ئىلى يازغۇچىلىرى ئىجادىيەت كۇرسى باشلاندى

ئامىنە · ۋاقتى: 2014-4-24 00:12:09


	تاغ تۇراغا جەم بوپتو، ئىلىدىكى شائىرلار. يىغىلىپتو چىرايلىق، چاقچاقچىلار ماھىرلار. سېغىنىش ھەم ھۆرمەتتە، سالام قىلدى ئامىنە. ئايىغىڭلار ياراشقاچ، قار يېغىپتو باھاردا. مېھرى ئىسسىق جاي ئىكەن، ئىجادىيەت بازىسى. كەپ تۇراركەن ئادەمنىڭ، قايتا- قايتا بارغۇسى. تەلىيىڭلار ئوڭ بولغاچ، كۆرۇپسىلەر قوش پەسىل. كۆڭلى دەريا ئەيبومو، بەك سەمىمى بەك ئېسىل. قاراپ- قاراپ قانمىدىم، مۇنبەردىكى سۇرەتكە. تەقەززا مەن ھەر كۇنى، سىلەر ئېيتقان سۆھبەتكە. amina بۇ يازمىنى ئاخىرىدا ئامىنە تەھرىرلىگەن. ۋاقتى 2014-4-24 00:28

ئىزنا520 · ۋاقتى: 2014-4-24 00:30:49


	كېيىنكى ئىجادىيەتلىرىنىڭ ئۇتۇقلۇق بولۇشىنى ئۈمىد قىلىمەن.

ekremabdumijit · ۋاقتى: 2014-4-24 14:40:59


	4-ئاينىڭ 24 -كۈنى چۈشتىن بۇرۇن شىنجاڭ ئونۋېرسىتىتىنىڭ پرافىسۇرى ، لېرىك شائىر بۇغدا ئابدۇللا مۇئەللىم جەنۇبىي تاغدىكى ئىجادىيەت مەركىزىگە كېلىپ، ئىلى ئاپتۇرلىرىنىڭ سىمنارىيىسىگە قاتناشتى. ئۇ سېمنارىيەدە ئاۋال ئۆزىنىڭ ھايات كەچمىشلىرىنى، قىممەتلىك ئەسلىمىلىرىنى سۆزلەپ بەردى. ئاندىن ئۇيغۇر شېئىرىيىتىنىڭ تارىخىي تەرەققىياتىنى قىسقىچە ئەسلەپ ئۆتتى ۋە نۆۋەتتىكى تەرەققىيات ئەھۋالى، كەلگۈسى يۈزلىنىشى تۇغرىسىدا سېمىنارىيەگە قاتناشقان ئاپتۇرلار بىلەن كەڭ-كۈشادە پاراڭلاشتى. ئاخىرىدا ئاپتۇرلارنىڭ سورىغان سوئاللىرىغا جانلىق مىساللار بىلەن ئەتراپلىق جاۋاپ بەردى. بۇ يازمىنى ئاخىرىدا ekremabdumijit تەھرىرلىگەن. ۋاقتى 2014-4-24 14:55

تۆرىبەگ قىزى · ۋاقتى: 2014-4-24 14:59:54


	ئۆيۈم غۇلجىدا بولغان بولسا بىر يومۇر دۇكىنى ئېچىۋالاتتىمكەن، مۇشۇ كۈنلەردە بىرەر ئەسەر يازاي دېسەممۇ كاللامغا يۇمۇردىن باشقىسى كەلمەيدۇ دېسە ، توۋا ، نېمەن ئىشتۇ بۇ؟. ماۋۇ كۇرس بىزنىڭ مۇشۇ يەرلەردىمۇ بولغان بولسىچۇ... تۇنۇش سىمالارنى كۆرۈپ خۇش بولدۇم.

ekremabdumijit · ۋاقتى: 2014-4-24 15:34:52


	بوغدا ئابدۇللا مۇئەللىم بىلەن سۆھبەت

ئا.سېيىت · ۋاقتى: 2014-4-24 16:12:31


	تاغ ئارقىسى دەيدىكەن، ئارمىنىنى يەيدىكەن. قار ياغامدۇ ـ يامغۇرمۇ، ئىختىيارى- مەيلىكەن. قار يېغىپتۇ باھاردا، رەڭ قالماپتۇ چىناردا. مەن ـ مەن دېگەن دوستلارنىڭ، ئويۇن بىلەن كۈلكىسى، بولۇپ قاپتۇ كاماردا. چىرايىنىڭ خۇنى يوق، كۈن ئاۋالقى ھالى يوق. قىسمەتلەرگە بەندىنىڭ، ئامالى يوق،چارى يوق. ئۈرۈرمچىنىڭ قىشلىرى، قىشتا تولا ئىشلىرى. ئەخلەت توشۇپ، قار توشۇپ، يۈرۈپتۇدەك سوڭدۇشۇپ، غۇلجىنىڭ ئەزىزلىرى . ماناپكا ئۆزۈڭ نەدە، نە ئوي بار كۆڭۈللەردە. ئوينىغىلى كىم قويدى، ئۈرۈمچى دېگەن يەردە. شاۋكىتىم ـ ئەزىز باشىم، بارمۇ سەن قېرىنداشىم ؟ ئىلھامىڭ تۇتۇپ قاردا، يۈرمىگەنسەن بىر ھالدا، ئەۋرىشىمدىن ـ ئەۋرىشىم. خېلىلىم ئامان بارمۇ، شېرىن سۆز ـ زۇۋان بارمۇ. قىش كەلسە ساڭا تەستى، بۇنچە سوغۇق ئەمەستى، ئايىم ياسىغان دارمۇ . ئەكرەمگە سالام دەڭلار، ئۇيقىسى ھارام دەڭلار. گۈل كەلسە ـ قەلەم قاشنىڭ، كالتە يەڭ، سىدام باشنىڭ، كۆڭلى بىئارام دەڭلار. ئەنۋەر ناسىرى جىم ـ جىم، ماخمۇدنىڭ زۇۋانى ھىم. ئۇيقۇغا ئەسىر بولدى، « ئۈچەك »كە كىرىپ بەلكىم. پەرھات جامال خاتىرجەم، قولىدا شاراپ ـ « زەم ـ زەم » ، ياز كېلەمدۇ ـ كەلمەمدۇ ، پەرۋايى پەلەك ھەم ـ ھەم . ئاسىمغا گەپ كەتمەيدۇ، ئاڭا سوغۇق ئۆتمەيدۇ. بىغەملىكتە تەخسىرگە، ئىنسان پۇشتى يەتمەيدۇ. تۇرسۇن توختى ئامانمۇ، ئالماپتىكەن چاپانمۇ. پەلسەپەچى تەخسىرىم، قېرىندىشىم ـ دىلكىشىم، بوپتۇ ساڭا يامانمۇ . داموللام ئۆزى تەقتۇر، ئۇ بولسا كۆڭۈل توقتۇر. ئىلغاردىن ئۇچۇر كەلسە، ئويناپ ـ كۈلمىكى ھەقتۇر.................. ئۈرۈمچىمۇ چاغلىقكەن، بارسا كۆڭۈل داغلىقكەن. ئامەت دېگەن ھەركىمنىڭ، تەلىيىگە باغلىقكەن. بولما ئەيبۇ خىجالەت، بەرگىن بىزگە كاپالەت. يۇرتتىن كەتكەن دوستلۇرۇم، خۇدايىمغا ئامانەت . بۇ يازمىنى ئاخىرىدا ئا.سېيىت تەھرىرلىگەن. ۋاقتى 2014-4-28 18:11

ھەبىبە.ت.دىدار · ۋاقتى: 2014-4-24 16:37:42


	ئىلى دىيارىدىن «تاغ تۇرا» غا يىغىلغان خۇشچاقچاق قەلەمداشلىرىمىزنىڭ تېنىگە سالامەتلىك ، پائالىيىتىگە تېخىمۇ شاتلىق تىلەيمەن !

ئابدۇخېلىل · ۋاقتى: 2014-4-24 17:50:29


	دوستتۇم داڭگالغا ئامان بارمۇ ئاھاڭىدا كېچە- كۈندۈز ئىشلىگەن، يۇتۇم زەمزەم ئىچمىگەن. غەملىرىمنى كۆپ يىگەن، داڭگىلىم ئامان بارمۇ؟ مېڭىۋەرگىن ياز دېگەن، ئۈنىڭ ئەجەپ ساز دېگەن، ئېلىۋالغىن غاز دېگەن ، داڭگىلىم ئامان بارمۇ؟ ئەمدى داڭگالجانىم ئاھاڭىدا ئىلىخونىڭ كۆپ تاغلىرى، تاغلىرىدا گۈل باغلىرى. تاغتۇرادا بالىلارنىڭ، ئۆتەر مانا خۇش چاغلىرى. يېتەكچىمىز ئەسئەتلىرى، خۇش كۈلكۈدۇر تەلئەتلىرى، كېپ تۇرىدۇ قوي ئەتلەرى، خاتىرجەم بول داڭگالجانىم. خوشال يۈرەر پەرھات جامال، ئەنتەھۇرلەر تاپتى كامال. بۇ ھالەتتە يوقتۇر زاۋال، خاتىرجەم بول داڭگالجانىم. ئوڭ يېنىمدا ئەنىۋەرىم، ئېتىپ تۇرار ئاق سەھەرىم، شەربەت بولار ھەم زەھەرىم، خاتىرجەم بول داڭگالجانىم. بولغاچ ياندا دىل جەپەرىم، ئوڭۇشلۇقتۇر يو ل سەپەرىم، شۇڭا مەھكەم بەل كەمەرىم، خاتىرجەم بول داڭگالجانىم. ئارىمىزدا مىركايىل بار، پىكىرلەرگە ھەم قايىل بار. ئەيبۇ ئاتلىق ئەزرائىل بار. خاتىرجەم بول داڭگالجانىم. قىزىل چاچلىق شاۋكىتى بار، غەزەلخانلىق سۈلكىتى بار. شەمۇ- شەدە ئۈلپىتى بار، خاتىرجەم بول داڭگالجانىم. ش. ئىبراھىم باياۋان بار، شېئىريەتتە بىپايان بار، دىلىدا لىق ھاياجان بار، خاتىرجەم بول داڭگالجانىم. غەملەر يىمە مەخمۇتۇم بار، تاماكىسى بىر تۇلۇم بار، بىزگە يەنە نە زۇلۇم بار، خاتىرجەم بول داڭگالجانىم. ئاسىمجاننى يوقاتمىدۇق، يوقالما دەپ قوقاتمىدۇق، كۆڭۈلنى ھەم توختاتمىدۇق، خاتىرجەم بول داڭگالجانىم. ئادىل دېگەن بىر يامان بار، كىيىملىرى بىر خامان بار، پۇشقىقىدا ھەم سامان بار، خاتىرجەم بول داڭگالجانىم. كېلىپ- كەتتى دامۇللاممۇ، زامان، ئىلغار جا مۇماللاممۇ، شۇڭا چوڭ- چوڭ زۇۋۇلاممۇ، خاتىرجەم بول داڭگالجانىم. ئەكرەمدىنمۇ غەممۇ يىمە، تائامىڭنى كەممۇ يىمە، ئويگە كەچ قېپ دەممۇ يىمە، خاتىرجەم بول داڭگالجانىم. شەرەپ ياغدى ت. توختىغا، گەپنى يىققان بىر نوختىغا، قالمىغان ھەم بىر قوقتىغا، خاتىرجەم بول داڭگالجانىم. ئارىمىزدا دوكتۇرمۇ بار، تىل داۋالار دوختۇرمۇ بار، ئۇچۇر بېرەر مۇخبۇرمۇ بار، خاتىرجەم بول داڭگالجانىم. ئى. جۇماخۇن تېكەستىنمۇ، دىل ئازاۋى شىكەستتىنمۇ، گەپ تالىشار كېكەشتىنمۇ، خاتىرجەم بول داڭگالجانىم. گۈل ئىلىنىڭ مەسئۇتى بار، دىلدا يىپەك مەشۈتى بار، بىر تال ئارتۇق نەشپۈتى بار، خاتىرجەم بول داڭگالجانىم. ئەمدى چىمەندە گۈل ۋە ۋاي داداي ئاھاڭىدا تاققا كېلىپ يىلىڭلا چىمەندە گۈل، سوغۇقتا توڭۇپ كەتتۇق ۋاي داداي. چىقالماستىن يوتقاندىن چىمەندە گۈل، ئۇيقىغا قېنىپ كەتتۇق ۋاي داداي... دەكۇ-دۈكە، دەكۈ-دۈك، قانداق ئىدۇق، بىز بۇ كۈندە يوتقانغا ئامراق ئىدۇق. ئۈرۈمچىنىڭ تېغىغا خامراق ئىدۇق، قېلىن كىيىم- كېچەكتە كامراق ئىدۇق، كۆز تەگمىسۇن ھەرگىزمۇ چىمەندە گۈل، ئىسسىق يۈرگەن داڭگالغا ۋاي داداي... بۇ يازمىنى ئاخىرىدا ئابدۇخېلىل تەھرىرلىگەن. ۋاقتى 2014-4-28 12:46

nurbag · ۋاقتى: 2014-4-24 17:57:52


	ئاسىمجان خەلق قوشاقلىرىنى بەك ساقلاپ كەتتۇق. ئىلىدا ئېيتىلمايدىغان قوشاقلارنىڭ جەنۇبىي تاغنىڭ مۇزدەك باغرىدا ئېيتىلغىنى كۈلكىلىك ئەمەس. ئىلىدا تەسىر قىلالمىغان « ئىلى شارابلىرى » جەنۇبىي تاغدا تەسىر قىلىشى ھەتتا مەست قىلىشى مۇمكىن. قوشاقلارنىڭ پۇرىقىدىن قوشاق تۆكىلىۋاتىدۇ. داۋاملىق مەستلىكىڭلارنى داۋام ئېتىڭلار!...

shaidayi · ۋاقتى: 2014-4-24 18:02:59


	ئىلى دىيارىدىكى قەلەمكەشلەرنىڭ كۇرس جەريانىدىكى كۈنلىرىنىڭ خۇشاللىق ئىچىدە ئۆتۈشىگە تىلەكداشمەن!

ق.ئوسمان غازى · ۋاقتى: 2014-4-24 18:40:09


	تاغدىن تاغقا كەلسە ئىشلار باشقىچە بولىدۇ. ، پەرھاتكامنىڭ بۇلاقلىرى، ئاسىمبەينىڭ قۇلاقلىرى، شەۋكەت ئىبراھىمنىڭ كۆمۈش ياپراقلىرى، ئەسئەتبەينىڭ :«ئاق رومال»، جەفەرىنىڭ قۇناقلىرى، قالغانلارنىڭ قوشاقلىرى خوپ كەپتۇ! ھەممىڭلارغا خۇشالللىق يار بولسۇن، ئەيبۇكامغا بايرام دە، كۈلكىلەر بىلەن

ئەرك · ۋاقتى: 2014-4-24 19:11:40


	نۇربەگ ئەپەندىم قوشاقچىلىقنى ھازىرچە ئابدۇخېلىلكامغا ئۆتۇندۇق. مۇبادا ئۆزلىرى بىر ئىككى كەلىمە كەلتۈرسىلە،ئەلۋەتتە بىزمۇ قاراپ تۇرماي بىر نېمە دەپ باقۇرمىز،قېنى ئۆزلىرى ئۇشبۇ مۇشائىرەگە تەشرىپ قىلمامسىز؟ بۇ يازمىنى ئاخىرىدا ئەرك تەھرىرلىگەن. ۋاقتى 2014-4-24 19:21

ئا.سېيىت · ۋاقتى: 2014-4-24 19:44:39


	تاغدا كېيىك ياتادۇر، مىرخېلىلىم ئاتادۇر. يامغۇر بىلەن قار ياغسا، جانغا ئېكەك ـ جاپادۇر . ئويلىمىغىن « سەنەم »نى ، قولغا ئالغىن قەلەمنى ، يازغىن « دەردۇ ـ ئەلەم »نى ، ئەمدى ساڭا راۋادۇر . خەتىرى بار يۈرمەكنىڭ، تاغقا چىقسا چۈشمەكنىڭ، ئوينىماقنىڭ - كۈلمەكنىڭ ، بىر يۇملىساڭ « قازا »دۇر . ناخشا جاننىڭ ئارامى، ھاياتلىقنىڭ داۋامى، داڭگىلىڭنىڭ سالامى، يۈرەكلەرگە داۋادۇر . ئۈرۈمچىدە قىش بوپتۇ ، قاملاشمىغان ئىش بوپتۇ، ئاش كەلگىچە مۇش بوپتۇ ، ئاشنى كىملەر ئالادۇر ؟ ئىشتەي تۇتماي ئولجىغا، يېنىپ كېلىڭ غۇلجىغا ، ھەر تۆپىلىك، ھەر جىلغا، ئىلىخودا باھاردۇر . قىزىتىمىز ئويۇننى ، كەڭرى ئېچىپ قويۇننى، ئۈرۈمچىدە دوستلۇرۇم، قىسىپ يۈرمەڭ بويۇننى.

مۇنىرە ئالىم · ۋاقتى: 2014-4-24 22:51:41


	يۇرتۇمنىڭ ئاپتىپىدا كۆيگەن چىرايلارنى كۆرۈپ خوشال بولدۇم ھەم ھاياجانلاندىم. سىزلەرنىڭ ھەرزامان مۇشۇنداق خوشاللىق ئىچىدە كۈلكە چاقناپ تۇرغان چىرايىڭلارنى كۆرۈش ماڭا نىسىب بولغاي. قەلبىنۇر ھەدە سىزگە سالام بولسۇن. قىلىنراق كىيىنگەنمىدۇ دەپ ئەنسىرەپ قالدىم. ئۆزىڭىزنى ئاسىراڭ.

ئابدۇخېلىل · ۋاقتى: 2014-4-25 00:03:37


	يەنە داڭگال دوستتۇمغا چىنە چاققان يارلىرىم ئاھاڭىدا قىلۋىدىن شامال چىقۇر، نەشتىرىن يۈزگە تىقۇر، قارلىرى توختىدى تاڭدا، سوغۇقى ئەمدى چىقۇر. ئايارەي... مەن ئۆزۈم سوغۇقتا قالسام، تىترىبان تەمبىرنى چالسام، ئاتىشى ئوتلارغا تاشلاپ، داڭگىلىم نەدە يۈرۈر. ئايارەي... بىر سەنەم مىڭبىر سەنەم، دىلدا قوزغايدۇ ئەلەم، شۇ بۇ ھال سۇندى قەلەم، ھالىنى داڭگال كۆرۈر. ئايارەي... لۇپنۇر ناخشىلىرى ئاھاڭىدا كەلگىنىمگە بەش كۈن بولدى ساق بۈگۈن، قەدىمىي جاي ئىۋىرغۇلنىڭ قوينىغا. ئىنساپ تىلەپ ئويدا ئايىم ئولتۇرسا، قاراش نەدە ئۇچراپ قالغان ئولجىغا... ئامان بولسام بارادۇرمەن غۇلجىغا، قايتىش ئۇدۇم ئەلمىساقتىن يولچىغا، كىرگە پېتىپ قاسماقلاشتىم داڭگىلىم، ھەپتە بولدى چۈشەلمەستىن مۇنچىغا. جانغا ھوزۇر ئاتا قىلدى سالامىڭ، ئېشىپ بارسۇن كۈندىن- كۈنگە كامالىڭ، سەن دوستتۇمنىڭ كۆڭلى قارغا ئوخشايدۇ، ئايان بولدى سۆزلىرىڭدىن جامالىڭ... بۇ يازمىنى ئاخىرىدا ئابدۇخېلىل تەھرىرلىگەن. ۋاقتى 2014-4-28 12:50