ئەرچىن：ئاي قوشىقى [ئۇلانما كۆچۈرۈش]

ئاپتوردىن ئىلاۋە: «ئاي قوشىقى» ناملىق بىر يۈرۈش شېئىرلار 2008-يىل  17- نۆۋەتلىك «خانتەڭرى ئەدەبىيات مۇكاپاتى» گە ئېرىشكەن بولۇپ، شۇ شېئىرلارنىڭ ئىچىدىكى شۇ ناملىق بىر پارچە شېئىر بۇ سەھىپىگە يوللاندى.

ئاي قوشىقى

قەھرىمان روزى ئەرچىن



كۆزۈڭ نۇرى يېتەلمىگەن پايانغا

يۈرەك تەھقىق يېتىپ بارىدۇ.

ئايدىڭ كېچە

ئىلكىڭدىكى خىيالىڭنىڭ ھەممىسى

ئېپ كەلسىمۇ قۇشلارنى،

ئۇچۇپ كەتسە قايتىپ كەلمەس ئەبەتكە.

ئاي يورۇقى سۈپسۈزۈك،

بىر تامچە ياش تۈن قوينىغا سىغدالغان،

سېغىنىشلار قەدەھلەرگە لىق تولغان.

نۇرغۇن ئىشلار ھەممىسى

ئۆتۈپ كەتتى كونىراپ.

ئايدىڭ كېچە پەقەتلا

ئاداققىچە رەڭگى ئۆڭمەس ھېسسىيات.

تار بوپ سۇلار زاھىرەن،

تار چېكىدۇ سېغىنىشنىڭ كۈيىگە.

كىممۇ جاۋاب قايتۇرار

چۆكۈپ ئايدىڭ كېچىگە.

ـــــــــــــــــــــــــــــــــــــــــ

مەنبە:«ئاقسۇ ئەدەبىياتى»ژۇرنىلى 2008- يىل 2- سان

  شېئىردىكى ھەربىر مىسرا ماڭا تولىمۇ ياقتى.