« تۇرپان گېزىتى» نىڭ 19 -ئاپرىل سانىدىكى « بېزەكلىك گۈلزارى » ئەدەبىي بېتى [ئۇلانما كۆچۈرۈش]

« تۇرپان گېزىتى» نىڭ 19 -ئاپرىل سانىدىكى « بېزەكلىك گۈلزارى » ئەدەبىي بېتىگە بېرىلگەن    ئەسەرلەر  :
1 .  ئابلىكىم ئابدۇللا نىڭ  « ئىنساپ تىلەش » ناملىق ھېكايىسى
2 . ئۆمەرجان ئولمايىت نىڭ « ئىككى شېئىر»ى ( 1 . قېرىنداش بىز  ، 2 . دېھقان  )
3 . تۇرغۇن جالالىدىن نىڭ « جۈپ قەدىردان مۇھەببەتكە  باي » ناملىق  ئىككى غەزىلى
4 . ئابدۇراخمان ئېلىنىياز نىڭ « ھايات مونولوگى » ناملىق  نەسىرلىرى
5 . پاشاگۈل نىيازنىڭ  « خوش ، ئەزىز دىيار » ناملىق شېئىرى
6 . ئابلىز غۇجامنىياز  قۇسۇرى نىڭ « تەبىئەت ئەركىلىرى » ناملىق فۇتۇ سۈرەت ئەسىرى
     
    « تۇرپان گېزىتى » ھەر ھەپتىدە ( چارشەنبە ياكى پەيشەنبە كۈنلىرى ) بىر سان ئەدەبىي بەت چىقىرىدىغان بولۇپ شىنجاڭ دائىرىسىدىن قىسقا ھەجىمدىكى ھېكايە  ھەم  شېئىر  ، نەسىر  ، رەسىم-ھۆسىنخەت، بەدىئىي فوتو سۈرەت ئەسەرلىرى قوبۇل قىلىدۇ. ئۇندىن باشقا ھەر دۈشەنبە كۈنى چىقىرىدىغان « ئارامگاھ » بېتىگە  قىسقا تەرجىمە ئەسەرلەرنى قۇبۇل قىلىدۇ .  قەلەمكەش دوستلارنىڭ ئەسەر ئەۋەتىپ «بېزەكلىك گۈلزارى»دائۆزىنى نامايەن قىلىشىنى ئۈمىد قىلىدۇ .
( سەمىمىي ئەسكەرتىش :  ئەسلى گېزىت نۇسخىسىنى  ئۆز پىتى  يوللىغان ئىدىم  .  چىقماي قالدى .)
ئادرىس : تۇرپان شەھەر  ئىدىقۇت يولى 155 - قورو  ،  تېلېفۇن : 0995-8523398

مەن ئۇزاقتىن بۇيان بۇ گېزىتنىڭ سادىق ئوقۇرمىنى ھەم ئاپتۇرلار قوشۇنىنىڭ بىر ئەزاسى.  بۇ  گېزىت ئەسەر ئىشلەتكەندە رايۇن چەكلىمىسىگە  ئۇچراتمايدۇ.  ئۇيغۇر ئاپتۇنۇم رايۇننىڭ ھەر قايسى جايلىرىدىكى ئاپتۇرلارنىڭ ئەسەرلىرىنى ئىشلىتىۋېرىدۇ. مېنىڭمۇ نۇرغۇن  يازمىللىرىم مۇشۇ گېزىتتە ئوقۇرمەنلەر  بىلەن يۈز  كۆرۈشكەن. ھەم يۈز كۆزۈشۈپ كېلىۋاتىدۇ. گېزىتنىڭ داۋاملىق ياخشى چىقىشىغا تىلەكداشمەن. شۇنداقلا جاپاكەش مۇھەررىرلەرگە مۇشۇ مۇناسىۋەت بىلەن دوستانە سالام يوللايمەن. ئۇلارنىڭ ئىشلىرىغا ئۇتۇقلار تىلەيمەن.

تۇرغۇن پەيزۇللا يۇلغۇن

تۇرپان گېزىتى ئەينى يىللىرى نۇرغۇن شېئىرلىرىمنىڭ روياپقا چىقىشىغا كەڭ سورۇن ھازىرلاپ بەرگەن سۆيۈملۈك گېزىت ئىدى، خېلى نوچى چىقتى دەپ قارىغان بىر قىسىم شېئىرلىرىممۇ دەل مۇشۇ گېزىتتە ئېلان قىلىنغان ئىدى. بۇ گېزىتنى كېيىنكى ۋاقىتلاردا كۆرۈپ بولالمىدىم، ئەمما نامى ھېلىھەم ئۇز ئاڭلىنىدۇ. شۇ يىللاردا مېنى ۋە مەن بىلەن تەڭ دېمەتلىك قەلەمكەش دوستلارنى قوللىغان، شېئىرلىرىمىزغا يېشىل چىراق يېقىپ بەرگەن سۆيۈملۈك گېزىتلەردىن «تۇرپان گېزىتى»، «قۇمۇل گېزىتى»، «باينغۇلىن گېزىتى» قاتارلىق گېزىتلەرنى سېغىنىش ئىچىدە ياد ئېتىمەن. ھېلىھەم ئەڭ ياخشى شېئىرلىرىمى مۇشۇ گېزىتلەرگە ئەۋەتسەم دەيمەن... ئەپسۇس...

پۇرسەت بولسا چۇقۇم ئەۋەتىپ تۇرىمىز.

              مەيلى گېزىت ئەدەبىي بەتلىرى ياكى ئەدەبىي ژۇرناللار بولسۇن ئوخشاشلا بىزنىڭ بەيگە مەيدانىمىز، مۇشۇلارنىڭ بولغانلىقى بىز ئۈچۈن پۇرسەت ۋە بايلىق. گېزىت ئەدەبىي بەتلىرىنى قوللاشتا ھەممىمىزنىڭ مەسئۇلىيىتى بار، قوللاپ تۇرايلى!

ئەسسالامۇ ئەلەيكۇم،«تۇرپان گېزىتى»دىكى جاپاكەش تەھرىر، مۇھەررىرلەر،پېقىر ئادىل يۇنۇس ئوتتېگىندىن سىلەرگە سېغىنىپ سالام! بۇ بەتمۇ يەنە شۇنداق ياخشى چىقىپتۇ. بۇ گېزىت مېنىمۇ ئوبدان قوللاپ كېلىۋاتىدۇ. يەنە تېخى شۇ كۈنلۈك گېزىتنى ئېغىر كۆرمەي ماڭا ئەۋەتىپ بېرىدۇ، بۇ ئىشتا ئابدۇرېھىمجانغا كۆپ رەھمەت ئېيتىمەن. بۇ گېزىتنىڭ ئەدەبىي بېتىنىڭ ئۆمەرجان سىدىق ئاكىنىڭ كۆڭۈل بۆلىشى بىلەن تېخىمۇ ياخشى چىقىدۇ دەپ ئويلايمەن. سىلەر بىلەن مۇلەققەتتە بولغان بىر كۈن ئېسىمدىن چىقمايدۇ. ئامان بولۇڭلار! بۇ يازمىنى ئاخىرىدا   ئوتتېگىن تەھرىرلىگەن. ۋاقتى  2012-4-26 16:38  

ئەسسالامۇ ئەلەيكۇم، ھۆرمەتلىك قەلەمكەش دوستلار،  مەن «تۇرپان گېزىتى» ئەدەبىي بېتىنىڭ مۇھەررىرى ئابدۇرېھىم ئابدۇراخمان بولىمەن. بۇ تورغا ئەزا بولغىنىمدىن ئىنتايىن خۇشالمەن. بىزنى سۈپەتلىك ئەسەرلىرى بىلەن تەمىنلەپ گېزىتىمىزنى يېقىندىن قوللاپ كېلىۋاتقان ئاپتورلىرىمىزغا ۋە ئوقۇرمەنلىرىمىزگە چوڭقۇر ئېھتىرام بىلدۈرىمەن. شۇنداقلا  ھەر قايسى جايدىكى قەلەمكەش دوستلارنىڭ ياخشى يازدىم دەپ قارىغان مەيلى ئەدەبىي ئەسەرلىرى بولسۇن، مەيلى تەرجىمە ئەسەرلىرى بولسۇن ۋە مەيلى رەسىم، ھۆسنخەتلىرى بولسۇن، تەھرىراتىمىزغا ئەۋەتىشىنى قىزغىن قارشى ئالىمەن. بىزنىڭ ئادرېسىمىز: تۇرپان شەھىرى ئىدىقۇت يولى 155 - نومۇر «تۇرپان گېزىتى» ئىدارىسى ئۇيغۇر تەھرىر بۆلۈمى. پوچتا نومۇرى: 838000  

    يۇقۇرىدا يۇلغۇن، ئابدۇرېشىت ئىلى قاتارلىق دوستلارنىڭ ئىنكاسلىرىنى كۆرۈپ شۇنداق سۆيۈندۈم. مۇھىمى «تۇرپان گېزىتى»نىڭ ئەسەر قۇبۇل قىلىش تەۋسىيىسىنى كۆرۈپ خوشال بولدۇم. ئەينى يىللىرى بىزنىڭ ئىجادىيەت ئۇيۇشمىمىزدىكى كۆپلىگەن ياش ھەۋەسكارلىرىمىزنىڭ ئەسەرلىرى مۇشۇگېزىتتە ئېلان قىلىنغان. جۈملىدىن مېنىڭمۇ خېلى سالماق ماقالىلىرىم مۇشۇ قەدىرلىك گېزىتتە ئېلان قىلىنغان. شۇ گېزىتلەرنى ھازىرمۇ تەۋەرۈك بىلىپ ساقلاپ كېلىۋاتىمەن. بىراق، ئابدۇرېشىت ئېلى دېگەندەك، مەنمۇ كېيىنكى كۈنلەردە ئەسەر ئەۋەتەلمىدىم. ئەمدى بولسىمۇ، لاياقەتلىك ئەسەر يازالىسام مۇشۇ گېزىتتىكى قەدىرلىك مۇھەررىر بۇرادەرلەرگە سۇنىمەن. ئىلخەت ئادرىسى بولغان بولسا تېخىمۇ ياخشى بولاتتى.

مۇمكىن بولسا باشقا گېزىتلارنىڭ ئەدەبىي بېتىنىڭ مۇندەرىجىسىنىمۇ كۆرسەك بولاتتى

بۇ گېزىت ھەر مىللەت يازغۇچىلىرىنى ئوبدان قوللاۋاتىدۇ. ئۆزئەرككامچە ئېيتقاندا «ئاتاخاننىڭ باللىرى»نىڭمۇ شېئىرلىرىنى پات-پات بېرىۋاتىدۇ.

‹‹تۇرپان گېزىتى››...ئەينى چاغدا ئۆمەرجان ئەدەبى بېتىگە مەسئۇل بولغان...مېنىڭ تۇنجى شېئىرىم مۇشۇ گېزىتتە ئېلان قىلىنغان ئىدى،96-يىلى ئىدى...

قىزىلسۇ گېزتىنىڭ مۇندەرىجسىنى ئېلان قىلغاندىن كىيىن بۇ ئىش ناھايتى قىزىپ كەتتى. مۇمكىن بولسا باشقا يەرلىك گېزتلەرنىڭمۇ ئەدەبىي بېتىدىكى ئۇچۇرلارنى ئىگەللەپ تۇرساك ياخشى بولاتتى!

ئەسسىلام ؟
ئابدىرىھىمجان سىزنى قۇتلۇقلايمەن

بۇ يازمىنى ئاخىرىدا   ئايزىت تەھرىرلىگەن. ۋاقتى  2012-4-26 21:48  

ئەنئەنىۋى مەتبۇئاتلىرمىزنىڭ تورغا يۈزلىنىشى بىلەن تور ئەدەبىياتمىز بىلەن ئەنئەنىۋى ئەدەبىياتمىزنىڭ ئارلىقىدىكى ھاڭ يوقىلىشقا قاراپ يول ئالغۇسى. ئالدىنقى قېتىم « قىزىلسۇ گېزىتى» ئەدەبىيات بېتىدىكى ئەسەرلەرنىڭ مۇندەرىجىسىنى ھەم ئەسەر قوبۇل قىلىش ئۇقتۇرۇشىنى كۆرۈپ سۆيۈنگەن ئىدىم، بۈگۈن ئۇشبۇ سورۇندا سۆيۈنۈشلىرىمگە سۆيۈنۈش قوشۇلدى.