ئاينۇرى:پورەكلەپ ئېچىلسا بېغىمدا رەيھان [ئۇلانما كۆچۈرۈش]

پورەكلەپ ئېچىلسا بېغىمدا رەيھان

تۇرنىسا رەھىم


ھەسرەتلەر باغرىدا تولغۇنۇپ ئۇزاق،
يېرىمجان بېلىقتەك ئاقتىم سۈيىڭدە.
قەلبىمدىن تۆكۈلۈپ ئازابىم سىم-سىم،
يامغۇردەك سىڭمەكتە مۇڭلۇق كۈيىمگە.



خىيالەن ئالدىمدا بۇلىسەن زاھىر ،
كۆزلىرىڭ چاقنايدۇ يۇلتۇز سىياقتا.
مەستخۇشلۇق ئىلكىدە كۆزۈمنى ئاچسام،
يۈرىكىم كۆيىدۇ ھىجران پىراقتا.




ئاھ ئۇرسام جۈر بولۇپ قەلبىم مۇڭىغا،
قۇشلارمۇ تىڭشايدۇ ئۇچۇشتىن توختاپ.
گۈللەرنىڭ بەرگىدە تامچە تامچە ياش،
چاقنايدۇ تاڭدىكى شەبنەمگە ئوخشاپ .

ئىنتىزار قەلبىمدە باقسام يولۇڭغا،
كوچامدا ئاقماقتا دەريا سېغىنىش.
سەبدەگۈل رەڭگىدە سۇلغۇن چىرايىم.
ئۆرتەيدۇ دىلىمنى ئاچچىق خۇرسىنىش.

ئالدىمدا تۇرغىنى كۆز يەتمەس قىرغاق،
باغرىغا چىللايدۇ سۆيۈملۈك ئارمان.
ۋىسالنىڭ بەرگىنى قىلسام سەيلىگاھ،
پورەكلەپ ئېچىلسا بېغىمدا رەيھان ...

2012-يىلى 3-ماي

بۇ شىئېرنى قايتا - قايتا ئوقۇپ ، ناھايىتتى ياخشى يېزىلغانلىقىنى ھېس قىلدىم ھەم ياقتۇردۇم . ھەر بىر مىسرا ئادەمنى مۇھەببەت قاينىمىغا ئېلىپ كىرىپ كېتىدىكەن .
بۇندىن كېيىن مۇشۇنداق يازمىلارنى كۆپلەپ يېزىپ تۇرۇشىڭىزنى چىن دىلىمدىن ئۈمىد قىلىمەن .

جەۋلان ئەپەندىنىڭ ئەرزىمەس يازمامغا يوقۇرى باھا بەرگەنلىكىدىن مەدەت ئالدىم.رەخمەت.

لىرىكىڭىز بەك بەلەن چىقىپتۇ، ئوقۇپ ھوزۇرلاندم ھەم سۆيۈندۈم،بولۇپمۇ:
« ئالدىمدا تۇرغىنى كۆز يەتمەس قىرغاق،
باغرىغا چىللايدۇ سۆيۈملۈك ئارمان.
ۋىسالنىڭ بەرگىنى قىلسام سەيلىگاھ،
پورەكلەپ ئېچىلسا بېغىمدا رەيھان ...»
دېگەن مىسرالىرىڭىزنى ياراتتىم. غەيرەت ئۈستىگە غەيرەت!




بۇ يازمىنى ئاخىرىدا   ئىدىل تەھرىرلىگەن. ۋاقتى  2012-5-5 12:05  

رەخمەت ئېدىل ئاكا.مەن داۋاملىق تىرىشىمەن.سالامەت بولۇڭ.

ئارمانلار گۈل ئاچسۇن سىڭلىم ، شېئىرلىرىڭىزنى ياقتۇرۇپ ئوقۇيمەن . تېخىمۇ گۈزەل شېئىرلارنى ئىجات قىلىشىڭىزغا ئىشىنىمەن .

بۇ يازمىڭىزغا مۇڭلۇق مۇزىكىدىن بىرنى يانداشتۇرۇپ قويالىغان بولسام ھە .... ئەپسۇس .......
تېخىمۇ بەرىكەتلىك بولۇڭ .

مېھرىگىياھ،گۆھەر ئابلا ئەزىزلىرىمگە سالام.ۋاقىت ئاجرىتىپ،شېىرلىرىمنى ئوقۇپ ،ئىنكاسلىرىڭلار ئارقىلىق ماڭا بەرگەن مەدەتلىرىڭلارغا رەخمەت.سالامەت بولۇڭلار.

مۇڭلۇق بىر ناخشىنى ئاڭلىغاندەك كەيپىياتتا ئوقۇۋەتتىم .

پورەكلەپ ئېچىلسا بېغىڭدا رەيھان ،
پورەكلەر دىلىڭدا كۈندە مىڭ ئارمان . . .

مىرئەھمەد مامۇت،پىنھانى سىلەرنىڭ بۇ تېمۇغا باسقان قەدىمىڭلارغا تەشەككۈر.
پىنھانىنىڭ كۆرسەتمىسىنى مەن ئويلىشىمەن.
ئالتۇن تېنىڭلار ئامان بولغاي.

يۇقارقىدەك ئېسىل لېرىكىلاردىن بىزنى يەنە بەھرىلەندۈرۈشىڭىزنى ئۈمىد قىلىمەن ....

بۇ مۇنبەرگە «گۈزەل ئاخشام»ناملىق بىر پارچە شېئىر يوللىدىم.ۋاقتىڭىز يار بەرگەندە كۆرۈپ كېلەرسىز.سالامەت بولۇڭ. بۇ يازمىنى ئاخىرىدا   ئاينۇرى تەھرىرلىگەن. ۋاقتى  2012-5-8 13:59  

كېچىكىپ  كۆرۈشكە نىسىپ بولغان شېئىرىڭىزدىن ئالامچە بەھىر ئالدىم

‹‹ گۈزەل ئاخشام›› دېگەن شىئېرىڭىزنى مۇنبەردىن ھېچ تاپالمىدىم دېسە . ياكى مەن كۆرمىدىممۇ قانداق ؟ بىر ئوقۇسام بولاتتى .