شۇنچىلىك سېغىندىم [ئۇلانما كۆچۈرۈش]

   شۇنچىلىك سېغىندىم. ئوماق كۈلكىلىرىڭ ۋۇجۇدۇمنى سىماپ كەبى ئېرىتىپ،چۈشلىرىمنى بۇزۇپ قويدى.
  تۆكۈلگەن كۆز ياشلىرىمدا سېغىنىشىمنىڭ ئەستىلىكلىرى مەۋج ئۇرۇپ، ئارمانلىرىم گىرۋەكلىرىدە ياتار جىلمىيىپ.  تۈن قوينىدا ياقا يىرتقان تەنھا خىياللىرىم، سۈپ-سۈزۈك ھەسرەتلەردە ياتار تولغىنىپ. سۆيۈلگەن ۋاقىت قوينىدا چېچەكلىگەن ئاداققى دەملەر، ئاتەش لەۋلەردە مەست بولۇپ، تاتلىق تاتلىق ئەسلىمىلەردە ۋىلىقلىماقتا.  
  شۇنچىلىك سېغىندىم. سۆيۈش ئۈچۈن ئىنتىلگەن ئارمانلىرىمدا ، ۋىسال كۈنلىرىنىڭ قانلىق ئىزناسى سىمىلداپ، تەلمۈرگەن كۈنلىرىمگە ئاقماقتا ئاستا. ئۆمچەيگەن لەۋلىرىمگە شۇڭغۇغان ھىجران كۈلكىسى، كۈتۈش دوقاللىرىدا تۇرىدۇ تىترەپ. سەنسىز مۇڭغا پاتقان كۆيۈشلىرىم ، چەكسىز ئىزتىراپلاردا مايلىماقتا قاغجىرىغان خىياللىرىنى ساڭا تېۋىنىپ.
  شۇنداق سېغىندىم. زارىققان كۈنلىرىمگە شاھىد بولغان چۈچۈك ئەسلىمىلىرىم، دومسايغان ۋاقىتلارغا نەرە تارتماقتا. يول-يوللارغا سىرغىپ چۈشكەن سېغىنىشىم، مەيىن شامالدا مەست بولۇپ قاپتۇ. ئۇنتۇلغان دەقىقىلەر تىترەڭگۈ نەپەسلەرگە پارە بەرمەكتە.    قىيسايغان ئۈمىد شولىسى ،ۋىسال تۈنلىرىگە ئوت ئاچماقتا. كۆيىۋاتقان سېغىنىشىم تەلپۈنگەن قاراقلاردا تۇرار ئېسىلىپ.
  شۇنداق سېغىندىم. تاتلىق تاتلىق سېغىنىشىم ۋىسال قىرغاقلىرىغا ئۇرۇلار دولقۇن ياساپ.
شۇنداق سېغىندىم. ھەر بىر دەقىقەم ئوماق دەملەرگە تەلپۈنمەكتە.

مەنبە: خاتىرەمدىن

سېغىنىشنىڭ رەڭ،بوياقسىز ئىپادىلىنىشى...