تەسادىپىي قالساق ئەگەر ئۇچرىشىپ [ئۇلانما كۆچۈرۈش]

تەسادىپىي قالساق ئەگەر ئۇچرىشىپ

سائادەت ساتتار ئايتۇغ

     تەسادىپىي قالساق ئەگەر ئۇچرىشىپ،

    تۇنۇشماستىن بەلكىم ئۆتۈپ كېتەرمىز.

توساتتىنلا ئەنسىز سوقسا يۈرەكلەر،

قايرىلىشىپ بىردەم تۇرۇپ كېتەرمىز.

     تەسادىپىي قالساق ئەگەر ئۇچرىشىپ،

بەلكىم تونۇش بىلىنگۈسى چېھرىمىز.

قولاشمايدۇ بەلكىم تۇنجى سالاملار،

تەڭقىسلىقتە تەمتىرىگەچ ئىككىمىز.

        تەسادىپىي قالساق ئەگەر ئۇچرىشىپ،

ياتسىراشلار بولۇر بەلكىم دەقىقە.

دەماللىققا بىلمەي نېمە دېيىشنى،

سۆز باشلارمىز  ھاۋارايى ھەققىدە.

تەسادىپىي قالساق ئەگەر ئۇچرىشىپ،

تەبەسسۇمدا تاتلىق كۈلۈپ كېتەرمىز.

مەجنۇنتالنىڭ سايىسىدا ئولتۇرۇپ،

دەردىمىزنى قويماي تۆكۈپ كېتەرمىز.

تەسادىپىي قالساق ئەگەر ئۇچرىشىپ،

يېتىرقارمۇ ئەسلى تۇنۇش جۈپ كۆزلەر.

تەسادىپىي قالساق ئەگەر ئۇچرىشىپ،

قاملاشمايمۇ قالار بەلكىم گەپ-سۆزلەر.

    تەسادىپىي قالساق ئەگەر ئۇچرىشىپ،

ئۇزۇن يىللىق سىرلار كېتەر يېشىلىپ.

    شۇنچە يىللار تارتقان ئازاب-دەردىمنى،

بوشۇتارمەن يىغلاپ ساڭا ئېسىلىپ.

بەلكىم شۇ چاغ قالار دىللار ئېچىلىپ،

    جۈپ كۆزلەردىن زەر ئۈنچىلەر چېچىلىپ.

2012-يىل 24-ئاپرېل

بۇ يازمىنى ئاخىرىدا   ARKZAT تەھرىرلىگەن. ۋاقتى  2012-4-24 20:53  

كەتمەك بوپسەن بۈگۈن يېنىمدىن ،
ماڭا پەقەت ھىجران قالدۇرۇپ .
سۈرتىۋېتىپ ئاچچىق يېشىمنى ،
سىنى مەغرۇر قويدۇم ئۇزۇتۇپ  .


نىمە ئامال ئايرىلماي مەندە ،
تاغدىن ئېغىر بولسىمۇ ئۇنتۇش .
سىقىپ تۇرۇپ نازۇك قولۇڭنى ،
دىدىم ساڭا :  گۈلۈم خەير- خوش  .


رەنجىمەيمەن ھەرگىز سىنىڭدىن  ،
دىگۈم كەلمەس سىنى باغرى تاش .
ئۇچرىشىپمۇ قالارمىز بىر كۈن  ،
چاناقلاردا ئاھ ... لىققىدە ياش !!!

مەنمۇ ناخشا قىستۇرۇپتىمەن دىسە
بۇ يازمىنى ئاخىرىدا   katran تەھرىرلىگەن. ۋاقتى  2012-4-24 21:07  

خۇددى ماي ئېيىدىكى ئەسلىمىلەرگە ئاتاپ يېزىلغاندەك يېقىملىق شېئىر ئوقۇدۇم بۈگۈن.

چاناقلاردا ئاھ لىققىدە ياش،
بىز ئايرىلغان ئاشۇ دەقىقە.
نىمە دەيمەن مەنمۇ ئامالسىز،
ئايرىلىشنىڭ ئاشۇ پەيتىدە.

بۇ يازمىنى ئاخىرىدا   نۇربىيە تۆمۈر تەھرىرلىگەن. ۋاقتى  2012-4-24 21:22  

شېئىرلىڭىز بەك ياخشى چىقىپتۇ، مەن سىزنىڭ شېئىرلىرىڭىزنى بەك ياقتۇرۇپ ئوقۇيمەن .

چاناقلاردا ئاھ ... لىققىدە ياش !!!
ئۇچرىتىشنى خالىماس يۈرەك.
‹‹خوش›› دېگۈم يوق بولسىمۇ لېكىن،
ئامالىم يوق كىتىشتىن بۆلەك.

سۈرتىۋەتكىن ئاچچىق يېشىڭنى،
ماڭا نەپرەت كۆزىدە باقما.
مەن سۆيىمەن مەغرۇرلىقىڭنى،
ئاجىزلىقنىڭ سۈيىدە ئاقما.


تاساددىپىي قالساق يەنە ئۇچرىشىپ،
ھازىرقىدەك مەغرۇر بەخت تىلىگىن.
سېنى كۈتەر گۈزەل يېڭى ئەتىلەر،
‹‹خۇشاللىقىم كەتتى›› دەپ غەم يىمىگىن.

ئايرىلىشنىڭ ئاشۇ پەيتىدە.
‹‹بەختلىك بول››دېگىنىم بىلەن،
تىترەپ تۇرغان پۇتلىرىم جانسىز،
تاپىنىمغا سانجىلدى تىكەن.

چۈمۈلگەنتۇق بىر ئېقىن سۇغا،
قىرغاقلاردا قۇم سايلاڭ يېتىپ.
سېغىز لايدىن ئۆيلەرنى ياساپ،
ئوت-چۆپلەردىن تاماقلار ئىتىپ.

لەگلەكلەرنى ئۆزىمىز ياساپ،
ئۇچۇراتتۇق يۈگۈرۈپ تاقلاپ.
قوي باقىمىز دىسەك قىرلاردا،
چاقىراتتۇق دوستلارنى ساقلاپ.

باش باھاردا بېدىلەر تىرىپ،
قوغلىشاتتۇق ئاياقلار يىرتىپ.
باغ ئىشىكى تۇرسا ئېچىقلىق،
چىتلىقلاردىن كىرەتتۇق سىرغىپ.

غورىلارنى ئالاتتۇق تويماي،
شاخلىرىنى ئىگىپ سۇندۇرۇپ.
بالىلارچە قىلىقلىرىمىز،
ئۆزىمىزنى قالار تۇيدۇرۇپ.

ئەگەر بىر كۈن كۈرۈشۈپ قالساق،
بالىلىقىمىز بۇلۇدۇ ئايان.
قوللىرىمىزنى تۇتۇشۇپ تۇرۇپ،
شۇ چاغلارنى قىلارمىز بايان.

كاۋاپداندىن كۆتىرىلگەن ئىستەك،
تارقالدۇق بىز تىرىكلىك ئۈچۈن.
ۋاقىتىڭ بولسا كەلسەڭ مەلەمگە،
غورىلاردىن يىمەيمىز نىچۈن.  

تاپىنىمغا سانچىلدى تىكەن ،

جۇدالىقنىڭ جاڭگاللىرىدا .

ئۇچۇپ چۈشتۈم يوپۇرماق بولۇپ -

ئايرىلىشنىڭ ئورمانزارىغا ...

سىزگە يېقىملىق تۇيغۇ بېرەلىگەن مىسرالىرىم ئۈچۈن سۈيۈندۈم بەگيار. رەھمەت!

كەترەن، يۇلتۇز...تېمامغا قەدەم تەشرىپ قىلغىنىڭلارغا تەشەككۈر.

تەساددىپىي قالساق بىر كۈن ئۇچرىشىپ،
يىراقتىنلا تونۇش ھىدنى ھىدلىسام.
ئالغاچ كەلسەڭ توپىلاردىن بىر ئوچۇم،
مىھرىم بىلەن مەڭزىم يېقىپ، سىلىسام.

چاچلىرىڭدىن تاپسام ئاققان دەريانى،
چۆمۈلۈپ كېتەر ئىدىم ئۇنتۇپ ئۆزۈمنى.
تاساددىپىي ئۇچرۇشۇپ قالساق ئەگەر،
تاپالماي قالارمەن بەلكىم سۆزۈمنى؟!

ئايرىلىشنىڭ ئورمانزارىغا ...
چېچىۋەتتىم پىغانلىرىمنى.
تىنىق كۆلدەك مىسكىن دىلىمدا،
ساقلاپ قالاي پىنھانلىقىمنى.

تاپالماي قالارمەن بەلكىم سۆزۈمنى؟!
تاساددىپىي قالساق ئەگەر ئۇچرىشىپ.
قاراقلاردا ئۈنسىز ئېيتقان سۆزلەرنى،
يەتكۈزگۈسى ساڭا شامال ئۇچۇرتۇپ.