يۈرىكىمنى تىترەتتى سۆيگۈ [ئۇلانما كۆچۈرۈش]

يۈرىكىمنى تىترەتتى سۆيگۈ

  

ئالىيە مۇساياقۇپ سابا



ماي كېچىسى باشلاندى ناخشا



ئەشۇ كېچە تۇنجى ماي كېچە ،

يۈزنى سۆيەر ئىدى شوخ سابا.

سانسىزلىغان يۇلتۇز ئارا ئاي،

باقار كۈلۈپ زىمىنغا قىيا.

جۈپ يۈرەكلەر بىرلىشىپ شۇدەم،

ماي كېچىسى باشلاندى ناخشا.



ماي كېچىسى ،تۇنجى ماي كېچە،

بىر جۈپ يۈرەك باشلىدى سەپەر

چىن مۇھەببەت بولغاچقا ھەمرا،

توسىيالماس يولىنى خەتەر.

شىرىن تۈننى قىسقارتىپ خوراز،

چىللار تاڭدىن بېرىپ خوش – خەۋەر.

  





كۆچتى مېنىڭ يۇلتۇزۇم قايان  



قەترە – قەترە ياشلار ئېقىتىپ ،

ئىسمىڭ ئاتاپ باقىمەن ھەر يان.

سۈرىتىڭگە قانماي قارايمەن...

چۈشلىرىمدە بولسۇن دەپ ئايان.





كۆزۈم خۇنۇك پەردە تارتقاندەك،

يۈرەكلىرىم بولدى لەختە قان.

بىلەلمىدىم نە ھال بولدىكىن....

كۆچتى مېنىڭ يۇلتۇزۇم قايان؟!





  

سۈبھى بىلەن كۈلدى شادلىقىم



قۇياش قىنىپ زىمىننى  سۆيسە ،

داغلانغاندەك تىترەيدۇ تىنىم.

ئاي مارىغان جىمجىت كېچىدە،

يۈزلىرىمنى يۇيار ياشلىرىم.



سىپاپ ئۆتسە يۈزۈمنى شامال،

قوزغىلىدۇ تاتلىق ھېسلىرىم.

بىلسەڭ يايرىم سەلكىن شامالدا،

باردۇر مېنىڭ ئوتلۇق تىنىقىم.



قارا باسقان ئۇزاق تۈنلەردە،

قورقۇنۇشلۇق چۈشلەر چۇشەپتىم.

كۆزۈم ئاچسام قوينۇڭدا ئۆزۈم،

سۈبھى بىلەن كۈلدى شادلىقىم.



("مايبۇلاق" ژورنىلىنىڭ تەۋسىيەسى بىلەن ئېۋەتىلىپ،1991-يىلى 3- قېتىملىق " خانتەڭرى ئەدەبىيات مۇكاپاتى " غا ئېرىشكەن )

يۈرىكىمنى تىترەتتى سۆيگۈ    ئالىيە مۇساياقۇپ سابا ماي كېچىسى باشلاندى ناخشا ئەشۇ كېچە تۇنجى ماي كېچە ، يۈزنى سۆيەر ئىدى شوخ سابا. سانسىزلىغان يۇلتۇز ئارا ئاي، باقار كۈلۈپ زىمىنغا قىيا. جۈپ يۈرەكلەر بىرلىشىپ شۇدەم، ماي كېچىسى باشلاندى ناخشا. ماي كېچىسى ،تۇنجى ماي كېچە، بىر جۈپ يۈرەك باشلىدى سەپەر چىن مۇھەببەت بولغاچقا ھەمرا، توسىيالماس يولىنى خەتەر. شىرىن تۈننى قىسقارتىپ خوراز، چىللار تاڭدىن بېرىپ خوش – خەۋەر.    كۆچتى مېنىڭ يۇلتۇزۇم قايان   قەترە – قەترە ياشلار ئېقىتىپ ، ئىسمىڭ ئاتاپ باقىمەن ھەر يان. سۈرىتىڭگە قانماي قارايمەن... چۈشلىرىمدە بولسۇن دەپ ئايان. كۆزۈم خۇنۇك پەردە تارتقاندەك، يۈرەكلىرىم بولدى لەختە قان. بىلەلمىدىم نە ھال بولدىكىن.... كۆچتى مېنىڭ يۇلتۇزۇم قايان؟!    سۈبھى بىلەن كۈلدى شادلىقىم قۇياش قىنىپ زىمىننى  سۆيسە ، داغلانغاندەك تىترەيدۇ تىنىم. ئاي مارىغان جىمجىت كېچىدە، يۈزلىرىمنى يۇيار ياشلىرىم. سىپاپ ئۆتسە يۈزۈمنى شامال، قوزغىلىدۇ تاتلىق ھېسلىرىم. بىلسەڭ يايرىم سەلكىن شامالدا، باردۇر مېنىڭ ئوتلۇق تىنىقىم. قارا باسقان ئۇزاق تۈنلەردە، قورقۇنۇشلۇق چۈشلەر چۇشەپتىم. كۆزۈم ئاچسام قوينۇڭدا ئۆزۈم، سۈبھى بىلەن كۈلدى شادلىقىم. ("مايبۇلاق" ژورنىلىنىڭ تەۋسىيەسى بىلەن ئېۋەتىلىپ،1991-يىلى 3- قېتىملىق " خانتەڭرى ئەدەبىيات مۇكاپاتى " غا ئېرىشكەن )

ئۇستازىمىز تىرناقنى قانداق ئېچىپ - ياپتىكىن ...

تىرناقنى قېلىنلىتىپ قويدۇم.

گۈپپىدە ئوڭشىۋېلىپ مېنى يالغانچى قىلىپ قويۇپسىز مانا ...