«مۇقام يۇرتى» تېمىسىدىكى ئېتوت ئەسەرلىرىنى مۇكاپاتلاش يىغىنى... [ئۇلانما كۆچۈرۈش]

<<شىنجاڭ سەنئىتى>> ژۇرنىلى بىلەن يەكەن ناھىيەسى بىرلىشىپ ئۆتكۈزگەن <<مۇقام يۇرتى>> نامىدىكى ئېتوت-كۈلدۈرگە ئەسەرلىرىنى مۇكاپاتلاش يىغىنى ئېچىلدى

<<شىنجاڭ سەنئىتى >>ژۇرنىلى بىلەن يەكەن ناھىيەسى بىرلىشىپ تەسىس قىلغان  <<مۇقام يۇرتى>>نامىدىكى ئېتوت-كۈلدۈرگە ئەسەرلىرىنى مۇكاپاتلاش يىغىنى 2013-يىلى 12-ئاينىڭ 9-كۈنى ئۈرمچى شەھىرى <<كان ئىشلىرى>> مېھمانسارىيىدا ئېچىلدى. يىغىنغا ئاپتونوم رايۇنلۇق ئەدەبىيات - سەنئەتچىلەر بىرلەشمىسى، يازغۇچىلار جەمئىيىتىنىڭ رەئىسى ئازات سۇلتان، مۇئاۋىن رەئىسى غەيرەت ئاسىم، يەكەن ناھىيەلىك پارتىكومنىڭ دائىمىي ھەيئىتى، تەشۋىقات كومىتىتىنىڭ باشلىقى ،  پاشاگۈل سەدىردىن،<<شىنجاڭ سەنئىتى>> ژۇرنىلىنىڭ مۇئاۋىن باش مۇھەررىرى،ئۆمەرجان ئىمىن،تەھرىراتىنىڭ مۇئاۋىن باشلىقى قاھار نىياز  قاتارلىقلار قاتناشتى.يىغىنغا مۇئاۋىن رەئىس غەيرەت ئاسىم يىغىنغا رىياسەتچىلىك قىلدى.
    يىغىندا   ئالدى بىلەن قاھار نىياز سۆز قىلىپ مۇكاپاتنىڭ تەشكىللىنىش ۋە ئۇيۇشتۇرۇلۇش ئەھۋالىنى تونۇشتۇرۇپ ئۆتتى، ئاندىن ئۆمەرجان ئىمىن بۇ قېتىم مۇكاپاتقا ئېرىشكەن ئەسەرلەرنى مۇكاپاتلاش قارارى ۋە مۇكاپاتقا ئېرىشكەن ئەسەرلەرنىڭ ئىسىملىكىنى ئېلان قىلدى. ئۇنىڭدىن كېيىن مۇكاپاتلاش پائالىيىتى ئېلىپ بېرىلدى. يىغىندا يەنە شىنجاڭ سەنئەت يۇرتىدىن قۇربانجان ھېيت،  يەكەن ناھىيەلىك پارتىكومنىڭ دائىمىي ھەيئىتى، تەشۋىقات كومىتىتىنىڭ باشلىقى ،  پاشاگۈل سەدىردىن سۆز قىلىپ بۇ قېتىمقى مۇكاپاتلاش پائالىيىتىنىڭ ئەسەر قوبۇل قىلىش، باھالاش ۋە ئۇنىڭ تىياتىرچىلىقىمىزنى تەرەققى قىلدۇرۇش قاتارلىق جەھەتلەردىكى ئەھمىيىتى ۋە رولىنى بايان قىلىپ ئۆتتى.

ئاخىردا رەئىس ئازات سۇلتان سۆز قىلىپ نۆۋەتتىكى تىياتىرچىلىق، ئېتوت ئىجادىيىتى ۋە بۇ جەھەتتىكى خىزمەتلەر ھەققىدە ئۆزىنىڭ قاراشلىرى ۋە كەڭ ئىجادىيەتچىلەردىن كۈتىدىغان تەلەپلىرىنى ئوتتۇرغا قويدى.