سايرام بازىرىدا «ئەدەبىيات-سەنئەت تۆھپە مۇكاپاتى» تەسىس قىلىندى [ئۇلانما كۆچۈرۈش]

سايرام بازىرىدا «ئەدەبىيات-سەنئەت تۆھپە مۇكاپاتى» تەسىس قىلىندى
ئىختىيارىي مۇخبىرىمىز قۇربان سايىم خەۋىرى: باي ناھىيەسىنىڭ سايرام بازىرى ئۇزۇن يىللىق تارىخقا، مول تارىخىي مەدەنىيەتكە ئىگە، موللا مۇسا سايرامى، نىم شېھىت ئەرمىيا ئېلى سايرامى، ئەخمەت يەسەۋىدەك دۇنياغا داڭلىق ئالىم، شائىرلار مۇشۇ قەدىمىي يۇرتتا ياشىغان. يېقىندا، سايرام بازارلىق پارتكوم، خەلق ھۆكۈمىتى «ئاپتونوم رايون بويىچە داڭلىق بازار» ئىستىراتىگىيىسىنى يولغا قويۇپ، مەنىۋى مەدەنىيەتتە كۈچلۈك بازار قۇرۇش، سايرامنىڭ داڭقىنى يىراق-يېقىنغا تونۇتۇش ئۈچۈن، سايرامنى تەتقىق قىلىپ، مەدەنىيەت مىراسلىرىنى توپلىغان، تونۇشتۇرغان،سايرام توغرىسدا ئەدەبىيات-سەنئەت ئەسەرلىرى ئىجات قىلغان  ئىستىداتلىق قەلەم ئىگىلىرىگە مەدەت بىرىش ئۈچۈن «سايرام ئەدەبىيات-سەنئەت تۆھپە مۇكاپاتى» تەسىس قىلدى.
تۇنجى نۆۋەتلىك «سايرام ئەدەبىيات-سەنئەت تۆھپە مۇكاپاتى» مۇراسىمى بۇ يىل 5-ئاينىڭ ئوتتۇرلىرىدا ئۆتكۈزىلىدۇ، ھەر ئۈچ يىلدا بىر قېتىم ئۆتكۈزۈلۈپ، «سايرام ئەدەبىيات-سەنئەت تۆھپە مۇكاپاتى» تارقىتىلىدۇ.
بۇ يازمىنى ئاخىرىدا   Erchin تەھرىرلىگەن. ۋاقتى  2012-4-27 13:31  

ئەھمىيەتلىك ئىش بوپتۇ. يەنىلا«ئالتۇننىڭ قەدرىنى زەرگەر بىلىدۇ»دېگەن شۇ-دە!

بەك ئەھمىيەتلىك ئىش بولۇپتۇ. مانا بۇ ئەدەبىيات سەنئەتكە ئەھمىيەت بەرگەنلىك

موللا موسا سايرامى،نىمشېھىت قاتارلىق ئۇلۇغلىرىمىزنىڭ روھى شۇنداقلا ئۇلارنىڭ ئەۋلادلىرى چىن دىلىدىن سۆيۈنگۈدەك  ياخشى ئىش بوپتۇ.    دىيارلىرىمىزدا ئەھمىيەتلىك ئىشلار كۈنسېرى كۆپلەپ مەيدانغا كەلگىلى تۇردى ...خىسلەتلىك قەدەملەرگە كۆز تەگمىسۇن ئىلاھىم...!

باركاللا، مانا ئەمدى ئەدەبىياتىمىزنىڭ ھەقىقى  قىممىتى بولۇشقا باشلاپتۇ. سايراملىقلار ئامان بولسۇن.

ناھايىتى ئەھمىيەتلىك ، جانلىق ئىش بوپتۇ. مۇبارەك بولسۇن.

          بۇنىڭ ئەھمىيىتى ناھايىتى زور، سايراملىقلار ئىپتىخارلىنىشقا ئەرزىگۈدەك ئىش بوپتۇ، ئەمما بۇ قارارنىڭ رەھبەرلەرنىڭ ئالمىشىشى بىلەن كۈچتىن قالمايدىغان مەڭگۈلۈك قارار بولۇشىنى، «تۆھپە مۇكاپاتى»نىڭ ھەقىقىي تۆھپە ياراتقان ئىگىسىنى تېپىپ مەنسۇپ بولۇشىنى چىن قەلبىمدىن ئارزۇ قىلىمەن.
         ئاكىمىز قۇربان سايىمغا مەندىن سەمىمىي سالام!

«سايرام ئەدەبىيات-سەنئەت تۆھپە مۇكاپاتى» بۈگۈن تارقىتىلدى. مەن زۆرۈر خىزمەت بىلەن يېزا-كەنتلەرگە كېتىپ قالغاچقا، يىغىنغا قاتنىشالماي قالدىم.
   

«سايرام ئەدەبىيات-سەنئەت تۆھپە مۇكاپاتى»  بۈگۈن تارقىتىلدى. مەن جىددى خىزمەت بىلەن باشقا يېزىغا بارغاچقا، يىغىنغا قاتنىشالمىدىم.  يىغىن مۇۋەپپەقىيەتلىك ئۆتكۈزۈلۈپتۇ. مۇكاپاتمۇ ئۆز ئىگىلىرىنى تېپىپتۇ. مۇكاپات ئىگىلىرىنى قىزغىن تەبرىكلەيمەن!
خەۋەر ۋە سۈرەتلەر تېزلا يوللىنىدۇ.

ماھىيەمىزنىڭ سايرام بازىرىدا ئۆتكۈزۈلگـەن مۇراسىمنىڭ ئەمەلى ئەھۋالىنى تېزسۈرەتتە كۆرۈشنى تەشنالىق بىلەن كۈتىمەن.....تېزدىن خەۋەردار قىلغايسىلەر.

«سايرام ئەدەبىيات-سەنئەت تۆھپە مۇكاپاتى» ساھىبىلىرىنى تۇنۇشتۇرۇپ قويغان بولسا ، كاتتا ئىش بوللر ئىكەنتۇق ....