تولۇنئاي: تور كۆڭلەك [ئۇلانما كۆچۈرۈش]

تور كۆڭلەك
ئاپتورى:ئىززەتگۈل ساتتار(تۇلۇنئاي)

تور كۆڭلىكىم،تور كۆرڭلەك،
كېپىنەككە ئوخشايدۇ.
كىيىپ ئۇسسۇل ئوينىسام،
مېنى ئاققۇ قىز دەيدۇ.

تور كۆڭلىكىم،تور كۆڭلەك،
بېشىمدىكى ئاق لىچەك.
كىيىپ بارسام مەكتەپكە،
شوخ غۇنچىمەن،گۈل چىچەك.

تور كۆڭلىكىم،تور كۆڭلەك،
ئۇزۇن،قۇياش كەڭ ئىتەك.
كىيىپ‹‹ئەخلاق پەرىسى››
بولاي،خەلقىم دىگۈدەك.

بۇ يازمىنى ئاخىرىدا   Erchin تەھرىرلىگەن. ۋاقتى  2014-1-15 16:07  

ئەسىرىمنى ياقتۇرۇپ ئوقۇپ ماڭا مەدەت بەرگەن ئەزىز قېرىنداشلىرىمغا رەھمەت.تەكلىپ-پىكىرىڭلارنىمۇ ئايمىغايسىلەر
مۇھەممەتجان ئاكا بەرگەن تەكلىپىڭىزدىن مەمنۇن بولدۇم.مەن قايتا تۈزۈتىش قىلاي.مۇشۇنداق،تەكلىپ-پىكىرنى ئايمىغايسىز.

تور كۆڭلىكىم،تور كۆرڭلەك،
كېپىنەككە ئوخشايدۇ.
كىيىپ ئۇسسۇل ئوينىسام،
مېنى ئاققۇ قىز دەيدۇ.


تور كۆڭلىكىم،تور كۆڭلەك،
بېشىمدا ھەم ئاق لىچەك.
مەكتەپ گۈلزار،مەن ئۇندا-
  ئۇز ئېچىلغان گۈل چىچەك.


تور كۆڭلىكىم،تور كۆڭلەك،
نۇر تالالىق كەڭ ئىتەك.
بولسام دەيمەن،گۈلپەرى،
خەلقىمنى خۇش قىلغۇدەك....

مەنبە مۇنداق ئوقۇپ باقتىم....تېخىمۇ تىرىشىڭ...

قەلەم قۇۋۋىتىڭىزگە كۆز تەگمىسۇن! ئىجادىيىتىڭىزگە ئۇتۇق تىلەيمەن!

باللار شېئىرىڭىز ياخشى چىقىپتۇ. داۋاملىق تىرىشىڭ.

   تور كۆينىكىم تور كوينەك
‏دوپپام بىلەن ياراشقان.
‏مومام بەرگەن رومالنى ،
‏چېگىپ قويغىن ئاپىجان.
‏
‏دوپپام بىلەن رومىلىم،
‏مومام بەرگەن تەۋەرۈك.
‏تىزىپ قويسام تەكىگە،
‏ئۇنتۇلمامدۇ تەۋەرۈك

ئىززەتگۈل،سىزنىڭ خېلى جىق ئەسەرلىرىڭىزنى ئوقۇدۇم،بالىلار ئەدەبىياتىنى ئىجادىيەت يولىڭىز قىلىپ تاللىسىڭىز بولغىدەك ،مېنىڭچە. (« سېھىرلىك ساراڭ» مەن ياقتۇرۇپ ئوقۇغان بالىلار ئەدەياتىغا تەۋە ئەسىرىڭىز )

   ياخشى چىقىپتۇ، بالىلار تىلى ئۆز «كۆڭلى»نى مۇۋاپىق ئىپادىلەپتۇ.