كۆرۈش: 201|ئىنكاس: 2

ئابابەكرى توختى：باھارنى سېغىنغان بالا [ئۇلانما كۆچۈرۈش]

eybuyaqup

باش مۇھەررىر

Rank: 20

ئەزا ئۇچۇرى

تىزىم نۇمۇرى: 11

يازما سانى: 657

نادىر تېمىسى: 3

تېللا: 2330

تۆھپە : 233

توردا: 1390 سائەت

ھالىتى:

ئاخىرقى: 2013-9-7

يوللىغان ۋاقتى 2012-4-25 01:03:15 |ھەممە قەۋەتنى كۆرۈش


	باھارنى سېغىنغان بالا ئابابەكرى توختى (داستان) مەنبە: <<قەشقەر>>ژورنىلى 2003-يىللىق 3-سانى 12-نۆۋەتلىك خانتەڭرى ئەدەبىيات مۇكاپاتىغا ئىرىشكەن ئەسەر. قار ياغماقتا لەپىلدەپ، مەھەللىگە، دالىغا. ئوخشاپ قالدى تەبىئەت، ئاپئاق رومال ئارتقان، ئاپئاق كۆڭلەك كىيگەن ھەم، ئاپئاق چاچلىق ئانىغا. كۆك ئاسماننىڭ بېتىدە، مۇزلىماقتا يۇلتۇزلار. مۇزلاپ قالغان گوگۇممۇ، توكۇلدىتىپ ھاسىنى، كىرىپ كەلدى ئۆيلەرگە، ئەسسالام، دەپ ئاستىلا. خىرە يانغان جىنچىراق، تۇرار نۇرغا تولدۇرۇپ، كىچىككىنە ھوجرىنى. ئۇندا ياتار بىر بالا، يادلىغانچە توختىماي، بوۋىسىنىڭ ئىسمىنى! قىش كېچىسى بەك ئۇزۇن، چەك-چېكى يوق خىيالدەك. شۇ كېچىدە بوۋىسى، چۆچەك ئېيتسا پەپىلەپ، ھاياجاندىن يوتقاندا پىلتىڭلايتتى شۇ گۆدەك! بوۋىسىنىڭ چۆچىكى، ئىسسىتاتتى بۇ ئۆينى، ئىسسىتاتتى يۈرەكنى. ئۇزۇن بولدى بۇ بالا، ئاڭلىمىدى شاد بولۇپ، شۇنداق ئىللىق چۆچەكنى. مانا سائەت ئون بولدى، قايتمىدى تېخىچە، رېستۇراندىن دادىسى. قايتمىدى تېخىچە، تويغا كەتكەن ئانىسى. زېرىكتى ئۇ بولمىغاچ، مۇڭداشقۇدەك ئاكىسى، ياكى بىرەر ئۇكىسى. ‹‹بوۋا!››دېدى ئاۋازى، تىترەپ كەتتى ئۆزگىچە. ‹‹بوۋا!››دېدى تىترىدى، كىچىككىنىە ۋۇجۇدى، ئاپئاق تاملار، يوتقانلار، دېرىزىلەر، ئىشىكلەر، ھەتتا تالا-تۈزگىچە. غۇيۇلدايتتى شىۋىرغان، ھۆركىرەيتتى ئورمانلار. ئەدىمەكتە تېخىمۇ، لەپىلدىگەن ئاپئاق قار. چەك-چېكى يوق سېغىنىش، ئەللەيلەتتى بالىنى. ياشقا تولغان قوي كۆزى، يومۇلغاندا بىردىنلا، كەپسىز چۈشنىڭ بارمىقى، تۇتتى ئۇنىڭ قولىنى. قار قاپلىغان ئۇزاق يول، قار قاپلىغان ھەتتاكى، ھالرەڭ يىراق ئۇپۇقنى. كۆرىنىدۇ كائىنات، يېپىنچاقلاپ ئالغاندەك، گويا ئاپئاق يوپۇقنى. كېلەر ئۇندا قىش بوۋاي، گاھ يىقىلىپ، مۆدۈرۈپ. يەكتىكىنى قار باسقان، تۇمىقىنى قار باسقان، ساقىلىنى قار باسقان، چاچلىرىنى قار باسقان، قار ئىچىدە گوياكى، بىر توپ قاردەك كۆرۈنۈپ. قۇچىقىغا ئۇنىڭكى، لىپلىق باھار سولانغان. بۇ باھارنىڭ تەپتىدىن، ئاجىزلىغان ۋۇجۇدى، شوراپ ئالار قۇۋۋەت-جان. خىيالىنى كېزىدۇ، باھاردىكى ھاياجان! باھار دېدى قىش بوۋاي، گۈل-چېچەكلەر ئېچىلدى، دالىلاردا ھۈپپىدە. باھار دېدى قىش بوۋاي، خۇشبۇي ھىدى گۈللەرنىڭ، ئۇرۇلدى ھەم گۈپپىدە. ئۆستەڭلەردە سۈزۈك سۇ، شىلدىر-شىلدىر ئېقىشتى. ئويۇنىدىن زېرىككەن، ئوماق-ئوماق بالىلار، قانماقچىدەك باھارغا، قىپيالىڭاچ بولۇشۇپ، قى-چۇ سېلىپ ئۆزىنى، سۈزۈك سۇغا ئېتىشتى. تالچىۋىقنى مىنىپ ھەم، ھوررا توۋلاپ توختىماي، كۆز يەتكۈسىز دالىدا، خۇشال-خورام چېپىشتى. لەگلەكلەرگە ئەگىشىپ، شادلىقىدىن شۇ تاپتا، كۆككە چىقىپ كېتىشتى. بوۋاي كېلەر ھاسىراپ، قار ئىچىدە يەنىلا. كۆز ئالدىدا تۇيۇقسىز، پەيدا بولدى بەك تونۇش، نەۋرىسىدەك بىر بالا. دەيتتى بالا شىۋىرلاپ: مەن باھارنى سېغىندىم. قوينۇڭدىكى باھارنى، بەرگىن ماڭا ئەي بوۋا، ئەللەيلىنەي باھارنىڭ، قۇچىقىدا يېتىپ جىم. دەيتتى بالا شىۋىرلاپ: مەن باھارنى سېغىندىم! بالىلىقىم بەك كەپسىز، بىراق شۇنچە غەمكىن ئۇ، قۇچىقىدا باھارنىڭ، ئويناي قېنىپ بىر قېتىم... كەل تايچىقىم دېگەنچە، بوۋاي ئۇنىڭ مۇزلىغان، قوللىرىنى چىڭ تۇتتى. گۈپۈلدىدى نەۋ باھار، گۈپۈلدىدى مۇھەببەت، ئىھ، ئاشۇچاغ بالىجان سوغۇق قىشنى ئۇنۇتتى. نەۋباھارنىڭ ھىدىنى، قېنىپ-قېنىپ پۇرىدى. بوۋاي ئۇنىڭ كۆزىگە، قاراپ مىسكىن، خىيالچان، ئاستا كۈلۈمسىرىدى: -ئاڭلا قوزام، دۇنيادا باردۇر يەنە بىر باھار. ئۇخلاپ قالغان ئۇ بۈگۈن، ئاتا - ئاناڭ قەلبىدە، سەن بولساڭمۇ ئىنتىزار. بەرسەممۇ بۇباھارنى، بېرەلمەيمەن ۋەلىكىن، ئاتا-ئاناڭ قەلبىدە، ئۇخلاپ قالغان باھارنى. ئويغانمىسا شۇ باھار، خۇش قىلالماس بۇ باھار، ئېرىتكەنچە قەلبىڭنى، بېسىۋالغان سوغ قارنى. ئەنسىرىمە تايچىقىم، مەنسۇپ ساڭا ھەرقاچان، ھەر ئىككىلا نەۋ باھار. سوغۇق قىشنىڭ كەينىدىن، قەلبىڭ بولۇر لالىزار! گۈركىرىدى شىۋىرغان، چىلبۆرىدەك، ئېيىقتەك. بالا چۆچۈپ ئويغاندى، سەزدى شۇدەم ئۆزىنى، گويا چەكسىز دېڭىزدا، دولقۇنلاردا ئىغاڭلاپ، لەيلەپ يۈرگەن قېيىقتەك! باھار دېدى كۆز يېشى، يۇدى سارغۇچ مەڭزىنى. بوۋىسىنىڭ سىماسى، ھاياجاندىن تىترەتتى، ساددا، مەسۇم قەلبىنى. باھار دېدى ئۇنتۇدى، سوغۇق ئۆيدە-ھوجرىدا، شۇدەم ھەممە- ھەممىنى...

جابدۇق ئىشلىتىش پاش قىلىش

يۇلغۇن

تىرىشچان ئەزا

Rank: 10

ئەزا ئۇچۇرى

تىزىم نۇمۇرى: 301

يازما سانى: 450

نادىر تېمىسى: 0

تېللا: 1312

تۆھپە : 0

توردا: 622 سائەت

ھالىتى:

ئاخىرقى: 2013-9-7

يوللىغان ۋاقتى 2012-4-25 08:55:02 |ھەممە قەۋەتنى كۆرۈش


	ئابابەكىرىنىڭ تىنىگە سالامەتلىك ، ئىجادىيىتىگە مۇۋەپپىقىيەت، ياخشى نىيەت بىلەن باشلىغان بارلىق ئىشلىرىغا ئۇتۇق تىلەيمەن.

جابدۇق ئىشلىتىش پاش قىلىش

ي.ت.توغراق

تۆھپىكار ئەزا

Rank: 15

ئەزا ئۇچۇرى

تىزىم نۇمۇرى: 416

يازما سانى: 1913

نادىر تېمىسى: 0

تېللا: 5679

تۆھپە : 8

توردا: 407 سائەت

ھالىتى:

ئاخىرقى: 2013-9-7

يوللىغان ۋاقتى 2013-5-19 01:30:36 |ھەممە قەۋەتنى كۆرۈش


	ئا. توختىنىڭ باللىلار ئەدەبىيات ئەسەلىرى تىلىنىڭ يېقىملىقى ۋە يەڭگىلىكى بىلەن بالىلارغا بەك ماس كېلىدۇ.

جابدۇق ئىشلىتىش پاش قىلىش

تىزىملىككە قايتىش

ئابابەكرى توختى：باھارنى سېغىنغان بالا [ئۇلانما كۆچۈرۈش]

كۆرگەن سەھىپە

تۆھپىكار ئەزا

مۇنەۋۋەر مۇھەررىر

مۆتىۋەر

قىزغىن ئەزا

جانلىق ئەزا