن،
بىر بېشىمغا سالدى مىڭ سەۋدا غەزەل.

كۆككە باقتىم تۈندە سەۋدالىق بىلەن،
ماڭا باقتى تاڭ سەھەر زىبا غەزەل.

ھەر غەزەل لەيلى، ئۇنىڭ مەجنۇنىمەن،
شائىرى تاھىر ئۈچۈن زۆھرا غەزەل.

مەن غەزەلخان پۇشتى، ئەلنىڭ كۈيچىسى،
ماڭا شۇ بۇلبۇل بېرەر دۇنيا ــ غەزەل.

گاھى مەغرىپ، گاھى مەشرىقتىن راۋان
كېلىدۇ نازغىپ گۈزەل، بەرنا غەزەل.

ئار ئەمەسمۇ ياش چېغىمدا يازمىسام،
شۇڭا ئۆمرۈمگە قەلەم ھەمراھ، غەزەل.

كۆزگە ئەل خاكپايى سۈرت ئابدۇرېھىم،
بەرق ئۇرار شۇ چاغ گۈلى رەنا غەزەل.
1995-يىلى 2-ئاي خوتەن

ئۇكام غازى، سىز يوللاپ قويغان ماۋۇ غەزەلنى كۆردۈم. شۇنىڭغا قايىلمەنكى، بۇنى كامال جامالغا تەقلىد قىلغان. ئاشۇ يەردىمۇ مۇشۇ گەپ بار. غەزەلنىڭ گۈزەللىكىگە پايلىماي، يېزىپ باققانلىقىم ئېنىق. ئەمما ئەسلىي غەزەلگە يەتكۈزەلمىگەنلىكىمدىن ئۆكۈنىمەن. مېنىڭچە، "نەزىررە" دېگەن گەپ كۇپايە.
بۇ يازمىنى ئاخىرىدا   ئابدۇرېھىم زۇنۇ تەھرىرلىگەن. ۋاقتى  2012-5-9 00:13  

بۇ 37-تەدبىرمۇ؟

ئا ئا ئا ئائا .... نىمىنداق گەپ بۇ، يېزىپ ساپتىمەن ،ئوخشاپ قاپتۇ دىگەن نىمە؟ ئابدۇرېھىم زۇنۇن مۇئەللىم ئۆزى چىقىرىۋاتقان ژورنالنىمۇ بۇلغايدىغان ئوخشىمامدا؟