«ئۆزقۇت كىتابخانىسى»نىڭ مەسئۇلى ئەنۋەر يۇنۇس ئۆزقۇت ۋاپات بولدى
ئەمەتجان قۇربان ئۇرغۇنىڭ بۇنىڭدىن 10سائەت بۇرۇن يوللىغان ئىنكاسى:
ئەنۋەر يۇنۇس ، سىز قېنى ؟ بۇ شۇم خەۋەر راستمۇ ؟ سىزنى تېخى 3 سائەت ئالدىدا قازا قىلدى دەيدۇ، بۇ نىمە گەپ ؟ ماڭا : - ياق ، بۇ خەۋەر يالغان ، نەدىن تاپتىڭىز بۇ قۇرۇق گەپنى؟! - دەڭ !
ئەنۋەرجان، كىتاپخانىڭىزغا كىتاپ ئەكەلگىلى يىراق شەھەرلەرگە كەتتىڭىزمۇ يا ؟ مەن شۇنداق دەپ ئويلاپ تۇراي؟ يېڭى كىتاپنىڭ خەۋېرىنى ئاڭلسىڭىزلا شۇ ھامان زاكاس بۇيرۇتۇپ تېلفۇن قىلاتتىڭىز؟
ئەنۋەرجان ، تورغا چىقىپ ماڭا بىر كۆرۈنۈپ قويۇڭە دوستۇم ؟ پۇت -قوللۇرۇم تېترەپ،مېڭەم سېقىراۋاتىدۇ، سىز ئەمدى كورۇنمىسىڭىز مەن ئارتۇقچە گۇمانلىنىپ قالىمەن. تېز بولۇڭ ،ماڭا ئىنكاس يېزىڭ؟!...پۇچۇركىڭىزنى بىر كۆرەي؟...؟ ئەنۋەرجان ، يوقاپ كەتتىڭىزغۇ ؟ ....
ياسىنجان ئوسمان ئەركزاتنىڭ 3سائەت بۇرۇن يوللىغان ئىنكاسى:
ئەلۋىدا!!!! مەن قەشقەر ئەدىبلىرى ئالاقە-ئۇچۇر گورۇھى ۋە يازغۇچىلار چ چ توپىدىكى ئۇچۇرلار ئارقىلىق قەلەمكەش دوستۇم، مەرىپەتۋەر ئەدىب، خېلى غوللۇق ئەدەبىي تەرجىمان ئەنۋەر يۇنۇس ئۆزقۇتنىڭ 2014-يىل 24-يانۋار كەچتە قاتناش ۋەقەسىدە قازا قىلغانلىق خەۋىرىنى ئاڭلاپ، بەك بىئارام بولدۇم. قازاغا رىزا....
2009-يىل 19-فېۋرال ئاپتونۇم رايونىمىز بويىچە خوتەندە ئېچىلغان بىر قېتىملىق مۇھاكىمە يىغنىدا خېلى كۆپ قەلەمكەش-تەتقىقاتچىلار دىدار-مۇلاقەتتە بولغانتۇق. شۇ ۋاقىتتىكى خاتىرە سۈرەتتىن بىرنى يوللاپ قويغۇم كەلدى.
سۈرەتتە: سولدىن-ئوڭغا: ئەنۋەر يۇنۇس ئۆزقۇت، ئۆمەر مەتنۇرى قۇتيار، ياسىنجان ئوسمان ئەركزات، ئۆمەرجان ئوبۇل ئۆزتۇغ (2009-يىل 19-فېۋرال، خوتەن )
يوللىغۇچىدىن:
باشقۇرغۇچىلارنىڭ بۇ تېمىنى تېخىمۇ ئەتراپلىق قىلىپ، يوللاپ، تەستىقلاپ قويۇشۇڭلارنى سورايمەن.
م.توختى سەببەت. 2014-يىلى1-ئاينىڭ25-كۈنى