شىئىرلار [ئۇلانما كۆچۈرۈش]

                 شېئىرلار


تاڭلارنىڭ باغرىدا ياتارمىڭ ھىكمەت

ئابلىكىم مۇھەممەت ۋارىسى

يىقىنلاپ كەلمەكتە تاڭنىڭ تىۋىشى،
سۈبھىدىن رەڭ ئالدى پايانسىز ئۇپۇق.
گۈللەرنىڭ لىۋىگە سۈيىدۇ شەبنەم،
يۈز ئاچتى سەبىدەك نۇرانە يۇرۇق.

سەھەرنىڭ گىرىمسەن شولىلىرىدا،
شائىرنىڭ قەلبىدەك كۈرۈنەر ئەتراپ.
ھاياتقا كۈي-ناۋا ئىتىدۇ بەخىش،
تاڭلارنىڭ ئەلچىسى خۇرازلار چىللاپ.

باقىمەن ئەتراپقا مۇڭلۇق،خىيالچان،
روھىمدا چۈش كۈرەر سانسىز تىلسىمات.
مەن گۇيا مەنزىلى مەۋھۇم بىر سەيياھ،
ھاياتتىن بىر مەنا ئىزلەيمەن پات-پات.

گۈدەكلىك چاغلىرىم،سۆزلەيتتى دادام،
تاڭ پەيتى غەپلەتتە ئۇخلىمىغىن دەپ.
سەھەردە ئىنسانغا چېچىلار رىزىق،
تاڭلارنىڭ باغرىدا ياتار مىڭ ھىكمەت.

پەرۋانە يالقۇنغا ئېتىلغان كەبى،
تاڭلارغا ئىنتىلىپ كەلدىم ھەر سەھەر.
تاڭلاردىن نۇر ئەمگەن ئىزگۇ ئارمانلار،
ھاياتقا ئىپ كىلەر نۇسرەت ھەم زەپەر.

2011-يىل23-سىنتەبىر. يەكەن






تۇيۇق يولدا يۈرگەن قىز


روھىنىڭ قاغجىراق،چاڭقاشلىرىغا،
يامغۇر بوپ ياغسۇن دەپ سىنى شۇ ئاتا.
ئۇزاتقان مەرىپەت قايناملىرىغا،
ئەپسۇسكى قەدىمى بولغانمۇ خاتا.

ئارىدىن ئۆتمىگەن ئىدى كۆپ ۋاقىت،
قايتىپسەن ئەجەپكى غەلىتە سىياق.
بوراندەك تۇزۇپتۇ ئۆرۇم چاچلىرىڭ،
كۆڭلەكنىڭ يىڭى يوق،ئۇچۇق پاقالچاق.

ياپالماي قالغاچقا قىسقا،تاركىيىم،
ئىڭىشسەڭ كۈرۈنەركىندىك بەللىرىڭ.
قان ئىچكەن يىرتقۇچنى تۇرار ئەسلىتىپ،
مودھىش بۇيالغان ئېغىز-لەۋلىرىڭ.

ئۇيۇلغان كۆڭلەكنىڭ گىرۋەكلىرىدىن،
ماراپتۇ يۆگەشكە تىگىشلىك شۇجاي.
نۇرلۇق-ئۇزھۆسنۈڭنى ئاپتۇ ئىگەللەپ،
پەردازنىڭ ئاستىدا بىخسىغان چىراي.

قەلبىڭدە ھايانىڭ نۇرى ئۆچۈپتۇ،
شەھۋەتنىڭ جىلۋىسى زىناقلىرىڭدا.
ئىمانىڭ ئۈيىگە شەيتان كۆچۈپتۇ،
گۇمراھلىق ماي بوپتۇچىراقلىرىڭدا.

ئەنئەنە بىزەكلەر،مىللى ئۈستىباش،
سىنىڭچە ئەمەسكەن زامانغا لايىق.
ئاتالمىش شۇ ‹‹مودا››تۇرقۇڭنى كۆرۈپ،
ھەيرەتتە ياقىلار تۇتتى خالايىق.

ياشىساڭ ئەقىلنىڭ يۇرۇقلىقىدا،
ئىمانىڭ دىلىڭغا بولسا نۇر-زىننەت.
ئىدىغۇئاتاڭنىڭ ئۈمىدى ئەپسۇس،
روھىڭنى بۇلغاپتۇ بۇزۇق مەدىنيەت.

قاتراپسەن ھەركەچتەتانسىخانىغا،
دائىملىق ماكانىڭ بوپتۇ رىستۇران.
يۈرۈپسەن سەيلىگاھ،باغچىلارئارا،
دەيۈزلەر ئىپپەتتە بۇلۇپتۇ مىھمان.

قەلبىڭدە يوق ئىكەن قىلچە ئۈكۈنۇش،
بۇئىمىش دەۋرىمدە ئەركىن مۇھەببەت.
ساۋاق ئال ئىماندىن چەتنىگەن سۆيگۈ،
نادامەت كەلتۈرەر بىر كۈن ئاقىۋەت.

سىڭلىمسەن،ھەدەمسەن،قېرىندىشىمسەن،
سۆزلىرىم يىرگىنىش ئەمەس ئېچىنىش.
ۋاراقلاپ كۆرسەڭ گەرتارىخ بېتىنى،
ئۆتمۈشتىن ئاڭلىنارشانلىق بىرتىۋىش.

ئەزىزلەپ ھاياتتىن ھايا-ئىپپەتنى،
ئانىلار ياراتقان تارىختا داستان.
جېنىدىن كەچكەنغۇ ئىپپەت،ئەرك دەپ،
نۇزۇگۇم،يەتتەقىزھەمدە مايىمخان.

ئىمانسىزغەيرىگە كۆڭۈل بىرىشتىن،
قەدىرلىك بىلىنگەن ئۇلارغا زىندان.
بەرگەنتى جىسمىغا غۇرۇر-ئىپتىخار،
مۇقەددەس ئۇيغۇرلۇق،مۇكەممەل ئىمان.

قاراڭغۇ زۇلمەتتە يۈرگەن ھەمشىرەم،
قاچمىغىن قېنى كەل قۇلۇڭنى بەرگىن.
ماڭايلى ھىدايەت گۈلزارلىقىغا،
ئەۋلاتقا سۇنۇشقا گۈللەرنى تەرگىن.




ئايدىڭدىكى ئەسلىمە



جىمجىتلىق تۇماندەك يېيىلغان كىچە،
ھىلالئاي ئەتراپنى سۈيەر ئەسەبى.
ئەسلىمە قوينىغا ئىتتىرەر خىيال،
قىز-يىگىت باغرىغا يىقىلغان كەبى.

ئۆتمۈشنىڭ چۈشسىمان مەۋھۇم تىنىدە،
پىچىرلاپ سۆزلىشەر تۇتاش بىر سايە.
مۇجەسسەم ئۇنىڭغا شىرىن ۋەدىلەر،
كىلەچەك ئۈستىگە يۈكلىنەر غايە.

ئۇزىدى كىچىلەر،يۇرىدى تاڭلار،
ھاياتلىق ئالمىشىپ ئۆتتى تالاي رەت.
غايە ھەم ئۈمىتلەر قىسمەتكە تۇتقۇن،
سۆيگۈنىڭ گۈللىرى سۇلدى ئاقىۋەت.

تىمتاس تۈن،ئاي سەيىر ئەتكەن كىچىلەر،
تىنىقلار بەك ئېغىر،يۈرەكتە ئېغىش،
تۇساتتىن مۆكتى ئاي،قارايدى ئاسمان،
قالغىنى پەقەتلا ئاچچىق سېغىنىش.

ئاللاھ بىلەن مۇڭدىشىش

تىك تۇرىمەن قەددى-قامەتتە،
بۇ سىياقىم ئەمەس غادىيىش.
كۆكرىكىمدە قۇلۇم_تائەتتە،
ئىستىكىمدۇر ئۇ ئالەم،بىھىش.

روھىم پەرۋاز ئەيلەر ساماغا،
يىراقلىغان دۇنيا تەشۋىشى.
پىچىرلايمەن ئۈنسىز خۇداغا،
كۆزلىرىمدە ئىستىغپار يېشى.

ئىچ-ئىچىمدىن تۈكۈلۈپ تۇرۇپ،
ئىگىلىدۇ گۇناھكار بېشىم.
گۇمراھلىقنىڭ گۈللىرى قۇرۇپ،
پاكلىنىدۇ ھايات كەچمىشىم.

سەجدىگاھقا قويغۇنۇمدا باش،
ئىرىپ كىتەر بۇ ۋۇجۇد-بۇتەن.
پارلاپ چىقتى ئەنە بىر قۇياش،
ئاھ ...نىمانچە ئىللىق بۇۋەتەن.

سەجدىگاھقا قويغۇنۇمدا باش،
ئىرىپ كىتەر بۇ ۋۇجۇد-بۇتەن.
پارلاپ چىقتى ئەنە بىر قۇياش،
ئاھ ...نىمانچە ئىللىق بۇۋەتەن.

سەجدىگاھقا قويغۇنۇمدا باش،
ئىرىپ كىتەر بۇ ۋۇجۇد-بۇتەن.
پارلاپ چىقتى ئەنە بىر قۇياش،
ئاھ ...نىمانچە ئىللىق بۇۋەتەن.