«خوتەن گېزىتى»نىڭ28-يانۋار«قاشتېشى» بېتىنىڭ مۇندەرىجىسى [ئۇلانما كۆچۈرۈش]

«خوتەن گېزىتى»نىڭ28-يانۋار«قاشتېشى» بېتىنىڭ مۇندەرىجىسى
مەسئۇل مۇھەررىر:ئەسقەر مەمتىمىن
مۇھەررىر: پاتىگۈل ئوسمان

شېئىرىيەت:

سەھرا دېمەڭ يېزامنى...............ئابدۇلئەھەد روزىمۇھەممەت

تاغلىرىم.........................مۇھەممەدروزى ئابدۇقادىر

ئوقۇتقۇچى................................ئەمەتجان سەمەت

ئىككى غەزەل.............................. ئۈمىدجان قادىرى

ئىككى شېئىر................................مۇنەۋۋەر ئەخمەت
نەسىرى ئەسەر
ئانا (نەسىر)...............................ئىززەت غوجىئابدۇللا
فوتو سۈرەتلەر:
ئىزدىنىش..................................... ئادىلە ئابدۇللا

بۇ يازمىنى ئاخىرىدا   تىمسال تەھرىرلىگەن. ۋاقتى  2014-1-31 11:26  

بەت يۈزىدىن ئارىيە:
ئىككى غەزەل
ئۈمىدجان قادىرى
سەيلانە
ئۈزۈك ئالتۇنكى،ياقۇت كۆز؛ يۈرەر جۈپ گەۋدە سەيلانە،
مۇھەببەت بەھرىدە گۈلشەن كۆرەر جۈپ گەۋدە سەيلانە.

بۇدۇنيا جەزبىدار-رەڭدار ئۇلارچۈن غەم-پىغان مەۋھۇم،
ھاياتنىڭ پەيزىنى تاتلىق سۈرەر جۈپ گەۋدە سەيلانە.

ۋىسالنىڭ ئىلكىدە دىللار شاراپ ئىچكەن كەبى مەستخۇش،
خىيال تاتلىق،قىيام ھېسلار،ئۈزەر جۈپ گەۋدە سەيلانە.

شېرىن دەملەرنى قۇتلۇقلاپ ساباسى ئۈشبۇ سەھرانىڭ،
ۋۇجۇدىدىن ئىپار-ئەنبەر تۆكەر،جۈپ گەۋدە سەيلانە.

ئۇلارنىڭ تۇرقىغا ھەيرەت قارايدۇ زوق بىلەن كۆپلەر،
چىغىر يولدىن ئەتىر گۈلدەك ئۆتەر جۈپ گەۋدە سەيلانە.

ئاداققى ئەھدىنى سەزگەن يۈرەك ئىلھامدا شاش تۇلپار،
مۇھەببەت كۈيىدىن ئەشئار پۈتەر،جۈپ گەۋدە سەيلانە.

بۇلاقلار باغرىدىن تامغان شىرىن كۈيلەر- ئاھاڭلاردەك،
ئۈمىدجاندىن يېقىملىق كۈي كۈتەرجۈپ گەۋدە سەيلانە.
كۆردۈم
خوراز چىللاشتا ئويغاتتى سەھەر ھويلامدا قار كۆردۈم،
يۇيۇنغان  كۇللى ئاقلىقتا،لىباسى ئاق نىگاركۆردۈم.

قولۇمنى تەككۈزۈپ قارغا،ئېرىشتىم ۋەسلىگە يارنىڭ،
سىمابلار ئاقتى جىسمىمدا،جىمى يانىمدا يار كۆردۈم.

سوغۇقتىن يوق ئەسەرقىلچە،ۋۇجۇدۇمدا يانار گۈلخان،
قۇچۇپ كۆك سەتھى پەرۋازدا،ئۆزۈمنى يەككە بار كۆردۈم.

تۆكۈپ قار يەرگە ئاقلىقنى،بىشارەت بەردى پاكلىقتىن،
دېمەك،پاكلىققا ۋىجدانمۇ ئىكەن ئەسلى خۇمار،كۆردۈم.

تىلەپ پاكلىقنى ھەرجانغا،يېزىشنى پەرھىزىم بىلدىم ،
دىلى كىرلىك ئۈمىدجانغا ئۆلۈمچە ۋەزنى ئار كۆردۈم.

بۇ يازمىنى ئاخىرىدا   تىمسال تەھرىرلىگەن. ۋاقتى  2014-1-31 11:33  

بۇسان گېزىتتە ئەسىرى ئىلان قىلىنغان ئاپتۇرلارنىڭ ئۆز ئەسىرىنى گېزىتتە بېرىلگىنى بويىچە،ئىنكاس شەكلى بىلەن يوللاپ قويۇشىنى ئۈمىد قىلىمەن.

ئۈمىدجاننىڭ بۇ غەزىلى بەك تاتلىق چىقىپتۇ.

ئەسىرى ئېلان قىلىنغان ئۈمۈدجان قادىرى قاتارلىق ئاپتۇرلارغا مۇبارەك بولسۇن.

ئەسىرى ئېلان قىلىنغان ئاپتۇرلارغا مۇبارەك بولسۇن.ئۈمۈدجان قادىرىنىڭ غەزەللىرىگە  ئاپىرىن

ئەسىرى ئېلان قىلىنغان ئۈمۈدجان قادىرى قاتارلىق ئاپتۇرلارغا مۇبارەك بولسۇن.
بۇسان گېزىتتە ئەسىرى ئىلان قىلىنغان ئاپتۇرلارنىڭ ئۆز ئەسىرىنى گېزىتتە بېرىلگىنى بويىچە،ئىنكاس شەكلى ھالىتىدە ئۆز ئەينى يوللاپ قويۇشىنى ئۈمىد قىلىمەن. چۈنكى، بۇنىڭدىن ھەممەيلەن زوق ئالالايدۇ ئەمەسمۇ ؟

ئەسىرى ئېلان قىلىنغان ئۈمۈدجان قادىرى قاتارلىق ئاپتۇرلارغا مۇبارەك بولسۇن.
ئۈمىدجان مول ھۇسۇللۇق  بۇلۇپ  كىتىۋاتىسىز.مۇشۇنداق  ئىزچىل  بۇلۇپ  مېڭىشىڭىزنى ئۈمىد قىلىمەن.

    مۇبارەك بولسۇن!

    ئۈمىدجاننىڭ تەكلىپى خېلى ئەقىلگە مۇۋاپىقكەن، بولۇپمۇ يەرلىكتە چىقىدىغان كۆپ قىسىم نەشر ئەپكارلىرىنىڭ رايون ئاتلاش نىسبىتى تازا يۇقىرى ئەمەس، يەنى باشقا جايلاردىكى كىشىلەر مۇشتەرى بولمىغاچقا، كۆرۈش، زوقلىنىش، ئورتاقلىشىش ئىمكانىيىتى بولماسلىقى مۇمكىن، شۇڭا يەرلىك نەشر ئەپكارلىرىدا ئېلان قىلىنغان ئەسەرلەرنى ئاپتۇرنىڭ ئۆزى ئىنكاس سۈپىتىدە يوللاپ قويسا، بىرى، باشقىلارنىڭ ئورتاقلىشىشغا پايدىلىق، يەنە بىرى، بۇ ئۆز نۆۋىتىدە ئاپتۇرنىڭ ئۆگىنىشىگە، ئۆزىنى ئۆزى ئېتىراپ قىلىشىغا، ئۈزۈكسىز تىرىشىشىغا پايدىلىق.