«شىنجاڭ يازغۇچىلار ئېلىكتىرونلۇق كىتاپ ئامبىرى»نى قۇرۇش ۋە ئەسەر قوبۇل قىلىش ھەققىدە ئۇقتۇرۇش
ھەرقايسى ۋىلايەت،ئوبلاست، شەھەرلىك يازغۇچىلار جەمئىيەتلىرى، ھەرقايسى كەسپ، كارخانا يازغۇچىلار جەمئىيەتلىرى، شىنجاڭ ئۇيغۇر ئاپتونوم رايونلوق يازغۇچىلار جەمئىيىتىنىڭ ئەزالىرىغا:
شىنجاڭ يازغۇچىلىرىنىڭ مۇنەۋەر ئىجادىيەت نەتىنجىلىرىنى تېخىمۇ ياخشى تەشۋىق قىلىش ۋە تارقىتىش، شىنجاڭ يازغۇچىلىرىنىڭ دۆلەت ئىچى ۋە سىرتىدىكى تەسىرى ۋە نوپۇزىنى كېڭەيتىش، شىنجاڭدىكى ھەر مىللەت خەلقىنىڭ مەدەنىيەت جەۋھەرلىرىنى يەنىمۇ ئىلگىرلىگەن ھالدا جارى قىلدۇرۇش ھەمدە ئىلغار مەدەنىيەتنى يېتەكچى قىلىشتا چىڭ تۇرۇپ، شىنجاڭنىڭ مەدەنىيەت ئىشلىرىنىڭ تەرەققىياتى ۋە گۈللىنىشىنى ئىلگىرى سۈرۈش ئۈچۈن، ھازىردىن باشلاپ شىنجاڭ ئۇيغۇر ئاپتونوم رايونلوق يازغۇچىلار جەمئىيىتىنىڭ باشچىلىقىدا، ئۈرۈمچى يىشىن يۈئېدۇ مەدەنىيەت، پەن – تېخنىكا چەكلىك شىركىتى «شىنجاڭ يازغۇچىلار ئېلىكتىرونلۇق كىتاپ ئامبىرى»نى ئىشلەشنى ئۈستىگە ئالدى.
«شىنجاڭ يازغۇچىلار ئېلىكتىرونلۇق كىتاپ ئامبىرى»، شىنجاڭدىكى ھەر مىللەت يازغۇچىلىرىنىڭ مۇنەۋەر ئەسەرلىرىنى ئاساس قىلىپ قۇرۇلىدىغان تۇنجى ئۇنۋېرسال خاراكتىرلىك ئېلىكتىرونلۇق كىتاپ ئامبىرى بولۇپلا قالماي، ئۇ يەنە خەنزۇچە، ئۇيغۇرچە، قازاقچە ئۈچ خىل تىل شەكلى بىلەن شىنجاڭ يازغۇچىلىرىنىڭ مۇنەۋەر ئەسەرلىرىنى ناماييەن قىلىدىغان كىتاپ ئامبىرى سۇپىسى بولۇپ، ئۇ يازغۇچىلار ئەسەرلىرى، يازغۇچىلارنىڭ قىسقىچە تەرجىمھالى، يازغۇچىلارنىڭ سىن ماتىريالى قاتارلىق ئۈچ تارماق ئامبارنى ئۆز ئىچىگە ئالىدۇ. «شىنجاڭ يازغۇچىلار ئېلىكتىرونلۇق كىتاپ ئامبىرى» يېزىق، ئۈن–سىن قاتارلىق كۆپ خىل شەكىلدىكى تەرتىپلەشتۈرۈلگەن كۆپ ۋاستىلىك بايلىق ئامبىرى بولۇپ، ئۇنىڭغا مىڭ خىل تۈردىكى خەنزۇچە، ئۇيغۇرچە، قازاقچە تىللاردىكى نادىر كىتاپلار تاللىنىپ،(رەسمىي نەشردىن چىققان نەشر بۇيۇملىرى بولۇشى كېرەك) رەقەملىك شەكىلدە رەتلىنىش ئېلىپ بېرىلىپ، ئۆلچەم، قېلىپ، پۈتۈنلۈك بويىچە مۇندەرىجە تۇرغۇزىلىپ، شىنجاڭ يازغۇچىلىرىنىڭ مۇنەۋەر ئەسەرلىرىنى ناماييەن قىلىدىغان كىتاپ ئامبىرى ئاساسى سۇپىسى قىلىپ قۇرۇلۇپ، شىنجاڭنىڭ ئەدەبىيات-سەنئەت ماتىرياللىرىنى ساقلايدىغان، ئىزدەيدىغان، كۆرىدىغان، ئۆئارا ئالماشتۇرۇلىدىغان ھەم تەڭ بەھىرلىنىدىغان قىلىپ مۇكەممەللەشتۈرىلىدۇ.
«شىنجاڭ يازغۇچىلار ئېلىكتىرونلۇق كىتاپ ئامبىرى» ئىككىدىن، ئۈچ يىلغىچە تىرىشچانلىق كۆرسىتىش ئارقىلىق ئۈزلۈكسىز تولۇقلىنىپ ۋە مۇكەممەللەشتۈرۈلۈپ، شىنجاڭنىڭ مەدەنىيەت ئىشلىرىنى ئىلگىرى سۈرىدىغان، ئىجدىمائى ئىناقلىق ئاساسىدا سىجىل تەرەققىياتقا تۈرتكە بولىدىغان ھەمدە ھۆكۈمەتنىڭ مەدەنىيەت سىياسەتلىرىنى تۈزۈش، مەدەنىيەت مۇلازىمەت خىزمەتلىرىنى قانات يايدۇرۇشى ئۈچۈن قوشۇمچە پايدىلىنىدىغان بايلىق ئامبىرى قىلىپ قۇرۇپ چىقىلىدۇ. ئۇ ئاپتونوم رايونىمىزدىكى مەدەنىيەت، تەشۋىقات تارماقلىرىنى مەدەنىيەت بايلىقلىرىنى ئىزدەش سۇپىسى بىلەن تەمىنلەيدۇ، شۇنىڭ بىلەن بىر ۋاقىتتا يەنە، دۆلەت ۋە ئاپتونوم رايونىمىزنىڭ تۈرلۈك ئاۋامغا مەدەنىيەت جەھەتتىن نەپ يەتكۈزۈش قۇرۇلۇشى ئۈچۈن تاللاش ئامبىرىمۇ بولۇپ ھېساپلىنىدۇ.بۇ ئامبار قۇرۇلۇپ، مۇكەممەللەشكەندىن كېيىن، ئاپتونوم رايونىمىزدىكى ھەر مىللەت يازغۇچىلىرىنىڭ مۇنەۋەر ئەسەرلىرىنىڭ تارقىلىش يوللىرى تېخىمۇ كۆپىيىدۇ.يازغۇچىلارنىڭ ئەسەرلىرى يېڭى تاراتقۇلار ئارقىلىق، ئېلىكتىرونلۇق كىتاپ شەكلىدە كۇتۇپخانا، كەسپى، كارخانا ئورۇنلار، خەلق تۇرمۇشى قۇرۇلۇشى ۋە تور سۇپىسى قاتارلىقلارغا تىجارەت شەكلىدە يۈزلىنىدۇ.
11-ئاينىڭ باشلىرىدا، مۇناسىۋەتلىك ئۇقتۇرۇش گىراپا ۋە توختاملار پوچتا ئارقىلىق سىلەرگە يوللاپ بېرىلدى. ئاپتونوم رايونىمىزدىكى ھەر مىللەت يازغۇچىلىرىنىڭ بىزنى تۆۋەندىكىدەك ماتىرياللار بىلەن تەمىنلىشىنى سەمىمىلىك بىلەن ئۈمىد قىلىمىز:
1.يازغۇچىلارنىڭ نەشرياتلاردىن رەسمى نەشر قىلىنغان كىتاپلىرىدىن بىر نۇسخىدىن ئەۋەتىپ بېرىشنى سورايمىز. (ئېلىكتىرون نۇسخىسى بولسىمۇ بولىدۇ)
2.يازغۇچى ۋە تەرجىمانلارنىڭ شەخسى ئۇچۇرلىرى بىلەن سىن ماتىرياللىرىنى يوللاپ بېرىشىنى ئۈمىد قىلىمىز. (ئەگەر سىزدە سىن ماتىريالى بولمىسا، ئۇنى بىز ھەقسىز سۈرەتكە ئېلىپ بەرسەك بولىدۇ)
3.بىزنى ئەسىرىڭىزنىڭ رەقەملىك نەشرىگە، نەشر ھوقۇقى بېرىش ھاۋالىنامىسى بىلەن تەمىنلىشىڭىزنى تەلەپ قىلىمىز.(كىملىكىڭىزنىڭ كۆپەيتىلگەن نۇسخىسى قوشۇپ ئەۋەتىلىدۇ)
4.كىتاپ ۋە ئەسەرلەرنىڭ ئېلىكتىرونلۇق نۇسخىسىنى يوللاش ئېلخەت ئادىرىسىمىز:xjwh2012@sina.com
يازغۇچى ۋە تەرجىمانلارنىڭ شەخسى ئۇچۇرلىرى ۋە رەقەملىك نەشرگە، نەشر ھوقۇقى بېرىش ھاۋالىنامىسى،كىملىكنىڭ كۆپەيتىلگەن نۇسخىسى پوچتىدىن ئەۋەتىلىدۇ، كونۋېرتنىڭ ئۈستىگە «ئېلىكتىرونلۇق كىتاپ ئامبىرىغا» دەپ ئىزاھلاپ قويۇشنى ئۇنتىماڭ!
ئادرىسىمىز: ئۈرۈمچى شەھىرى سايباغ رايۇنى شىخوڭ غەربىي يولى 40-نومۇر ئەدەبىيات-سەنئەت ئالماشتۇرۇش مەركىزى2-قەۋەت ئەقىدە ئەركىنگە تېگىدۇ.
پوچتا نومۇرى:830000، تېلىفۇن نومۇرى:0991-4547687، فاكس نومۇرى:0991-4542648
ھەرقايسى تىللاردىكى ئالاقىلاشقۇچىلار:
خەنزۇ تىلىدىكى ئەسەرلەرنىڭ ئالاقىلاشقۇچىسى: بى تىڭتىڭ ، تېلفۇن:18616789979 0991-4547687
ئۇيغۇر تىلىدىكى ئەسەرلەرنىڭ ئالاقىلاشقۇچىسى: ئەقىدە ئەركىن، تېلفۇن:13659928464 0991-4547687
قازاق تىلىدىكى ئەسەرلەرنىڭ ئالاقىلاشقۇچىسى: ئېلناز، تېلفۇن:15099529233 0991-4542648
شىنجاڭ يازغۇچىلار جەمئىيىتى
ئۈرۈمچى يىشىن يۈئېدۇ مەدەنىيەت، پەن – تېخنىكا چەكلىك شىركىتى
2013-يىلى 11-ئاي