ئۆزتۈرك: بىر كۈنى [ئۇلانما كۆچۈرۈش]

         بىر كۈنى

ئىمىنجان تۇرسۇن ئۆزتۈرك

     تاشلاپ كەتكەن يارەنلەر كېلىپ قالار بىر كۈنى،
كۆزلىرىگە بىزنىمۇ ئىلىپ قالار بىر كۈنى.
        ئۇچراپ قېلىپ نامەرتكە،يەپ قالسا گەر بۇرنىغا،
قەدرىمىزنى ئاز-تولا بىلىپ قالار بىر كۈنى.
   يازدا يامغۇر،قىشتا قار،بوران-چاپقۇن بولىدۇ،
بىز بولمىساق يانىدا،چېنىپ قالار بىر كۈنى.
قىزىل گۈلنى ھەركىمنىڭ پۇرىغىسى كېلىدۇ،
ئۇلار بىزگە ئوخشىماس،قېنىپ قالار بىر كۈنى.
بال تامىدۇ ئاغزىدىن،نەشتىرىنى كۆرسەتمەس،
پىچىقىنى قوينىدىن ئېلىپ قالار بىر كۈنى.
  سۆيگۈ ئەمەس تاتلىق سۆز،چىن ئەقىدە بولمىسا،
بۇ مۇھەببەت ھەر كويغا سېلىپ قالار بىر كۆنى.
يانداش بولۇپ يۈرۈيدۇ،كۈلكە بىلەن كۆز يېشى،
يۈرىكىدە بولمىسا ،تېنىپ قالار بىر كۈنى.
بۇ ئاخىرقى سۆزۈمدۇر،كۈلۈپ ياشا بىر ئۆمۈر،
مۇشۇ يولغا ئىلاھىم،سېلىپ قالار بىر كۈنى...





2012.يىل 3.مارت   قەشقەر

ئاخىرقى مىسىراسى ھەجەپ، قاغىش تىلىگەندەك تەسىرات بېرىدىكەن. كۆڭلۈم يېرىم بولدى.

مۇھەممەتجان راشىدىن ئاكىنىڭمۇ بىر شېئىرى بولىدىغان« بىر كۈنى »دەپ خېلى جىق يېزىلدىغۇ دەيمەن «بىر كۈنى»لەردىن .